Tuesday, March 22, 2011

አለቃ መሠረት ስብሐት ለአብ ማን ናቸው?

አለቃ መሠረት ስብሐት ለአብ ከመምህር ስብሐት ለአብ ገ/ መስቀልና ከወይዘሮ ካሳየ ገብራይ ሰኔ 30 ቀን 1914 ዓ.ም በአክሱም ከተማ ተወለዱ። አባታቸው ስብሐት ለአብ ገብረ መስቀል የአዲስ ኪዳን ትርጓሜ፤ የቅዳሴ እና የሰዓታት መምህር ስለነበሩ ከ3 አመታቸው ጀምረው ትምህርት መቅሰም ጀመሩ።



አለቃ መሠረት ስብሐት ለአብ ዜማ፤ ዝማሬ፤ መዋሥዕት፤ አቋቋም የተማሩባቸው መምህራን
1 መርጌታ ዋሕድ
2 መርጌታ ገሡ
3 መርጌታ ስቡሕ
4 አባ ኪሮስ
5 አለቃ ገ/ክርስቶስ


የቅኔ መምህሮቻቸው


1 አለቃ አወቀ ዘወቄጣ
2 አለቃ አክሊሉ
3 አለቃ መጽሔት
4 ቀኝ አዝማች ተካልኝ
5 አለቃ ውቤ
6 አለቃ ካሳ
7 አለቃ ይትባረክ መርሻ ዘላስታ
8 መምህር ግዛው ገብሬ
9 መምህር አዘነ
10 መምህር ጽጌ


የትርጓሜ መጻሕፍት መምህሮቻቸው


1 መምህር አበበ ሻውል
2 አለቃ ሕሩይ ናቸው።
የጻፏቸው መጻሕፍት
1 ስምዐ ጽድቅ ብሔራዊ
2 ሥረ ብዙ
3 ትውፊታዊ ሐሳበ ሐሳበ ዘመንና ታሪኩ
4 አርዮሳውያን
5 ቃል እግዚአብሔር ነበረ
6 ሥላሴ በተዋህዶ በመባል የሚታወቁ መጻሕፍትን አበርክተዋል።
         
    ራእያቸው
1 ቤተ ክርስቲያንን ከባህል ወረራ መጠበቅ
2 ቤተ ክርስቲያንን ከበለአም ትምህርት [ጥንቆላ]መለየት
3 ቤተ ክርስቲያንን ከኤልዛቤል ርኩሰት ማንጻት
4 ቤተ ክርስቲያን ከእንግዲህ ጉድፍ መጣያ እንዳትሆን፤ በጠላትም እንዳትደፈር ቅጽሯን መገንባት
5 ክህነቷንና አምልኮዋን መቀደስ
6 ለቤተ ክርስቲያን የኢየሱስ ክርስቶስን ርእስነት ማወጅ
7 የእግዚአብሔር የማዳን ኃይል የተገለጠበትን ወንጌል በጥራትና በጥበብ መስበክ፤
8 ጥንታዊውን የቤተ ክርስቲያን ነገረ ሃይማኖትና ነገረ መለኮት በፍርስራሽ ከተቀበረበት ቆፍሮ ማውጣት እና በሥራ ላይ ማዋል።
9 በእግዚአብሔር ቃል ላይ የተመሠረተውን የቤተ ክርስቲያን ቀኖና መጠበቅና ማስጠበቅ
10 ምእመናን ጸንተው እንዲቆሙ መጠበቅ እና መመገብ
11 የምመናንን ፍልሰት ማቆም
12 የመንፈስ ቅዱስ የጸጋ ስጦታዎች በቤተ ክርስቲያን በአግባቡ ያለመከልከል እንዲሠሩ ሁኔታዎችን ማመቻቸትና መቆጣጠር
13 የመንፈስን አንድነት መጠበቅ
የሚሉት ናቸው።


በመጨረሻም በአደራባቸው ሕመም ምክንያት በተለያዩ ሆስፒታሎችና ክሊኒኮች በህክምና ሲረዱ ቆይተው ጥር 5 ቀን 1990 ዓ.ም አረፉ ይላል ታሪካቸው።


ከአለቃ መሠረት ስብሐት ለአብ ጋር የተደረጉ ቃለ ምልልሶች
የመጀመሪያዋ የጥሪ ደወል!


“መርጌታ ስቡሕ የተባሉ መልካም ድምጽ የነበራቸው እውቅ የአቋቋም መምህር በአክሱም ነበሩ። ከርሳቸው ጋር እማር በነበረበት ጊዜ ለሕይውቴ የለውጥ መሰረትን አስቀምጦ ያለፈ ነገር ተከሠተ” በማለት ጀመሩ አለቃ መሠረት።


ሲቀጥሉም “ባካባቢው ከነበሩት ሊቃውንት መካከል በቃል እና በሕይወት የተለዩ በቅዱሳት መጻሕፍት እውቀት እንደ አጵሎስ  የበረቱ ሰው በ1935 ዓ.ም ወደ አክሱም መጡ። አለቃ በየነ ዳምጠው ይባሉ ነበር። ቅኔ እና ዜማ አዋቂ ከመሆናቸውም በላይ ወንጌልን በግልጥ ይሰብኩ ነበር፤ ሰዎች ለሚያቀርቡላቸው የተለያዩ ጥያቄዎች በወቅቱ ያልተለመዱ መልሶችን በድፍረት ከመናገር ወደ ኋላ አይሉም ነበር። እኔም በንግግራቸው ተሳብኩ እና ወደድኋቸው። አባቴ የሐዲስ ኪዳን መምህር እንደመሆናቸው ትርጓሜውን ሲአስኬዱ ከጉባኤው አልለይም ነበርና፤ አለቃ በየነ ዳምጠው ለሰዎች ጥያቄ ይሰጡት የነበረው መልስ ለብዙዎች አልዋጥ ቢላቸውም፤ አባቴ በጉባኤ ከሚተረጉሟቸው መጻሕፍት ቃል ያልወጣ መሆኑን ተረዳሁ። የማንበብና የመመርመር ፍላጎት ያሳደረብኝ በዚያን ጊዜ እሰማው የነበረው የአለቃ በየነ ንግግር እና ጥቅስ አወጣጥ ነበር። በውነቱ ብዙ ማወቅ እንደሚጠበቅብኝ በአለቃ በየነ ንግግር ተግፋፋሁ” አሉ አለቃ መሠረት።


በማያያዝም “ከአለቃ በየነ ጋር ባደርግኋቸው ውይይቶች በዘመናት ውስጥ መቼ እንደገቡ ያልታወቁ የፈጠራ ታሪኮች የቅዱሳት መጻሕፍትን ቃል ሸፍነውብን እንደኖሩና ይልቁንም ከፊደሉ በስተቀር የቃሉን መንፈስ ያጠፉብን ጊዜ የወለዳቸው አዋልድ መጻሕፍት እንደሆኑ በፍጥነት እየተረዳሁ መጣሁ አለቃ በየነ ግን ከቤተ ክርስቲያን አገልግሎት ከቶ አይለዩም ነበር በስብሐተ ነግሕ፤ በመዝሙር፤ በማሕሌት ወቅት፤ በፍጹም ተመስጦ ያገለግሉ ነበር” በሕይወታቸው ወደ አንድ አዲስ አቋም ያሸጋገራቸውን ወሳኝ ክስተት እንዲህ በማለት ተረኩ፦


“አንድ ቀን የስቅለት በዓል እየታሰበ በነበረበት ዕለተ ዓርብ ግብረ ሕማማት ይነበብ በነበረበት ጉባኤ መካከል ቀደም ሲል ዐድማ አድርገው የነበሩ ሊቃነ ካህናት ከጭፍሮቻቸው ጋር ሆነው አለቃ በየነ ዳምጠውን ከቤተ ክርስቲያን ጀምሮ እየጎተቱ እስከ አውደ ምሕረቱ አወጧቸው። ከዚያም ድንጋይ እያነሱ ወገሯቸው። ከአቅመ ደካማዎች በስተቀር፤ መነኮሳት፤ ቀሳውስት፤ ዲያቆናት፤ ተማሪዎች ሁሉ በውግረቱ ተካፈሉ። እኔ ቆሜ ድርጊቱን ሁሉ አንድ በአንድ ተመለከትሁ”


ጥያቄ= በዚያን ሰዓት አለቃ በየነ በምን ሁኔታ ላይ ነበሩ?


መልስ= አለቃ መሠረት “ አለቃ በየነማ ልጅህ እኔን ተክቶ የተቀበለው መከራ በሚታሰብበት ዕለት የልጅህ መከራ ተከፋይ ያደረግኸኝ አምላኬ ምን ያህል ብትወደኝ ነው? እያሉ በመደጋገም ጌታን ያከብሩ ነበር። ውግረቱ ለደቂቃዎች ቀጥሎ በኋላ የአካባቢው ባለሥልጣኖች ደርሰው አለቃ በየነን ታደጓቸው። ባለሥልጣናቱ ሊቃነ ካህናቱን ለማሠር ከሰዎች መካከል እየለዩ በነበረበት ጊዜ አለቃ በየነ ቆመው “እኔ አልፈልግም እግዚአብሔር ይቅር ይበላቸው እኔ በበኩሌ ይቅር ብያቸዋለሁ በማለታቸው ወጋሪዎችና ተመልካቹ ወደ ቤተ ክርስቲያንና ወደ ቤታቸው ተመለሱ”


ጥያቄ= ከዚያስ ምን ተደረገ?


መልስ አለቃ መሠረት= “ከዚያማ አለቃ በየነን የታደጓቸው ባለሥልጣናት ወደቤታቸው ወሰዷቸው በዚያ የቀረነው ሁሉ ግን በተለያዩ ጥያቄዎች ተሞላን ያ ሁሉ የድንጋይ ናዳ ወርዶባቸው ሳለ እንዴት ጉዳት አልደረሰባቸውም? መሞት ነበረባቸው ለምን አልሞቱም? ብሎ አንዱ ሲጠይቅ፤ እግዚአብሔር ቢጠብቅቸው እንጂ ለመግደልማ አንዱ ድንጋይ ይበቃ አልነበረምን? በማለት ሌላው መለሰ። ሌላው ወገን ደግሞ “ክርስቲያን የሚባሉ ወጋሪዎች ናቸው? ወይስ ተወጋሪዎች? የካህናት አለቆችን እና የእስጢፋኖስን ታሪክ በመጥቀስ ሌላው ውገን ለጥያቄው መልስ ይሰጥ ነበር። አለቃ በየነ ዳምጠው አይዋሹ፤ አይሠርቁ፤ አያመነዝሩ፤ አይሠክሩ፤ አይሳደቡ፤ እንዲወገሩ ለምን አስፈለገ? የሚለውን ጥያቄ ወጋሪዎቹ ሳይቀሩ ያነሱ ነበር። እነዚህ ኃጢአቶች የሚያስወግሩ ቢሆኑማ ኖሮ ወጋሪዎቹ በተወገሩ ነበር” የሚል የፌዝ መልስም ያስተጋባ ነበር።


ለእኔ እንደሚመስለኝ አሉ አለቃ መሠረት “በዚህ ትርዒት መነሻ አንዳድ ሰዎች ሃይማኖታቸውን እንዲመረምሩ እግዚአብሔር ያሳሰባቸው ይመስለኛል። እኔም የሃይማኖቴን መሠረት እንዳውቅና አቋም እንድይዝ ያድረገኝ በሥፍራው ተገንቼ በዓይኔ ያየሁት ይህ ገድል ነበር” በማለት ታሪኩን አጠቃለሉ።
ከብዙ ዓመታት በኋላ በአዲስ አበባ አለቃ በየነና አለቃ መሠረት ተገናኝተው ሲጠያየቁ መኖራቸውን የአለቃ በየነ ዳምጠው የትውልድ ቦታ መርሐ ቤቴ እንደሆነና በአዲስ አበባ በንግድ ሥራ ተሠማርተው ሲተዳደሩ ከቆዩ በኋላ ማረፋቸውን ተረድተናል።


አለቃ በየነ ዳምጠው ከቤተ ክርስቲያናቸው ተደጋግሞ በደረሰባቸው ስደት ምክንያት በአዲስ አበባ የአንዲት ወንጌላዊ ቤተ ክርስቲያን አባል ሆነው እንደኖሩ አረጋግጠናል።


ጥያቄ= በዚህ ጊዜ ነበር በጌታ አዳኝነት መንፈስዎ ያረፈችው?


መልስ አለቃ መሠረት “አይደለም አይደለም ይህ የተባለው ሁኔታ በሕይወቴ ውስጥ የተከናወነው በጣም ዘግይቶ ነበር። የአለቃ በየነ የመጨረሻ ገድልና ከዚያ በፊት ለአንዳድ ጥያቄ ይስጡ የነበረው መልስ ቅዱሳት መጻሕፍትንና የቤተ ክርስቲያኔን ታሪክ እንድመረምርና ምርቱን ከግርዱ እንድለይ በውስጤ የሚዛን መሠረትን ስላስቀመጠ መጻሕፍትን ማንበብንና ማጥናትን ቀጠልኩ፤ መማርንና ቤተ ክርስቲያን ማገልገልን ሳላቋርጥ በግሌ ማንበብንና ማጥናትን አዘውትር ነበር።


አክሱምን በመልቀቅ እና ወደ ደብረ መንኮል በመሄድ ከታላቁ የቅኔ መምህር ከየኔታ አወቀ ዘወቄጣ ዘንድ ገባሁና የቅኔ ትምህርት ጀመርኩ። የኔታ አወቀን በኋላ ጊዜ ካስተማሩኝ ከሌሎች የቅኔ መምህራን የተለየ የሚያደርጓቸው እውቀት፤ችሎታና ጠባይ ነበሯቸው። ከ300 በላይ ይቅኔ ጎዳናዎችን ያውቃሉ ይባል ነበር።
ቅኔዎቻቸው በምሥጢር የበለጸጉ በተመረጡ ቃላት የተዋቡ በመጻሕፍተ ብሉይና ሐዲስ እንዲሁም በሊቃውንት መጻሕፍት ላይ ብቻ የተመሠረቱ ነበሩ። ተማሪዎቹ ከገድል፤ ከድርሳንና ከታምር ታሪኮችንና ንባቦችን ሲጠቅሱ በአያሌው ይቆጡ ነበር። እንዲህ ያለውን ተማሪ ለብዙ ቀን አንተ ገድል ጠቃሽ መበለት እያሉ እርሱን ብቻ ሳይሆን ሌሎች ተማሪዎችን ጭምር ተመሳሳይ ስሕተት እንዳይሠሩ ያስተምሩበት ነበር” በማለት አለቃ መሠረት አሰብ በማድረግ ጥቂት ቆዩ።
እናም አሉና ቀጠሉ “እናም የኔታ አወቀ ከላይ ከተገለጸው በተጨማሪ ከዚያ በፊት በሌላ ሰው ሲነገር ያልሰማሁትን አስደናቂ ምሥጢርን ሲገልጹ ሰምቻቸው ነበር። አንድ ቀን በመንገድ ላይ እያለን አንድ ተማሪ ለሌላው ጥያቄ ሲመልስ አዳምጠው ኖሯል። ተማሪዎቹ ይወያዩ የነበረው “ኵሉ ዘቦአ ውስተ አፉሁ ለሰብእ ኢያረኩሶ ለስብእ አላ ዘይወጽእ እምአፉሁ” በሚለው ቃለ ወንጌል ላይ የተመሠረተ ነበር። አንደኛው ተማሪ ወደ ሰው አፍ የሚገባ የተባለው ክፉ ነገር ነው እንጂ የሚበላ ነገር አይደለም አለና ተከራከረ። ንግግሩ ተወርውሮ ወደ ጀሮአቸው ገብቶ ኖሮአል፤ በዚህ ጊዜ የኔታ አወቀ ወደ ተማሪው ዞር አሉና አስተውል እንጂ አንተ ነገር በአፍ ይገባል እንዴ? በጆሮ ነው እንጂ በአፍስ ከገባ በኋላስ ወደ ሆድ ይገባልን? ከሆድስ ወደ እዳሪ ይወጣልን? አስተውሎ መናገር ይገባል  የክፉ ነገር ማህደር ልብ ነው በጆሮ የገባውን ይቀበላል። ክፉ ነገር መውጫው ከልብ በአፍ በኩል ነው እባካችሁ ልጆች እያስተዋላችሁ ተናገሩ። ደግሞም ከፍ ብላችሁ ይህን ንግግር ያስከተለው መነሻው ምን እንደሆነ ብታስተውሉ እጅን ሳይታጠቡ መብላት ሰውን ያረከሰው እንደሆነ ለቀረበው ጥያቄና ለተደረገው ክርክር የተሰጠ መልስ ነው። ባልታጠበ እጅ የሚበላው ብቻ ሳይሆን ማናቸውም በአፍ የሚገባ ወደ ልብ ሳይሄድ በሆድ በኩል ዐልፎ ወደ እዳሪ የሚወድቅ መሆኑን ጌታችን አስረዳ። ንባብን ከላይና ከታች ካለው  ዐውደ ንባብ ገንጥላችሁ አትውሰዱ ብለው በቁጣ ጭምር ተናገሩ።


በሌላም ጊዜ ተማሪዎቹ “ኢትትአመኑ በመላእክት ወኢበእጓለ እመሕያው “ በግእዙ ጥሬ ቃል በመላእክትና በሰው ልጆች አትታመኑ ብሏል። ሆኖም መላእክት ያላቸው ገዥዎችን ስለሆነ በቅዱሳን መላእክት መታመንን አይከለክልም በማለት ሲከራከሩ የኔታ አወቀ ሰምተው ከራእየ ዮሐንስ ም 19 ቁ 10 እና ም 22 ቁ 9 ጠቅሰው መላኩ “እስመ አነሂ ገብር ዘካማከ እኔም እንዳተው የኢየሱስ ባሪያ ነኝ ያለውን ምን ልታደርጉት ነው? መላእክት እንደሰው ፍጡራን አይደሉም ልትሉ ነውን? ብለው ተቆጡ።


ይህ የየኔታ አወቀ አባባል “ ሲሉ ቀጠሉ አለቃ መሠረት ስብሐት ለአብ “ከአለቃ በየነ የሰማሁትንና እየተገነባሁበት የመጣውን ምርምሬን የሚያጎለበት ሆነልኝ። በእውነቱ የኔታ አወቀ በቅኔው የሚደነቁበትን እውቀት ያህል ቅዱሳት መጻሕፍትን የመመርመርና የመረዳት ችሎታቸው ፍጹም ሳይሆን እንዳልቀረ አወቅሁና ታዝቤ ዐለፍኩ።


በዚህም ጊዜ ሆነ በቀጣይ ዓመታት አሉ አለቃ መሠረት አያይዘው “እውነትን እና ሐሰትን በመለየት ምርቱን ከግርዱ ለይቶ በማወቅ ብቻ ተወስኜ ቆየሁ። የድኅነትን ጉዳይ ግን አላሰብኩበትም፤ ሰውም አልነገረኝም፤ እኔም አልተረዳሁትም ነበር። ይህና ይህ ግን እውነት ነው ይህ ውሸት ነው እያልኩ በየኼድሁበት እንደ አለቃ በየነ በአደባባይም ባይሆን ለሚቀርቡኝ ተማሪዎች እናገር ነበር።


አንድ ቀን ልዩ ነገርን እግዚአብሔር አደረገልኝ አሉና የእግዚአብሔር መንፈስ ልባቸው ያረፈበትን የመዳን መንገድ እንዴት እንዳሳያቸው ተረኩልን። “የቅኔን ትምህርት በማስፋፋት ላይ በነበርኩበት ጊዜ ይጠይቁኝ ለነበሩ ተማሪዎች ብዙ እውነትን ገላልጬ ነገርኳቸው። ተማሪዎችም የተደገፉበትን የሐሳብ ምርኩዝ ሁሉ አስጣልኳቸው ተማሕጽኖተ ሙታንን፤ ተስፍዎ መናፍስትን[መናፍስትን ተስፋ ማድረግ]፤ የዳነ ሕይወት ውጤት ያልሆነ ምግባርን እና የሕገ ኦሪትን ጽድቅ ሁሉ በቃለ እግዚአብሔር ናድኩባቸው። ችግራቸው እንኪያ ማን ያድነናል? በምንስ መንገድ እንድናለን? እያሉ በመጨነቅ ጠየቁኝ። ወደ ገላትያ ከተጻፈው የጳውሎስ መልእክት ም 2 ቁ 1-21 ድረስ ያለውን አነበብኩላቸው። ቁ 21 ላይ ጽድቅስ በኦሪት ከሆነ እንኪያስ ክርስቶስ በከንቱ ሞተ! ከሚለው ላይ ስደርስ ለተማሪዎች በማስረዳት ላይ መሆኔን ረሳሁት። እንኪያስ ክርስቶስ በከንቱ ሞተ? እንኪያስ ክርስቶስ በከንቱ ሞተ? ብዙ ጊዜ ደጋግሜ እራሴን እየጠየቅሁ ለራሴ አነበብኩት። ጌታ ኢየሱስ ክርስቶስ በሞቱ ነው ከኃጢአት ያዳነኝ፤ ጌታ ኢየሱስ ያላዳነኝ ቢሆን ኖሮ ሞቱ ከንቱ ነው በተባለ ነበር። ደጋግሜ አስቤ በአፌም እናገር ነበር። የሞቱን ጥቅም ለራሴ ሳላውቅ ለሰዎችም ሳልናገር ያሳላፈኩት ጊዜ ሞቱን ከንቱ ያደረግሁበት ጊዜ ነው አልሁ ይህን ሁሉ እናገር በነበረበት ጊዜ ሁሉ ሳይታወቀኝ እንባ ይፈሰኝ ነበር።
በውስጤ የሚፈስ ቀዝቃዛ ነገር ይሰማኝ ነበር። አዲስ ደስታ፤ ሰላም፤ እረፍት እርካታንም ይሞላብኝ ነበር። ከዚህ ጊዜ ጀምሮ በጌታዬ ሞትና ትንሣኤ የተገኘውን መዳን፤ጽድቅ፤ የእግዚአብሔር ልጅነት፤ የዘለዓለም ሕይወት፤ ባለመብትነት የሚያረጋግጡት ቀደም ሲል በውስጤ የነበሩት ጥቅሶች ተከታትለው መጡ። እግዚአብሔር በቃሉና በመንፈሱ ሕይወቴን የቀመመበት ለራሴም ለሰውም ጣዕምና ቃና ያለውን ኑሮ እንድጀምር ያደረገበት ልዩ ወቅት ይህ ነበር” ሲሉ በፍጹም ተመስጦ መሰከሩልን። ይቀጥላል----- 


ከጮራ መጽሔት የተወሰደ

5 comments:

  1. yemigermegn yih sew bemejemeria yagelegelat betecristian becrostos madan yematamin ina bebluy tsidik nebere bila yemtastemir masmeselachihu new.what is yr objective guys?dirsanatin sitnekfu tiru masreja yinorachihual biye stebik enante min analachihu betechristian abune teklehymanotn adagn new bila bemastemar hizbu yekirstosn madan zero indiadergew aderegech alachihu.................

    ReplyDelete
  2. wey አለቃ መሠረት ስብሐት ለአብ;

    Wow! you are so deceptive. You mean you did not build that fatih when studying all the kine, zema, tirgum'e....? You are simply a liar... I understand the teaching of the church is so immense and it can sometimes be overwhelming for a layman to differentiate the core from the auxiliary. But for people like you, you had it all...

    Yes, salvation is only through Christ. However, the angels and the saints are our companions and friends who help us perferct our salvation through their prayers. Why do you depict our faith in the prayer of the saints as a worship of alien spirits? Come'on this is completely false. EOTC believers lack sufficient knowledge of the bible and may practice things that are way out of touch with the core faith of the church; also, the church may still be carrying bad books written by ignorant defteras; however, nothing can defy the truth that the angels and the saints can help us with their prayers. What we need is to focus on the core faith of the church and fight ignorance and the deftera elements, instead of defaming the church so unfairly.

    If you want to emulate the Pentes, let that be good to you. However, please don't mislead other folks... We will educate our people, and remove all the bad habits. In the end, our church will shine like the stars with our faith remaining intact...

    ReplyDelete
  3. Anonymous, I appreciate your courage to go through all this and try to respond (if you have really read it all). But I strongly disagree with you when you pretend that the heresy in the EOT-church is trivial. As far as I know, these people exposed the deep deception in the church and preached that people come to the saving knowledge of Christ which is also the focus of the Bible and the teachings of the founding fathers.

    It really disappoints me when you try to preach how glorious the church is bla bla. It is not a matter of history and how old it is. It is not based on how ancient a church is that Christ judges in His second coming. Please come to your senses and preach Christ and only Him. If you love Mary, other saints and the angels, glorify Jesus Christ and Jesus Christ only.

    ReplyDelete
  4. Pack of lies. geta yikir yibelachihu

    ReplyDelete
  5. If anyone believes this bla...bla..., he/she must be stupid. As an Aleka....How come meseret never understood that Christ died for him long before that day? You are telling us he learned this and that from such and such. What were they teaching him if not about Crusification? The basic and the most important thing we learn in Orthodox Tewahdo is about the crusification of Jessus to save us all. You are telling us this person became aware of this fact all of a sudden or out of the blue? it is all lie,lie,lie....

    ReplyDelete