Saturday, June 2, 2012

የቀረባችሁ የእግር ጉዞ ብቻ ነውን?

ምንጭ፦ ዐውደ ምህረት 
Read in PDF
በትናንትናው ዕለት ማኅበረ ቅዱሳን ላለፉት ሦስት ወራት የ20ኛ ዓመት መርሐ ግብር ዋና በዓል አድርጎ ሲቀሰቅስበት የነበረው የእግር ጉዞ ከማኅበሩ ነውጠኛ ባህሪ የተነሳ እንዲካሄድ እንዳልተፈቀለት ዘግበን ነበር። ትናንት ከሰዓቱን የማኅበሩ አመራሮች በሙሉ ኃይላቸው ሰልፉን ለማስፈቀድ ቢሯሯጡም የማንአለብኝ ባህሪያቸውን በሚያስተነፍስ መልኩ ፈቃዱን ማግኘት ሳይችሉ ቀርተዋል። በተለይም አውደ ምሕረት ጉዳዩን ከዘገበች በኃላ አብዛኛው የማቅ አመራሮችና አቸፍቻፊዎች እኛን ውሸተኛ ለማድረግ ቢሯሯጡም ሳይሳካላቸው ቀርቷል።
ነገሩ እንዳልተሳካላቸው  አርፍደውም ቢሆን የተረዱት የማኅበረ ቅዱሳን ሰዎች በህጋዊ ዌብ ሳይታቸው በዛሬው ዕለት ሰበር ዜና፡ የእግር ጉዞው መርሐ ግብር ተቀየረ፡፡ በማለት ሳያቅዱ እንደሚሰሩ ያረጋገጠ ዜና
ጽፈዋል። በጻፉት ዜና ላይ የጉዞው መርሐ ግብር ለመቅረቱ ተጠያቂው ቤተክህነት መሆኑን “ጠቅላይ ቤተ ክህነት መጻፍ ያለበትን ደብደቤ ባለመጻፉ ” በማለት ገልጸዋል። ጉዞውን ለማድረግ ከስድስት ወር በፊት ያቀዱትና ለጉዞው ከሶስት ወር በፊት ጀምሮ ማስታወቂያ እያስነገሩ የነበሩት የማቅ አመራሮች ፈቃድ የጠየቁት ጉዞው ሶስት ቀን ሲቀረው መሆኑን ዘንግተው የወታደራዊ ጉዞ ናፍቆታችንን ያልተወጣነው የጠቅላይ ቤተክህነት ሰራተኞ ስላልተባበሩን ነው በማለት የለመዱትን ለጥፋታቸው ሌሎችን የመውቀስ አባዜያቸውን ተጠቅመዋል። በየትኛውም አገር ቢሆን ማንኛውም ሰልፍ አዘጋጅ የሰልፉን ቀን የሚያስታውቀው ፈቃድ ካገኘ በኃላ ነው እነጂ ፈቃዱ ሳይጠይቅ በፊት ቀን ቆርጦ በዚህ ቀን የሚል ማስታወቂያ ማድረግና ትኬት መሸጥ አይጀምርም። ነጋዴው ማኅበር ግን ገንዘብ መሰብሰብ አላማው ስለሆነ አንዳች ፈቃድ ሳይጠይቅ ሰልፍ የሚያድርግበትን ቀን እየገለጸ ትኬት መሸጥ መጀመሩ አስተዋይ አዕምሮ ላለው ሰው የአመራሩን ብቃት ጥያቄ ውስጥ የሚከት ነው።
መልዕክቱ ብቻ ሳይሆን እቅዱም የተሰበረውን ዜና በዌብሳይት እንደለቀቁም ትኬቱን ለገዙ ሰዎችና ለማህበሩ የልብ ሰዎች በእንግሊዝ አፍ እንዲህ የሚል የጽሁፍ መልዕክት አስተላልፈዋል የተወደዳችሁ ቤተሰቦቻችን፣ እናዝናለን በቤተክህነት ምክንያት ጉዟችን ወደ ቤተ ክህነት አዳራሽ  ጉባኤነት ተለውጧል።  የሚጀመረው ከጠዋቱ 4፡00 ሰዓት ላይ ነው። ማኅበረ ቅዱሳን! ደውሉልን’’ ይልና ስልክ ቁጥር አስቀምጧል።  
ዜናውን የማኅበሩ አባላት በፌስ ቡክ የተቀባበሉት ሲሆን ደቂቀ ናቡቴ የሚባል የማቅ ፌስ ቡክ ገጽ “የማኅበረ ቅዱስንን ፳ኛ ዓመት የምሥረታ በዓል በማስመልከት ግንቦት 26 የተዘጋጀው የእግር ጉዞ ቤተ ክህነት አና ቤተ መንግስት በመተባበር አገዱት” በማለት ለምን ቤተክህነት ብቻ መንግስትም ከወቀሳው ይቅመስ እንጂ የሚል መልእክት አስተላልፏል። አንድአድርገንም እንዲህ ሲል አግዞታል። በመሰረቱ ከቤተክህነቱ ይህ ደብዳቤው ወደ አዲስ አበባ መስተዳር ቢሄድም ያለ ጥያቄ ጉዞ ይፈቀዳል የሚል እምነት የለንም”
በእኛ አስተያየት ጉዞውን ማንም ያግደው ማንም ጉዞው ከማኅበሩ ነውጠኛ ባህሪ አንጻር መታገዱ ተገቢ ነው እንላለን። በተለይም ጉዞው ሰሙ የማኅበሩ 20ኛ አመት ወርቁ ደግሞ ዋልድባን አስመልክቶ የሚደረግ የተቃውሞ ሰልፍ ስለነበር የማኅበሩ አመራሮች “ነገር ያደግንብሽ እንዴት አደርሽ?” ለማለት የነበራቸውን ናፍቆት ክልከላው አምክኖታል።
ከዚህ ጋር በተያያዘ የማኅበሩ ህጻናተ አዕምሮ አንድአድርገኖች “የቀረብን የእግር ጉዞ ብቻ ነው” በሚል ርዕስ አጭር ዜና የሰሩ ሲሆን በዚህም የተውተረተረ አጻጻፋቸው የብሎጉ ባለቤት ማን እንደሆነ አሳውቀውናል። “የቀረብን የእግር ጉዞ ብቻ ነው” በሚለው ርዕስና “እግዚአብሔር ጉባኤያችንን ይባርክ ” በሚለው ባለቤትን በሚያመለክት አንቀጽ አንድ አድርገን የማኅበረ ቅዱሳን መሆኑን ነግረውናል። በዚህም በከፍተኛ ደረጃ መንግስትን ከተቃማዊ ፖለቲካ ፓርቲዎች በላይ በመቃወምና ቤተክርስቲያንን ተጠልለው ፖለቲካዊ አላማቸውን ለማሳካት በመፍጨርጨር ላይ ያሉት ማቆች የበሬ ወለደ ዘገባዎቻቸውን በአንድ አድርገንና መሰል ብሎጎች የሚያቀርቡት በአላማ መሆኑን አረጋግጠውልናል።
ከፎቶግራፋቸው በቀር ትምህርታቸውንም አገልግሎታቸውንም የማያውቁትን የአቡነ ጎርጎሪዮስን  ፎቶ ፊት ለፊት ለጥፈው የሊቅ ወዳጅ ነን እወቁን በሚል መንፈስለሁለንተናዊ ቤተክርስቲያን እድገት አብረን እንሥራ ! ጉዞውን አብረን እንጓዘው” በማለት ባዘጋጁት ፖስተር ጉዞው ለማህበረ ቅዱሳን ምን ማለት እንደሆነ ሲቀሰቅሱበት እንዳልነበር አሁን ሳይሳካ ሲቀር ደግሞ ከእርምጃ ምን ይቀራል? ማለታቸው አስገርሞናል።
ማኅበረ ቅዱሳን ከመመስረቱ ከሁለት አመት በፊት የሞቱት አቡነ ጎርጎርዮስ ከማኅበረ ቅዱሳን ጋር በትምህርትም በአቋምም እንደማይተዋወቁ መጽሐፍቶቻቸውን ያነበበ ሰው የሚያውቀው እውነት ነው። አባቶቻችን አባቶቻችን እያለ የአባቶቻችንን ትምህርት ትቶ የራሱን አዲስ ዶክትሪን የፈጠረው ማኅበረ ቅዱሳን እንዲያውም ቅዱስነታቸው ከሚያስተምሩት ትምህርት አንጻር በዚህ ጊዜ ቢኖሩ፣ ሚሥጢረ ስላሴም ክብረ መቋሚያም አንድ ናቸው ብሎ በሚያምነው የጨዋ ጸባዩ አማካኝነት ይወገዙልኝ ሲል መጠየቁና  ዶግማንና ሥርዓትን ተግሳጽና ሚሥጢራትን ለይተው በማያውቁ አንዳንድ የሊቃውንት ጉባዔ አባላት አማካኝነት ሊያስወግዛቸው የሚችሉ አባት መሆናቸው  ግልጽ ነው።
ከአፈርኩ አይመልሰኝ በማለት የቀረብን የእግር ጉዞ ብቻ ነው በሚል ለጻፉት አንድ አድርገኖች በርግጥ የቀረባችሁ የእግር ጉዞ ብቻ ነውን? ስንል እንጠይቃቸዋለን። በእግር ጉዞው ሰበብ ልታደርጉት የነበረው አመጽ፣ ተጽእኖ ፈጠራ፣ የፖለቲካ ትርፍ እና ከሁሉ በላይ የነበራችሁ ከፍተኛ ትምክህት ውሃ በልቶታል።
ልትሰሩት የፈለጋችሁት የተጋነነ ዜና ማንም አያቆመንም የሚል ትዕቢታችሁ ጉዞውን ታሪካዊ ብላችሁ ልትገልጹበት የነበረው መንገድና ከጉዞው ጋር ኣያይዛችሁ ልታጋብሱት የነበረው ገንዘብ ጭምርም ቀርቶባችኋል። በመሰረቱ የምስረታ በዓሉ ብላችሁት የነበረው ጉዞውን ራሱን ስለነበር የምስረታ በዓሉም ጭምር ቀርቶባችኋል።
የደረሰባችሁንስ የሞራል ስብራት ያልጠበቃችሁት ስለሆነ ያገኘነው ትርፍ ትሉት ይሆን?


12 comments:

  1. des sil asasafu. bertulen

    ReplyDelete
  2. ትገርማላችሁ ካለ ተንኮልና ክስ በቀር ሌላ ሥራ የላችሁም

    ReplyDelete
  3. Enesu Netsu Ye Honuten Yetewahedo Lijoch Ke Bertu Endibareru Yemikoferut Gedel Man Ligebabet Yimeslachewal Enesu Tsadik... Qiduss.... wezetrfe Egziooo mk Egziabher ewenet new yigermal hulgize endihe hone eyalu miyawetut web lay and kenm tesaketo ayawekim gin lemin yikenalu betam yigermegnal balhubet bota be Germen Frankfurt akebabi sew kenesu belet kale masadem lemin egnan sew alawekenim ere sentuuuu atekalay mahebru egna bechaaa enetawek new lela neger ayedelem lelaw be emenet shfan poletca makahed ahun tenektobeshal mhebre seyitan yiketlalll.......

    ReplyDelete
  4. እግዚአብሃር እናንተን ከመሰለ ዲክታተር ገዢ ሃገራችንን ይጠብቃት።መቼም እናንተን የመሰለ ሰው የናንተን አይነት አመለካከት ያለው ሰው ቢሆን የደም መሬት ትሆን ነበር እንኳን ፕሮግራሙ በአዳራሽ የሆነ ከናንተ አይነቱ የጥፋት ተልኮ ካላቸው ለመጠበቅ እግዚአብሔር ያዘጋጀው መንገድ ነው።

    ReplyDelete
  5. አሁንስ ማንነታችሁ ለማንም ሰው ግልጽ ባለ ሁኔታ ታወቀባችሁ ትንሽ እንኳን ለከት ይኑራችሁ፡፡ የጽሁፋችሁን ጸያፍነት መለስ ብላችሁ ብታነቡት ህሊናችሁ ምን ያህል እንደሚሰቀጥጣችሁ እንዳልል ህሊናም ያላችሁ አይመስለኝም፡፡ ግን ግን አፋችሁን በከፈታችሁት ልክ ማንነታችሁን ጠልቀን ለማየት አስችሎናል፡፡

    ReplyDelete
  6. ጊዜው ሳይደርስ ልታወጣን መጣህን? እባክህ ወደእሪያዎቹ ስደደን? አሉ የመቃብር ሰይጣናት፡፡ ምንጊዜም መቃብር የሚገኘው በቤተ ክርስቲያን ታዛ ስለሆነ አሁንም በቤተ ክርስቲያኒቱ ታዛ ያሉ የመቃብር ሰይጣናት ማቅ (ማኅበረ ርኩሳን)፤ አንድ ቀን፣ ጊዜው ሳይደርስ ልታወጣን መጣህን? እባክህ ወደእሪያዎቹ ላከን? የሚሉበት የእጣ ቀናቸው እንደሚደርስ እናምናለን፡፡ ምክንያቱም ሰይጣን በክርስቶስ ሰዎች ላይ የማንገላታት ኃይሉን ማሳየት እንጅ የማደር ሥልጣን ስለሌለው ይህም ማኅበር ክርስቶስ የሞተላቸውን እየተከተለ ማንገላታትና መግደል ስለማይተው፤ አንድ ቀን የክርስቶስ ኃይል ሲገለጽበት በመቃብሩ እንደነበሩ ሰይጣናት መሆኑ የማይቀር ነው፡፡ ክርስቶስን መቃወም አይችልምና የወንጌል ልጆች በርቱ፡፡

    ReplyDelete
  7. ይኸን ብሎግ ገልብጦ ማንበብ ይገባል! እውነት ያሉት ውሸት፡ ውሸት ያሉትን እውነት…

    ReplyDelete
    Replies
    1. ደራን ከቦረናJune 5, 2012 at 11:53 AM

      አንተ ለስለስ አልክላቸው መሰለኝ ሰሙክ፡፡ እባካችሁ ማንነታችሁን ንገሩን በምን እንመናችሁ የሚላቸውን አያወጡትም፡፡ እግዚአብሔር እውነተኞቹን በውሸተኞቹ ላይ ያሰልጥን ክርስቶስ በሰይጣን ላይ እንደሚሰለጥን፡፡

      Delete
  8. የዋልድባ ነገር እናንተን አይመለከትም ማለት ነዉ? ደግሞስ ማቅ ስለዋልድባ በመከራከሩ እንዳይጠፋ እያደረገዉ ያለዉ ትግል ያማችኋል ማለት ነዉ? ታዲያ እናንተ ክርስቲያን ናችሁ? አሁን ገና የበግ ለምድ የለበሳችሁ ተኩላዎች መሆናችሁን አረጋገጣችሁልኝ፡፡ እግዚአብሄር ግን መንጋዉንም ቤቱንም ይጠብቃል መዳን በሌላ ቦታ ሲሆን ግን ለናንተ ወዮላችሁ!!! የምታደርጉትን አታዉቁምና ጌታ ይቅር ይበላችሁ

    ReplyDelete
  9. ሰዉ ለእግዚአብሄር ቤት ስለቀና እናንተ ታመማችሁ ለነገሩ ከፍሬያችሁ ታዉቋቸዋላችሁ የተባለዉ እዉነት ነዉ አሁን ማንነታችሁ በደንብ ታወቀ፡፡ ለካስ አላማችሁ ቤተ ክርስቲያንን አጥፍቶ ወደ አዳራሽነት መለወጥ ነዉ ‹‹ ዲያቢሎስ ቀስቱን ጨረሰ ዝናሩን አራገፈ ቤተ ክርስቲያንንም አልቻላትም›› ከእግዚአብሄር ጋር መሰለፍ ለናንተ መልካም ይሆን ነበር ሾተልን የሚረግጥ ለራሱ ይብስበታል፡፡ ጌታ ይቅር ይበላችሁ የዲያቢሎስ ቁራጮች

    ReplyDelete
    Replies
    1. Good understanding.

      Delete
  10. M.K.is the desert poisnonous snake.
    be careful!Do not walk with out Savior remedy

    ReplyDelete