Friday, March 2, 2012

ድል የእግዚአብሔር ነው! - - - Read PDF

‹‹ጎልያድም ዳዊትን፡- በትር ይዘህ የምትመጣብኝ እኔ ውሻ ነኝን አለው? …. ዳዊትም እኔ ግን ዛሬ በተገዳደርኸው በእስራኤል ጭፍሮች አምላክ ስም በሠራዊት ጌታ በእግዚአብሔር ስም እመጣብሃለሁ አለው››   ፩ ሳሙ ፲፯፣፵፫-፵፭፡፡

የአድዋው ጦርነት ለብዙ አውሮፓውያን የጦርነቱ ታዛቢዎችና ለጦርነቱ ተሳታፊዎች ለኢጣሊያውያንም ጦርነቱ ‹‹የጎልያድንና የዳዊትን ጦርነት›› ታሪክን ከቅዱስ መጽሐፍ ዞር ብለው እንዲያስታውሱ የተገደዱበትን ሁኔታ የፈጠረ ነበር፡፡ እጅግ ዘመናዊ በሆነ ጦር ተደራጅቶ የመጣውን የኢጣሊያን ጦር ለመመከት ከመላው ሀገሪቱ የተሰባበሰበው የኢትዮጵያ ጦር ምንም ዓይነት ዘመናዊ የጦርነት ሥልጠና ያልወሰደና በእጁ የነበረውም መሣሪያ ጦርና ጎራዴ ቢሆንም፣ ከሁሉም በላይ በኢትዮጵያውያን በልባቸውና በደማቸው ውስጥ ግን ለዳዊት ድልን ያጎናጸፈውና ያን ግዙፍና በጦረኝነቱ መላው ፍልስጤም የሚርድለትን፣ የእስራኤልን ሠራዊት ለ40 ቀናት የተገዳደረውን ጎልያድን በአንዲት ጠጠር ድል ያደረገው የዳዊት አምላክ ኃያሉ እግዚአብሔር ከእነርሱ ጋር ነበር፡፡ የድሉ ምንጭም የእግዚአብሔር ኃይል፣ ኢትዮጵያውን ለሃይማኖታቸውና ለነጻነታቸው የነበራቸው ቀናዒነት እንጂ ሌላ ምን ሊሆን ይችላል?

አድዋ ላይ በተካሄደው ጦርነት የተገኘው ድል የኢትዮጵያውያን ብቻ ሳይሆን የመላው በባርነትና በቅኝ ግዛት የሚማቅቁ አፍሪካውያንና የመላው ጥቁር ሕዝብ ድል ነው፡፡ ይህ ድል በኢትዮጵያ ላይ የተሞከረውን የቅኝ አገዛዝ ሩጫ ከንቱ ያስቀረ፣ በዘመናዊ ትጥቅ፣ በጉልበትና በሠራዊቱ ብዛት ተመክቶ የመጣውን ወራሪውን የኢጣሊያን ጦር ያሳፈረ፣ በአፍሪካ አህጉርና ለነጻነቱ ለሚታገለው ለመላው ጥቁር ሕዝቦች ሁሉ የእብሪተኞችን የግፍ አገዛዝ ጨለማ ያስወገደ የነጻነት ጎህ ነው፡፡ ባለፉት የሀገራችን ረጅም የታሪክ ዘመናት የተገኙ ድሎች፣ የተፈጸሙና የተመዘገቡ ገድሎች፣ የሰው ልጅ አስደናቂ የፈጠራና የጥበብ ውጤቶች የሆኑ ታሪካዊ ቅርሶችና ሀብቶች ከኢትዮጵያ ኦርቶዶክስ ተዋህዶ ቤተ ክርስቲያናችን ጋር የጠበቀ ቁርኝነት አላቸው፡፡

ከጥንት ጀምሮ ኢትዮጵያን በአካል ተገኝተው የጎበኙ አያሌ የውጭ ሀገራት ዜጎች ስለ ሀገራችንና ስለ ሕዝቦቿ በጋራ የሚመሰክሩት አንድ እውነት አለ፤ ይኸውም፡- ‹‹ኢትዮጵያውያን ለሃይማኖታቸውና ለነጻነታቸው ቀናዒዎች ናቸው፡፡›› የሚል ነው፡፡ በአንድ ወቅት ታዋቂው የፈረንሳይ ጋዜጠኛ ዳንኤል ሮፕስ እ.ኤ.አ 1963 ዓ.ም ‹‹አክሌዥያ›› በሚባል ጋዜጣ፤ ‹‹የኢትዮጵያን ቤተ ክርስቲያን ታውቃላችሁን?›› በሚል ርዕስ ባሰፈረው ሐተታ እንዲህ ሲል ምስክርነቱን ሰጥቷል፡-

‹‹…ወራሪዎች ምድርዋን በግፍ የያዙባት መሆኑን ታሪክ ያወሳል፤ ነገር ግን ሃይማኖት የእንቅስቃሴዋ መሣሪያ ሆኖ በመገኘቱ ነጻነቷን መልሳ አግኝታለች፡፡ በማዕከላዊው ክፍለ ዘመን ‹‹የካህን የዮሐንስ ግዛት›› በአረመኔው ዓለም ተከቦ የክርስቲያን ምሽግ ሆነዋል እየተባለ ስለ ኢትዮጵያ ይነገር የነበረው ሁሉ ፍጹም ልበ ወለድ ታሪክ አይደለም፡፡ ከሁለት ሺ ሜትር በላይ ከፍታ ያለውን ደጋማና ለምለም መሬት ቁልቁል የሚያዩት ቀይ፣ ጥቁርና ሰርጥነት ያላቸው የእሳተ ገሞራ ውጤት ባሕርይ ያላቸው ጠረጴዛ መሰል ተራራዎች የጊዜን ውሽንፍር እንዳሳለፉትና የባሕር ዓሣም ሳይበገርና ሳይላላ ማዕበሉን እንደሚያሳልፍ ክርስቲያኒቷ ኢትዮጵያም በታሪክ ውስጥ ጠንካራ ስፍራዋን ይዛ ቆይታለች…፡፡››

ይህ ጋዜጠኛ እንዳለው ኢትዮጵያ ላለፉት ሁለትና ሦስት ሺህ ዓመታት በርካታ ፈተናዎች አጋጥመዋታል፡፡ በኢትዮጵያ ላይ ከተቃጣው አያሌ የውጭ ወራሪዎች ጥቃት አብዛኛው በኢትዮጵያ ኦርቶዶክስ ተዋህዶ ቤተ ክርስቲያን ላይ የተሰነዘረ ነበር፡፡ የዚህም ዋነኛው ምክንያት ደግሞ በኢትዮጵያ የረጅም የስልጣኔና የነጻነት ታሪክ ውስጥ የሕዝቡን ብሔራዊ ንቃተ ኅሊና በመቅረጽ ጠቃሚ ሚና የነበራትን የኢትዮጵያ ኦርቶዶክስ ተዋህዶ ቤተ ክርስቲያንን በመምታት ሹማምንቱና ሕዝቡ የኢጣሊያንን የበላይ ገዥነት እንዲቀበሉ ለማስገደድ ነበር፡፡ በሰሜን ኢትዮጵያ በተደጋጋሚ የተደረገውን የቱርክና የደርቡሾችን ወረራ ለአብነት መጥቀስ ይቻላል፡፡ እነዚህ ወረራዎችም የከሸፉት በዚህች በተቀደሰች ቤተ ክርስቲያን ጥረትና በተከታዮቿ ምእመናን መሥዋዕትነት ነበር፡፡ በእርግጥም የኢትዮጵያ ቤተ ክርስቲያን ይህችን ሀገርና ሕዝቦቿን በእውነተኛ ሃይማኖትና ባሕል ገንብታ ባትይዝ ኖር በሺህ ለሚቆጠሩ ዘመናት ባሕልዋንና ነጻነትዋን ይዛ ባልተጓዘች ነበር፡፡

ለአድዋ ድል የኢትዮጵያ ኦርቶዶክስ ቤተ ክርስቲያን የነበራት ድርሻና ተሣትፎም የዚሁ ታሪካዊ እውነታ ሌላ መገለጫ መሆኑን ልንስተው አይገባም፡፡ በአድዋ ጦርነት ሕዝቡን ከዳር እስከ ዳር በማስተባበርና ቀዳሚ ሆና በመገኘት የኢትዮጵያ ኦርቶዶክስ ቤተ ክርስቲያን የተጫወተችው ሚና ተወዳዳሪ እንዳልነበረው ኢጣሊያውያን ጸሐፊዎችና የታሪክ ተመራማሪዎች በራሳቸው አንደበት የመሰከሩት ሐቅ ነው፡፡ ኢጣሊያዊው ምሁር ኮንቲ ሩሲኒ የተባለው ታሪክ ጸሐፊ እንደዘገበውም፡- ‹‹ከልዩ ልዩ ምንጭ እንዳገኘሁት፣ ከሐበሾችም ጽሑፍ እንደተረዳሁት፣ ጦርነቱ ሲጀመር አፄ ምኒልክ፣ ንጉሥ ተክለ ሃይማኖት፣ ራስ መኮንን፣ ራስ መንገሻ አቲከም፣ ፊታውራሪ ገበየሁ ሌሎችም የጦር ሹማምንትና መሳፍንቱ ሁሉ ከአካባቢው ሕዝብ ጋር በአንድነት ሆነው ከሌሊቱ 10 ሰዓት ጀምሮ በአድዋ ቅዱስ ገብርኤል ቤተ ክርስቲያን ሲያስቀድሱ እንደነበር…፡፡›› ዘግቧል፡፡

ቤተ ክርስቲያንዋ ሕዝቡ ሃይማኖቱንና ክብሩን ሊነጥቁት ከመጡ ወራሪዎች ነቅቶ ሀገሩን እንዲከላከል በማስተማር ቆይታለች፡፡ የአድዋን ጦርነት በቅርብ ሆነው የተከታተሉ በርካታ ጸሐፊዎች እንዳሉት ብዙዎቹ የኢጣሊያ የጦር መሪዎች የኢትዮጵያ ሠራዊት በከባድ መድፎች ጩኸት ብቻ ተደናግጦ ይበተናል የሚል እምነት ነበራቸው፡፡ ጦርነቱ ሲጀመር ግን የተገላቢጦሽ ነው የሆነው፡፡ አብዛኛው ጦርና ጎራዴ የታጠቀውና ‹‹ያልሰለጠነ ነው›› የተባለው የኢትዮጵያ ሠራዊት በእግዚአብሔር ኃይል ተማምኖ መድፍና መትረየስ የያዘውን የኢጣሊያን ጦር እያሳደደ መውጫ መግቢያ ያሳጣው ጀመር፡፡ በማለት የዓይን ምስክርነታቸውን ሰጥተዋል፡፡


የአድዋ ድል የተገኘው የጊዮርጊስ እለት የካቲት 23 1988 ዓ.ም ነበር፤ አፄ ምኒልክም ጦርነቱ እስከሚጀመርበት የመጨረሻዋ ደቂቃ ድረስ በአድዋ ማይጓጓ ቅዱስ ጊዮርጊስ ቤተክርስቲያን ሆነው አምላከ ጊዮርጊስ ከእሳቸውና ከሠራዊታቸው ጋር እንዲሆን በጸሎት እየተማጸኑ እንደነበር በወቅቱ የነበሩ ሰዎች መስክረዋል፡፡ የአፄ ምኒልክ ጸሐፊ የሆኑት ጸሐፌ ትእዛዝ አለቃ ገብረ ሥላሴ ስለ አድዋ ድል በጻፉትና እማኝነታቸውን በሰጡበት የመጽሐፉ ክፍል ድሉ ከእግዚአብሔር የተገኘ እንደሆነ ከመግለፃቸውም በላይ የክርስቲያኖች ደም በከንቱ ስለ መፍሰሱ የተሰማቸውን ሐዘኔታም በመጋቢት 23 1988 ዓ.ም ለፈረንሳዊው ሙሴ ሸፍኔ በላኩለት ደብዳቤያቸው ገልጸዋል፡፡

‹‹… ከአላጌ ጦርነት በኋላ፣ ጣሊያኖችን ጦርነት ይቅር፣ የክርስቲያንም ደም በከንቱ አይፍሰስ፣ እርቅ ይሻላል ብላቸው እምቢ ብለው መጥተው በጥጋባቸው አድዋ ላይ ተዋግተው ድል ሆኑ፡፡ እኔ ግን በድንቁርናቸው ብዛት የነዚያን ሁሉ ክርስቲያን ደም በከንቱ መፍሰሱን እያየሁ ድል አደረኳቸው ብዬ ደስ አይለኝም፡፡ ነገር ግን በግፍ የመጡ ሰዎች ናቸውና እግዚአብሔር ግፉን አነጣጠረን…፡፡››

ለሞስኮብ ንጉሥ ኒቆላዎስም መጋቢት 23 1988 ዓ.ም በጻፉት ደብዳቤያቸውም፡-
‹‹እንደ አውሮፓ ነገሥታት ሥራት ሁሉ ጠብ መፈለጋቸውን ሳያስታውቀኝ፣ እንደ ወምበዴ ሥራት ሌሊት ሲገሰግስ አድሮ ሲነጋ ግምባር ካደረው ዘበኛ ጋር ጦርነት ጀመረ፤ ጥንት ከአሕዛብና ከአረመኔ አገራችን ጠብቋት የሚኖር አምላክ ከእኛ ባይለይ በእግዚአብሔር ኃይል ድል አደረግሁት…›› በማለት ድሉ የእግዚአብሔር መሆኑን አስረግጠው ተናግረዋል፡፡

ታሪክ የሚያስተምረን ሐቅ ቢኖር በዘመናቸው ሁሉ እግዚአብሔርን ጋሻና መከታ በማድረግ የኖሩ  የእግዚአብሔር ሕዝቦች ባለ ድልና ኃያላን እንደሆኑ ነው፡፡ በዛች ታናሽ ጠጠር ጎልያድን የጣለ ዳዊት ድሉን የሰጠው ኃይሉና ብርታቱ ሳይሆን የእግዚአብሔር ክንድ እንደሆነ የሚያስረግጥ ነው፡፡ በክርስትና ሕይወታችን ለምንዋጋው ብርቱ ጦርነት ኃይልና ብርታት የሚሆነን፡- ኃያልና ሕያው የሆነው ከስሞች ሁሉ በላይ ስም የሆነው የኢየሱስ ክርስቶስ የጌታችን ስም ነው፡፡ መጽሐፍ እንደሚል፡- በሰው ልማድ ምንም እንኳን የምንመላለስ ብንሆን፣ እንደ ሰው ልማድ አንዋጋምና፣ የጦር ዕቃችን ሥጋዊ አይደለምና፣ ምሽግን ለመስበር ግን በእግዚአብሔር ፊት ብርቱ ነው…›› 1ቆሮ 10፣ 3-4፡፡

የክርስትናውን ጦርነት ለመዋጋት፣ እስከ መጨረሻውም በመጽናት፣ የጽዮንን የድል ዝማሬ ለመዘመር እንችል ዘንድ፡-

በጌታና በኃይሉ ችሎት የበረታን፣ የእግዚአብሔርን የጦር ዕቃ የለበስን እንሆን ዘንድ ያስፈልገናል፡፡ ወገባችንንም በእውነት ታጥቀን፣ የጽድቅንም ጥሩር ለብሰን፣ በሰላምም ወንጌል ተዘጋጅተን በመዘጋጀት በእግሮቻችን የቆምን፤ ከሁሉም በላይ ደግሞ የሚንበለበሉትን የክፉውን ፍላጻዎች ሁሉ ልናጠፋበት የምንችልበትን የእምነትን ጋሻ፣ የመዳንን ራስ ቁር የመንፈስ ሰይፍ ሆነውንም የእግዚአብሔርን ቃል ልንታጠቅ ይገባናል፡፡ ኤፌ 5፣10-17፡፡

ዘመኑ ብርቱ ውጊያ ያለበት ቢመስልም ኃይለኞች ነን ማን ይችለናል የሚሉ በምድራዊ አቅማቸው በእውቀት፣ በሀብታቸው የሚተማመኑ እኛን የሚያስጨንቁበት ቢሆን እንኳ ድል ያለው በእግዚአብሔር እንጂ በኃይል መመጣጠን አለመሆኑን ጥንት ከዳዊትና ከጎልያድ፣ በቅርቡ ታሪክ ደግሞ ከአድዋ ጀግኖችና ከኢጣሊያ ሠራዊት ልንማር ይገባናል፡፡ ድል ያለው በሠራዊት ብዛት በመሣሪያም ልቀት አይደለምና የዛሬው ክርስቲያን ወገብህ አይላላ! የዛሬው አገልጋይ ከአሳዳጆችህ የተነሣ አትደንግጥ፤ የዳዊት አምላክ ያንተም አምላክ ነው፡፡ የጦር መሪህ ክርስቶስ ያለህን አስታውስ፡- ‹‹በዓለም ሳላችሁ መከራ አለባችሁ፤ ነገር ግን አይዞአችሁ፤ እኔ ዓለምን አሸንፌዋለሁ›› የተባለልህን ነን (ዮሐ. 16፡33)፡፡ የተሸነፈን ጦር ሕጻንና ሴት ሳይቀር ይማርከዋል እንዲሉ ለድል የማንዋጋ ምርኮ ሰብሳቢ እንደሆንን በማሰብ ደስ ሊለን ይገባል፡፡ ጨካኝ ጎረቤት፣ ክፉ አለቃ፣ የማይደክማቸው አሳዳጆች፣ ስም የሚያጠፉ ምቀኞች ቢበዙ እንኳ ድሉ የጌታ ነው፡፡ መሣሪያ የያዙ ሳይሆን ጌታን የያዙ ያሸንፋሉ፡፡

                                             እግዚአብሔር ተዋጊ ነው፣ ስሙም እግዚአብሔር ነው!

20 comments:

  1. እናንተ ማዘጋጀት ባትችሉም እንዲህ ዓይነቱን እየፈለጋችሁ ፣ መልካም መልካሙን ትምህርትን ብታስተላልፉ ጥሩ ነውና ቀጥሉበት ፡፡ ቀስ በቀስ ልምድ ታዳብራላችሁ ፡፡ ከአሉባልታና ከወቀሳ ወደ ማስተማርም ትሸጋገራላችሁ ፡፡

    ReplyDelete
  2. It is nice article. Bertu BetPawloses. Aba Selamawoch cannot write this type of article. They are focused on attacking Ethiopia and its church.

    ReplyDelete
  3. መሣሪያ የያዙ ሳይሆን ጌታን የያዙ ያሸንፋሉ፡፡

    ReplyDelete
  4. እናንተ ከሀዲዎች፡ የሐይማኖት እና የታሪክ መናፍቃን!
    ሐይማኖተኛዉ ንጉስ ምኒልክ እና ህዝባቸዉ የቅዱስ ጊዘርጊስን ታቦት ይዘዉ መዝመታቸዉን ቅዱስ ጊወርጊስም በአዉደ ዉግያዉ እንደረዳቸዉ ምነዉ መዘገብ አቃታችሁ ? ራሱ ፋሽስት ኢጣልያ ሊክደዉ ያልሞከረዉን የአባቶቻችንን እምነትና የሰማእቱን ምልጃ፤ ረድኤት፤ ጥበቃ እናንተ ልትክዱ ዳዳችሁ፡፡ የእፉኝት ልጆች፤ ተኩላዎች!

    ReplyDelete
  5. ከዚህ በላይ ከመጨረሻው ሁለተኛውን ጽሑፍ ላቀረብከው ወገኔ:

    የአድዋ ድል የታማኙ አምላካችንና የሕዝባችን ድል መሆኑን ክደህ ወይም ቀምተህ ለግሪካዊው ጊዮርጊስ ሰው መስጠትህ ምን ይባላል? የአባቶቻችንን ልፋትና ሞት ለሰው አገር ሰው ያውም ለፈረንጅ ስም ማወደስ አሳልፈህ መስጠትህ ትንሽ አይቆጭህም:: ቢያንስ ቢያንስ ግሪካዊው ጊዮርጊስ በቀለም ወገኑ የሆነውን ነጭ ጣሊያን መርዳት ትቶ አንተን ጥቁሩን የሚረዳ ይመስልሃልን? እንግዲህ እንደዚህ ያላችሁ አገር አሰዳቢዎች ናችሁ ለአገር ለወገንና ለሃይማኖት ከእኛ በላይ ላሳር የምትሉት::

    አንዳንድ ጊዜ በዚህ መድረክ ላይ እንደዚህ ያለ ታሪክን የሚክድና የሚያዛባ ሃሳብ የምትረጩ ሰዎች ሆነ ብላችሁ ሕዝብን ለማደናገር ስውር ዓላማ ያላችሁ አማርኛ ተናጋሪ የኢትዮጵያ ጣላቶች ትመስሉኛላችሁ::

    ያገርን የአባቶቻችንና የቤተ ክርስቲያናችንን ክብር ለግሪካዊ ሰው ለጊዮርጊስ አሳልፎ መስጠት ምን ይባላል? አያሳፍርምን? እኔ በዚህ አስተያየት ሰጪ አፈርኩ::

    ለማንኛውም ያገራችንና የሕዝባችን እንዲሁም የቤተ ክርስቲያናችን እውነተኛ ታሪክ እንደዚህ ይጻፍ ይነገር ይውጣ:: ትክክል ያልሆነው ደግሞ እየተበጠር ይጋለጥና ይውጣ ይሰረዝ:: ለዚህም ታሪክ አዋቂ የኦርቶዶክስ ቤተ ክርስቲያናችን ልጆች የሆናችሁ ሁሉ እውነቱን እንደዚህ እያወጣችሁ አሳውቁን በርቱ::

    ሳያውቁ እናውቃለን ለሚሉት ወገኖቻችንም እግዚአብሔር ማስተዋልን እንዲሰጣቸው እንጸልይላቸው::

    የአድዋ ድል እግዚአብሔርን በየዋሕ ልባቸው አምነው የተዋጉ የአባቶቻችን እንጂ የግሪኩ ተወላጅ ጊዮርጊስ አለመሆኑን ማንኛችንም ብንሆን ልንዘነጋው አይገባም::

    ሰላም ሁኑልኝ

    እህታችሁ

    ሰላም ነኝ

    ReplyDelete
    Replies
    1. it is good. you made me lough and understand the truth.

      Delete
    2. Ende Tsihufu betekilala tesasitual.Endet Egziabher letikur yiredal?le Italy merdat sigebaw letikur merdatu tegebi ayidelem.Kidus Giorgis grikawi new letikur ayiredam.Egziabherim Esraelawi nechi new letikur ayiredam.
      Anchi Denkoro!Diablos!min ayitet tinitanie setesh ebakish? KOshasha!

      Delete
    3. you will count on it. Egziabher Lebuna Yistesh

      Delete
    4. Ahun lehabesha asibesh yimesilal gin wanaw neger belibish wusit yalew yekidusan tilacha kidus giyorgisin simun endatiterina yefetari maderiya yehonewun Tabot kibir endatimesekiri siladeregesh bicha zim bilesh tizebarekiyalesh. Aemiro binoresh Geta bekidusanu adero yemiserawun sira begilits bitinageri tiru neber gin kifu menfes bechinikilatish silalle min yidereg Geta libonashin yabiralishin ewunetun yigletilish. Enes "Yetsadik sew Tselot besirawa ejig hayil tadergalech" yemilewun kal eyasebiku Semaeitu kidus Giorgis beamalajinetu gefegnawun Yetaliyan tor dil enaderig zenid enderedan emesekiralehu Bekidusan zende yezer liyunet yelemina.
      Degmo enante tsehafiwochu lemehonu "ጨካኝ ጎረቤት፣ ክፉ አለቃ፣ የማይደክማቸው አሳዳጆች፣ ስም የሚያጠፉ ምቀኞች ቢበዙ እንኳ ድሉ የጌታ ነው፡፡ መሣሪያ የያዙ ሳይሆን ጌታን የያዙ ያሸንፋሉ፡፡" bilachihu yemititsifut manin lemekonen yihon? Getan yeyaze yemiyashenifew besiran bewunet enji Getachin "Gata hoy Geta hoy yemilugn hulu mengistesemayat ayigebum" maletun resachihut ende? Enante balidekemachihubeta balilefachihubet betekristiyanachinin lemewures bitasibum ayisakalachihum Taliyan yeabatochachinin hager liworis bimeta yedekosew kidus giorgis lenanitem ayanisim. Befekir bitimetu leyamalidachihu betibit bitimetu liyaseferidibachihu yichalewal kalkidanu hayal newuna.

      Delete
  6. ፍቅረ ማርያምMarch 4, 2012 at 6:15 PM

    ዓይናችሁን ከፉው መንፈስ ያሳወረባችሁ አንባቢዎች ካላችሁ ከልብ ጸልዩ ፤ ግዴለም ጸልዩ ትፈወሳላችሁ ፡፡ ጽሁፉ የትም ሥፍራ ላይ ስለ ጊዮርጊስ ተአምር አልተረከም ፡፡ የጊዮርጊስ ታቦት አብሮ ዘምቷል /ሊካድ የማይቻል ሃቅ ስለሆነ/ ፤ ነገር ግን ድል ያስገኘው አምላከ ጊዮርጊሰና እግዚአብሔር እንደሆነ በግልጽ ይመሰክራል ፡፡ የቋንቋ ድክመት ወይም በእርጋታ ለማንበብ ትዕግሥቱ ከሌለን ፣ ማሻሻል ያለብን የራሳችንን ስንፍና ነው እንጅ ጸሃፊው በወንጌል የሚያምን የተዋህዶ ምስክር በመሆኑ የአምላክን ክብር አላጐደፈምና የመልካም አስተማሪዎችን ቅስም ለመስበር አትሞክሩ ፡፡ መላዕክት የሉም ለማለት ተፈልጐ እንደሆነ ፣ መላዕክት እንዳሉ ፣ ቅዱሳንም እንዳሉ መጽሐፍ ይመሰክራል ፡፡ ነጭ የመጥላት አባዜም ከሆነ ፣ በእግዚአብሔር አምሳል የተፈጠረን መጥላት ድክመት ነውና ይታረም ፡፡

    ከጽሁፉ መሃል የወሰድኳቸውን ሁለት ዓረፍተ ነገሮች ለአስረጅነት ይነበቡልኝ ፡-
    - አፄ ምኒልክም ጦርነቱ እስከሚጀመርበት የመጨረሻዋ ደቂቃ ድረስ በአድዋ ማይጓጓ ቅዱስ ጊዮርጊስ ቤተክርስቲያን ሆነው አምላከ ጊዮርጊስ /አምላከ ጊዮርጊስ ይሠመርበት/ ከእሳቸውና ከሠራዊታቸው ጋር እንዲሆን በጸሎት እየተማጸኑ እንደነበር በወቅቱ የነበሩ ሰዎች መስክረዋል፡፡
    -ድሉ ከእግዚአብሔር የተገኘ /ከእግዚአብሔር የተገኘ ይሠመርበት/ እንደሆነ ከመግለፃቸውም በላይ የክርስቲያኖች ደም በከንቱ ስለ መፍሰሱ የተሰማቸውን ሐዘኔታም ... ገልጸዋል

    አስተያየቴ ድክመትን ለማሳየትና ለመማማር ስለሆነ አገላለጹ እንደ ጽርፈት እንዳይቆጠር

    ReplyDelete
    Replies
    1. you are more than good

      Delete
  7. you people and deje selam are not a true voice of our church i think bete pawlos is. becouse they only tought as the truth. and says anything about mk or aba pawlos.we hate chekecheke.we are very sorry about aba selama and deje selam or the other blogs who are looks like yours.we pray to see more blogs like betepawlos.bravo http://www.betepawlos.com

    ReplyDelete
  8. AMELAKE KEDUS GIYORGIS HULAME YEREDANALE!

    ReplyDelete
  9. This site is full of contradictory things. Please don't joke. If you are a real believer, please preach the reality.

    ReplyDelete
  10. እህታችን ሠላም ኧረ ትንሽ እፍረት ይኑርሽ እግዚአብሔር ያከበራቸውን ቅዱሳንን አትስደቢ “ግሪካዊ ቅዱስ” እንኳን ብትይ ምናለበት??? እዚጋ የሚያሳየን አስተዳደግሽን ነው፡፡

    ReplyDelete
  11. wey feker mariyam.... amlak giorgis ena egziabher alk huletum eko egziabher new..menew yegetan keber legeta ye kidus giorgisen degm legiorgis mestet akath...egziabher yeblatal jaletus jibitus[wededken telahem maletnew]

    ReplyDelete