Friday, January 7, 2011

ማህበረ ቅዱሳንና የኢትዮጵያ ኦርቶዶክስ ተዋሕዶ ቤተ ክርስቲያን መሻሻል አለባት የሚሉ ተሐድሶዎች-ክፍል ሦስት


በክፍል ሦስት የምናያቸው ደግሞ መሃል ሰፋሪ አገልጋዮችን ነው። እነዚህ መሃል ሰፋሪ አገልጋዮች በኢትዮጵያ ኦርቶዶክስ ቤተ ክርስቲያን ትልቅ እውቅና ያላቸው መድረኩን ተቆጣጥረው የሚኖሩ፤ ዋና ዋና የገንዘብ ቦታዎች ላይ የተቀመጡ ጸሐፊዎች ሒሳብ ሹም ገንዘብ ያዥ፤ አስተዳዳሪዎች ናቸው። ማህበረ ቅዱሳንንም ሆነ ተሃድሶዎችን ይቃወማሉ  የሚቃወሙትም ከጥቅማቸው የተነሣ እንጂ ለቤተ ክርስቲያን ስለተቆረቆሩ አይደለም።
እነዚህ ክፍሎች ምንም ዓይነት እራይ የላቸውም ማህበረ ቅዱሳን ወይም ተሃድሶ አይደሉም። ነገር ግን ጥቅም ካገኙ የማንኛውም ጥገኛ ሊሆኑ ይችላሉ የሚያስቡት ለሆዳቸው ብቻ ነው አንዳንዶች የፖለቲካ [የኢሀዴግ] ጥገኞች ናቸው በዚም ጥገኛ የሆኑት የኢሃዴግ አላማ ገበቷቸው ሳይሆን ጥቅም ስለአገኙ ብቻ ነው። እነዚህ ቤተ ክርስቲያን ውስጥ የሚገኘውን ጥቅም አግበስብሰው ዘወር ለማለት የሚሠሩ ደሞዝተኛ ናቸው። በቤተ ክርስቲያን የሚደረገውን ማንኛውንም መንፈሳዊ ነገር አያምኑበትም እራሳቸውን እንደ ሠራተኛ ስለሚመለከቱት መንፈሳዊ ነገር ጉዳይ አይሰጣቸውም።
በዝማሬ እና በስብከት ካሴት የሚታወቁ አንዳድ ሰዎችም ከዚህ ጎራ የሚመደቡ ናቸው። ስብከታቸውም ሆነ ዝማሬያቸው የሰውን ስሜት በመኮርኮር ብዙ ገንዘብ ለማግኘት የታሰበ እንጂ በሊቃውንት የተመረመረ እግዚአብሔርን ለማክበር የታሰበ አይደለም። እነዚህ ሰዎች ሕዝብ በብዛት ለሚወደው ጻድቅ፤ ቦታም ሆነ ታሪክ ይዘምራሉ ይህ ገንዘብ የሚያገኙበት ዘዴ ነው። እነዚህ ወገኖች ምንም ዓይነት እራዕይም ሆነ አላማ ፈጽሞ የላቸውም የሕዝቡን ልብ እና አእምሮ ቆልፈው የያዙት ግን እነዚህ ወገኖች ናቸው። በስብከታቸው ነቀፋ እና ስድብን ስለሚያበዙ፤ በተዘዋዋሪ ሕዝብ መናገር የሚፈራውን የልቡን ብሶት በአደባባይ ያለምንም ሐፍረት ስለሚናገሩ በቀላሉ እውቅና ያገኙ ናቸው አስተዋይ ሲመዝናቸው ግን እውቀትም ሆነ መንፈሳዊ ሕይወት የላቸውም እግዚአብሔርንም አይፈሩም። በነዚህም ላይ ጽሑፎችን እናቀርባለን! የኢትዮጵያ ሕዝብ ከነዚህ ውዥንብር ፈጣሪዎች ዘወር ብሎ፡ ማህበረ ቅዱሳንን እና ቤተ ክርስቲያን ተሃድሶ ያስፈልጋታል የሚሉ ሰዎችን ማዳመጥ አለበት እነዚህ ወገኖች ባለራእይ ናቸውና። እነዚህ ሁለቱ ባለራእይ ወገኖች ኦርቶዶክሳዊት ቤተ ክርስቲያናቸውን ይወዳሉ እጅጉንም ይቆረቆራሉ ነገር ግን ለቤተ ክርስቲያን ያላቸው ራእይ ግን ይለያያል። ይህች ጡመራ የሁለቱንም ራእይ በግልጽ በማቅረብ ህዝባችን በተባራሪ ወሬ ከሰማው ጋር እንዲያወዳርና የራሱን ግንዛቤ እንዲወስድ እንጋብዛለን። እርስ በእርስ ከመነካከስ ይልቅ በግልጽ መወያየቱ ለቤተክርስቲያናችን የተሻለ ፋይዳ እንዳለው የአባ ሰላማ ጡመራ ታምናለች።    
መልካም የውይይት ጊዜ ይሁንልን!

1 comment:

  1. I think this is the solution to our beloved church.All of them weather Mahbere Kidusan as well as the gangster are doing that and this in the church for the sake of their own interest,that is money.They are money hunters.God will reveal the truth.

    ReplyDelete