Tuesday, March 8, 2011

ኦርቶዶክስ ቤተ ክርስቲያንን ማስቀደም አስፈላጊ መስሎ አይታያችሁምን?

ከግብጽ የወይን ግንድ አመጣህ፤ አሕዛብን አባረርህ እርስዋንም ተከልህ። በፊትዋም ስፍራን አዘጋጀህ፥ ሥሮችዋንም ተከልህ ምድርንም ሞላች። ጥላዋ ተራሮችን ከደነ፥ ጫፎችዋም እንደ እግዚአብሔር ዝግባ ሆኑ። ቅርንጫፎችዋንም እስከ ባሕር፥ ቡቃያዋንም እስከ ወንዙ ዘረጋች። አጥርዋን ለምን አፈረስህ? መንገድ አላፊም ሁሉ ይቀጥፋታል መዝ 80፥8-12
ኢትዮጵያ የብዙ ብሔር ብሔረ ሰቦች ሐገር ናት ይህ አባባል የብዙ ሰዎችን ልብ ያደከመ ይመስላል ሆኖም እውነቱ ግልጽ ነው በሃይማኖትም ደረጃ ቢሆን ብዙ የተለያዩ ሃይማኖቶች አሉ ሁሉም ሃይማኖት ለራሱ እንደክብሩ ነውና። በዚህ ጽሑፍ ግን ሃይማኖት ማለት “እምነት” ማለት እንዳልሆነ ይታወቅልኝ።

በሀገራችን ክርስትና ተጀመረ ከተባለበት ጊዜ ጀምሮ ለክርስትና መስፋፋት ትልቅ አስተዋጽዖ ያደረገችው ጥንታዊትና ወንጌላዊት ኦርቶዶክስ ቤተ ክርስቲያን በየዝመናቱ ያለፈችበት ታሪክ ቀላል አይደለም። ይህ የወንጌል ዘር በአፍሪካ በወንጌላዊዊ ፊልጶስ ከዚያም በአባ ሰላማ ወደ ዚህች አገር ከገባ ቆይቷል። ከዚያው ጊዜ ጀምሮ የገጠማት ፈተና ከባድ ነበር። ለምድሪቱ ዘር የተሸከመችው ይህችው ቤተ ክርስቲያን በትክክል የተዘራው ዘር በትክክል እንዳይበቅል ጠላት በሚገባ ተፈታትኖታል ብንል ታሪክ በምሥክርነት ይቆምልናል።
ዓላማዋን እንዳታሳካ መሣሪያውን እየቀያየረ ደብድቧታል። ክርስትና ከመካከለኛው ምሥራቅ ቀጥሎ የገባው ወደ ኢትዮጵያ ነው፤ ለመቶ አመታት ከአረማዊና ኦሪታዊ አምልኮ ጋር ሲታገል የነበረው ክርስትና ከመቶ አመታት በኋላ ግን እራሱን በጥረት ማቆም አቅቶት ከባህልና ከልማድ ጋር እንዲሁም ከሐሰት ትምሕርቶች ጋር እየተቀላቀለ ነገሮችን ከመጽሐፍ ቅዱስ ትርጉም ጋር ማገናዘብ አቅቶት እየተጨነቀ መጓዝ ከጀመረ ሰንብቷል።
ዛሬ አንዳድ የሃይማኖት ድርጅቶች ኦርቶዶክስ ማን ናት? ማለት ከጀመሩ ቆይተዋል። ውለታን ቆጥሮ ማመስገን እና መብትን መጠየቅ ሌላ ነገር ሆኖ ሳለ ማን ነው? ማን ናት? እንዲያውም ነጻነቴን ነፍጋኛለች፤ ማለትና ማወጅ “ባጎረስኩኝ ተነከስኩኝ” የሚለውን የአበው ብሂል እንድናስታውስ ያደርገናል።
ወጣም ወረደ ሕዝባችን ሃይማኖቱ ተጽእኖ እንዳደረገበት ካለው የስነ ምግባር አራያነትና ካለው ፈሪሃ እግዚአብሔር መረዳት ይችላል። ሆድ ብሶት ገፍቶ ካልወጣ በስተቀር እግዚአብሔርን በመለመን የሚያምን፤ የርስበርስ እልቂትን የሚጠላ፤ በተለያየ የታሪክ አጋጣሚ ተጋብቶና ተዛምዶ በሰላም የሚኖር መሆኑ ያስደንቃል። የውጭ አገር ዜጎች ወርቅ ፒያሳ ላይ በየመስኮቱ ተንጠልጥሎ ሲሸጥ ሲያዩ “እዚህ አገር ሌባ የለም ወይ” ሲሉ ይጠይቃሉ። ምክንያቱን ብናጠናው ግን የኦርቶዶክስ ቤተ ክርስቲያን ፈሪሃ እግዚአብሔርን በማስተማሯ ነው። ሕዝቡም ሃይማኖታዊ ስራት ማለት የማዘዝ እና የመታዘዝ ሥራት እንዲኖረው አድርጋለች። በነበሩት ውስብስብ ሁኔታዎች ቤ/ክ/ ለተለያዩ ነገሥታት መጠቀሚያ የሆነችው የሕዝቡ የመገዛት ጠባይ መሠረት ተደርጎ ነው። እንግዲህ ይህ ሁሉ  ያሳደረባትን ተጽእኖ ከግምት ውስጥ ሳያስገቡ ቤተ ክርስቲያኒቱን መውቀሱ አመጽ ነው እንላለን።
በ18ኛው መቶ ክፍለ ዘመን ሚሲዮናውያን የኦርቶዶክስን ቤተ ክርስቲያን ተተግነው ከገቡ በኋላ ምእመኖቹ እነሱ የሚሉትን እንዲሉ በማድረግና ካሉበት ቦታ በማስኮብለል የጀመሩት ሥራ ቤተ ክርስቲያንን አስከፍቷል። ጠባሳውም እስከ ዛሬ በመኖሩ በሀገሪቱ ያለው መንፈሳዊ እንቅስቃሴ የሚፈለገውን ያህል እያደረገ እንዳልተራመደ ብዙ ምሁራን ይናገራሉ። የሥነ መለኮት ተማሪዎችም አፍሪካን በሚመለከት በሃይማኖት ስም የተደረገውን ቅርመታ በስፋት ዘግበውታል።
አባቶቻችን መሬታችንን አናስነካም እያሉና በሃይማኖት አንድ በማድረግ አንድነታችንን እና ሀገራችንን በሚችሉት ሁሉ በማስተባበር ያደረጉትን ተጋድሎ መርሳት ከኛ ከልጆቻቸው አይጠበቅም።
ከዚህም ሁሉ ጋር ቤተ ክርስቲያን አንድነታችንን እና የሀገራችንን ዳር ድንበር ከማስጠበቅ ጎን ለጎን የእግዚአብሔርን አንድነትና ሦስትነት፤ የክርስቶስን በሥጋ መወለድ የአምስቱን ምሥጢራት ትምህርት ከሕጻንነታችን ጀምረን እንድናውቀው በማድረግ ዛሬ ለደረስንበት ሁኔታ አስታዋጽዖ አድርጋልናለች ብለን የምናምን ጥቂቶች አይደለንም።
ዛሬ አገሪቱ ካለችበት የሃይማኖት እንቃሥቃሴ አንጻር ከግራና ከቀኝ የዚህችን ቤተ ክርስቲያን ምእመናንን መሸራረፍ የዘሩትን ማጨድ እንዳለ የሚናገረውን የመጽሐፍ ቅዱስ ቃል መርሳት ነው። ለዚህ እንዲያመች ተብሎ ቤተ ክርስቲያኒቱን “ቤተ ክርስቲያን አይደለችም” ማለት ሌላ ጥፋት ነው።
የኦርቶዶክስ ቤተ ክርስቲያን በ1600 ዓመታት ውስጥ ያለፈችበት ጎዳና ዛሬ በምድራችን ያሉና የክርስትናን ስም ይዘው ከወራት እስከ እስከ 100 አመት የሆናቸው ቤተ እምነታት አሁን የደረሰባቸውን ቀውስ በመመልከት ነገ ምን ሊሆኑ እንደሚችሉ አስቀድሞ ማየት አስፈላጊ ነው።
በቅርብ የወጣ አንድ መንፈሳዊ መጽሔት ባለፉት ዓመታት ወንጌላውያን አብያተ ክርስቲያናት “አስቸግረውናል” በማለት በተለያየ ነገር ሲከሷቸው የነበሩና እንግሊዝ ሐገር ኑረው በቅርቡ ወደ አዲስ አበባ የመጡ አንድ ሰው በአንድ ቤተ እምነት ውስጥ ተገኝተው መናገራቸውን ዘግቦ ነበር። እኒህ ሰው እንዲህ ብለው ነበር “ከእንግዲህ ወዲህ ሰውን ከዓለም እንጂ ከቤተ ክርስቲያን አናወጣም ወደ ጤናማነት እንመለሳለን እንጂ ወደ እብደት አንሄድም። ብልጽግና ብልጽግና አትበል ብልጽግናህ እግዚአብሔር ነው እንደ ጭልፊትና ንሥር ባለጠጋን መናጠቅህን አቁም ከሌላው የተነጠቁ ምእመናን ሁሌም የናንተ አይደሉም የዚህ ሰው ፈውስ ያለው በቤተ ክርስቲያኑ ነው። ስለዚህ ሙሉ ወንጌል የሆነውን ወደ ሙሉ ወንጌል መልሱ መሠረተ ክርስቶስ የሆነውን ወደ መሠረተ ክርስቶስ መልሱ ኦርቶዶክስ የሆነውን ወደ ኦርቶዶክስ መልሱ ካቶሊክ የሆነውን ወደ ካቶሊክ መልሱ አዎን የክርስቶስን ሥራ በዚያው በሥፋራቸው ሆነው ያቀጣጥሉ... ወደ አብያተ ክርስቲያናት ሥር እየሄድህ ሰው አትሥረቅ ወደ አደባባይ ውጣ ከአደባባይ አምጣ ብለዋል...” ይህን ካሉ በኋላ ሪፖርት አቅራቢው የራሳቸውን ሐሳብ ለማንጸባረቅ እንዲህ በለዋል “ ወንጌል እሰብካለሁ እያላችሁ በየቤተ ክርስቲያኑ ደጃፍ እየሄዳችሁ ሰው አትስረቁ” ማለታቸው ብቻ ሳይሆን ይባስ ብለው ይላል ዘጋቢው “ከአብያተ ክርስቲያናት የሠረቃችኋቸውን ምእመናን  ወደየቤታቸው መልሱ” ማለታቸው ለኔ ያስረዳኝ ነገር ቢኖር በርሳቸው የመጣው ኃይል እጅግ ብርቱ ስለመሆኑ ዘጋቢው አበክረው ገልጠዋል።
የእርሳቸውን ሁኔታ ንግግር የተረዱ ሌላው እዚያው ያሉ አገልጋይ “በምድር ያሉት የቤተ ክርስቲያን አባሎች ሁሉ የእግዚአብሔር ቤተ ሰቦች ናቸው። ስለዚህ በወንድሜ ቦታ ለመቀመጥ መፈለግ ትልቅ አመጽ ነው። እኛ ግን ሁሌም ስናየው የማንወደውን ልንለውጠው እንፈልጋለን ሰይጣንም ያደረገው እንዲህ ነው ለምን እግዚአብሔር ዙፋን ላይ አልቀመጥም ያለው እንዲሁ ነው። ለምን ? እግዚአብሔር ትንሽ ስጦታ ሲሰጠን ሊገለገልብን ሲጀምር ሁሉም ነገር እኛ ላይ ያረፈ ይመስለናል። መጽሐፍ ቅዱስ እንዲህ ይላል
“እግዚአብሔር ለእያንዳንዱ የእምነትን መጠን እንዳካፈለው፥ እንደ ባለ አእምሮ እንዲያስብ እንጂ ማሰብ ከሚገባው አልፎ በትዕቢት እንዳያስብ በመካከላችሁ ላለው ለእያንዳንዱ በተሰጠኝ ጸጋ እናገራለሁ። በአንድ አካል ብዙ ብልቶች እንዳሉን፥ የብልቶቹም ሁሉ ሥራ አንድ እንዳይደለ፥ እንዲሁ ብዙዎች ስንሆን በክርስቶስ አንድ አካል ነን፥ እርስ በርሳችንም እያንዳንዳችን የሌላው ብልቶች ነን ሮሜ 12፥3-5።
በመጽሐፍ ቅዱስ ውስጥ ትልልቅ ጥፋት የፈጸሙ ሰዎች በጣም ጥበበኛ እና ኃይለኛ ሰዎች ናቸው ሰይጣን ከተሰጣችሁ ወሰን በላይ እንድትሄዱ በትቢት እንድታስቡ ያደርጋችኋልና ወሰናችሁን እወቁ በኛ ውስጥ መኖር ያለበት ጌታችን ኢየሱስ ክርስቶስ ብቻ ነው እንኳን ኩራታችሁን መከፋታችሁን እንኳ ገደብ የሌለው አታድርጉት” በማለት ሐሳባቸውን አጠቃለዋል።
ሆኖም የኢትዮጵያ አብያተ ክርስቲያናት በዚህ መወነጃጀል ከጀመሩ አንድ ምዕት አመት አልፏቸዋል። በዚህም የመጀመሪያዋ ተጠቂ ጥንታዊቷ እና ወንጌልን በመጀመሪያ የተቀበለችው የኢትዮጵያ ኦርቶዶክስ ቤተ ክርስቲያን ናት። ቤተ ክርስቲያኒቱ መታደስ እንጂ መፍረስ የለባትም ምእመናኗም ወደ ሌላ ቤተ ክርስቲያን መፍለስ የለባቸውም የሚሉ በጎ ሕሊና ያላቸው ሰዎች ቢኖሩም አንዳድ አፍራሽ ግለሰቦች የሚናገሩት ግን ወንጌልን መሠረት ያላደርገ ነው።
የአባቶችን የቀድሞውን ድንበር ምልክት እያፈረሱ ሌላ የድንበር ምልክት ለመሥራት ምሞከር በጣም አደገኛ ነው  ለምሳሌ አሁን ያሉት ሌሎች የክርስቲያን ድርጅቶች ከጎናቸው በመኮብለል ሌላ ድንበር በመግፋት ወይም እናሰፋለን እያሉ ከየቦታው እየቦጫጨቁ በወሰዷቸው ሰዎች ነገሮችን ሲደጋግሙ ማየት የተለመደ ነው። በየድርጅቱ በመንከራተት በወሬ ብቻ ሕይወቱ የተመሰቃቀለበት መንፈሳዊ እርካታ ሲያጣ ሁሉንም ትቶ እቤቱ የተቀመጠውን ሕዝብ ማየት በቂ ነው “የዘሩትን ማጨድ እንዲህ ነው”
ሃይማኖት ከባድ ነገር ሲሆን እምነት ደግሞ በጌታችን በኢየሱስ ክርስቶስ ላይ ሙሉ ለሙሉ ካልተማሠረተና በየጊዜው እየታደሰ እያደገ ካልመጣ አደጋው ሰፊ ነው ሰዎች እምነታቸውን በጌታችን በኢየሱስ ክርስቶስ ላይ ካላደረጉ በፍጹም ሰውነቱ እና አምላክነቱ ላይ ካልቆሙ ምንም ስለማይረኩ አደጋው እየሰፋ ይሄዳል። ከዚያም ጨካኞች፤ ሰብና የሌላቸው በመሆን የሚያራምዱት እምነት ከእግዚአብሔር ሐሳብ ውጭ ይሆናል።  በተጨማሪም ከዚህ እምነት ውጭ መሄድ ሲጀመር አምባጓሮው እየቀነሰ ከመምጣት ይልቅ እየጨመረ ይሄዳል የዚያን ጊዜ ቆም ብሎ ነገሮችን መፈተሽ አስፈላጊ ነው። እግዚአብሔር በፍትሕ ጻድቅ በመሆኑ እየሆኑ ያሉትን ነገሮች በማስተዋል ወደ ቦታቸው ለመመለስ መታገል አስፈላጊ ነው።
የኦርቶዶክስ ቤተ ክርስቲያንም ከርሷ የሚጠበቅ አለ፤ መቼም አንዳዱን ነገር መመለስ ከባድ ሊሆን ይችላል ነገር ግን እራሷን ከጥፋት ያድናታል ብዬ ያሰብሁትን ለመጠቆም እፈልጋለሁ።
ኮበለሉ የተባሉትን ልጆች በአዋጅ ጠርቶ ማናገር ቅሬታቸውን መጠየቅ እና ለዚያም ከመጽሐፍ ቅዱስ ጋር የሚስማማ መልስ መስጠት ተገቢ ነው። በቤተ ክርስቲያኒቱ ውስጥ አሉ የሚባሉ የስሕተት ትምህርቶች በግልጥ ይታያሉ እነዚህን የስሕተት ትምህርቶች የኔ አይደሉም ብሎ አቋም መያዝ ይሻላል እነዚህን የስሕተት ትምህርቶች የተቃወመውን ሁሉ ማስወጣት ግን አለማስተዋል ነው ቤተ ክርስቲያኒቱ ባዶዋን እንድትቀር የሚያድረግ እርምጃ ነው። ቤተ ክርስቲያኒቱ በምድሪቱ ላይ የጀመረችውን አገልግሎት እንደ እግዚአብሔር ቃል በየጊዜው እራሷን እየፈተሸች መንጋዋን ሳትበትን ዳግም ለሚመጣው ለኢየሱስ ክርስቶስ በክብር ማስረከብ አለባት። አሁን ተሃድሶዎች የጀመሩትን አገልግሎት ቤተ ክርስቲያኒቱ ብትመራው አካሄዱን ለማስተካከልም ሆነ መንጋዋን ለመጠበቅ ይጠቅማታል። ቤተ ክርስቲያኒቱ ተሃድሶዉን ከመጠን በላይ እየገፋችው ከውስጧ እያራቀችው ከሄደች ግን ከዚህ በፊት ከደረሰባት አደጋ የከፋ አደጋ ይደርስባታል። ወደድንም ጠላንም ተሃድሶዎችን ለመቆጣጠር እና ለመምራት የምንችለው በቤተ ክርስቲያኒቱ ሥር ካደርግናቸው ብቻ ነው ከገፋናቸውና ካባርርናቸው ግን የያዙትን ይዘው በዚያው ይጠፋሉ ይህ ደግሞ ለሃገሪቱ አንድነትም ሆነ ለቤተ ክርስቲአይኒቱ እድገት አይጠቅምም። ተሃድሶው አቅጣጫውን እንዳይስት በቤተ ክርስቲያኒቱ መመራት አለበት።
ማህበረ ቅዱሳን ማስተዋል አለበት ታላቅ የቤተ ክርስቲያን ቅናት ያላችሁ መሆናችሁን አውቃለሁ ነገር ግን ቅናታችሁን ቆም ብላችሁ ብትመረምሩት እያፈረሰ እንጂ እየሠራ እይደለም ፕሮቴስታንቱን ለመከላከል “ማባረር” ነው የሚለውን አቋማችሁን እንደገና ፈትሹት እኛ ባባረርን ቁጥር ሌላው ይደራጅበታል እንጂ ምንም ጥቅም የለውም ከተሃድሶዎች ጋር መወያየት እና የሚታረመውን በጋራ ማረም በምትስማሙበት ላይ በጋራ ለመሥራት የጋራ የሆነ የሊቃውንት መድረክ መኖር አለበት። ተሃድሶዎች እነማን ናቸው ከኛ ጋር የሚቀመጡት ? የሚል ግትር አቋም ካላችሁ ግን ትእቢት ነው አደገኛ አካሄድ መሆኑንም ልነግራችሁ እወዳለሁ። በዚህ ወቅት ጋዳፊ በያዘው ግትር አቋም ብዙ የደከመባትን ሀገር ባጭር ጊዜ ውስጥ እያፈረሳት ነው የማህበረ ቅዱሳን አለመሻሻልም የቤተ ክርስቲያኒቱን እድገት ከማበላሸት ያለፈ ፋይዳ የለውም።
እኔን የሚያሳስበኝ የተሃድሶ እንቅስቃሴ በየጓዳው መሆኑ ነው እንጂ የቤተ ክርስቲያኒቱ መታደስ አይደለም እንዲህ ያደረገው ደግሞ የማህበረ ቅዱሳን አለማስተዋል ነው ይህ ወደ ፊት በኢትዮጵያ አንድነትን የሚያጠፋ ነው እባካችሁ አስቡበት። ተሃድሶውን ቤተ ክርስቲያኒቱ በትክክል እና ብጥንቃቄ ብትመራው በጣም ጠቃሚ ነው ባይ ነኝ።
ወስብሐት ለእግዚአብሔር  አሜን
ተስፋ ነኝ

4 comments:

  1. Interesting insight

    ReplyDelete
  2. እጅግ በጣም የብልህ አስተሳሰብ ነው እርስ በዕርሳችን ስንባላ ጠላቶቻችን በረቱ ስለዚህ የሚስተካከለውን ማስተካከል ያመይነካውን መተው እጅ ለእጅ ተያይዞ ወንጌልን ብንሰብክ አምላክ የምህረት አይኑን ወደኛ ያዞራል የነ ዳንኤል ክስረት አለማወቅ ከቶም ማህበረ ቅዱሳንን ተጠያቂ አያደርገውም ማህበረ ቅዱሳንም ቢሆን በነ ዳንኤል ክስረት አይምሮ ማሰብ አቁሞ ትክክለኛ የተዋህዶ የልጅነት አቁም ወስዶ መቆም አለበት። እንዲሁመ የተሃድሶ ማህበራት በግልጥ በፍቅር በመረዳት ከወንድሞቻችሁ ጋር በክርስቶስ ሆናችሁ ትሰሩ ዘንድ በእግዚአብሔር ስም እንጠይቃችሃለን።

    የጠላቶቻችን ሴራ ኢትዮጵያ የምትባል አገር ለማጥፋት የተዋህዶን ቤተ ክርስቲያን ማፍረስ ነው የሚል ነው።

    ስለዚህ ነቃ በሉ እርስ በዕርሳችሁ አትካሰሱ የግለሰቦችን የግል ጥቅም ከቤተ ከርስቲያን እምነት ጋር አትቀላቅሉ።

    ReplyDelete
  3. Good article with thoughtful comments. The following can add flesh to the reason why the EOTC is lagging behind and not making progress in achieving its very objective.

    I believe when God created the EOTC church, it was meant to evangalize and serve the whole of Africa. After 2000 years, it is still confined in Ethiopia mainly serving the Amhara and Tigre ethnic groups with its languages capability limited to Ge'ez and Amharic. It has not even reached to most other ethnic groups in the country. This tragedy is exactly because of the unproductive environment at EOTC and the following other reasons:

    1) most of the priests and debteras are either superstitious or simple wage earners (Mendegnas), caring less for the faith and the followers/faithfulls.

    2) the various groups claiming to serve the church are running after their own group or personal interests.

    3) the church has been merely the instrument of ethiopian rulers almost at all times, even now.

    4) the teachings of the original church have been contaminated by debtera writings that are most often contrary to the orthodox faith.

    5) the church is infested by people who are not educated well even with the basic elements of the faith. If you see the priesthood, they are very illiterate as far as the doctrine is concerned. No one would expect them to be literate with science or other social studies, but they are expected to teach and defend the faith. Most cannot do that.

    6) the leadership is also mostly ignorant, selfish, unfaithful, myopic, backward and obsessed with earthly gains and money. It is important to note that there are very few exceptionally good people among the leadership, but their voices are not heard.

    7) Overall, the church needs change to be able to serve the original purpose that Christ has bestowed upon it. We need visionary and faithful leaders who can reconcile every element of the church, free it from tenkiway debteras, and evangelize the nation well and take the gospel to all corners of the world. So far, the church is like a lame man who cannot even feed himself well.

    BTW, I oppose all pente elements whose objective is the destruction of our church. I only support sensible changes that could put the church in a good trajectory to achieve its mission on earth. Our prior fathers, including Aba Selama and St. TekleHaimant, did thier part during the old days, but the recent and current generation/leadership is failing it.

    ReplyDelete
  4. Q.
    1. who is mahiberekidusan?
    a.Mahibere gadafi
    b.mahibere seytan
    c.mahibere erkusan
    d.mahibere alqaida
    e.Mahibere Jihad
    f.all of them
    if your answer is f you are yeally believe only Jesus

    ReplyDelete