Sunday, July 1, 2012

«አናኒመስ» ስለ ጥንተ አብሶ ምን እያለ ነው?

ክፍል አንድ፦
Read in PDF
ባለፈው በጥንተ አብሶ ላይ የዓለማየሁ ሞገስን ጽሑፍ አስነብባችሁን ነበር፡፡ በጽሑፉ ላይ የተሰጡ አስተያየቶች ነበሩ፡፡ ብዙዎቹ አስተያየቶች ከመጽሐፍ ቅዱስ እውነት ያፈነገጡ ወይም በማያስኬድ ሎጂክ ላይ የተመሠረቱ ሆነው አግኝቼአቸዋለሁ፡፡ በተለይም «አናኒመስ» በ 7 ነጥቦች ስር ያቀረባቸው ሀሳቦች ምክንያታዊ አይደሉም፡፡ የጥንተ አብሶን ምንነት በትክክል ያልገለጹ፣ የመጽሐፍ ቅዱስን ትምህርት የሚያዛቡ፣ የተሳሳተ አስተሳሰብን ትክክለኛ ለማስመሰል ጥረት የሚያደርጉ ናቸው፡፡ ለዛሬው በዚህ ላይ ጥቂት ማለት ፈለግኩ፡፡
በቅድሚያ በጥንተ አብሶ ጽንሰ ሓሰብ ዙሪያ ያለው አመለካከት ስለድንግል ማርያም በትውፊት ሲነገሩ በመጡ አስተሳሰቦች ላይ የተመሠረተ እንጂ መጽሐፍ ቅዱሳዊውን እውነታ ያገናዘበ አይደለም፡፡ እመቤታችንን ባላት ክብር ከማክበር አልፈን እርሷን ከሰውነት ተራ በማውጣት ወደ አምላክነት ደረጃ ከፍ ለማድረግ ያለመ ሆኖ ይታያል፡፡ ስለጥንተ አብሶ ስንናገርም በዚህ ላይ ተመሥርተን ነው፡፡ ከዚህ የተነሳ ጥንተ አብሶ ስላልነካው ስለጌታ አስደናቂ ፅንሰትና ልደት ከመናገር ይልቅ ጥንተ አብሶ ከእርሷ ላይ «ስለተወገደበት» ሁኔታ በመናገር ላይ እናተኩራለን፡፡ ነገር ግን ይህ ስሕተት ነው፡፡ ምክንያቱም ጌታ ከድንግል ማርያም ሲፀነስ ጥንተ አብሶ የተወገደው ከድንግል ማርያም ሳይሆን ጌታ ከእርሷ ከነሣው ሥጋ ላይ ነው፡፡ ይህም አነጋገር ሊያደናግር ይችላልና በግልጽ አማርኛ መንፈስ ቅዱስ ያነጻው ጌታ ይወሐደው ዘንድ ከእርሷ የከፈለውንና ከአካለ ቃል ጋር ያዋሐደውን ሥጋ ነው እንጂ እርሷን በጠቅላላ በፅንሰት ጊዜ አነጻት የሚል ትምህርት የለም፡፡ ሊቃውንቱ ያስቀመጡት እውነት ጌታ የተወሐደው ሥጋ ከእርሷ ተከፍሎ መንጻቱን እንጂ ድንግል ማርያም መንጻቷን አያሳይም፡፡ ለምሳሌ በመጽሐፈ ቅዳሴ አንድምታ ላይ የሰፈረውን የሊቃውንቱን ማብራሪያ እንመልከት፡፡ በጸሎተ ሃይማኖት «ወተሰብአ እመንፈስ ቅዱስ» ለሚለው ንባብ የተሰጠው ሐተታ «የከፈለ፣ ያነጻ፣ ያዋሐደ መንፈስ ቅዱስ ነውና» የሚል ነው (የመጽሐፈ ቅዳሴ አንድምታ ገጽ 272 ይመልከቱ)፡፡ እየተናገሩ ያሉት ስለተከፈለው ስለነጻውና ስለተወሐደው ሥጋ ነው እንጂ ስለድንግል ማርያም መንጻት አይደለም፡፡

የሊቃውንቱ ማብራሪያ ይህ ይሁን እንጂ አንዳንዶች ከዚህ ጥንታዊ አስተምህሮና ከመጽሐፍ ቅዱስም ትምህርት ጋር የሚጣላውንና በልማድ የተያዘውን አነጋገር ይዘው «ማርያም ጥንተ አብሶ የለባትም» ሲሉ እርሷን ከሰው የተለየች ፍጥረት ያስመስሏታል፡፡ እርሷ እኮ ሰው ናት! ስለዚህ ከሰው የተለየ ማንነት የላትም፡፡ እግዚአብሔር መርጧት በእርሷ ታላቅ ሥራን በመሥራቱ ደግሞ ከሴቶች መካከል የተባረከች የጌታችን እናት ናት፡፡ ከዚህ አልፎ መሄድና እርሷን በአምላክ ስፍራ ማስቀመጥ እርሷን ማክበር ሊሆን አይችልም፡፡ ሌላ ስም ልንሰጠው ብንሞክርም ይህ አምልኮ ባዕድ ነው፡፡

ዓለማየሁ ሞገስን ጨምሮ ብዙዎቹ ሊቃውንት ማርያም ጥንተ አብሶ እንደነበረባትና ጌታን ስትፀንሰው እንደጠፋላት ይናገራሉ፡፡ ይህም በአንድ በኩል ማርያም ጥንተ አብሶ ነበረባት ከሚለው እውነታ ጋር ያሳማቸዋል፡፡ በሌላ በኩል ደግሞ «ማርያም ጥንተ አብሶ የለባትም» የሚሉትን ወገኖች «ጌታን ስትፀንሰው ነጽታለች» በማለት ከተቻለ ለማስደሰት ይመስላል፡፡ ነገር ግን ድንግል ማርያም ሰው መሆኗን ፈጽሞ መዘንጋት የለብንም፡፡ ጥንተ አብሶ አለባት ስንልም ሰው መሆኗን ነው የሚያሳየው፡፡ «ጥንተ አብሶ አልነበረባትም፤ ያለሀጢአት ነው የተወለደችው» ማለት ደግሞ ከሰው ወገን አይደለችም ማለት ብቻ ሳይሆን፣ ሰው ሁሉ ሀጢአተኛ ነው፤ እንዲሁም ደም ሳይፈስ ስርየት የለም የሚለውን መጽሐፍ ቅዱሳዊ እውነት የሚቃረን ነው፡፡ ደግሞስ ሀጢአት በዚህ መንገድ ይጠፋል ወይ?

መጽሐፍ ቅዱስ «ስለዚህ ምክንያት ኃጢአት በአንድ ሰው ወደ ዓለም ገባ በኃጢአትም ሞት፥ እንደዚሁም ሁሉ ኃጢአትን ስላደረጉ ሞት ለሰው ሁሉ ደረሰ፤» (ሮሜ 5፡12)፡፡ እንዲሁም «ሁሉ ኃጢአትን ሠርተዋልና የእግዚአብሔርም ክብር ጎድሎአቸዋል፤» (ሮሜ 5፡12) ይላል፡፡ በእነዚህ ጥቅሶች መሰረት ሀጢአት ወደ ዓለም የገባውና ለሰው ሁሉ የደረሰው በአዳም በኩል ነው፡፡ ስለዚህ የአዳም ዘር ሆኖ ኃጢአት የሌለበት አንድ ስንኳ የለም፡፡ «ጻድቅ የለም አንድ ስንኳ፤» (ሮሜ 3፡11) ሐዋርያው ዮሐንስም «ኃጢአት የለብንም ብንል ራሳችንን እናስታለን፥ እውነትም በእኛ ውስጥ የለም።» (1ዮሐ. 1፡8)፡፡ ታዲያ ድንግል ማርያምን ከዚህ ውጪ ማድረግ ይቻላል ወይ?

ስለሁላችን (ድንግል ማርያምን ጨምሮ) ቤዛ ሆኖ ይሞት ዘንድ እግዚአብሔር ቃል ሰው ሆኖ ሲመጣ ግን ያለሀጢአት ይወለድ ዘንድ የግድ ነበር፡፡ ስለሆነም መልአከ እግዚአብሔር ቅዱስ ገብርኤል ለብሥራት ወደ ድንግል ማርያም መጥቶ ባበሰራት ጊዜ «መንፈስ ቅዱስ በአንቺ ላይ ይመጣል፥ የልዑልም ኃይል ይጸልልሻል ስለዚህ ደግሞ ከአንቺ የሚወለደው ቅዱስ የእግዚአብሔር ልጅ ይባላል።» ብሏታል (ሉቃ. 1፡35)፡፡ መንፈስ ቅዱስ ወደእርሷ የመጣው ለምንድን ነው? ቢባል ሀጢአተኛ ባሕርይ ቃል ይወሐደው ዘንድ ከድንግል ማርያም ወደተከፈለው ሥጋ እንዳይተላለፍ ለመጸለል ነው፡፡ መጸለል የሚለው ቃል በአድራጊ ግስ «ማጥለል፣ ማጥራት፣ ጥሩ ማድረግ፣ …» ማለት ነው (ኪዳነ ወልድ ክፍሌ መዝገበ ቃላት ገጽ 654)፡፡ ሊቃውንቱ እንደሚያትቱትም መንፈስ ቅዱስ በድንግል ማርያም ላይ መጥቶ ቃል የሚወሀደውን ሥጋ ከድንግል ማርያም ከፈለ፣ የከፈለውን አነጻ፤ ያነጻውን ከቃል አካል ጋር አወሐደ፡፡ ስለዚህ ከጥንተ አብሶ የነጻው ቃል የተወሐደው ሥጋ ነው እንጂ ድንግል ማርያም አይደለችም፡፡ በዚህ ሐሳብ ከተንደረደርን «አናኒመስ» «ማርያም ጥንተ አብሶ ነበረባት ማለት፣ የጥንተ አብሶ ነገር በርዕሱ ለቀረበው ጥያቄ የኔ መልስ ድንግል ማርያምን ጥንተ አብሶ አላገኛትም የሚል ነው ፡፡ ምናልባት ይኸ መልስ በተለያየ ጊዜ የተነሱትን ጥያቄዎች ሁሉ ለመመለስ ይሞክራል ብዬ እገምታለሁ፡፡» በማለት ያቀረባቸውን ነጥቦች እንፈትሻቸው፡፡ በእርግጥ የቀረቡት ነጥቦች እስካሁን ለተነሱት ጥያቄዎች መልስ ሰጥተው ይሆን? ወይስ ሌላ ጥያቄ ፈጥረው ይሆን?

«1. አንዳንዶች፡- ለእመቤታችን ድንግል ማርያም ጥንተ አብሶ የጠፋላት መልአኩ ባበሠራት ጊዜ ነው በማለት ይጽፋሉ፡፡ ይህ አባባል ከዚህ በፊት መልአክ ያበሠራቸው ማኑሄና ሚስቱ ዘካርያስና ኤልሳቤጥ ለምን ጥንተ አብሶ አልጠፋላቸውም ያሰኛል ? መሳ 13.2-3 ሉቃ 1.13፡፡ ጥንተ አብሶ የሚጠፋው በብሥራተ መልአክ ቢሆንማ አካላዊ ቃል ከሰማየ ሰማያት ወርዶ ከድንግል ማርያም ተወልዶ ሰው በመሆን መከራ መቀበልና በመስቀል ላይ መሞት አያስፈልገውም ነበር ፡፡ በቀላሉ ውርደትንና ሞታችንን ሳይካፈል እልፍ አዕላፋት መላእክትን ልኮ ብሥራትን በመንገር ብቻ ጥንተ አብሶን ከሁላችንም ዘንድ ማጥፋት ይቀለው ነበር ፡፡ በሌላ በኩልም የቅዱስ ገብርኤል ብሥራት ከጥንተ አብሶ ነጻ ማድረግ ከቻለ የአንድ መልአክን የብሥራት ቃል ከክርስቶስ ደምና ሞት ጋር እኩል አድርገነዋል ማለት ስለሚሆን ፈጽሞ የተሳሳተ መግለጫ ነው ፡፡»

«አናኒመስ» ጥንተ አብሶ በብስራተ መልአክ እንደማይጠፋ ከተናገሩት ጋር እስማማለሁ፡፡ በተመሳሳይም ጥንተ አብሶ በክርስቶስ ሞት የሚወገድ መሆኑን የተናገሩት እውነት ነውና የእርሱን ሞት ከብስራተ መልአክ ጋር ማነጻጸር ትልቅ ስንፍና ነው፡፡ ጥንተ አብሶ በክርስቶስ ሞት የሚወገድ ከሆነ ከድንግል ማርያምስ ጥንተ አብሶ በምን መንገድ ተወገደ ሊሉን ነው? ያው እኮ የመወገጃ መንገዱ የክርስቶስ ሞት ብቻ ነው፡፡ ክርስቶስ ግን ቤዛ ሆኖ እንዲሞት ያለኃጢአት ይወለድ ዘንድ ግድ ነበረና መንፈስ ቅዱስ እርሱ የተወሐደውን ሥጋ ከፍሏል፤ አንጽቷል፤ ከቃል አካል ጋር አዋሕዷል፡፡ ስለእርሱ የተነገረውን ለድንግል ማርያም መስጠትና «መንፈስ ቅዱስ ዐቀባ እምከርሰ እማ» ማለትም «መንፈስ ቅዱስ ከእናቷ ማሕፀን ጀምሮ [ከጥንተ አብሶ] ጠብቋታል» ማለት ስለክርስቶስ የተነገረውን ለማርያም መስጠት ነው የሚሆነው፡፡


«2.
አሁንም ሌሎች ደግሞ ጥንተ አብሶ የጠፋላት ጌታ በሚፀነሰበት ወቅት ከመቅጽበት መንፈስ ቅዱስ ሲጸልላት ነው ይሉናል፡፡ ይህም ጌታ ሰው መሆን ያስፈለገውና ወደ እዚህ ምድር የመጣው አዳማዊውን በደል ማለትም ጥንተ አብሶን እንዴት አድርጐ ለማጥፋት ነው? የሚል ጥያቄ እንድናነሳ ያደርገናል ፡፡ መልሳችንም በመስቀል ላይ በሚፈጽመው ቤዛነትና በሚከፍለው መሥዋዕትነት ብቻ ነው የሚል ነው፡፡ እንግዲህ እመቤታችን ጥንተ አብሶ ከነበረባት መድኃኒቴ ያለችውንም ቃል አጣምረን ደምረን እንደማናቸውም ሰው በመስቀል ላይ በሚፈጸም ቤዛነት ብቻ ከጥንተ አብሶ መዳን ነበረባት እንጂ አንዳንዶች እንደሚሉት መንፈስ ቅዱስ በጸለለባት ጊዜ ሊሆን አይችልም፡፡ ይህ ንጽህና ከሌለ ደግሞ ጌታ የተጸነሰው ጥንተ አብሶ በነበራት አንዲት ሴት ማህጸን ነው ስለሚያሰኝ ፍጹም ስህተት ይሆናል(1) በመቀጠልም የዳዊት መዝሙርን እንደሚተረጉሙት ጌታችንንም በኃጢአት ተወለደ ሊያስብል ነውና(2)፡፡ በሌላው ወገን ደግሞ መንፈስ ቅዱስም በበኩሉ ጥንተ አብሶን አንጽቶ ድህነትን የሚያስገኝ ከሆነ በዚህ ዓለም ላለነው የአዳም ልጆች ሁሉ ሁለተኛ አማራጭ የመዳኛ መንገድ አለን ብለን ልንመሰክር ነው ማለት ነው(3) ማለትም በኢየሱስ ሞትና ደም ሌላም በመንፈስ ቅዱስ መጽለል በኩል፡፡ ሎቱ ስብሐት !!! የፈሰሰውን ደም ስለ እኛ የተቀበለውን ፍዳና መከራ መካድና ተደራራቢ ስህተቶችን ማምጣት፡፡»
ይህን ነጥብ በተመለከተ አብዛኛው ሐሳብ ከላይ ስለተዳሰሰ ያልተዳሰሰውን ሐሳብ ብቻ እየነካካሁ ልለፍ፡፡ መንፈስ ቅዱስ በእርሷ ላይ የመጣው እርሷን ሊያነጻ ሳይሆን፣ ቃል የሚወሐደውን ሥጋ ለመክፈል የከፈለውን ለማንጻትና የነጻውን ለማዋሐድ ነውና በአናኒመስ እንደተነገረው መንፈስ ቅዱስ ማርያምን ከጥንተ አብሶ አነጻት የሚለው አያስኬድም፡፡ ደግሞም ኃጢአት የሚወገደው በክርስቶስ ሞትና እርሱ ባፈሰሰው ደም በመሆኑ፣ በመንፈስ ቅዱስ መጸለል ቃል የተወሐደው ሥጋ ብቻ ከጥንተ አብሶ ነጻ እንጂ የድንግል ማርያምም ሆነ የሌላው የማንም ፍጡር ኃጢአት በመንፈስ ቅዱስ መጸለል አይወገድም፡፡ እርሱ የሚወሐደውና ለሌላው ቤዛ የሚሆነው ሥጋው ግን በዚህ መንገድ ይነጻና ከድንግል ማርያም የሚወለደው «ቅዱሱ የእግዚአብሔር ልጅ» ይባል ዘንድ በእግዚአብሔር የታቀደ ነበር (ሉቃ. 1፡35)፡፡ «በዚህም ፈቃድ የኢየሱስ ክርስቶስን ሥጋ አንድ ጊዜ ፈጽሞ በማቅረብ ተቀድሰናል።» (ዕብ. 10፡10)፡፡

ይቀጥላል

ጸጋ ታደለ

74 comments:

  1. ምክንያቱም ጌታ ከድንግል ማርያም ሲፀነስ ጥንተ አብሶ የተወገደው ከድንግል ማርያም ሳይሆን ጌታ ከእርሷ ከነሣው ሥጋ ላይ ነው፡፡
    ጌታ ከእርሷ የነሳው ስጋ ከማህፀኗ ብቻ ነው ማለት ነው?ወይስ ጌታ የተዋሀደው ሌላ ድንግል ማርያም የተፈጠረችበት/ሁለተኛ ስጋ/ የነጻ ስጋ ነበራት? ስለዚህ የሚነጻና የማይነጻ ስጋ አለ ማለት ነው?ወይም እመቤታችን ሁለት ናት ወይም ሁለቴ ተፈጥራለች ማለት ነው? ይህ ምን ትምህርት ያስተምረናል?
    እመቤታችን ከአዳም መፈጠር አስቀድሞ በአምላክ ህሊና ታስባ የነበረች ስትወለድ/ስትታሰብ/ ጀምሮ የነጻች ነበረች ነች፡ ምክንያቱም ከሃጢያት በፊት ከስላሴ በኃላ የተፈጠረች ንጹህ የሰው ዘር ናትና ።

    ReplyDelete
    Replies
    1. ምክንያቱም ከሃጢያት በፊት ከስላሴ በኃላ የተፈጠረች ንጹህ የሰው ዘር ናትና ። mene maletehe newe ante weyese besehetete newe yetsafekewe?

      Delete
    2. May I correct it:

      እመቤታችን ከአዳም መፈጠር አስቀድሞ በአምላክ ህሊና ታስባ የነበረች ስትወለድ/ስትታሰብ/ ጀምሮ የነጻች ነበረች:: ምክንያቱም ከሃጢያት በፊት በስላሴ ህሊና የነበረች በኃላም ከጽንሰት ጀምሮ ነፅታ፣ ተቀድሳ እና ተለይታ የተወለደች የአዳም በደል በማናቸውም ጊዜ ያላገኛት ንጹህ የሰው ዘር ናትና::

      Delete
    3. May I correct it:

      እመቤታችን ከአዳም መፈጠር አስቀድሞ በአምላክ ህሊና ታስባ የነበረች ስትወለድ/ስትታሰብ/ ጀምሮ የነጻች ነበረች:: ምክንያቱም ከሃጢያት በፊት በስላሴ ህሊና የነበረች በኃላም ከጽንሰት ጀምሮ ነፅታ፣ ተቀድሳ እና ተለይታ የተወለደች የአዳም በደል በማናቸውም ጊዜ ያላገኛት ንጹህ የሰው ዘር ናትና::

      Delete
  2. ከስጋዋ ስጋ ለመክፈል፤ የከፈለውን ለማንጻት፤ ያነጻውን ለመዋሃድ ነው እያልክ ያለኸው።
    1/ ይህ አባባል የክርስቶስን ልደት እንደ ዳዊትና ማኅደር፤ እንደ ሰይፍና ሰገባ ገብቶ የመውጣት እንጂ ከማርያም አካላዊ ማንነት ጋር ለዘጠኝ ወር በማኅጸን ውስጥ የደም፤የስጋ፤የአጥንት ግንኙነት ሳይኖረው በራሱ የተለየ አካል የነበር አያስመስልብህም ወይ?
    2/ እንዲሁም ከተወለደ በኋላ ደግሞ ከማንነት ያልነጻውን ጡት በመጥባት የእድፈት ኅብረት ተካፋይ ሆኗል አያሰኝብህም?
    3/ በአንዱ አዳም በደል ሞት ወደ ልጆቹ ሁሉ ደረሰ ሲል ሰው ከገነት መለየቱን ለመናገር ነው።/ከገነት ውጪ ያለው ሁሉ የዘላለም ሞት ነውና/
    ታዲያ ጥንተ አብሶ/የቀደመው በደል/ ማለት ነው ካልን በአዳም በደል ሁላችን ከገነት መለየታችን አይደለምን? ከዚህ አንጻር በስጋ በዚህ ምድር ቅዱስ መሰኘት ገነት መግባትን ያመለክታል ብለህ ታስባለህ? ብዙ ቅዱሳን በኦሪቱ ዘመን ነበሩና ነው።
    4/ ጥንተ አብሶ አለባት ማለት በአዳም በደል የተነሳ ገነትን ከፍታ ለመግባት እንደማንኛውም የአዳም ልጆች በራሷ የምትችል አይደለችም ማለት እንጂ መንፈስ ቅዱስ እሷን ለቃል ማደሪያነት የመምረጥ፤ የመለየትና ማንጻትን ስራ ከፊል እንድናደርግ ይቻለናል?
    6/ ጥንተ አብሶ፤ በጥል ከገነት መባረር ነው ካልን፤ ጥንተ አብሶ እንዳልጠፋ ለማመልከት ሰው ከጥል በኋላ በዚህ ምድር የስጋ ቅድስናን እንደማያገኝ ካሳብን ቅዱሳን ተብለው የተጠሩት የዘመነ ብሉይ ሰዎች በስህተት ነው ማለት ነው? የኦሪቱ የኃጢአት ስርየት መስዋእትስ የሚፈውሰው ምንን ነበር?

    ReplyDelete
    Replies
    1. ጥንተ አብሶ ሰው ከገነት መለየቱ አይደለም በጥንት በደል (በቀደመው በደል)(ጥንተ አብሶ) ላይ አብረን ከአዳምና ሄዋን ወገብ ስለነበርን አብረን በመበደላችን ያገኘን እንጂ እመቤታችን የአዳም በደል በማናቸውም ጊዜ ያላገኛት ንጹህ የሰው ዘር ናትና::ገነትን ማስከፈት ያልቻለችዉ ደግሞ መለኮት ያልተዋሐደዉ ስጋ የዓለም ቤዛ መሆን ስለማይችል ነዉ እሷን ብቻ ለይቶ ለምን አላስገባም ቢባል፩የአዳም በደል በማናቸውም ጊዜ ያላገኛት ከርሱ ፀጋ እንጂ ከራሷ ብቃት ባለመሆኑ ነዉ፣ መርገመ ሥጋ መርገመ ነፍስ የለባትም፣ አላገኛትም፤ ምክንያቱም እርሱ ራሱ ማደሪያ አድርጎ ስለመረጣት፣ አንዲሉ ሊቅ አለቃ አያሌው ታምሩ፣ ፪ደግሞም ጥንተ አብሶ ያላገኛት ለዓለም ድህነት እንጂ ገነት እንድትገባ አይደለምና፣ ከዚህ ዓለም ቅዱሳንና ቅዱሳት መካከል እንደ እመቤታችን ያለ፤ በእርሷ መጠን ጸጋን የተመላ፤ በንጽሕናና በቅድስና የተዋበ፤ የመንፈስ ቅዱስ ማደሪያ የሆነና , ፨በልዑል ኃይልም (ከራሷ ብቃት አይደለም) ፨ የተጠበቀ ሰውነት ያለው የለም፡፡ ፨ሉቃ። ፩፥፪፰፡፫፮፨ ፣ አንዲሉ መልአከ ታቦር ተሾመ ዘሪሁን

      Delete
    2. CONTINUED FROM ABOVE FOR QUESTION 6,ሰው ከጥል(ጥንተ አብሶ) በኋላ ምድር የስጋ ቅድስናን እንደማያገኝ ካሳብን ቅዱሳን ተብለው የተጠሩት የዘመነ ብሉይ ሰዎች በስህተት ነው ማለት ነው?አይደለም ቅዱስማ ነበሩ ነገር ግን ሰዎች ሁሉ ጽድቅ ሰርተው የማይጸድቁበት፤ ዘመኑ ዘመነ ፍዳ ነበር። ሆኖም ቅዱስ መባላቸዉ ገነት ስላልመለሳቸዉ ጥንተ አብሶ ስላለባቸዉ ከንቱ ነበር። «ሁሉ ዐመፁ በአንነትም ረከሱ፤ በጎ ነገርን የሚሠራ የለም፤ አንድም እንኳ የለም»መዝ.13፡3«ጻድቅ የለም አንድ ስንኳ፤ አስተዋይም የለም፤ እግዚአብሔርንም የሚፈልግ የለም፤ ሁሉ ተሳስተዋል፤ በአንድነትም የማይጠቅሙ ሆነዋል፤ ቸርነት የሚያደርግ የለም፤ አንድ ስንኳ የለም»ሮሜ.3፡11 ... ልዩነት የለምና፤ ሁሉ ኃጢአትን ሠርተዋልና፤ የእግዚአብሔርም ክብር ጐድሏቸዋል»ሮሜ.3፡22-23፡፡ሮሜ 5፡14 ነገር ግን በአዳም መተላለፍ ምሳሌ ኃጢአትን ባልሠሩት ላይ እንኳ፥ ከአዳም ጀምሮ እስከ ሙሴ ድረስ ሞት ነገሠ፤ ሮሜ 5፡18 እንግዲህ በአንድ በደል ምክንያት ፍርድ ለኵነኔ ወደ ሰው ሁሉ እንደ መጣ፥ እንዲሁም በአንድ ጽድቅ ምክንያት ስጦታው ሕይወትን ለማጽደቅ ወደ ሰው ሁሉ መጣ። በአንዱ ሰው አለመታዘዝ ብዙዎች ኃጢአተኞች እንደ ሆኑ፥ እንዲሁ ደግሞ በአንዱ መታዘዝ ብዙዎች ጻድቃን ይሆናሉ። 1ኛቆሮ 15፡22 4፡15 ሕግ የሚጥሱትን ሁሉ ለመቀጣት አሳልፎ ይሰጣቸዋል፤ ማንም ሕግን ፈጽሞ አልጠበቀውምና ሁሉም የሚቀጡ ሆኑ በመዝ 31(32)፡1-2 ዓመፃቸው ወደፍርድ ሳያስቀርባቸው የተሰረየላቸው ኃጢአታቸውም በአየሱስ ክርስቶስ ደም የተከደነላቸው በማለት ኃጢአቱን ሳይቆጥርበት ያጻደቀው ዳዊትም ምንም ቅዱስ ቢሆንም የጸደቀዉ በክርስቶስ ምህረት ነዉ ስለዚህም ቅዱስ ጳውሎስ እንግዲህ በእምነት ከጸደቅን በእግዚአብሔር ዘንድ በጌታችን በኢየሱስ ክርስቶስ ሰላምን እንያዝ፤ ሮሜ 5፡1፡፡ ያለዉ ቅዱስ ያአቆብም ሰው በእምነት ብቻ ሳይሆን በሥራ እንዲጸድቅ ታያላችሁ። ያE 2፡24፡፡ በማለት ጻፈ

      Delete
  3. ይህን ጽሁፍ ባለፈ ከማቅረብ የተቆጠብኩት ፣ ከብዛቱ የተነሳ አንባቢ እንዳይሰላችብኝ በማለት ነው ፡፡ ስለዚህም ቀጣይ ስለሆነ ክፍል ሦስት ተብሎ ቢነበብ ዛሬ የተነሱትንም ግንዛቤዎች ሊዳስስ ይችላል የሚል እምነት አለኝ ፡፡ እናም አገላለጼ ጸጋ ታደለን የሚመለከት ሳይሆን በጅምላ ይህን መሰል አስተያየት ለሚያቀርቡ ሁሉ ነው ፡፡

    8. ጥንተ አብሶ አላገኛትም ሲባል ደግሞ ፣ የሰው ፍጡር አይደለችም ማለት ነው ብለው ሊያስደነግጡን ይሞክራሉ ፡፡ መልሴ ጥንተ አብሶ ባያገኛትም ፣ ሩቅ ብዕሲ አይደለችም ፤ እንደ እኛው ፍጹም ሰው ነች የሚል ነው ፡፡ ሰው ፣ ሰው የሚለውን መጠሪያ ያገኘው በደልን ከመፈጸሙ በፊት እንጂ ፣ ኃጢአትን ከውኖ ፣ ሞት ከተከተለው በኋላ አይደለም ፡፡ “ዘፍ 1፡26-27 እግዚአብሔርም አለ። ሰውን በመልካችን እንደ ምሳሌአችን እንፍጠር፤ የባሕር ዓሦችንና የሰማይ ወፎችን፥ እንስሳትንና ምድርን ሁሉ፥ በምድር ላይ የሚንቀሳቀሱትንም ሁሉ ይግዙ። እግዚአብሔርም ሰውን በመልኩ ፈጠረ /አጽንዖት/ ፤ በእግዚአብሔር መልክ ፈጠረው፤ ወንድና ሴት አድርጎ ፈጠራቸው።” ይላልና ፣ ለሰው ልጅ ፣ ሰው የሚለው ስያሜ የተሰጠው ፣ ከምድር አፈር ተጠፍጥፎ በአምላክ አምሳል በመበጀቱና እስትንፋስን ተለግሶ በሥጋና በደም ፣ በአጥንትና ጅማት ሆኖ እየተንቀሳቀሰ በመታየቱ እንጅ ፣ ኃጢአትን እንደ ከፈን በመጐናጸፉና ከልጅ ልጅ በመወራረሱ አይደለም ፡፡ ስለዚህ ሰው ለመባል የግድ የጥንተ አብሶ ካባ መደረብ ስለማይገባን ፣ ድንግል ማርያምም ፍጹም ሰው ናት እንላለን ፡፡

    አሁንም አንዳንዶች መከራችንን ሊያበዙብን ፣ ቅድስት ድንግል ማርያም ጥንተ አብሶ አላገኛትም ተብሎ ሲነገር ፣ ከሰው የአፈጣጠር ህግ ውጭ ሆና መላዕክትን ሆናለች ማለት ነው ብለው ያደናግሩናል ፡፡ የኃጢአት ሸክም አለመኖር ከመላዕክት ወገን የሚያስቆጥር ቢሆንማ ኖሮ ጌታችን ፣ መድኃኒታችን ኢየሱስ ክርስቶስ ፍጹም ሰው ሆኗል ባልተባለ ነበር ፡፡ እናትና አባት ስለነበራት ፣ የዘርና የነገድ ስም መደርደርም ለአዳማዊ በደል መኖር ማስረጃና ማረጋገጫ ሊሆን አይችልም ፡፡ ምክንያትህሳ ለሚሉ ኢየሱስም ከአብርሃምና ከዳዊት እየተባለ ዘርና ነገዱ ተቆጥሮለታልና ነው ፡፡ ስለዚህም መዝሙረ ዳዊትን 51.5ን በመጥቀስ በማህፀን ያደረ የሰው ዝርያ ሁሉ አዳማዊ ኃጢአት ወይም ጥንታዊው በደል አለበት ቢባልም ፣ ኢየሱስንና ድንግል ማርያምን አያካትትም እላለሁ ፡፡ እዚህ ላይም ሆነ በሌላ ቦታ የማስረዳው ፍጡርንና ፈጣሪን በማነጻጸር ሳይሆን ፣ በጌታችንና መድኃኒታችን ኢየሱስ ክርስቶስ የተደረገና የተፈጸመው ሁሉ የባሕርዩ እንደሆነና የድንግል ማርያም ደግሞ በአምላክ ጸጋ ፣ የቸርነቱ ፍሬ ፣ የመፍቀዱና በሷ ለመገልገል የመውደዱ መገለጫ ፣ የአምላክ ምርጫ መሆኑን ስለማምን ነው ፡፡

    የሚዛመድ ስለሆነ ካነበባችሁ አይቀር ከመልከፍከፍ በደንብ እነዲሆንላችሁ ፣ ስለ አፈጣጠሯ ካጠናቀርኩት ጽሁፍም ትንሽ ልበላችሁ ፤ “መጀመርያና መጨረሻ የሌለው ፣ በዚህ ጊዜ ተነሣ ፣ በዚህ ጊዜ ያልፋል የማይባል ዘመን የማይቆጠርለት ቀዳማዊ ወደሐራዊ አምላክ ሁሉንም ነገር ከመሆኑ በፊት እንደሚሆን ያውቃልና ፣ አዳምና ሔዋን ትእዛዙን ከመተላለፋቸው በፊት እንደሚጥሱና እንደሚፈረድባቸው ፣ ንስሐ እንደሚገቡና እንደሚመለሱም አስቀድሞ ዐውቆ ፣ ወደ ቀደመ ክብራቸው ለመመለስ መሣሪያ አድርጐ ያዘጋጀ ስለሆነ ፣ ገና በአዳም አካል ውስጥ ሳለች እንደ ነጭ ዕንቁ ታበራ ነበር ፡፡ ገና ሰማይና ምድር ሳይፈጠሩም በሕሊና አምላክ ነበረች ማለት ነው ፡፡” ይላል ፡፡ ስለዚህ የአምላካችን የሰውን ልጅ የማዳን ዕቅዱ አዳምን ከመፍጠሩ አስቀድሞ ስለነበር ፣ ለዚሁ የሚሆነውን ዘር አስቀርቶልናል /ኢሳ 1፡9/ ማለት እንችላለን ፡፡ ከሃሊነቱን /አስቀድሞ የመረዳቱን ነገር/ የምናምን ከሆነ ይህንንም ለመቀበል አያስቸግረንም ፤ ዳዊትም ገና በማህጸን ሳለሁ ይለዋልና ፤ ሰውን ከመፍጠሩ በፊት ለሰው የሚያስፈልጉትን በሙሉ በራሱ ተገንዝቦ አየር ፣ ውሃ ፣ ምግብ ፣ ብርሃን ….. ሁሉ አስቀድሞ የሰው ዘር ሳይመጣ ወይም ሳይፈጠር እንደ አደራጀልን ማለት ነው ፡፡

    9. የወንጌል ጥቅስን ያለአገባቡ እያነሱ ለሚደነቅሩብን ደግሞ - ኢዮብ 15 ፡14-16 ኃጢአትን እንደ ውኃ የሚጠጣ ሰው ምንኛ ያንስ በማለት የሚናገረው የዕለት ተዕለት ግብረ ኃጢአትን እንጅ ፣ ጥንተ አብሶን አስመልክቶ አይደለም ፡፡ እንደዚሁም ሮሜ 3፡11 ፣ 23 (ሁሉ ኃጢአትን ሠርተዋልና የእግዚአብሔርም ክብር ጎድሎአቸዋል) ፤ መክብ 7፡2ዐ (በምድር ላይ መልካምን የሚሠራ ኃጢአትንም የማያደርግ ጻድቅ አይገኝምና።)፤ ምሳሌ 2ዐ፡9 (ልቤን አነጻሁ፥ ከኃጢአትም ጠራሁ የሚል ማን ነው?) በሙሉ የሚናገሩት በምግባራችን ደካማ መሆናችንንና ፣ በሥራችን ብንመዘን ለጽድቅ እንደማንበቃ ለማስረዳትና የጸጋውን ክብርና ፋይዳ ለማስተማር የተነገሩ ናቸው እንጅ የትም ቦታ ላይ ድንግል ማርያም (አጽንኦት) ጥንተ አብሶ እንደነበረባት የሚያስረዱ ኃይለ ቃሎች አይደሉም ፡፡ መጽሐፍ እንደ ሚያስነብበን በምግባራችን የቱንም ያህል ብንበረታና ቅዱሳንን ብንመስልም ፣ በሰውነታችን ከድክመትና ከበደል ማምለጥ አንችልም (የማይሰርቀው ያመነዝራል ፣ የማያማው ይዋሻል ፣ የማይሰክረው ይሳደባል … የኃጢአትን ሥራ ይከውናል) ፤ ስለሆነም ያለ ኢየሱስ ክርስቶስ መስዋዕትነትና የደም ካሣ ፣ የመዳን መንገድ የለንም ለማለት የተነገሩ ናቸው ፡፡

    1ዐ. የሰውን ዘር ሁሉ ኃጢአተኛ ያደረገው ኃጢአት በአንድ ሰው በአዳም በኩል እንደገባና በኃጢአትም ምክንያት ሞት እንደነገሠ የሚለውን ከሮሜ 5፡12 ያነሳሉ ፡፡ ከዚህ ቃልም በመነሳት ሲገልጹ ደግሞ የሞተ የሰው ዝርያ ሁሉ ጥንተ አብሶ አለበት የሚል ትርጓሜን ይሰጣሉ ፤ ስለሆነም ኢየሱስና ድንግል ማርያምም እንደ እኛው በመሞታቸው ብቻ ከኃጢአት ነጻ አይደሉም ለማለት ልንገደድ ነው ፡፡ እንደገናም ደግሞ በተጻራሪው ሄኖክና ኤልያስ ከሞት በትር ተሰውረዋልና ከአዳማዊው በደል የጸዱ ናቸው እንድንል ሊያስገድደን ነውና ፣ የመጽሐፍ ቃል ማስማሚያችሁን እንድታስነብቡን እጠይቃለሁ ፡፡

    11. በዚህኛው ነጥብ ወንድም ጸጋ ታደለ ያስነበበንን አዲስ ግኘት ማለትም በማኀጸኗ ውስጥ ያደረውን ልዩ አካል ፣ መንፈስ ቅዱስ ለይቶ ቀድሶታል ፣ ከኃጢአት አጽድቶታል" የሚለውም አያስኬድም እላለሁ፡፡ ምክንያቱም በማህጸን ውስጥ ያለ ፍሬ ፣ እስከሚወለድ በየዕለቱ ምግብና ኦክስጅን የሚያገኘው ከእናቱ ደም ነው ፡፡ የማያቋርጥ ግንኙነት እንዳላቸው ለመረዳት አንዳንድ በሽታዎች እንዴት ከእናት ወደ ልጅ እንደሚተላለፉ ብታነብ ይህን መከራከሪያ ብለህ አታቀርበውም ነበር ፡፡

    ReplyDelete
  4. የሞኝ ዘፈን ሁል ጊዜ አበባየ ነዉ አሉ፡፡ አንተ እራስህ መጽሃፍ ቅዱሳዊ መሰረት የሌለዉ ነገር ነዉ እያወራህ ያለኸዉ፡፡ ያለ መጽሃፍ ቅዱስ ሌላ ያዉም ያለ 66ቱ የምትሉ ጀግናዎች አሁን ደግሞ ቅዳሴ ላይ ገባችሁ፡፡ ብላችሁ ብላችሁ ደግሞ መንፈስ ቅዱስ ከፍሎ አነጻ ትላላችሁ፡፡ እስኪ አንድ ጥያቄ ልጠይቅህ
    መንፈስ ቅዱስ ከፍሎ ያነጻዉ ያንኑ የማሪያምን ስጋ ከሆነ አንድን ሰዉ ግማሹ የነጻ ግማሹ ያልነጻ ማድረግ የመንፈስ ቅዱስ አሰራር ነዉን ይህ ሁሉ ንጹኋን የሰርግ ቤት ለማጉደፍ ነዉ ጌታ ያነጻዉን ማንም ያጎድፈዉ ዘንድ አይቻለዉምና ለራስህ ከህይወት መጽሃፍ እንዳትጎድል ተጠናቀቅ፡፡

    ReplyDelete
    Replies
    1. I think you misunderstood the point. Look what you said "መንፈስ ቅዱስ ከፍሎ ያነጻዉ ያንኑ የማሪያምን ስጋ ከሆነ አንድን ሰዉ ግማሹ የነጻ ግማሹ ያልነጻ ማድረግ የመንፈስ ቅዱስ አሰራር ነዉን". Please note the terms ከፍሎ, ያንኑ የማሪያምን ስጋ ከሆነ and you said አንድን ሰዉ ግማሹ የነጻ ግማሹ ያልነጻ. You should take some care before you write this. The term ከፍሎ ያነጻዉ refers to ቃል የሚወሀደውን ሥጋ. It can not be ያንኑ የማሪያምን ስጋ. After ከፍሎ it is ቃል የሚወሀደው ሥጋ not የማሪያም ስጋ. It would have been better if you wrote መንፈስ ቅዱስ ከፍሎ ያነጻዉ ከማሪያም ስጋ ከሆነ. Regarding አንድን ሰዉ ግማሹ የነጻ ግማሹ ያልነጻ, i really don't see the logic behind your sentence, after you wrote ከፍሎ how come you argue by saying አንድን ሰዉ. The word ከፍሎ shows at least more than one entity, not አንድ ሰዉ.

      Delete
  5. The major point question should be "what is original sin?" How would you explain that? What is it? Unless you explain what Original Sin is your argument will be convoluted.

    ReplyDelete
  6. እመቤታችንን ባላት ክብር ከማክበር አልፈን እርሷን ከሰውነት ተራ በማውጣት ወደ አምላክነት ደረጃ ከፍ ለማድረግ ያለመ ሆኖ ይታያል፡፡ ስለጥንተ አብሶ ስንናገርም በዚህ ላይ ተመሥርተን ነው፡፡ this is your thinking as no one says st Mary is creator. Just think Adam before his commit sin. He was clean and his mind did not think any devil things. He has no inclination to sin. So in EOTCE teaching St. Mary has that clean thinking with no inclination to sin as God created her with this mind. this biblical " Zern Bayaskerilin". Any way many writings from the opposite does not convincing.Convince me and let me trust you

    ReplyDelete
  7. ቅዱሱ የእግዚአብሔር ልጅ ክርስቶስ እየሱስ በሥጋ ይወለድባት ዘንድ ለማብሠር መላኩ ቅዱስ ገብርኤል ወደ ተመረጠችው ከሴቶች መካከል የተባረከች፣ የተቀደሰች፣ ከአዳም ኃጢአትና በደል ፍጹም ንፅህት ወደ ሆነችው ወደ ቅድስተ ቅዱሳን ድንግል ማርያም በፍፁም ትህትና. . . በእግዚአብሔር ፊት ፀጋን አግኝተሻልና ደስ ይበልሽ ወንድ ልጅ ትወልጃለሽ ስሙንም እየሱስ ትይዋለሽ ብሎ አበሰራት እሷም እራሷን ዝቅ አድርጋ በትህትና እንደ ቃልህ ይደረግልኝ አለችው፡፡ እዚጋ የሚያስረዳን ነገር የአዳም እዳ በደል ፍጹም ያልዳሰሳት መሆንዋን ነው፡፡ ምክንያቱም የአዳም ውርስ ኃጢአት ቢኖርባት ኖሮ ጌታችን እየሱስ በዚያን ዘመን አይወለድም ነበር፡፡ አዳም በእስር ላይ 55ዐዐ ዘመን እንደ ነበር መጽሐፍት ያስረዱናል፡፡ ምክንያተ ድሂን /የመዳን ምክንያት/ የሆነችው ድንግል ማርያም 15 ዓመት ዕድሜ እስኪሞላት ድረስ ብዙ ሴቶች ነበሩ፡፡ ለምን ከነዚያኞቹ ለእግዚአብሔር ያደሩ ብዙ የተባረኩ ቅዱሳት እንስቶች መካከል ከአንዲቷ ለምን አልተወለደም? እነሱ ብዙ የጽድቅ ሥራ ቢኖራቸውም ከአባቶቻቸው የውርስ ኃጢአት ነጻ አልነበሩም ማለት ነው ፡፡ እመቤታችን ግን ከሁለት ወገን ድንግል የሆነች ገና ከአባትና እናትዋ ስትወለድ ነፅታ ፣ ተቀድሳ እና ተለይታ የተወለደች፣ እግዚአብሔር ይህች ማረፊያዬ /ማደሪያዬ/ ነች ብሎ አስቀድሞ ያዘጋጃትና የቀደሳት እንስት ስለሆነች መንፈስ ቅዱስ ፀለላት የቅዱሱ የእግዚአብሐር ልጅ የእየሱስ ክርስቶስ እናትም ሆነች ከዛም አምላካችን ካረገ በኋላ ለእኛ እናት እንድትሆነን ባርኮ ሰጠን ፡፡

    ReplyDelete
  8. what is orginal sin first of all in faith of our fathers especially dersane kidane mehret,metshafe mister and holy bible.Adam’s sin has resulted not only in our having a sin nature, but also a guilt with adam before God in pardise for which we deserve punishment.maletem yadefe tebay bicha sayhon adam begenet yaderegew bedel lay tekafay nebern. we conceived with original sin እነሆ፥ በዓመፃ ተፀነስሁ፥ መዝሙረ ዳዊት51;5ሰው ልብ ከሁሉ ይልቅ ተንኰለኛ እጅግም ክፉ ነው but why?b/c the human race was within Adam in seed form at a pardise; thus when Adam sinned, we sinned in him.ከሌዊ ልጆችም...እነርሱ ምንም ከአብርሃም ወገብ ቢወጡ፥ አሥራትን የሚያስወጣ ሌዊ እንኳ በአብርሃም እጅ አሥራትን ሰጥቶአል leman?to መልከ ጼዴቅ ዕብራውያን 7:4-yeh kehone tinte abso yeh kehone tente abso...

    ReplyDelete
  9. yih ayin yawota minfkna new wodaje!!!

    ReplyDelete
  10. oh my God, I appreciate this anonymous writer. I haven't heard such kind of explanation on this "tinte abso".Even I was in doubt. Now I am sure that St Marry is free of the original sin.
    Thanks Anonymous. Thanks Aba selamas'.

    ReplyDelete
  11. ለጸሀፊው አንድ ጥያቄ አለኝ፡፡ ቢመልስልኝ ደስ ይለኛል ግን ባይመልስልኝ እኔ ስለዚህ ብሎግ የነበረኝን ግምት ትክክለኛነቱን ያረጋግጥልኛልና በጣም ደስ ይለኛል፡፡
    1) በዚህ ጽሁፍ ላይ እንደማስረጃ የጠቀስከው መጽሐፈ ቅዳሴነው፡፡ እናነተ ግን ብዙ ጊዜ አዋልድ መጻህፍትን እንደማትቀበሉ ይታወቃል ታዲያ የማትቀበለውን መጽሀፍ ማስረጃ አድርገህ ብትጠቅስ ትርጉሙ ምን ላይ ነው
    2) ሌላው አንተ ለሀሳብህ የሚጠቅሙህን ብቻ እየመረጥህና እየተረጎምህ ስታቀርብልን እኛ በቤተክርስቲያናችን ዝም ብለን የምንጓዝ አእምሮ የለሽ አድርገህ ካላሰብከን በስተቀር መጽሐፍ ቅዱስ እግዚአብሔር ዘርን ባያስቀርልን ኖሮ ሰዶምን በመሰልን እንደ ገሞራም በሆንን እያለ ስላስቀረልን ዘር የተናገረውን ትንቢት
    3) እንደገናም ደግሞ እግዚአብሔር ይህን ብቻ ከፍሎ ተዋሃደ ሌላውን ጥንተ አብሶ እንደነበረበት ተወው እያልክ የምትፈላሰፍብን የፈጣሪ ንጹሀ ባህሪ ባደፈና በጎደፈ ስፍራይኖራል እያልክ ክህደት ማሰተማርህ አይደለምን
    4) እመቤታችንን ከጥንተ አብሶ ነፃ ናት ማለት ባእድ አምልኮ ነው የምትለው ያንተ የግልህ አመለካከት እንጂ እኛ እሷን አላመለክንም የሚገባትን ክብር ግን እንሰጣታለን፡፡ የአምላክ እናት፤ ቅድስት፤ ድንግል ፤ክብርት፤ብጽእት፤ አማላጃችን ፤የመዳን ምክንታችን እያልን፡፡ በሀሳቧ እንኳን አደፍ ጉድፍ ያልተገኘባት ለመሆኗ ለመልአኩ የተናገረችው ቃል በቂ ምስክር ነውና የኛ እሷን ማክበር በምንም መልኩ ነው አምልኮ ሊሆን የሚችለው፡፡
    ለነዚህ ጥያቄዎች በቂምላሽ እንድትሰጠኝ እፈልጋለሁና ቸል አትበል

    ReplyDelete
  12. I am sure on judgement Lord Jesus is not going to ask us about St. Mary. So don't spend time arguing about whether she had ...or not. What difference does it make about our deliverance and redemption?
    Both opinions show extremism on orthodox and protestant ends. What now? Are Abaselama's bloggers accepting all protestant theories?
    Please make sense.

    ReplyDelete
  13. YOU are really wise man God bless you. I enjoyed a lot thank you very much my brother in Christ Jesus. Once again may the Almighty God bless you.Abba.

    ReplyDelete
  14. ere YeMedhanAlem yaleh!? Tehadiso beGilt sisasat, chirash lesewim mesenakil mehon? Minew Emebetachin layy endih kenachihu? ayy yeSeytan sira, beka kutaw hulu esua layy new. Emebirhan kesew wegen yetegegnech sew nat, Yawim yeAmlak enat. bezih demo 'tinte abiso yelebatim' wededinim telanim. Fire negeru gin, wegenoche min ale silegna nisiha ena silegna bedel timihirt binimamar. Ere yibekal?!

    ReplyDelete
  15. Tsega Tadele, is the truth Tsega yetadele. I love your truth of " Tinte Tehabiso" explanation and education. I wish every one understand this and, move on it. God Belesse you more and, more, and more.

    ReplyDelete
    Replies
    1. አንተ ውሸታም ፤ ኋላ የሚቃጠል ቢሆን ከዳር ሆነህ ለመሳቅ ነው ይህን ሰው ወደ ገደል የምትገፋፋው ፡፡ ለምን ከቃልህ ትንሽ ጨምረህ አላገዝከውም ፡፡ እንዳይፈረድብህ ፈርተህ በሌሎች ትከሻ ለመብላት ዳር ቆመህ ታጋግማለህ ፡፡ ብልጥ

      Delete
  16. መልካም ብለሃል ጸጋ ዳሩ ግን አውቆ የተኛ አንበሳ ቢጮህ አይነቃ እንደሚባለው
    ወተቱን ማጥቆር ማሩን ማምረር የሚፈልግ ሰው በደፈናው ፊቱን እያጠቆረ ልቡን እያደነቆረ ራሱን እያሳፈረ መደዴውን እያደናገረ ይቀጥላል እንጂ እውነቱን ቢነግሩት
    ለእውነቱ እውነትን አይመልስም እንደጲላጦስ እያወቀ ምንትኑ ጽድቅ? ሲል ይኖራል፤
    እስከጊዜው!

    ReplyDelete
  17. ከክፍል ሦስት የቀጠለ ስለሆነ እንደ ክፍል አራት ሆኖ ቢነበብ መልካም ነው

    በቅድሚያ በክፍል ሦስቱ ተራ ቁጥር 11 ለተመለከተው ተጨማሪ ማብራሪያ ፡-

    ኢየሱስ በተዋሕዶ ፍጹም ሰው ሆኗልና ፣ ከጽንሰት እስከ መስቀለ ሞቱ ድረስ የፈጸማቸውና በስሜት ህዋሳቱ የተረዳቸው ፣ ከበደል በስተቀር በዓለም ያለፈባቸው ልምዶች በሙሉ ፍጹም የሰው ጸባዮች /መራብ ፣ መጠማት ፣ መድከም ፣ ማንቀላፋት ፣ መብላት ፣ መጠጣት …/ ስለሆኑ ፣ በማኀጸን ህይወቱም እንደማንኛችንም ፣ ከሥጋ እናቱ ከድንግል ማርያም ዕለት ተዕለት ጥብቅ ግንኙነት ነበረው እላለሁ ፡፡ ስለዚህም እትብቱ እስከሚቆረጥና በእቅፍ እስከ ሚሆነ ድረስ በሙሉ ከቅድስት ድንግል ማርያም ያልተቋረጠ የደም ቁርኝት በመፍጠር ፣ የሷ የሆነውን ሁሉ አንድም ሳያስቀር ተጋርቷል ፡፡ በማህጸን ግንኙነቱ ተቋረጦ ከነበረ ግን ከተፈጥሮ ህግጋት ውጭ ስለሚሆን ፍጹም ሰው ሆነ የሚለውን የመጽሐፍ ቃል ይጻረራል ፡፡ ይህ ግንኙነት ሳይቋረጥ ታድያ ጥንተ አብሶ ከነበረባት እንደምን ወደ ልጅዋ ሳይተላለፍ ይቀራል ? ጥንተ አብሶስ መተላለፊያው መንገድ ምን ቢሆን ነው ፣ ከድንግል የከፈለውን ሥጋ ስለጋረደው ብቻ ፣ ወደ ጌታችንና መድኃኒታችን አልተላለፈበትም ማለት የሚቻለው ?

    እትብት ተቆርጦ የማህጸን ህይወቱን ሲጠናቅቅም እንኳን ፣ የጡት ወተትም ሌላው ሊካድና ሊገፋ የማይችል መቆራኛ መንገድ ነው ፤ መገኛው ሥጋዊ አካል ነውና፡፡ ስለዚህም የከፈለውን ሥጋ ለይቶ አጸዳ ማለት ፣ ግንኙነታቸው በማይቋረጥ አካላት መሃል ፈጽሞ አስቸጋሪ ነው ፡፡ አይ በደፈናው ለእግዜር ምን ይሳነዋልና የሚባል ከሆነም ፣ አዎ ለእሱማ የሚሳነው የለም ፤ ለድንግል ማርያም የሚሆን ዘርንም ከጥንተ አብሶ ጠብቆ ማቆየት ይችላል እላለሁ፡፡

    12. የዋሃን ወገኖች ደግሞ የግብጽ ቤተ ክርስቲያን /ሌሎቹም አኃት አብያተ ክርስትያናት/ የተቀበለችው ዶግማ ስለሆነ ድንግል ማርያም ጥንተ አብሶ መባል አለባት ፤ አቡነ ሸኑዳም ይህንኑ ጽፈዋልና በማለት ድምፃቸውን ያሰማሉ ፡፡ እምነታችንን እከሌ እንዲህ ስለሆነ ወይም ስለጻፈ ብለን ለማስተካከል ማሰባችን ደካማ መሆናችንን ያሳያል ፤ ሰውን እያየን የምንነጉድ ከሆነ ፣ የእኛ ፍጹም ሰው መሆንን ጥያቄ ውስጥ ያስገባብናል ፡፡ ለማመን ሃቅን ማወቅና መረዳት ፤ ትክክል ነው ብሎ መቀበልን ፣ ራስን ለአመኑበት ጉዳይ እስከ መጨረሻው ማስገዛትንም ስለሚጠይቅ ፤ ዝም ብሎ ካገኙትና ካዩት ጋር ሁሉ መንጠላጠልና መናፈስ ትክክል አካሄድ መስሎ አይታየኝም ፡፡

    የኢትዮጵያ ኦርቶዶክሰ ተዋህዶ ቤተ ክርስቲያን ከስንት ዘመናት ክርክርና ትግል በኋላ ከግብጽ ሞግዚትነት ሙሉ በሙሉ ተላቃ የቤተ ክርስቲያን አስተዳደር ነጻነቷን በ1941 እና በ1951 ዓ.ም. አግኝታለች ፡፡ አቡነ ሸኑዳ (ነፍሳቸውን እግዚአብሔር ይማርልን!!! የቅዱሳኑን ክብርም ያጐናጽፍልን!!!) ፣ በክርስትና እምነታቸውና አባትነታቸው ፣ ምግባራቸውም ጭምር አድናቂና አክባሪያቸው ብሆንም ፣ ቀደም ያስተማሩትንና የጻፉትን ሁሉ በደፈናው ለቤተ ክርስቲያናችን መመሪያ ይሆን ዘንድ ማምጣት የሚለውን አልቀበለውም ፡፡ ምክንያቱም የአባታችን አቋም የኛን ቤተ ክርስቲያን ሲኖዶስና አባቶች ስለማይወክልልን ወይም ሊተካልን ስለማይችል ነው ፡፡

    በስንት መከራና ትግል የተገኘች የነጻነት ካባችንን አውልቀን ፣ አሁንም እንደገና የጥንቱን ዓይነት መንገድ እንድንጓዝ የሚፈልጉና የግብጽ ቤተ ክርስቲያን ቅርንጫፍ እንድንሆን የሚጋብዙንም የየዋህነት አስተሳሰብ ይመስላልና አካሄዱ አግባብ አይደለም እላለሁ ፡፡ እግዚአብሔር በፍጥረቱ መሃል አያዳላምና አገራችን በየትኛውም ወቅት ቢሆን መጽሐፍትን የሚመረምሩና የተረዱ ፣ በቂ ዕውቀት ያላቸውም ሊቃውንት አላጣችም ፤ ወደፊትም አታጣም ፡፡ የእምነት ጥገኝነት በምንም መልኩ አያስፈልገንም ፡፡ እነ እንቶኔ ስለ ጀግንነታቸው ቀሚስ ለበሱ ብለን ፣ የሌለብንንና የማይስማማንን ቀሚስ አንለብስም ፡፡

    በተረፈ እስከ አሁን ቢያንስ በሁለት ጽንሰ ሃሳብ ላይ ተስማምተናል ፡፡ በመልአኩ ቅዱስ ገብርኤል ብሥራትና በመንፈስ ቅዱስ መጽለል ጥንተ አብሶ እንዳልተወገደላት በሚለውና በኢየሱስ አዳኝነት ላይ ፡፡ ቀጣይ የምንስማማባቸውንና ፣ ቃላችን አንድ የሚሆንበትንም ለማንበብ በጉጉት እጠብቃለሁ ፡፡ ምናልባት ሌላውም ያቀረብኩት ቃል ያስማማን ይሆናል ፡፡

    ወስብሐት ለእግዚብሔር

    ReplyDelete
  18. ቃለ ሕይወት ያሰማልኝ፡፡ የአባ ሰላማ ብሎግ መከፈቱ በምንፍቅና ሕይወት ላሉት ወንድሞችና እህቶች መመለስ በር ከፋች ነው፡፡ ምክንያቱም እንደው በግርድፍ /ለብ ለብ/ ያለውን እውቀታቸውን የሚፈትሹበት እና ጥርጣሬያቸውን ወደ ፍጹም እምነት /ኦርቶዶክስ ተዋህዶ / የሚመልሱበት ስለሆነ ደስ ብሎኛል፡፡

    ReplyDelete
  19. "በተረፈ እስከ አሁን ቢያንስ በሁለት ጽንሰ ሃሳብ ላይ ተስማምተናል ፡፡ በመልአኩ ቅዱስ ገብርኤል ብሥራትና በመንፈስ ቅዱስ መጽለል ጥንተ አብሶ እንዳልተወገደላት በሚለውና በኢየሱስ አዳኝነት ላይ ፡፡ ቀጣይ የምንስማማባቸውንና ፣ ቃላችን አንድ የሚሆንበትንም ለማንበብ በጉጉት እጠብቃለሁ" -- 'kentu ye kentu kentu neh' you and your collegues ( the deviles) can agree on it. we christians will ALAWYS condemn it

    ReplyDelete
    Replies
    1. ይህን የጻፍክ ሰው ለመሆኑ ዓይንህን ጨፍነህ ማንበብ ማን ነው ደግሞ ያስተማረህ ? ሰው የማይታወቅ ስንት ዓይነት ጸጋ ታድሏል !!! ወገኔ ዲያብሎስ ሊገለገልብህ ሲፈልግ ፣ በሥርዓቱ የተጻፈውን እንኳን እየጋረደብህ ነውና በስመ አብ ወወልድ ወመንፈስ ቅዱስ በማለት ከፊትህ እንዲወገድ ገሥጸው ፡፡ ሳትጠራጠር ጥራበት ይሄድልሃል ፡፡

      ለማንኛውም የሸፈነብህን እንድታነበው በማለት ቃሉ ይኸው ገልብጨልሃለሁ ፡፡
      1. «አናኒመስ» ጥንተ አብሶ በብስራተ መልአክ እንደማይጠፋ ከተናገሩት ጋር እስማማለሁ፡፡ በተመሳሳይም ጥንተ አብሶ በክርስቶስ ሞት የሚወገድ መሆኑን የተናገሩት እውነት ነውና የእርሱን ሞት ከብስራተ መልአክ ጋር ማነጻጸር ትልቅ ስንፍና ነው፡፡

      2. መንፈስ ቅዱስ በእርሷ ላይ የመጣው እርሷን ሊያነጻ ሳይሆን፣ ቃል የሚወሐደውን ሥጋ ለመክፈል የከፈለውን ለማንጻትና የነጻውን ለማዋሐድ ነውና በአናኒመስ እንደተነገረው መንፈስ ቅዱስ ማርያምን ከጥንተ አብሶ አነጻት የሚለው አያስኬድም፡፡

      እንዲያውም ባይገርምህ የጸጋ ታደለ ግንዛቤና አገላለጽ ምን ያህል አውቆ አጥፊ እንደሆነ ነው የሚያስረደው ፡፡ ቅድስት ድንግል ማርያም ከጥንተ አብሶ የተጠበቀች ናት የሚለውን መግለጫ መሠረቱን ሲገልጽልን እንዲህ ብሏል ፡፡ “በቅድሚያ በጥንተ አብሶ ጽንሰ ሓሰብ ዙሪያ ያለው አመለካከት ስለድንግል ማርያም በትውፊት ሲነገሩ በመጡ አስተሳሰቦች ላይ የተመሠረተ እንጂ..” ፡፡ ታድያ መሠረቱ ትውፊት ከሆነ ለምን አይታመንበትም የሚል ጥያቄ አቀርባለሁ ? ምክንያቱም የመጽሐፍ ቅዱስ ራሱ ወደዚህ ትውልድ የተላለፈው በአንድ ደራሲ ፣ በአንድ በተወሰኑ ቀናት ተጽፎና ተጠርዞ አይደለም ፡፡ እንደማንኛውም የሃይማኖት እውነታ በትውፊት ሲቀባበሉት የኖሩትን ቃል ነው ኋላ በጽሁፍ ያሰባሰቡትና ስድሳም ሆነ ሰማንያ መጽሐፍት ፈትሸው የጠረዙት ፡፡ ታድያ የድንግል ማርያም ታሪክና ጸጋ ሲሆን ፣ ለምን ትውፊት እንደ ቀልድና የልጆች ማስተኛ ተረት ይቆጠራል ? ታሪክ የማታውቅ ከሆነ አደራህን አላውቅም በል ፤ ዝም ብለው የሚቀባጥሩትን ዓይነት እንዳትሆንብኝና እንዳልታዘብህ ፡፡ የሚያውቁ እንዲነግሩን እኔና አንተ ዝም እንበል ፡፡

      Delete
    2. What do you mean?

      Delete
  20. ማርያም ጥንተ አብሶ አለባትን?
    ቅድስተ ቅዱሳን ድንግል ማርያም ከፅንሰቷ ጀምሮ ለሰብአዊ ፍጥረት መድኃኒት ለኾነው ለኢየሱስ ክርስቶስ ማደሪያነት የተመረጠች ናትና በኹሉን ቻዩ እግዚአብሔር ልዩ ጸጋና ምርጫ ከኃጢኣት ኹሉ ነጻ ናት፡፡
    ይህ ትምህርትም ክርስቶስን የሚያከብር ነው
    ማርያም ንጽሕት የኾነችው ለራሷ ሲባል ሳይኾን እርሷ ጊዜው በደረሰ ጊዜ ስለምትወልደው ስለ ኢየሱስ ሲባል ነው፡፡ ንጹሕ ለኾነ ልጅዋ ማደሪያ ትኾን ዘንድ ንጽሕት መኾን ነበረባት፡፡ በመኾኑም ይህ አስተምህሮ የክርስቶስን አምላክነት የሚያከብር እንጂ የሚቃወም አይደለም፡፡
    ከኃጢኣት የጠበቃት ራሱ ኢየሱስ ነውና የማርያም ንጽሕና ሙሉ በሙሉ ኢየሱስን መሠረት ያደረገ ነው፡፡ እርሱ ማርያምን ጨምሮ የሰብአዊ ፍጥረት ኹሉ መድኅን ነውና፡፡ እርሷን ከኃጢኣት ኹሉ በመጠበቁም ኢየሱስ በርሱ የሚመጡትን በርግጥም ሙሉ በሙሉ ማዳን እንደሚችል አሳየ፡፡ (ዕብ. 7፡ 25)
    በሌላም በኩል፣ ኢየሱስ አንዳንዶች እንደሚሉት ከኃጢኣተኛ የተወለደ ቢኾን ኖሮ
    ሀ) አዳኙ የገዛ እናቱን እንኳ በኃጢኣት እንዳትረክስ ማድረግ አይችልም
    ለ) እናቱን ማክበር በሚችልበት መንገድ ኹሉ ሳያከብራት ቀርቷል
    ስለዚህም ኢየሱስ አንድም ደካማ መድኃኒት ነው፡፡ አልያም “አክብር አባከ ወእመከ” (ዘጸ. 20፡ 12) “አባትህንና እናትህን አክብር” ያለውን የራሱን ትእዛዝ የሚሽር ሕግ አፍራሽ ነው፡፡ ወደሚል መደምደሚያ ያደርሳል፡፡ (ሎቱ ስብሐት!)
    በመኾኑም “እመቤታችን በቅድስት ፅንሰቷ አምላክ ያከበራት ናት፡፡” የሚለው አስተምህሮ ኢየሱስ የሚከብርበት ነው፡፡ ለስሙ ክብር ይኹንለት፡፡

    መጽሐፍ ቅዱሳዊ መሠረት
    ዘፍ. 3፡15ን (“በዘሯና በዘርህ መካከል ጠላትነትን አደርጋለሁ፡፡”) ስንመለከት (ዘሯ) ብሎ ስለ መሢሑ “ሴቲቱ” ብሎ ደግሞ ስለ ቅድስት ድንግል እናቱ የተነገረውን ትንቢት እናገኛለን፡፡ እግዚአብሔር “በአንተና በሴቲቱ መካከል ጠላትነትን አኖራለሁ፡፡” ማለቱን አስተውሉ! ይህ በግልጥ በሰይጣንና በማርያም መካከል ስለሚኖረው ጠላትነት የተነገረ ነው፡፡ እግዚአብሔር በሰይጣንና በመሢሑ እናት መካከል የሚያኖረውን ጠላትነት በገነት ተናገረ፡፡ ሰይጣን ከመሢሑ ጋር ብቻ ሳይኾን ከመሢሑ እናት ጋርም ጠበኛ ነው፡፡

    መጽሐፍ ቅዱስ ኃጢኣት የእግዚአብሔር ጠላቶች ብቻ ሳይኾን የዲያብሎስ ልጆችም (የሰይጣን ዘሮቹ) እንደሚያደርገን (ማቴ. 12፡ 30፤ ሮሜ 5፡8- 10፤ ያዕ. 4፡4፤ ዮሐ. 8፡ 44፤ 1ኛ ዮሐ. 3፡ 10) ላይ ይነግረናል፡፡ ኃጢኣተኛ የሰይጣን ልጁ፣ ወዳጁ፣ ዘሩ እንጂ ጠላቱ አይደለም፤ ኾኖም አያውቅም፡፡ ማርያም ኃጢኣተኛ ብትኾን ኖሮማ እግዚአብሔር እንዳለው የሰይጣን ጠላቱ ልትኾን አትችልም፡፡ ይልቁንም የዲያብሎስ ልጅና የእግዚአብሔር- የገዛ ልጇ- ጠላት በኾነች ነበር፡፡ እንዲህ ከኾነም “በዘሯና በዘርህ መካከል ጠላትነትን አኖራለሁ፡፡” የሚለው የእግዚአብሔር ቃል ኪዳን ሐሰት ይኾናል፡፡

    ነገር ግን ኹላችን እንደምናውቀው እግዚአብሔር እውነት ስለኾነ ሊዋሽ አይችልም፡፡ ቃሉም ኹልጊዜ ይፈጸማል (ኢሳ. 55፡ 10)፡፡ በመኾኑም እርሱ በእውነት እንደተናገረው ሴቲቱን ከኃጢኣት ኹሉ በመጠበቅ በሰይጣንና በሴቲቱ መካከል ጠላትነት እንዲኾን አድርጓል፡፡ ማርያም የዲያብሎስ ዘር አይደለችም፡፡ ይልቁንም በቅዱስ ፈቃዱ ከፅንሰቷ ጀምሮ የእግዚአብሔር ልጅ ናት፡፡ የዘሯ የኢየሱስ ክርስቶስም ወዳጅ፡፡

    ReplyDelete
    Replies
    1. ቃለ ሕይወት ያሰማልን

      Delete
    2. Abet min aynet kidus kale newu!!! kale heywot yasemalen.Lebona ystelen abbaselamawochenem. esti yalamnewun endysamnu yerdachewu.(muslimun maleta newu)

      Delete
  21. ማርያም ጥንተ አብሶ አለባትን?
    ቅድስተ ቅዱሳን ድንግል ማርያም ከፅንሰቷ ጀምሮ ለሰብአዊ ፍጥረት መድኃኒት ለኾነው ለኢየሱስ ክርስቶስ ማደሪያነት የተመረጠች ናትና በኹሉን ቻዩ እግዚአብሔር ልዩ ጸጋና ምርጫ ከኃጢኣት ኹሉ ነጻ ናት፡፡
    ይህ ትምህርትም ክርስቶስን የሚያከብር ነው
    ማርያም ንጽሕት የኾነችው ለራሷ ሲባል ሳይኾን እርሷ ጊዜው በደረሰ ጊዜ ስለምትወልደው ስለ ኢየሱስ ሲባል ነው፡፡ ንጹሕ ለኾነ ልጅዋ ማደሪያ ትኾን ዘንድ ንጽሕት መኾን ነበረባት፡፡ በመኾኑም ይህ አስተምህሮ የክርስቶስን አምላክነት የሚያከብር እንጂ የሚቃወም አይደለም፡፡
    ከኃጢኣት የጠበቃት ራሱ ኢየሱስ ነውና የማርያም ንጽሕና ሙሉ በሙሉ ኢየሱስን መሠረት ያደረገ ነው፡፡ እርሱ ማርያምን ጨምሮ የሰብአዊ ፍጥረት ኹሉ መድኅን ነውና፡፡ እርሷን ከኃጢኣት ኹሉ በመጠበቁም ኢየሱስ በርሱ የሚመጡትን በርግጥም ሙሉ በሙሉ ማዳን እንደሚችል አሳየ፡፡ (ዕብ. 7፡ 25)
    በሌላም በኩል፣ ኢየሱስ አንዳንዶች እንደሚሉት ከኃጢኣተኛ የተወለደ ቢኾን ኖሮ
    ሀ) አዳኙ የገዛ እናቱን እንኳ በኃጢኣት እንዳትረክስ ማድረግ አይችልም
    ለ) እናቱን ማክበር በሚችልበት መንገድ ኹሉ ሳያከብራት ቀርቷል
    ስለዚህም ኢየሱስ አንድም ደካማ መድኃኒት ነው፡፡ አልያም “አክብር አባከ ወእመከ” (ዘጸ. 20፡ 12) “አባትህንና እናትህን አክብር” ያለውን የራሱን ትእዛዝ የሚሽር ሕግ አፍራሽ ነው፡፡ ወደሚል መደምደሚያ ያደርሳል፡፡ (ሎቱ ስብሐት!)
    በመኾኑም “እመቤታችን በቅድስት ፅንሰቷ አምላክ ያከበራት ናት፡፡” የሚለው አስተምህሮ ኢየሱስ የሚከብርበት ነው፡፡ ለስሙ ክብር ይኹንለት፡፡

    መጽሐፍ ቅዱሳዊ መሠረት
    ዘፍ. 3፡15ን (“በዘሯና በዘርህ መካከል ጠላትነትን አደርጋለሁ፡፡”) ስንመለከት (ዘሯ) ብሎ ስለ መሢሑ “ሴቲቱ” ብሎ ደግሞ ስለ ቅድስት ድንግል እናቱ የተነገረውን ትንቢት እናገኛለን፡፡ እግዚአብሔር “በአንተና በሴቲቱ መካከል ጠላትነትን አኖራለሁ፡፡” ማለቱን አስተውሉ! ይህ በግልጥ በሰይጣንና በማርያም መካከል ስለሚኖረው ጠላትነት የተነገረ ነው፡፡ እግዚአብሔር በሰይጣንና በመሢሑ እናት መካከል የሚያኖረውን ጠላትነት በገነት ተናገረ፡፡ ሰይጣን ከመሢሑ ጋር ብቻ ሳይኾን ከመሢሑ እናት ጋርም ጠበኛ ነው፡፡

    መጽሐፍ ቅዱስ ኃጢኣት የእግዚአብሔር ጠላቶች ብቻ ሳይኾን የዲያብሎስ ልጆችም (የሰይጣን ዘሮቹ) እንደሚያደርገን (ማቴ. 12፡ 30፤ ሮሜ 5፡8- 10፤ ያዕ. 4፡4፤ ዮሐ. 8፡ 44፤ 1ኛ ዮሐ. 3፡ 10) ላይ ይነግረናል፡፡ ኃጢኣተኛ የሰይጣን ልጁ፣ ወዳጁ፣ ዘሩ እንጂ ጠላቱ አይደለም፤ ኾኖም አያውቅም፡፡ ማርያም ኃጢኣተኛ ብትኾን ኖሮማ እግዚአብሔር እንዳለው የሰይጣን ጠላቱ ልትኾን አትችልም፡፡ ይልቁንም የዲያብሎስ ልጅና የእግዚአብሔር- የገዛ ልጇ- ጠላት በኾነች ነበር፡፡ እንዲህ ከኾነም “በዘሯና በዘርህ መካከል ጠላትነትን አኖራለሁ፡፡” የሚለው የእግዚአብሔር ቃል ኪዳን ሐሰት ይኾናል፡፡

    ነገር ግን ኹላችን እንደምናውቀው እግዚአብሔር እውነት ስለኾነ ሊዋሽ አይችልም፡፡ ቃሉም ኹልጊዜ ይፈጸማል (ኢሳ. 55፡ 10)፡፡ በመኾኑም እርሱ በእውነት እንደተናገረው ሴቲቱን ከኃጢኣት ኹሉ በመጠበቅ በሰይጣንና በሴቲቱ መካከል ጠላትነት እንዲኾን አድርጓል፡፡ ማርያም የዲያብሎስ ዘር አይደለችም፡፡ ይልቁንም በቅዱስ ፈቃዱ ከፅንሰቷ ጀምሮ የእግዚአብሔር ልጅ ናት፡፡ የዘሯ የኢየሱስ ክርስቶስም ወዳጅ፡፡

    ReplyDelete
  22. በሉቃስ ወንጌል 1፡28 ላይ መልአኩ ቅዱስ ገብርኤል ማርያምን “ጸጋ የሞላሽ” ብሎ ያመሰግናታል፡፡ አንዳንድ የፕሮቴስታንት የመጽሐፍ ቅዱስ ትርጉሞች ይህን አገላለጽ “እጅግ የተወደድሽ” ሲሉ ተርጉመውታል፡፡ ይህ ግን እጅግ ደካማና የተሳሳተ ትርጉም ኾኖ ይታያል፡፡ የግሪኩ ቃል “κεχαριτωμένη” “ኬቻሪቶሜኔ” የሚል ሲኾን “χάρitu” የሚለው ቃል “perfect present participle” ነው፡፡ ይህም በምልዐት የተሰጠ ጸጋን እንጂ የመወደድን ነገር የሚያመለክት አይደለም፡፡ ስለዚህም “κεχαριτωμένη” “ኬቻሪቶሜኔ” ማለት “አንቺ ምልዕተ ጸጋ የኾንሽ ምልእተ ጸጋ ኾነሽም የምትኖሪ የሚል ትርጉም ይይዛል፡፡
    ጸጋ ማለት ዋጋ ያልተከፈለበት ስጦታ ማለት ብቻ አይደለም፡፡ ይልቁንም እግዚአብሔር ከእርሱ ጋር አንድ አድርጎ የሚያኖርበት የመንፈሳዊ ሕይወት ስጦታ ነው እንጂ፡፡ ኃጢኣትና ጸጋ ይቃረናሉ (ሮሜ 5፡ 20)፡፡ ጸጋም ከኃጢኣት ታድነናለች (ኤፌ. 2፡ 5)፡፡ ስለዚህም የማርያም ምልዕተ ጸጋነት ከኃጢኣት ነጻ መኾኗን ያመለክታል፡፡ ስለዚህም ካስተዋልነው ሉቃስ 1፡ 28 ስለማርያም ንጽሕተ ሥጋ ወነፍስነት ጥቆማ ይሰጣል፡፡
    በዘመነ ኦሪት የነበረው የምስክሩ ታቦት ቅድስናም የማርያምን ንጽሕና ይመስልልናል፡፡ ያ እግዚአብሔር ዝርዝር አሠራሩን የተናገረለትና ሠራተኛውም በመንፈስ ቅዱስ ምሪት ያከናወነው ሥራ ቅዱስ ነበር (ዘጸ. 25፡ 10- 22፤ 31፣ 2- 3)፡፡ ከምርጥና ንጹሕ ቁሶች ተሠርቶ ሲያበቃም በመገናኛው ድንኳን ለእግዚአብሔር አገልግሎት ተቀደሰ፡፡ ታቦቱ ለእስራኤል ቅዱስ መገለጫነት ይኾን ዘንድ ብቁ፣ ፍጹምና ቅዱስ መኾን ነበረበት፡፡ እጅግ ቅዱስ ከመኾኑም የተነሣ እንዲነኩት የተፈቀደላቸው እጅግ ጥቂት ሰዎች ብቻ ነበሩ (ዘኁል. 4፡ 15፤ 2ኛ ሳሙ. 6፡ 2- 7)፡፡
    እንግዲህ ነፍስ የሌለው ቁስ ይህን ያህል ቅድስና እንዲያገኝ ከተደረገ ከእርሷ ሰው የኾነባት ማርያምማ ምን ያህል ቅድስት፣ ንጽሕት፣ ክብርት ትኾን? ፍጹም የኾነውን ትይዝ ዘንድ ፍጹም መኾን ነበረባት፤ ፍጹም ቅዱስ የኾነውን ትሸከም ዘንድ ፍጹም ቅድስት መኾን ነበረባት፡፡ ልክ እንደ ታቦቱ ከህልውናዋ ጅማሬ አንሥቶ ለታለመላት ቅዱስ አገልግሎት በእርሱ በራሱ በልዑሉ በኢየሱስ ተለየች፤ ተመረጠች፡፡
    ክርስቶስ በሥጋ የተገለጠው የእስራኤል ቅዱስ ነው፡፡ መጽሐፍ ቅዱስም ደግሞ ደጋግሞ የእግዚአብሔርን ፍጹም የኾነ የባሕርይ ቅድስና ይነግረናል፡፡ እንኳን እርሱነቱ ስሙም ቅዱስ እንደኾነ (ኢሳ. 57፡ 15) ያስረዳናል፡፡ ለዚህም ነው ዛሬም ድረስ አይሁድ “הוהי” (ያህዌ/ ዪሆቫ) የሚለውን ስም ፈጽሞ የማይጠሩት ጮኽ ብለው የማያነቡት- ስሙ እርሱነቱን ይገልጣልና፡፡ እንግዲህ ቅዱስ ብቻ ሳይኾን ራሱ ቅድስና የኾነው እግዚአብሔር እንዴት ቅዱስ ባልኾነ ማደሪያ ይገኛል? ከሕዝቡ በተለይም ደግሞ ከአገልጋዮቹ ቅድስናን የሚፈልግ እርሱስ (ዘጸ. 28፡ 6፤ ዘሌዋ. 19፡ 2) እንዴት ቅድስት ባልኾነች ሴት ውስጥ ለዘጠኝ ወራት ያድራል?! በምን ዓይነት ተጠየቅ (ሎጂክ)?
    በመጨረሻም፣ መጽሐፍ ቅዱስ “እስከ ረጅም ዘመን ድረስ ለቤትህ ቅድስና ይገባል” (መዝ. 93፣ 5) እንደሚል እናስታውስ፡፡ ማርያም ለዘጠኝ ወር ቤቱ ነበረች፡፡ ለቤቱ ቅድስና የሚገባው አምላክ የኖረባት፤ ከእርሷ ፍጹም ሰው መኾንን የነሣባት ማርያም እንዴት ቅድስት ላትኾን ትችላለች? ይልቁንም ቅድስና የባሕርዩ የኾነ እግዚአብሔር ሕያው ቅድስተ ቅዱሳን ልትኾን ነበርና እንደ ደብተራ ኦሪት ፍጽምት፣ ንጽሕት፣ ቅድስት መኾን አለባት፡፡
    እንግዲህ እነዚህን ምስክሮች ኹሉ ለማርያም ንጽሕና ቁርጥ መልእክት ያስተላልፋሉ፡፡ እግዚአብሔር ለኃጢኣት አባት ጠላት እንድትኾን ቃልኪዳን ሰጥቶናል፡፡ መልአኩም ከእግዚአብሔር ጋር ባላት መንፈሳዊ ሕይወት ነቅዕ የሌለባት ምልእት መኾኗን አውጇል፡፡ ቅዱሱን ለመሸከም በነበራት አገልግሎትም እንደ ደብተራ ኦሪት ፍጹም ቅድስት ትኾን ዘንድ ይገባ ነበር፡፡
    እንግዲህ እነዚህን ምስክሮች ኹሉ ለማርያም ንጽሕና ቁርጥ መልእክት ያስተላልፋሉ፡፡ እግዚአብሔር ለኃጢኣት አባት ጠላት እንድትኾን ቃልኪዳን ሰጥቶናል፡፡ መልአኩም ከእግዚአብሔር ጋር ባላት መንፈሳዊ ሕይወት ነቅዕ የሌለባት ምልእት መኾኗን አውጇል፡፡ ቅዱሱን ለመሸከም በነበራት አገልግሎትም እንደ ደብተራ ኦሪት ፍጹም ቅድስት ትኾን ዘንድ ይገባ ነበር፡፡

    ያለ አዳም ኃጢኣት የተፀነስሽ ቅድስት ድንግል ማርያም ሆይ! ለምኝልን ለእኛ ደጅ ለምንጠናሽ፡፡

    ReplyDelete
    Replies
    1. ቃለ ሕይወት ያሰማልን

      Delete
    2. Ament Kale Heywot Yasemalem Memher!!!

      Delete
    3. ያለ አዳም ኃጢኣት የተፀነስሽ ቅድስት ድንግል ማርያም ሆይ! ለምኝልን ለእኛ ደጅ ለምንጠናሽ፡፡

      Delete
  23. contin... መንፈስ ቅዱስ ከናቷ ማህጸን ዸምሮ ጠበቃት የሚለውን የሃይማኖተ ኣበው ቃል ኣንድ ኣባት ሲተረጉሙ ከናቷ ማለት ከሃና ማለት ሳይሆን ከሄዋን ዸምሮ ጠበቃት ማለት ነው ሆኖም አንዳንድ ሰዎች ከሀና የሚል ይመስላቸልና ይስታሉ እዚጋ ግን የሚያስረዳን ነገር የአዳም ውርስ ኃጢአት ፍጹም መሆንዋን ገና በአዳም አካል ውስጥ ሳለች የአዳም ውርስ ኃጢአት ፍጹም ያልዳሰሳት መሆንዋን ነውwe enherit Adam’s sin b/c of our participation on guilt with adam before God in pardise . adam begenet yaderegew bedel lay በአዳም ወገብ ውስጥ ሁላችን tekafay selnebern new. በአዳም ወገብ ውስጥ እኛ ማርያምና ልጇን ጨምሮ ሁላችን ነበርን ሆኖም እኛን የአዳም ውርስ ኃጢአት ሲነካን እርሷንና ልጇን ግን ፍፁም አልነካቸዉም ለምን አዳምና ሔዋን ትእዛዙን ከመተላለፋቸው በፊት እንደሚጥሱና እንደሚፈረድባቸው ፣ ንስሐ እንደሚገቡና እንደሚመለሱም አስቀድሞ ዐውቆ ፣ ወደ ቀደመ ክብራቸው ለመመለስ መሣሪያ አድርጐ ያዘጋጀ ስለሆነ ፣ ገና በአዳም አካል ውስጥ ሳለች እንደ ነጭ ዕንቁ ታበራ ነበር እሷን ትቶ ልጇን ብቻ ለምን አልጠበቀም ቢባል ምክንያቱም በማህጸን ውስጥ ያለ ፍሬ ፣ እስከሚወለድ በየዕለቱ ምግብና ኦክስጅን የሚያገኘው ከእናቱ ደም ነውና Essential nutrients pass from the mother to the fetus via the blood. Blood is diverted from the mother's arterial system to the placenta. This is an organ that is attached to the the womb while the mother is pregnant. The fetus is linked to the placenta by the umbilical cord This cord has two arteries; one delivers the oxygen- and nutrient-rich blood to the fetus, while the other returns depleted blood, which contains waste material such as carbon dioxide. This blood reenters the mother's bloodstream where it can be recycled. While the primary direction of nutrients, oxygen and genetic material in the umbilical relationship is from mother to fetus, the possibility exists that some of the cells of the fetus may travel into the mother's physiological system ደግሞም፤ በአንተና በሴቲቱ መካከል ጠላትነትን አደርጋለሁ የሚለዉ ትንቢት መፈፀም አለበትና ዘፍ ፫፤፩፭.there mustnot be enmity between her and her son but if she has orginal sin there will be enmity between her and her almighty son and there will be relation between her and satan god has perfect holiness it doesnot form relation with sin in his divinity.

    ReplyDelete
    Replies
    1. ጥንተ አብሶ በዘር የሚተላለፍ አይደለምና ማርያም ጥንተ አብሶ ቢኖርባትም እንኳ ወደ ኢየሱስ ጥንተ አብሶ ሊተላለፍበት አይችልም ሆኖም ከሀጥያተኛ ስጋን መዉሰድ ቅዱስ ባህርዩ አይፈቅድለትምና እሷ ፍጹም መኾን ነበረባት፤

      Delete
  24. CONT..ይወሐደው ዘንድ ከእርሷ የከፈለውንና ከአካለ ቃል ጋር ያዋሐደውን ሥጋ ነው እንጂ WHAT U MEAN TO SAY ።በተለምዶ ሰጋን ከፈለ አናላለን ይሁንና ግን የሚከፈል ሰጋ የለም ከርሷ ደም ይወስዳል አንጂ The flesh is formed of her blood and that united with the Only-Begotten Son NOT BY CUTTING HER FESH B/C እትብቱ እስከሚቆረጥና በእቅፍ እስከ ሚሆነ ድረስ በሙሉ ከቅድስት ድንግል ማርያም ያልተቋረጠ የደም ቁርኝት በመፍጠር ፣ የሷ የሆነውን ሁሉ አንድም ሳያስቀር ተጋርቷልና ፡፡ በማህጸን ግንኙነቱ ተቋረጦ ከነበረ ግን ከተፈጥሮ ህግጋት ውጭ ስለሚሆን ፍጹም ሰው ሆነ የሚለውን የመጽሐፍ ቃል ይጻረራል

    ReplyDelete
    Replies
    1. ቃለ ሕይወት ያሰማልን

      Delete
  25. ድንግል ማርያም የዉርስ ሀጢአት(ጥንተ አብሶ) የለባትም የምትሉ ሰዎች አስኪ እነዚህን ጥቅሶች አንብባችሁ መልስ ስጡኝ፣
    1. ጠላቶች ሳለን ከእግዚአብሔር ጋር በልጁ ሞት ከታረቅን፥ ይልቁንም ከታረቅን በኋላ በሕይወቱ እንድናለን፤(ሮሜ 510) ይላል፡፡ ጠላቶች የነበርነዉ በምን ምክንያት ነዉ? ከአዳም በወረስነዉ የዘር ሀጢአት አይደለም? ከሆነና ድንግል ማርያምም እንደኛዉ ሰዉ ነበረች ብለን የምናምን ከሆነ እንዴት የዉርስ ሀጢአት የለባትም ብለን መናገር እንችላለን?
    2. ስለዚህ ምክንያት ኃጢአት በአንድ ሰው ወደ ዓለም ገባ በኃጢአትም ሞት፥ እንደዚሁም ሁሉ ኃጢአትን ስላደረጉ ሞት ለሰው ሁሉ ደረሰ፤(ሮሜ 512) ይላል፡፡ ኃጢአትን ስላደረጉ ሞት ለሰው ሁሉ ደረሰ ካለ፣ ማርያም ሰዉ ሆና ተፈጥራ እንዴት ከዚህ የዉርስ ሀጠአት ነጻ ልትሆን ትችላለች?
    3. የኃጢአት ደመወዝ ሞት ነውና፤ የእግዚአብሔር የጸጋ ስጦታ ግን በክርስቶስ ኢየሱስ በጌታችን የዘላለም ሕይወት ነው።እንድናለን፤(ሮሜ 623) ይላል፡፡ የዘላለም ሕይወት የሚገኘዉ በክርስቶስ ኢየሱስ በማመን ከሆነ፣ ኢየሱስ ክርስቶስ ፍጹም ሰዉ ፍጹም አምላክ ሆኖ ወደምድር ከመምጣቱ በፊት የተፈጠረችዉ ድንግል ማርያም እንዴት አድርጋ ነዉ ከዉርስ ሀጢአት ነጻ የምትሆነዉ?
    ወዳጆቼ “እውነትንም ታውቃላችሁ እውነትም አርነት ያወጣችኋል” (የዮሐንስ ወንጌል 832) እንደተባለዉ ጊዜ ሰጥተን መጽሀሐፉን መመርምር ብንችል እዉነቱን ማወቅ እንችላለን፡፡ እዉነት ደግሞ አርነት ያወጣናል፡፡ ደግሞም ድንግል ማርያምን ያልሆነችዉን ሆነች ማለታችን እሷን የመዉደድ መገለጫ መሆን የለበትም፡፡ በቃ እሷ የጌታችን የመድሃኒታችን የስጋ እናት ነች( የመንፈስ እናት ስለሌለዉ) ደግሞም ጻድቅና ብጽዕት ነች፡፡ ጻድቅነቷና ብጽዕነቷ ግን የተገኘዉ በክርስቶስ የማዳን ስራ እንጅ ስትፈጠር የዘር ሐጢአት የሌለባት ሆና ስለተፈጠረች አይደለም፡፡
    ይሄን የሚለዉ ደግሞ መጽሐፍ ቅዱስ እንጅ እኔ አይደለሁም፡፡ አጉል ክርክር የትም አያደርሰንም፡፡ እዉነቱን እዉነት ዉሸቱንም ዉሸት ማለት አለብን፡፡ ከእናንተ የተለየ አቋም የያዘዉን ሁሉ ተለጣፊ ስም መስጠቱም የትም አያደርስም፡፡ መመካከርና መተናነጽ እየቻልን ለምን ጎራ ለይተን እንደምንሰዳደብ አይገባኝም፡፡ መጽሐፍ ያመነ የተጠመቀ ይድናል አለ እንጅ የእምነት ተቋም ጠቅሶ የዚህ እምነት ተከታይ ይድናል አላለም፡፡ እንደዚያ ቢሆን ኖሮ ሁላችንም አንድ በሆንን ነበር፡፡ ሰዉ ያድነኛል፣ ያዋጣኛል የሚለዉን አቋም ማራመድ በየትኛዉም አግባብ መብቱ ሆኖ ሳለ እኔ የምለዉን ካላልክ እንዲህ ነህ እንዲያ ነህ እያሉ መፈረጁ በዚህ በያዝነዉ የሰለጠነ አለም ከሚኖር ሰዉ የሚጠበቅ አይደለም፡፡ በዚህ ብሎግ የሚንሸራሸሩ ሀሳቦችን ከሞላ ጎደል እከታተላለሁ፡፡ ተሳታፊዎቹ ግን በሚገርም ሁኔታ በተራራቀ የመንፈሳዊም ሆነ ስጋዊ የብስለት ደረጃ ላይ የሚገኙ ናቸዉ፡፡ አንዳንዶቹ ሰዉን ያስተምራል ብለዉ የሚስቡትን ነገር ለማካፈል በቅን ልቦና ተነሳስተዉ ሀሳብ ይሰጣሉ፣ በተቃራኒዉ የተሰለፉት ደግሞ ስድብ ያዉም እጅግ የወረዳ ተራ ስድብ ተሳድበዉ ለመዉጣት ወደ ብሎጉ ይገባሉ፡፡
    በመሰረቱ ክርስትና በብዙ መከራ ዉስጥ አልፎና ተፈትኖ ነዉ እኛ ጋ የደረሰዉ፡፡ ብዙ ዋጋ ተክፍሎበታልም፡፡ እኛ ግን እዚህ የተመቻቸ ጊዜ ላይ ተቀምጠን እርስ በርስ መከባበር እንኳን አቅቶን ስንሰዳደብ እንዉላለን፡፡ ምናለ የምናገኛትን አጋጣሚ ሁሉ መልክም ነገር ለማድረግ ብንጠቀምባት፡፡ ደግሞስ የምናዉን ወንድማችንን ማከበርና መዉደድ ሳንችል እንዴት አድርገን ነዉ የማናየዉን እግዚአብሔር እንወዳላን የምንለዉ?
    እስኪ እንወያይበት

    ReplyDelete
    Replies
    1. 1.ጠላቶች የነበርነዉ በምን ምክንያት ነዉ? ከአዳም በወረስነዉ የዘር ሀጢአት አይደለም?but ማርያም ግን የዘሯ የኢየሱስ ክርስቶስም ወዳጅ ናት 2...ማርያም ሰዉ ሆና ተፈጥራ እንዴት ከዚህ የዉርስ ሀጠአት ነጻ ልትሆን ትችላለች?...ይህንን መልስልኝና እመልስልሀለሁ ልጇ እየሱስ ሰዉ ከሆነ እንዴት የዉርስ ሀጢአት የለበትም ብለን መናገር እንችላለን? 3.ማርያም ሰዉ ሆና ተፈጥራ እንዴት ከዚህ የዉርስ ሀጠአት ነጻ ልትሆን ትችላለች? መልሱ ኣዳም እና ሄዋን ሲበድሉ አብራ አልተሳተፈችም ለምን ቢሉ ማርያም በሄዋን ወገብ ዉስጥ ብትኖርም መንፈስ ቅዱስ ከእናቷ ከሄዋን ጀምሮ [ከጥንተ አብሶ] ጠብቋታልና ኃጢአት ባልሰሩት ላይ እንኳን even those who did not sin እንግዲህ ሁሉ ጸጋ ጎሎአቸዋል ...የተባለው ሁሉ ኃጢአት ስለሰሩ አይደለም ነገርግን አዳማዊ በደል ላይ ሁሉ ስለተሳተፈ ነው ከርሷና ልጇ በቀር ... በተረፈ ደርሳነ ኪዳነ መህረትን amharic translation አንብብ

      Delete
    2. ሰዉ ያድነኛል፣ ያዋጣኛል የሚለዉን አቋም ማራመድ በየትኛዉም አግባብ መብቱ ሆኖ ሳለ እኔ የምለዉን ካላልክ እንዲህ ነህ እንዲያ ነህ እያሉ መፈረጁ በዚህ በያዝነዉ የሰለጠነ አለም ከሚኖር ሰዉ የሚጠበቅ አይደለም፡፡ በዚህ ብሎግ የሚንሸራሸሩ ሀሳቦችን ከሞላ ጎደል እከታተላለሁ፡፡ ተሳታፊዎቹ ግን በሚገርም ሁኔታ በተራራቀ የመንፈሳዊም ሆነ ስጋዊ የብስለት ደረጃ ላይ የሚገኙ ናቸዉ፡፡ አንዳንዶቹ ሰዉን ያስተምራል ብለዉ የሚስቡትን ነገር ለማካፈል በቅን ልቦና ተነሳስተዉ ሀሳብ ይሰጣሉ፣ በተቃራኒዉ የተሰለፉት ደግሞ ስድብ ያዉም እጅግ የወረዳ ተራ ስድብ ተሳድበዉ ለመዉጣት ወደ ብሎጉ ይገባሉ፡፡
      በመሰረቱ ክርስትና በብዙ መከራ ዉስጥ አልፎና ተፈትኖ ነዉ እኛ ጋ የደረሰዉ፡፡ ብዙ ዋጋ ተክፍሎበታልም፡፡ እኛ ግን እዚህ የተመቻቸ ጊዜ ላይ ተቀምጠን እርስ በርስ መከባበር እንኳን አቅቶን ስንሰዳደብ እንዉላለን፡፡ ምናለ የምናገኛትን አጋጣሚ ሁሉ መልክም ነገር ለማድረግ ብንጠቀምባት፡፡ ደግሞስ የምናዉን ወንድማችንን ማከበርና መዉደድ ሳንችል እንዴት አድርገን ነዉ የማናየዉን እግዚአብሔር እንወዳላን የምንለዉ?... ወንድም በዚህኛዉ ሀሳብህ ግን መሉ በሙሉ እስማማለሁ

      Delete
    3. አንድ ሰው ከመኪና ግጭት አደጋ ለጥቂት ድኗል። ታዲያ ይህን ሰው እግዚአብሔር አዳነው እግዚአብሔር ጠበቀው እንላለን። ሆኖም አድኖታል ጠብቆታል ስላልን የግድ ተገጭቶ ነበር የሚለውን ሃሳብ አያስከትልም። ሳይገጭ እግዚአብሔር ጠብቆታልና። ለመዳን ለመትረፍ መገጨት ወይም ለአደጋው መጋለጥ የግድ የለበትም ፈጦ ከመጣው አደጋ ሊሰወር ይችላልና። ጠበቀው አዳነው ማለት እንችላለን። ነገር ግን አዳነው ስለተባለ ጠበቀው ስለተባለ አለበለዚያ ከምን አዳነው ከምን ጠበቀው ስለደረሰበት ስለተገጨ አይደለም ወይ? ብሎ ማሰብ አለማስተዋል ካልሆነ በቀር ሌላ ሊሆን አይችልም። እንደዚሁም ሁሉ እመቤታችንን እግዚአብሔር መንፈስ ቅዱስ ከአዳም የውርስ ኃጢአት ጠበቃት፣ እንዳይደርስባት አነጻት ስለተባለ ብቻ ያነጸት ስለነበረባት ነው ብሎ ማመን መከራከር ለእኔ ኅሊናዬ የማይቀበለው ነገር ነው...ከሊቀ ኅሩያን ከፈለኝ ወልደ ጊዮርጊስ yetewesede

      Delete
  26. I several times asked a question for the tehadiso, even though they are not volentery to answer- can you identify/list out your differences from protestants ( IF ANY )

    ReplyDelete
    Replies
    1. እስከ ዛሬ ከሚያስነብቡን እንደተረዳሁት ከሉተር ትምህርት አንዳች ልዩነት የላቸውም ፡፡ እምነታቸውና ትምህርታቸው ግዕዝ ተቀላቀለበት እንጅ ፈጽሞ የ16ኛው ዘመን የሉተር ቅኝት ነው ፡፡ ግዕዝ የቤተ ክርስቲያን ልሳን ሆኖ በአገራችን ስለኖረ ፣ አሁን ግዕዝ እየቀላቀሉ የቤተ ክርስቲያናችን ቃል ለማስመሰል የሚሞክሩት በመላ የሉተርን ትምህርት ነው ፡፡

      ስለዚህም የሚለዩበትን ሳይሆን መጠየቅ ፣ ከኢትዮጵያ ኦርቶዶክስ ዶግማና ቀኖና የምታምኑት የትኛውን ነው ቢባሉ ፣ ምናልባት የምንዛመድበትን አውቀን ፣ በዛ ላይ ብቻ ብንማማርና አንድነታችንን ብናጠናክር መልካም ይሆናል ፡፡ አንድነቱ በተገኘበት ደግሞ ወንጌልን ላልሰማና ላልደረሰው ወገንም በመተጋገዝ ቢሠራ በወገን መሃል እጅግ ታላቅ ለውጥ ይታይ ነበር ፡፡ አገራችን ከሁለት ሺህ ዓመት በፊት እንደተፈጸመው ፣ በቀን በሺ የሚቆጠር ፈቅዶ የሚጠመቅ ህዝብ እያላት ፣ ዳግም ጥምቀትን ለመፈጸም በመታገል እርስ በርሳችን ፍሬ በማይገኝበት ርዕስ ሆነን እንደክማለን ፡፡

      በተረፈ ትምህርታቸው ማዕከላዊ መሠረቱን ያደረገው ፡-
      - ኢየሱስ አማላጃችን ነውና ዛሬም እየወደቀ እየተነሳ ያማልደናል
      - ለታቦት ክብር መሥጠትና መስገድ ጣዖትን እንደ ማምለክ ያህል ነው
      - መላእክት ለፈጣሪ ተላላኪ ናቸው እንጅ ከእኛ ጋር ምንም ግንኙነት የላቸውም ፤ ስለዛም አያማልዱንም
      - ቅዱሳንና ጻድቃን አገልግሎታቸውን ፈጽመው ስለሞቱ ፣ ምልጃ ላይ አይሳተፉምና አማልዱን ብሎ መጸለይ ስህተት ነው
      - (ድንግል) ማርያም አዳማዊው በደል አለባት ፤ እንደማንኛችንም ሰው ስለሆነች ፣ የታቀደላትን ሥራ ፈጽማ ሞታለችና ፤ አታማልደንም ፡፡ በስሟም ጸሎት አያስፈልግም
      - መስቀልና ሥዕልን መሳለምና መሳም ለጣዖት ከመስገድ ተለይቶ አይታይም ፤ ስለዚህም አያስፈልግም
      - ለቤተ ክርስቲያንን መስገድ ፣ ቅዱሱን ሥፍራም መሳለምም ስሕተት ነው
      - በ4ዐ እና በ8ዐ ቀን ተጠምቆ ክርስቲያን መሆን አይቻልም ፡፡ አምኖ መስክሮ ሲጠመቅ ብቻ ነው ድኀነትን የሚያገኘው ፡፡ ከዛ ውጭ ያለው ጥምቀት በቀዝቃዛ ውኃ ሻወር (እጥበት) የማድረግ ያህል ነው
      - ካህናችን አንድ ኢየሱስ ስለሆነ ቀሳውስቱ የሚፈጽሙት የፍትሃትም ሆነ የግዝት ሥራ አያስፈልግም
      - ቤተ ክርስቲያንንና ታቦትን በመላእክትና በቅዱሳን ስም እየሰየሙ በየአጥቢያው ማቋቋም የተሳሳተ ትምህርት ነው ....

      ለጊዜው ማስታወስ የቻልኩትን ብቻ ለማስፈር ካልሆነ በስተቀር ርዕሳቸው ተዘርዝሮ አያልቅም ፡፡ ይኸን ትምህርታቸውን ደግሞ ለማስረግ የሚታገሉት በግል ፈቃዱም ይሁን በቤተ ሰብ አማካኝነት ተጠምቆና አምኖ ክርስቲያን የሆነውን ወገን ላይ ነው ፡፡ ዓላማቸው ይህችን ጥንታዊት ቤተ ክርስቲያን በእነሱ ልክ ማስተካከል እንጅ ያልተጠመቀውና በአሕዛብነት ያለው ወገናችን ጭንቃቸው አይደለም ፡፡ ካሴትና መጽሐፍ መግዛት ለሚችል ወገን ነው ስብከትና ትምህርቱ የሚደራረበው ፡፡

      በተረፈ መማር የሚቻል ከሆነ ሐዋርያው ጳውሎስ ለገላትያ ሰዎች በጻፈው መልዕክቱ በምዕራፍ ሁለት ላይ የገለጸው አሁን እኛ ያለንበትን ሁኔታ የሚፈታ አሠራር ይመስለኛልና ልብ ያለው ይመልከተው ፡፡

      የእኔ ሃይማኖት ልክ ነውና ተቀበል የሚል ሰው ፣ ስለምን የእኔን እውነት ደግሞ መጋራት አይፈቅድም ፡፡ የእኔንስ ሳይቀበል ፣ በምን ዓይነት ተዓምር የሱን እንድቀበልለት ይፈልጋል? የሐዋርያው ጥያቄም እንዲህ ይላል "አንተ አይሁዳዊ ሳለህ በአይሁድ ኑሮ ያይደለ በአሕዛብ ኑሮ ብትኖር፥ አሕዛብ በአይሁድ ኑሮ ሊኖሩ እንዴት ግድ አልሃቸው? "

      እግዚአብሔር ክፉ ከሆነ ከአሁኑ ትውልድ ትምህርት ይጠብቀን ፡፡
      በቤተ ክርስቲያን ትምህርት ላይ ለተነሱትን ራሱ ያስተምርልን

      Delete
    2. ልዩነታቸዉ
      ተሃድሶ በቤተክርስቲያን ዉስጥ ሆነዉ
      ማለትም በድብቅ ኑፋቄ ያስተምራሉ ፕሮቴስታንቶች ደግሞ ራሳቸዉን ገልጠዉ በይፋ ኑፋቄ ያስተምራሉ
      ከዚህ ዉጪ
      ሁለቱም አንድ ናቸዉ ከዉጭና ከዉስጥ ከመሆናቸዉ በስተቀር

      Delete
  27. ንተ አብሶ በዘር የሚተላለፍ አይደለም በጥንት በደል (ጥንተ አብሶ) ላይ አብረን ከአዳምና ሄዋን ወገብ ስለነበርን አብረን በመበደላችን ያገኘን እንጂ፣ ደርሳነ ኪዳነ መህረትንና ዕብራውያን ፯፥፬፡ ፣ያንብቡ።፪ ማርያም በሄዋን ወገብ ዉስጥ ብትኖርም መንፈስ ቅዱስ ከእናቷ ከሄዋን ጀምሮ [ከጥንተ አብሶ] ጠብቋታል ከአዳም መፈጠር አስቀድሞ በአምላክ ህሊና ታስባ የነበረች ዕንቁ ፨ስትታሰብ፨ ጀምሮ የነጻች ነበረች ነች፡ ፫ ጥንተ አብሶ በዘር የሚተላለፍ ቢሆን አባቶቻችን ስለተጠመቁ እኛ መጠመቅ አያስፈልገንም ነበር እነርሱ ጥንተ አብሶ ስለሌለባቸዉ እኛ አዳም የውርስ ኃጢአት ነጻ ለመሆን መጠመቅ አያስፈልገንም ነበር ሆኖም ጥንተ አብሶ በዘር ሳይሆን ከአዳም ጋር አብረን በመበደላችን ያገኘን ነዉና እንጠመቃለን፬ እግዚአብሄር ከሀጥያተኛ ጋር በፍጹም ህብረት ኣያደርግም ለዚህ አይደል ከገነት የወጣነዉ

    ReplyDelete
  28. ፩ ጥንተ አብሶ በዘር የሚተላለፍ አይደለም በጥንት በደል (ጥንተ አብሶ) ላይ አብረን ከአዳምና ሄዋን ወገብ ስለነበርን አብረን በመበደላችን ያገኘን እንጂ፣ ደርሳነ ኪዳነ መህረትንና ዕብራውያን ፯፥፬፡ ፣ያንብቡ።፪ ማርያም በሄዋን ወገብ ዉስጥ ብትኖርም መንፈስ ቅዱስ ከእናቷ ከሄዋን ጀምሮ [ከጥንተ አብሶ] ጠብቋታል ከአዳም መፈጠር አስቀድሞ በአምላክ ህሊና ታስባ የነበረች ዕንቁ ፨ስትታሰብ፨ ጀምሮ የነጻች ነበረች ነች፡ ፫ ጥንተ አብሶ በዘር የሚተላለፍ ቢሆን አባቶቻችን ስለተጠመቁ እኛ መጠመቅ አያስፈልገንም ነበር እነርሱ ጥንተ አብሶ ስለሌለባቸዉ እኛ አዳም የውርስ ኃጢአት ነጻ ለመሆን መጠመቅ አያስፈልገንም ነበር ሆኖም ጥንተ አብሶ በዘር ሳይሆን ከአዳም ጋር አብረን በመበደላችን ያገኘን ነዉና እንጠመቃለን ፬ እግዚአብሄር ከሀጥያተኛ ጋር በፍጹም ህብረት ኣያደርግም ለዚህ አይደል ከገነት የወጣነዉ፭ ሁሉ የእግዚአብሔር ክብር (ጸጋ )ጎሎአቸዋልዕ ሮሜ፫፤፳፬ እንግዲህ ሁሉ ጸጋ ጎሎአቸዋል የተባለው ሁሉ ኃጢአት ስለሰሩ አይደለም ነገርግን አዳማዊ በደል ላይ ሁሉ ስለተሳተፈ ነው ለዚህም ነው ኃጢአት ባልሰሩት ላይ እንኳን ሞት ነገሰ ሮሜ፭፤፲፬ ተብሎ የተጻፈው ታድያ ሰው ሁሉ ሀጥያተ አዳም ስለደረሰበት ከጸጋ በታች ከተባለ ድንግል ማርያም በኣዳም ወገብ እንደ ነጭ ዕንቁ ተፈጠረች ስለዚህ ጸጋ የሞላብሽ ተባለች ፧ እርሱ በባህሪው ኃጢአት ስለማይስማማው ሃይ አበ ዘአፈወርቅ ፮፮ ፡፩፬ትርጉም « ጥበበኛ ንጹህ አፈር ባገኘ ጊዜ ጥሩ እቃ እንደሚሰራበት ጌታችንም የድንግልን ንጹህ ሥጋዋን ንጹህ ነፍሷን ባገኘ ጊዜ ይዋሃደው ዘንድ ነፍስ ያለውን መቅደስ ሰውነቱን ፈጠረ »ባገኘ ጊዜ አለ እንጂ ሊዋሐደው ሲል አነጻው አላለም

    ReplyDelete
    Replies
    1. ቃለ ሕይወት ያሰማልን

      Delete
  29. YetEkulaw lemd sigefef endih new,dirom kidusan abatochin kemizelf minm aytebekm. Geta yaderebihn seytan yigesitilh. Sim aygeza tsega tadele tebalk gin yeminfiqna tsega ke dabilos tesetitohal

    ReplyDelete
  30. Ewinet alik wondime. Befit ine yihe bilog yemenafikan new sibal lemin eli neber ahun gin gilist honeliny

    ReplyDelete
  31. ፀጋ ታደለ ለምን አልሞት ባይ ተጋዳይ ትሆናለህ፡፡ አሁን ከተዘረዘሩት አስተያየቶች ውስጥ አንዳችም ያልገባህ ነገር እንደሌለ እርግጠኛ ነኝ፡፡ ስለዚህ ተመለስ ተመለስ ባክህ ባክህ ተመለስ ቅድስት ቤ/ክ ትፈልግሃለች፡፡

    ReplyDelete
  32. እኛ እግዚብሔር አብ፣ ወልድና መንፈስ ቅዱስን ብቻ እናመልካለን ደግሞም
    እኛ ለድንግል ማርያም እንደእናትነቷ መጠን ትልቅ ክብር እንሰጣታለን
    ኢየሱስ እራሱ በመስቀል ላይ ኑዛዜው ማርያምን እንደ እናታችን እንድንቀበላት እንዳደረገ ‹‹ያለእሷ መሥራት እንችላለን፤ ምንም አትጠቅመንም›› ማለት ግን የኢየሱስን ፈቃድ በተግባር ላይ አለማዋል ነው፡፡እእናታችን ማርያም እናትና አማላጅ ናት ሆኖም ማርያምም ብትሆን ወደ አብ የሚያደርሰውን ብቻ መንገድ በሆነው በኢየሱስ በኩል በማለፍ ነዉ ማንም በክርስቶስ በኩል ካልሆነ በስተቀር ወደ አብ አይሄድምና፡፡..ካህናቱ ከቤተ መቅደሱ እንደወጡ ቤተ መቅደሱ ድንገት በደመና ተሞላ፤ በደመናውም ውስጥ የዚአብሔር የክብር መገለጥ ብርሃን ያንጸባርቅ ስለነበር ካህናቱ ተመልሰው ለመግባትና አገልግሎታቸውን ለማከናወን አልቻሉም፡፡ በዚህ ጊዜ ሰሎሞን እንዲህ ሲል ጸለየ፤ እግዚአብሔር አምላክ ሆይ አንተ በደማናና በጨለማ ውስጥ መሰወርን ወድደሃል፡፡››መጸሐፈ ነገሥት 8፡ 10-12...መልአኩም እንዲህ ሲል መለሰ፤ መንፈስ ቅዱስ በአንቺ ላይ ይመጣል፤ የልዑል እግዚአብሔርም ኀይል በአንቺ ላይ ይሆናል፤ ስለዚህ ከአንቺ የሚወለደው ሕፃን ቅዱስ ነው፤ የእግዚአብሔርም ልጅ ይባላል፡፡››ሉቃስ 1፡ 35

    ReplyDelete
  33. በዕብራይስጥ ማሪሃም የተባልሽ እመቤቴ ድንግል ማርያም ሆይ አንቺም በተድላ በደስታዬ ጊዜ ሽልማት ሆንሽኝ፡፡ በሀሴቴም ጊዜ ክብሬ፡ ዘውዴና ቀለበቴ ነሽ፡፡ የሰማይ ሠራዊት የሚሰግድለት፡ የዓለም ጌጥ ሽልማት የሆነ፡ የሁሉ አባት የሚሆን፡ መላእክትን የፈጠረ፡ ከአንቺ ተወልዷልና፡፡ ፍቅርሽ በሰውነቴ አዳራሽነት ፈጽሞ ተዘረጋ፡፡ የኅቱም ድንግልናሽም አበባ ለአፍንጫዬ ሸተተው፡፡ የንጽህናሽ ፍሬም ለጉሮሮዬ ጣመው፡፡ የሎሚ እንጨት ብዬ እጠራሻለሁ፡፡ ሎሚ ያማረ የተወደደ አበባ ያብባል መልካሙንም ፍሬ ያፈራል፡፡ በጎ በጎን ሽታ ይሸታል፡፡ አንቺም የተወደደ አበባና መልካም ፍሬ የሆነ በጎ መዓዛ ያለውን አማኑኤልን ወልደሻል፡፡ ሰማዩን እንደክርታስ የሚጠቀልለው ኃያል በረድኤት ወደ እኔ ይምጣ፡፡ የሚጣላኝን ያስጨንቀው ዘንድ፡፡
    የእግዚአብሔር ጥበቡ እጹብ ድንቅ ነው፡፡ አዳምና ሔዋንን በመልኩ በምሳሌው ፈጠራቸው፡፡ በወደደ ጊዜ ዳግም በዘራቸው ልጅ ማህፀን ተሰወረ፡፡ ከሠራው ቤት አደረ፡፡ ወደ አነጸውም ገባ፡፡ ሥጋዊ ደማዊ ባሕርይን ባሕርይው አደረገ፡፡ ተራበ አልቀማም፡፡ ተጠማ ስልት ቀጠና አላገኘውም፡፡ ደከመ ከሰው ማንንም አልሻም፡፡ በፈረስና በሰረገላ የሚረዳው ሊኖር አልፈለገም፡፡ ተሰደበ አልተቀየመም፡፡ ተሰቀለ ታመመ ለሰቀሉት ስርየት ለመነ፡፡ እንዲህ ሲል “አባቴ ሆይ ዕዳ በደል አታድርግባቸው ያለ እውቀት ይሠራሉና፡፡” የንጽህት እንቦሳ ልጅ የናዝሬቱ ኢየሱስ በእውነት ንጹህ የተወደደ መስዋዕት ነው፡፡ በእስራኤል እጅ የተሰዋ እውነተኛ ንጹህ በግ ነው፡፡ በአይሁዳዊ እጅ የተሰዋ እርሱ እውነተኛ ንጹህ መስዋዕት ነው፡፡ በወጉት ፊት በቀንዱ የማይበረታ ላም በሚሸልቱት ፊት የማይናገር በግ እውነተኛ ንጹህ መስዋዕት ነው፡፡ ሥጋውን የበላ አይሞትም፡ ደሙንም የጠጣ አይጎዳም፡፡በመጽሐፈ አርጋኖን ...

    ReplyDelete
  34. አንቺን የተጠጋ እምነቱንም በልጅሽ ያደረገ የተመሰገነ ነው፡፡ የፍቅርሽ መሰረት ከልቦናው የማይነዋወጥ የተደነቀ ነው፡፡ ዘወትር ለምስጋናሽ የሚተጋ የተመሰገነ ነው፡፡ የልጅሽን የሞቱን መስቀል ለመሸከም ዘወትር ልቡን የሚያስጨክን ይቅርታንም ከድንግልናሽ ነቅዕ የሚቀዳ የተመሰገነ ነው፡፡ የአበባውን ሽቱ ከንጽህናሽ መዓዛ የሚቀድስ የተቀደሰ ነው፡፡ ከልጅሽ የመገዛት ቀንበር በታች ራሱን ዘንበል ያደረገ የአንድ ልጅሽን የወንጌሉን ፍለጋ የተከተለ የተመሰገነ ነው፡፡ ዘወትርም እግዚአብሔርን የሚፈራ ሰው ትዕዛዙን ሊጠብቅ የሚወድ ምስጉን ነው፡፡ ዘሩም በምድር ብርቱ ይሆናል፡፡ የቅኖች ትውልድ ትባረካለች፡፡ ሀብትና ባለጸግነት በቤቱ ነው፡፡ ጽድቁም ለዘላለም ይኖራል፡፡ የያዕቆብ አምላክ ረዳቱ የሆነ ተስፋውና መመኪያው በእግዚአብሔር በአምላኩ የሆነ የተመሰገነ ነው፡፡ እግዚአብሔርን የሚፈሩ በመንገዱም የሚሄዱ ሁሉ የተመሰገኑ ናቸው፡፡ ድንግል ሆይ በጸሎትሽ ረዳትነት የሚታመን ምስጉን ነው፡፡ እኔም ስለዚህ ፍቅርሽን ለመከተል ተጋሁ ፡፡
    በልጅሽ ያመነውን ማን ያስፈራዋል? የአንበሳው ጩኸት እንደ ውሻ ጩኸት ይመስለዋል፡፡ የነብሮችም ኃይል እንደ ድመት ድካም ነው፡፡ ፈረስ ቢሮጥ አይደርስበትም፡፡ ጦርም ቢወረወር አያገኘውም፡፡ የፍላጻም ሀፎት አይቆነጥጠውም፡፡ በድንጋይም መወገር ነፋስ እንደሚበትነው ትቢያ ይመስለዋል፡፡ የፈሳሽ ውኃም ማዕበል እና ሞገድ አይበረታበትም፡፡ የነፈሳትም ኃይል አያነዋውጠውም፡፡ የሰውም አንደበት ክፉ ሊያደርስበት አይችልም፡፡ የአመጸኛው ከንፈርም አይጎዳውም፡፡ በተዋቀሰው ጊዜ ልጅሽ ድል አያስነሳውምና፡፡
    ቅድሰት ድንግል ሆይ በክርስቶስ እንድድን በክርስቶስም እንድኖር በክርስቶስም ነፍሳትን ከሚውጡ እባቦች እንድቤዥ አድርጊኝ፡፡በመጽሐፈ አርጋኖን...

    ReplyDelete
  35. አቤቱ ሆይ ከሰማየ ሰማያት ወርደህ በማህፀኗ ማደርህን ድንግል ስትሆን ከእርሷ መወለድን ንጽህትም ስትሆን በጡቷ ማደግህን አስብ! አቤቱ ሆይ በጎል መጣልህን በጨርቅ መጠቅለልህን አስብ! አቤቱ ሆይ ይህንን ሁሉ አስበህ እኔን ባሪያህን ስለ ኃጢአቴ አትናቀኝ! በማዳንህ እርዳኝ በመድኃኒትነትህም ጋሻ ጋርደኝ፡፡ አቤቱ ሆይ ስለ ወለደችህ ማርም አማላጅነት ፡ ስለ አሳደጉህ ጡቶቿ፡ ስለ ሳሙህ ከንፈሮቿ፡ ስላቀፉህ እጆቿ፡ ስለ ተቀበለህ ጎልበቶቿ፡ አካልም ይሆን ዘንድ ስለነሣኸው ነፍስና ሥጋዋ እርዳኝ ጠብቀኝ፡፡ አንጋጥቼ እንዳላፍር አምኜህ ተስፋ እንዳልቆርጥ አድረገኝ፡፡
    በዕብራይስጥ ማሪሃም የተባልሽ እመቤቴ ድንግል ማርያም ሆይ በእውነት ምስጋና ይገባሻል፡፡ የእግዚአብሔር እናቱ ሆነሻልና፡ በእውነት መደነቅ ይገባሻል፡፡ ዓለምን ሁሉ በመሀል እጁ የያዘ እርሱን ወልደሻልና፡፡ በእውነት ብፅዕና ይገባሻል፡፡ ለእውነትኛ ፀሐይ መውጫ ሆነሻልና፡፡ በእውነት መመስገን ይገባሻል ለማለዳው ኮከብ ምስራቅ ሆነሻልና፡፡

    ድንግል ሆይ ምን ብዬ እጠራሻሁ በምንስ ምሳሌ እመስልሻለሁ? ኪሩብ የያዘውን ዙፋን ነሽን? ነገር ግን ከእርሱ አንቺ ትበልጫለሽ በላዩ ለሚቀመጥ ቃለ እግዚአብሔር ማደሪያ ሆነሻልና፡፡ ርኩሰት የሌለብሽ ስብሐት፡ የዓለም ሁሉ ጌታ እናት ሰማይ እልሻለሁ፡፡ የሰማዩን ጌታ ወልደሽዋልና ከዚህም ትበልጫለሽ፡፡ ዘላለም ተዘግታ የምትኖር ደጅ ሆይ ሕዝቅኤል ያያት የምስራቅ ደጅ ከኃያላን ጌታ በቀር በውስጧ የገባ የለም፡፡ በመግባቱ በመውጣቱ አልተከፈተችም፡፡ የንጽህና ፍሬ የምታፈራ ድንግልና አበባ የምታብብ ነባቢት ገነት ሆይ አንቺን ውኃ ለማጠጣት የደከመ የለም፡፡ የንጽህና ሙሽራ ቤት፡ ርኩሰት የሌለበት የመንፈስ ቅዱስ ሠርግ ቤት፡ ከዳዊት ስር የተገኘች ሐረግ ከእሷም የቅዱሳን መዓዛ ኢየሱስ ክርስቶስ ተገኘ፡፡
    አንቺን የማላስብበት ጊዜ የለም፡፡ የማላይሽም ጊዜ የለም፡፡ በዓይነ ልቦናዬ አይሻለሁና ፍቅርሽ በልቤ ይጻፍ፡፡
    ድንግል ሆይ እኔ ግን ልጅሽን በማምለክ በባሕርይ አባቱ በአብ፡ ባሕርይ ሕይወቱም በመንፈስ ቅዱስ አምኜ ደስ እሰኛለሁ፡፡ ለሦስትነቱ አንድ ስግደት እየሰገድኩ እመካበታለሁ፡፡ እንዲህ ስል አምላኬ ነው አመሰግነዋለሁ፡፡ የአባቶቼ አምላክ ነው፡፡ አከብረዋለሁ፡፡ አገነዋለሁ፡፡ ከፍ ከፍ አደርገዋለሁ፡፡ እግዚአብሔር ፀብን ይሰብራል፡፡ ስሙም እግዚአብሔር ነው፡፡ ደግሞም እላለሁ እንደ አምላካችን ያለ ታላቅ አምላክ ማን ነው? ይህን የመለኮት ሰይፍ ተቀብዬ ሰይጣንን ራሱን እቆርጠዋለሁ፡፡ ይህን የሃይማኖት በትር ተመርኩዤ የዲያብሎስን ራስ እቀጠቅጣለሁ፡፡ የምስጋና ጽዋ ከጽርሐ አርያም ቀድቼ ከሞት ደጅ ከፍ ከፍ የሚያደርገኝን በጽዮን ልጅ ደጅ ምስጋናውን ሁሉ እናገራለሁ፡፡
    (አርጋኖን የመቤታችን ምስጋና, 1998 ዓ.ም, ተ/ገ/ሥላሴ ማ/ቤት ገጽ 1-401)
    (የድንግል ማርያም ፍቅሯ በልባችን ይደር)

    ReplyDelete
  36. « « ጥበበኛ ንጹህ አፈር ባገኘ ጊዜ ጥሩ እቃ እንደሚሰራበት ጌታችንም የድንግልን ንጹህ ሥጋዋን ንጹህ ነፍሷን ባገኘ ጊዜ ይዋሃደው ዘንድ ነፍስ ያለውን መቅደስ ሰውነቱን ፈጠረ »ባገኘ ጊዜ አለ እንጂ ሊዋሐደው ሲል አነጻው አላለም መንፈስ ቅዱስ አቀባ እም ከርሠ continue..እማ (ከሄዋን ወገብ) ሥጋዋን ለይቶ ቀደሰ ለየ ማለትም እመቤታችን አዳም በጥንተ ተፈጥሮው ሳለ /ከመበደሉ በፊት/ ተቀዳች ተቀደሰች ተለየች ነቢዩ ኢሳይያስ እግዚአብሔር ዘርን ባያስቀርልን ኖሮ...» እንዲል፡፡ ጌታችንም ይህን ንጹሕ ሥጋ ነው የተዋሐደው፡ አነጻት፣ ቀደሳት የሚሉት ቃላት የሚገልጡት አሳብ አንድ ነው፡፡ አስቀድሞ ያዘጋጃት የመረጣት እናት መሆኗን ብቻ፡፡ ቅዱስ ያሬድ «ማርያምሰ ተሃቱ እምትካት ውስተ ከርሡ ለአዳም ከመባሕርይ ፀዐዳ፤ ማርያም አስቀድሞ በአዳም አካል /ባሕርይ/ ውስጥ እንደ ዕንቁ ታበራለች፡፡» እንዲል፡፡ አዳምና ሔዋን በጥንተ ተፈጥሮ ሳሉ ካልበደለ ዘር የተቀዳች ንጹሕ ናትና

    ReplyDelete
  37. contin...አንቺ የኢየሱስ ክርስቶስ እናት እንድትሆኚ ሌላ ኃጢኣት በሰው ሁሉ የደረሰ የአዳም ኃጢኣት እንኳ አልደረሰብሽም“።ውዳሴ አምላክ...ያለኃጢኣት ለመድኃኒት ተወለደች፣ የንጽሕት ተፈጥሮ ያለነውር ነውና።"ከብረ ነገሥት(96:16)እመቤታችን ወደ ኩነት ሳትመጣ ተቀደሰች ወደ ሕልውና ወይም ኩነት ሳትመጣ አስቀድሞ ስለተመረጠች “እግዝእትነ ማርያም ነበረት በሕሊና አምላክ እምቅድመ ይትፈጠር ዓለም” ተባለላት...

    ReplyDelete
  38. conti..እመቤታችን አዳም በጥንተ ተፈጥሮው ሳለ /ከመበደሉ በፊት/ የተቀዳች ዘር ናት፡ጌታችንም ይህን ንጹሕ ሥጋ ነው የተዋሐደው የሚለዉ የአባቶቻችን ትምህርት የሚሳየዉ ማርያም በሄዋን ወገብ ዉስጥ ብትኖርም ኣዳምና ሄዋን ሲበድሉ ተካፈይ አለመሆኗን ነዉ ይህም በመንፈስ ቅዱስ መለየት መቀደስ ተባለ አዳምና ሔዋን በጥንተ ተፈጥሮ ሳሉ ስላልበደለች በወቅቱ በስጋ ባትኖርም"ወደ ሕልውና ሳትመጣ ተቀደሰች" እንዲሉ አባቶቻችን ከ ጥንት በደል (ጥንተ አብሶ) ንጹህ መሆኗ የታወቀዉ ያኔ ነበር ስለዚህ የጥንት በደል የሚለዉ ቃል እንጂ የአዳም ዉርስ ሀጢአት የሚለዉ ቃል ትክክለኛዉ ቃል አይደለም ቃላት አጠቃቀም ላይ እንኳ የቅዱሳን አባቶችን ትምህርትና እምነት መረዳት ያሻል፡፡ ቅዱስ ያሬድ በዕንቁ መስሎ በአዳም ባሕርይ ውስጥ ታበራለች ያላትም ለዚህ ነዉ። (አነፃት) (ቀደሳት) የሚሉት ቃላት የሚገልጡት አሳብ አንድ ነው፡፡ አስቀድሞ ያዘጋጃት የመረጣት እናት መሆኗን ብቻ “ቀደሰ” ማለት ለየ ማለት መሆኑን ካወቅንነዉ እመቤታችን ወደ ኩነት ሳትመጣ ተቀደሰች ማለት በዚህ ትርጉም መሰረት ነዉና (የዉርስ ሀጢአት) የሚለዉ ቃል ስህተት ብቻ ሳይሆን የቅዱሳን አባቶችንየነገረ ማርያም ትምህርት ያዛባዋል(ምንጭ።ነጭ ዕንቁ በአዳም ገላ፣ደርሳነ ኪዳነ መህረት፣መጽሃፈ ሚስጥር፣ ዕብራውያን ፯ሙሉዉን፣ክብረ ነገሥት ፣ ትምህርትሀይማኖት ሊቁ ጉባኤ አባ አበራ በቀለ )

    ReplyDelete
  39. negeruma aydelem dingil mariam "tinte absso alebat",eyesusen amalag new til yel.

    ReplyDelete
  40. የተዋህዶ ልጆች ኮራሁባቹህ ለካስ በ አባቶች ፈንታ ብዙ ልጆች ተወልደዋል በርቱልን
    እናንተ አባሰላማዎች በጣም አዘንኩባችሁ ነገረ ሥራችሁም አሳቀኝ ። ክክክክክክክክክክክ በጣም ነው የሚያስቀው ደሞ ማርያም ጥንተ አብሶ አለባት ግን ከሷ የንሳውን ስጋ የለበትም ምን ማለት ነው ? አያስቅም ግን ነገሩ ? አሁንስ በጣም ወረዳችሁ ወይ እመኑ ወይ ደሞ ካዱ ምንድነው ማደናገር ከየት የመጣ ነው እንዲህ አይነት ምንፍቅና ደሞ ወይ ጉድ

    ReplyDelete
  41. «ስለተወገደበት»ማለት ምን ማለት ነዉ ጥንተ አብሶ በተመለከተ ብዙዎቹን ወደ ሽተት የከተተው የቋንቋ ችግር ነው፡ ጥንተ አብሶ ከድንግል ማርያም አልደረሰም ማለትና ተወገደ ማለት ፍፁም የተለያየ ነዉ ጥንተ አብሶ የለባትም ሲባል ወደዚህ ዓለም ከመምጣቷ በፊት ጀምሮ መርገመ ሥጋ መርገመ ነፍስ ያልነበረባት መሆኑን ነው ለምን ቢሉ መልሳችን መረጠ፣ አከበረ፣ ቀደሰ፣ ለየ እና አደረባት የሚል ነው

    ReplyDelete
  42. እግዚአብሔር የወደፊቱን አስቀድሞ ከፍጥረት በፊት ስለሚያዉቅ በማዳን ሥራው መለኮታዊ እቅድ ውስጥ ታስባ ትኖር ነበርና በሄዋን ወገብ ውስጥ ወይም ወደ ኩነት ሳትመጣ በሕሊና ሊያያትና ሊቀድሳት ቻለ Aba Giorgis of Gasicha, a 14th C. Ethiopian theologian has said in his book known as “The book of mysteries”: He who does not know sin took the flesh of sinners and judged sin. He took flesh from the daughter of sinners, who herself, is but pure in flesh and soul. Her father’s sin did not touch Her Son.” so she is free from original sin because She is the tabernacle not only of God the Son. God the Father dwelt in her to strengthen Her and God the Holy Spirit dwelt in Her to keep her pure. “Dirsane tsion” has also written about the Blessed Virgin Mary, referring to her as Our Mother Tsion simply because She is the true Arc of the Covenant. all of humanity was really present in Adam when he sinned, and therefore must all have sinned. but god protect virgin mary and her son . that is the real eoc doctrine see book dersane kidan mehret in chapter about orginal sin...

    ReplyDelete
    Replies
    1. line 12.............God protect virgin Mary.............

      Delete
    2. God protect her therefore he protect her son(God) indirectly

      Delete
  43. As an example of the common faith of the Eastern ANCIENT FATHERS regarding St. Mary, we have the words of St. John of Damascus who stated in his homily on the Conception of the Theotokos:

    “O most blessed loins of Joachim from which came forth a spotless seed! O glorious womb of Anna in which a most holy offspring grew” (Homily I on the Nativity, c. A.D. 749).

    Also from the Byzantine Orthodox Liturgical Office of Matins

    “Hearing the prayers of the just forebears, O Lord, You fulfilled what they
    asked for; You granted to your holy ancestors your immaculate Mother as the fruit of their loins. In her glory, Anna now conceives and shall give birth to [the one who will bear] the incorporeal Lord, who is Christ, our supreme goodness.”

    “The wondrous Joachim and the God-wise Anna, both living in piety according to the Law of Moses, were fruitless. They prayed to God with their whole heart, saying, O most gracious Lord, You are the hope of everyone, and You know the pain, reproach and anguish of childlessness. Therefore, grant us fruit from the womb, and we shall offer the child as a sacred gift in Your temple. And the offering will be fulfilled, for Anna will bear the One who will give birth to the Word.”

    “O holy Anna, as you conceive the source of Life, you welcome, at the same time, our joy. As you receive into your womb the holy temple who shines with holiness, extol the Creator.”

    “Let us sing of the holy and blessed couple, Joachim and Anna! As the
    forebears of the Son who was begotten before the ages and as the guardians of the Law, they now receive their child as the first fruits of joy.”

    ReplyDelete
  44. Saint Paul SAY "we have all sinned and are deprived of the glory of God" (Rom 3:23). We are all in need of redemption and only by Jesus' sacrifice .OLD TASTEMENT PEOPLE WHO LIVE BEFOR CHRIST DEATH ALSO SAVED BY CHRIST EVEN IF THEY DONT KNOW HIM LET ALONE TO BELIEVE IN HIM.SO VIRGIN MARYSAVED BY JESUS B/C OF HER ROLE AS MOTHER OF GOD NOT BY REMOVINGBUT BY PROTECTING HER FROM ORGINAL SIN (ጥንተ አብሶ). ምንም እንኳ መለኮታዊ ጥበብን በሰው ቋንቋ ለመግለጽ አስቸጋሪ ቢሆንም ለማነጻጸርም ቢያዳግትም ለእኛ በሚገባን መንገድ በቀላል ምሳሌ ለማስረዳት ያህል፦ አንድ ሰው ከመኪና ግጭት አደጋ ለጥቂት ድኗል። ታዲያ ይህን ሰው እግዚአብሔር አዳነው እግዚአብሔር ጠበቀው እንላለን። ሆኖም አድኖታል ጠብቆታል ስላልን የግድ ተገጭቶ ነበር የሚለውን ሃሳብ አያስከትልም። ሳይገጭ እግዚአብሔር ጠብቆታልና። ለመዳን ለመትረፍ መገጨት ወይም ለአደጋው መጋለጥ የግድ የለበትም ፈጦ ከመጣው አደጋ ሊሰወር ይችላልና። ጠበቀው አዳነው ማለት እንችላለን። ነገር ግን አዳነው ስለተባለ ጠበቀው ስለተባለ አለበለዚያ ከምን አዳነው ከምን ጠበቀው ስለደረሰበት ስለተገጨ አይደለም ወይ? ብሎ ማሰብ አለማስተዋል ካልሆነ በቀር ሌላ ሊሆን አይችልም።

    ReplyDelete
  45. እኔን አንዳንድ ጊዜ በጣም ይገርመኛል እነዚህ መናፍቃን እኮ ልክ እንደነሱ እናታችንን ቅድስተ ቅዱሳን ንጽሕይተ ንጹሃን የብዙሃን እናት እመቤታችንን እንደነሱ እንድንክድ እኮ ነው ርዕስ የሚሰጡን የአስር ፍልጥ ማሰሪያው ልጥ እንዲሉ የነሱ ማደናገሪያዎች በሙሉ በምን ይታሰራል ቢሉ "ለነሱ ማርያም አታማልድም ንጽህይት አደለችም" ለእኛ ለምናምናት ልመናዋ አማላጅነቷ ከፈጣሪያችን እንዲያማልደን ዘወትድ ተንበርክከን የብዙሃን እናታችን ቅድስተ ቅዱሳን ንጽሕይተ ንፁሐን ለልጅሽ ከወዳጅሽ አማልጅን እያልን ዘወትር ስሟን በውዳሴ እንዲሁም ተአምሯን በማንበብ በመስማት በስሟ ቀዝቃዛ ውሃ እያጠጣን ወደፈጣሪ እንድታማልደን እንጠይቃታለን አባቶቻችን ለሺህ አመታት አድርገውታን እኛም በሕይወታችን ሙሉ እንጠራታላን ልጆቻችንም እስከ ዓለም ፍጻሜ ስሟን እየጠሩ እየተለመኗት በአማልጅነቷ ፀንታ ትኖራለች አሜን
    የእመቤታችንን ጣዕሟን ፍቅሯን አማላጅነቷን በልባችን ፅላት ይጻፍልን
    ለማያምኗት ልቦና ይስጣቸው፤ በምልጃዋም ሁልጊዜ ታስባቸው

    ReplyDelete
    Replies
    1. Amen!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

      Delete
  46. ወንድም እመቤታችንን የጥንተ-አብሶ (የዘር ዉርስ ኃጢአት የለባትም) ማለት ማርም ድሮም መድሀኒት አያስፈልጋትም ‹ ነፍሴ በአምላኬ በመድኃኒት ሀሴት ታደርጋለች› ማለቷ ስህተት ነዉ ማለትህ ነዉ፤ጌታ ሞተዉ ለእኛ እንጂ ለእሷ አይደለም ማለት የጉህሊያዎች የአጋንንት ትምህርት ነዉ፡፡የአዲስ ኪዳንን ትምህርት እና ክርስቶስን የማዳን ስራ እንደማቀለል ነዉ፣ ጸጋ ለምን አይነት ሰዎች እንደሚሰጥ ያልገባህ ያገሬ ደብተራ አንተ እንዳልከዉ ‹ለመጀመሪያ ጊዜ ለእመቤታችን የተሰጠ ምስጋና ነው፡፡ ወስብሐት ለእግዚአብሔር !!! እመቤታችን ቅድስት ድንግል ማርያም በጥንተ አብሶ ተይዛ ቢሆን ኖሮ መልአኩ ቅዱስ ገብርኤል “ጸጋን የተመላሽ ሆይ” ሊላት አይችልም ነበር፡፡ ምክንያቱሳ ቢሉ ፣ ጥንተ አብሶ ጸጋዋን ጐደሎ ያደርግባት ነበርና ነው፡፡›ነዉ ያልከዉ
    ነገርግን ጸጋ ማለት ምን ማለት ነዉ? ጸጋ ማለት አዲስ ኪዳን በተጻፈበት በግሪክ ቋንቋ ‹xapIs›(charis) በ English ‹grace› የሚባል ሲሆን ‹‹ለማይገባዉቸዉ የሚሰጥ የእግዚአብሔር ነጻ ስጦታ ወይም መለኮታዊ አቅም ›› ማለት ነዉ፡፡ጸጋ በኃጢአት ምክንያት ክብር ለጎደላቸዉ ሁሉ የሚሰጥ እንጂ ለቅዱሳን ሰዎች (ለነገሩ አንድም ጻድቅ የለም) ብቻ የሚሰጥ ልዩ ሽልማት ነዉ ማለት የጸጋን ምንነት አለመረዳት ነዉ የእግዚአብሔር ጸጋ፡-
    1. የማዳን ጸጋ ነዉ ቲቶ2፡11
    2. በክርስቶስ መስዋእትነት ለሚያምኑ የሚሰጥ ስጦታ ነዉ ሮሜ3፡22
    3. ኃጢአተኛዉን የሚያድን ጸጋ ነዉ ኤፌ2፡8
    4. ጌታን እንድናገለግል የሚያስችለን የእግ/ር አቅም ነዉ ቆሮ3፡10
    5. ጸጋ ለኃጢአተኛዉ የሚሰጥ የእግ/ር ነጻ ስጦታ ነዉ ዮሀ1፡16
    6. ጸጋ ቅዱሳንን የማነጫ መሳሪያ ነዉ ሐዋ 18፡27
    7. ጸጋ ወደ እግ/ር ዙፋን የምንቀርብበት ብቃት ነዉ እብ 4፡16 መሆኑን ማወቅ ከተሳሳተ ትርጓሜ ያድነናል እላለሁ፡፡
    አመሰግናለሁ

    ReplyDelete
  47. «መንፈስ ቅዱስ በአንቺ ላይ ይመጣል፥ የልዑልም ኃይል ይጸልልሻል ስለዚህ ደግሞ ከአንቺ የሚወለደው ቅዱስ የእግዚአብሔር ልጅ ይባላል።» ብሏታል (ሉቃ. 1፡35) silezih menfes kidus yaterashal weyim yanetsashal malet eko new. yihim malet getan betsenesech seat menfes kidus tselelat(anetsat) silezih nitsuh honech malet new

    ReplyDelete