Tuesday, May 22, 2012

ቅዱስ ሲኖዶሱና ዘጠነኛ ቀኑ

     
  • አባ አብርሃም የሀገረ ስብከቱን ጽ/ቤት ላለማስረከብ አስቂኝ መከራከሪያ አቀረቡ
  • ማኅበሯ ሌላው መንገድ ሁሉ አላስኬድ ሲላት አይመጥንም በሚል የሰንበት ማደራጃና መምሪያ ኃላፊነትን ከመምኅር እንቁባህሪ ላይ ለመንጠቅ የምታድረገው ሙከራ አልተሳካላትም።
  • ማኅበረ ቅዱሳንን የመፍረስ ስጋትን ጥሎበት የነበረው የማኅበራት መተዳደሪያ ደንብ እንደገና ውድቅ እንዲሆን እንቅልፍ አጥቶበት የነበረ ሲሆን እንደገና እንዲጠና ታዟል።   
አሁን በቅርቡ እንኳ ወደ ሐረር ሀገረ ስብከት እንደ ደረሱ ለኔ የተመደበችው መኪና የትኛዋ ነች ብለው ሲጠይቁ ከእሳቸው በፊት ነበሩት አቡነ ዮሴፍ ይሄዱበት የነበረችውን መኪና ሲያሳዩዋቸው ከት ብለው ስቀው እኔ በዚህ መኪና ልሄድ? ብለው ጠይቀው ይህ መኪና ስለማይመጥነኝ በአስቸኳይ ከሞኤንኮ አዲስ መኪና ይገዛ ብለው አዲስ መኪና አስገዝተው በእስዋ መንፈላሰፍ ጀምረዋል። ድንቄም አባትነት።
አባ አብርሃም ርስት ጉልቴ ነው ያሉትን የሀገረ ስብከቱን ጽ/ቤት እንዲያስረክቡ የታዘዙትን ትዕዛዝ ለመቃመም ከተነሳው ጥያቄ ጋር የማይሄድ እኔ ከእርስዎ እሻላለሁ የሚል መከራከሪያ አቀረቡ። እኔ ምን አለኝ እና ነው መልስ የምባለው ሲሉ የነበሩት ሰው አሁን በራሴ ወጪ አጣሪ ተልኮ ከእኔ እና ከእርሰዎ ማን ጥሩ ስራ እንደሰራ ይጣራ ሲሉ ጠይቀዋል። ይህም ጥያቄ አሜሪካ ለመመለስ ያላቸውን ከፍተኛ ጉጉት ያሳያል ተብሏል። ስውየውን የሚያስጨንቃቸው የቤተክርስቲያን ልጆች ባሉበት ቦታ ሁሉ ተገኝተው አባትነትን ማሳየት ሳይሆን ጥቅምና ምቾት ባለበት ቦታ ላይ መንቀባረር መሆኑንም አሜሪካ ለመመለስ ያላቸው ከፍተኛ ፍላጎት ያሳያል።
የእሳቸው አቸፍቻፊ የሆነውና አሁን የማህበረ ቅዱሳን መሆኑን በበቂ ማስረጃ ዲ/ን ሙሉጌታ ወ/ገብርኤል ያረጋገጠው ደጀ ሰላም ብሎግ አጣሪ ይላክ ስላሉ “ብፁዕ አቡነ አብርሃም አቡነ ፋኑኤልን ተቋቋሙ” - ሲል ለፍልፏል (የ ዲያቆን ሙሉጌታን ጥናት ለንንበብ እዚህ ላይ ይጫኑ) ። መቋቋም በምን? እኔ የተሻለ ሥራ ሠርቻለሁ በማለት ለራስ ምስክርነት በመስጠት ወይስ? በእርግጥ ሥራ በመስራት? አቸፍቻፊዋ ደጀ ሰላም ለማኅበረ ቅዱሳን ሰዎች ነጻ የመሰብሰቢያና ሴራ የመሸረቢያ ቦታ የሆነውን የሃገረ ስብከቱን ጽ/ቤት ላለመመለስ ምን በቂ ምክንያት አለ? ለሚለው ምንም ምላሽ ሳትሰጥ ሕገ ወጡንና ሀፍረተ ቢሱን አባት አባ አብርሃምን አይኗን ጨፍና መደገፏን አቁማ በሚመስል ምክንያት እንኳ እንድትደግፍ እንመክራታለን።
ለነገሩ ለማቅ የሚያስጨንቀው የማሕበሩ ሕለውና ነው እንጂ የቤተክርስቲያን ህልውና ስላልሆነ ለማህበሩ አይናቸውን ጨፍነው ለሚታዘዙት አባት አይኑን ጨፍኖ መከራከሩ አይገርምም።
የሰንበት ማደራጃውን ጉዳይ አሁንም በተለያየ ዘዴ ለማሳካት እየሞኮረ ያለው ማኅበረ ቅዱሳን አሁን ደግሞ መምህር እንቆባሕሪይ ለቦታው አይመጥኑም የሚል መከራከሪያ አቅርቦዋል። የተመሰከረላቸው የአቋቋም መምህር የሆኑትን በማደራጃ መምሪያው በምክትል ኃላፊነት ከ10 አመት በላይ የሰሩት መምህር ዕንቆባህሪ ለቦታው አይመጥኑም ብሎ ማሰብም መከራከሪያ ማቅረብም አሳፋሪ ነገር ነው። ለዛውም ደግሞ ከአንድ ደብር አቃቢነት የዘለለ ስልጣን ባልነበራቸውና በማደራጃው ውስጥ የማኅበረ ቅዱሳንን ፍላጎት በማስፈጸም ለ6 ወራት ቆይተው የነበሩት አባ ኅሩይ ከመምህሩ የተሻሉ ናቸው ብሎ ማውራቱ የሁለቱንም ሰዎች ሥራና ኃላፊነት ለሚያውቁ ሰዎች የሚያሳዝን ነው። ማቅ መምህሩ አይመጥኑም የሚል መከራከሪያ ያነሳው መምህሩ ስለማይመጥኑ ሳይሆን ለኔ አይታዘዙም ከሚል መነሻ ነው።
ማኅበረ ቅዱሳንን የመፍረስ ስጋትን ጥሎበት የነበረው የማኅበራት መተዳደሪያ ደንብን በተመለከተ ጥናቱ በቀረበ ጊዜ ቅዱሳን አባቶች በጥናቱ ሙሉ በሙሉ ተስማምተው የነበሩ ቢሆንም ማቅ ልፈርስ እችላለሁ በማለት ደጋፊ ጳጳሳትዋን ቀስቅሳ እንደገና ይጠና ወደሚል ውሳኔ ተወስኗል።  የማኅበሯ ፍላጎት ውድቅ እንዲሆን ቢሆንም እንደገና ይጠና መባሉ ታውቋል።
እርቀ ሰላሙን በተመለከተ የማቅ ብሎጎች አቡነ ጳውሎስን ለማጥላላት ጥረት እያደረጉ ቢሆንም እሳቸው ግን እርቀ ሰላሙን እንደሚፈልጉትና መካሔዱም ጠቃሚ መሆኑን ገልጸዋል። እሳቸውን ለማጥላላት የሚሞክሩበት ዋነኛው ምክንያትም የአሜሪካው ሲኖዶስ የእነሱን ዘገባ አምኖ በእርቁ ላይ ልቡን እንዲደፍን ነው። ማኅበረ ቅዱሳን የእርቀ ሰላሙ መሳካት ለህልውናዬ አደጋ ነው ብሎ ያምናል። እርቀ ሰለሙ በሐምሌ ወር ይቀጥላል።
                               

4 comments:

  1. wushet bedegagem ewunet ayhonm. equbahrie tenestual

    ReplyDelete
  2. ማ/ቅዱሳን ከሰ/ት/ቤቶች መምሪያ ሥር እንዲወጣና ራሱን እንዲችል ተወሰነ

    enanete betewashume....Egeziabeher gin ayewasheme!!!!!!!!!!!!!!!!!!!!!!lebona yesetachu....menegesete semaye kerebalechena neseha gibu ,wede Egeziabeher temelesu!!!

    ReplyDelete
  3. yemitsafwen comment lelemn post ataregume, yerasacheehune comment 20 gize kale keyayerachu post taderegalchu, really betam tasazenalachu...ere kome belachu asebu yalacheubeten.........

    ReplyDelete
  4. ማ/ቅዱሳን ከሰ/ት/ቤቶች መምሪያ ሥር እንዲወጣና ራሱን እንዲችል ተወሰነ
    U mesengers and son of Areyous what did u say about it? Yetefate lejoch,Terefe areyose..

    ReplyDelete