Sunday, November 25, 2012

መዳንም በሌላ በማንም የለም

  • ዛሬ በኢየሱስ ስም መስበክ መናፍቅ አሰኝቶ ያስወግዛል
  • ገድለ ተክለ ሃይማኖት የተክለ ሃይማኖትን ስም የጠራ ይድናል ይላል
 «መዳንም በሌላ በማንም የለም እንድንበት ዘንድ የተሰጠን ከሰማይ በታች ሌላ የለም» የሐዋ 12፥4
ይህን ቃል የተናገረው ሐዋርያው ቅዱስ ጴጥሮስ ነው። የተናገረውም በመንፈስ ቅዱስ ተሞልቶ ነው። ይህን ቃል ለመናገር ያበቃው ሲወለድ ጀምሮ ሽባ የሆነ ሰው ነበር። ሰውዬው ለመሥራት ለመሮጥ፣ ለመቅደም፣ ለመታገል የማይችል ምስኪን ሰው ሆኖ በወላጆቹ ላይ ወድቆ የሚኖር ሰው ነበር። ጥዋትና ማታ በቤተ መቅደስ በር ላይ እያመጡ ይጥሉታል፣ ከሕዝብ ምጽዋት እየለመነ የዕለት እንጀራውን ያገኛል። ከዚህ ሕይወት የሚያወጣው ሌላ እድል አያገኝም፣ ተስፋው በሙሉ በሰው ስጦታ ላይ የተመሠረተ ነው። አንድ ቀን በትክክል ቆሜ እራመዳለሁ ብሎ አስቦ አያውቅም፣ የሚያስበው በቀን ምን ያህል ምጽዋት እንደሚያገኝና ኑሮውን እንደሚገፋ ብቻ ነው። በዚህ ሁኔታ ከ40 ዓመት በላይ አሳልፏል።
  ሐዋርያት ጴጥሮስና ዮሐንስ ወደ ቤተ መቅደስ ለጸሎት ሲሄዱ ይህን ሽባ አገኙት፣ እርሱ ለማንኛውም ሰው እንደሚያደርገው ምጽዋት ለመናቸው "ብርና ወርቅ የለንም ነገር ግን ያለንን እንሰጥሃለን" አሉት። ሰውየው ምን ይሰጡኝ ይሆን ብሎ መጠባበቅ ጀመረ፤ ጴጥሮስ ግን "በናዝሬቱ በኢየሱስ ክርስቶስ ስም ተነስና ተመላለስ‚ አለው። ለ40 ዓመት ያህል ሽባ የነበረ ሰው ተነስቶ ዘለለ ወደ እግዚአብሔር ቤት ሮጦ ገባና እግዚአብሔርን አመስገነ። ይህን ያደረገው የጌታ የኢየሱስ ክርስቶስ ስም ነው።  
  ጌታ ሐዋርያቱን ብርና ወርቅ አትያዙ ብሎ አስተምሯቸው ነበር፣ ምክንያቱም እነርሱ የያዙት ከብርና ከወርቅ እጅግ የሚበልጥ ነው። ሐዋርያው ጳውሎስ "አንዳች የሌለን ስንሆን ሁሉ የኛ ነው ብሏል‚2ቆሮ 6፥11። ክርስቶስን የያዘ ሰው ከወርቅና ከአልማዝ ይልቅ የከበረ ሀብት ያለው ነው። እኛም ማንም ሀብት ንብረት አፍርቻለሁ ከሚል ማንኛውም ሰው ይልቅ ሀብታሞች ነን ብለን የምናምነው በክርስቶስ የተሰጠንን ሁሉ በመቁጠር ነው። በዚህም ዓለም በሚመጣውም ዓለም በክርስቶስ አንዳች አይጎድልብንም ብለን እንወራረዳለን። በዚህ ዓለም ባይሰጠንም እንኳ እንወደዋለን። እኛ ሀብትን ማካበት አላማ አድርገን አናገለግልም እንጂ ቃሉ ግን "ባለጠጐች ደኸዩ ተራቡም እግዚአብሔርን የሚፈልጉት ግን ከመልካም ነገር አይጎድሉም‚ መዝ 33፥10 "እግዚአብሔር በቅንነት የሚሄዱትን ከመልካም ነገር አያሳጣቸውም‚ ይላል መዝ 84፥11።  
 እንግዲህ የጌታ የኢየሱስ ክርስቶስ ስም እሥራትን ሽባነትን እንቆቅልሽን ሁሉ የሚፈታ ስም ነው። ለክርስቲያኖች ከጌታ ከኢየሱስ ክርስቶስ ስም በላይ ሌላ ሀብት የላቸውም። በተለይም ኢየሱስ የሚለው ስም ምድር አንቀጥቅጥ ስም ነው። በሰማይና በምድር ከምድርም በታች ያለ ፍጥረት ሁሉ የሚንበረከክበት ስም ነው። ሰይጣን ይህ ስም እንዳይጠራ በብርቱ ይታገላል። ክርስቲያኖች ግን ስሙን በሥፍራ ሁሉ ለመጥራት ማፈር የለባቸውም። ከኢየሱስ ስም በላይ ለእግዚአብሔር ክብር የሚጠራ ሌላ ስም የለምና። ቃሉ እንዲህ ይላል "በዚህም ምክንያት እግዚአብሔር ያለ ልክ ከፍ ከፍ አደረገው ከስምም ሁሉ በላይ ያለውን ስም ሰጠው ይህም በሰማይና በምድር ከምድርም በታች ያሉት ሁሉ በኢየሱስ ስም ይንበረከኩ ዘንድ መላስም ሁሉ ለእግዚአብሔር አብ ክብር ኢየሱስ ክርስቶስ ጌታ እንደሆነ ይመሰክር ዘንድ ነው‚ ፊልጵ 2፥9-11።
 ስሙ "ኢየሱስ‚ እንዲባል እግዚአብሔር አስቀድሞ የወሰነው በስሙ ውስጥ ምሥጢር ስላለ ነው። "ልጅም ትወልጃለሽ ስሙንም ኢየሱስ ትይዋለሽ‚ ሉቃ 1፥31።
 የማዳኑ ኃይል ያለው በስሙ ነው። ድል መንሳትም ማሸነፍ የሚቻለውም በስሙ ነው።"እነዚያ በሰረገላ እነዚያም በፈረስ ይታመናሉ እኛ ግን በአምላካችን በእግዚአብሔር ስም ከፍ ክፍ እንላላን‚ መዝ 19፥7። በወደደን በእርሱ ከአሸናፊዎች እንበልጣለን ይላል ሮሜ 8፥39
 ንስሐና የኃጢአት ሥርየት የሚገኘውም በስሙ ነው።"በእርሱ የሚያምን ሁሉ በስሙ የኃጢአቱን ሥርዬት እንዲቀበል ነቢያት ሁሉ ይመሰክሩለታል‚ የሐዋ 10፥43።
 የልባችን ሰላም የሚጠበቀውም በኢየሱስ ክርስቶስ ስም ነው። "አእምሮን ሁሉ የሚያልፍ የእግዚአብሔር ሰላም ልባችሁንና ሐሳባችሁን በክርስቶስ ኢየሱስ ይጠብቃል‚ ፊልጵ 4፥7።
 ሰማያዊና ምድራዊ በረክት የሚሞላብን በስሙ ነው። "አምላኬ እንደባለጠግነቱ መጠን በክብር በክርስቶስ ኢየሱስ የሚያስፈልጋችሁን ሁሉ  ይሞላባችኋል‚ ፊልጵ 4፥19። 
 አጋንንትን የምናወጣው የጠላትን ኃይል ሁሉ የምንቋቋመውም በስሙ ነው። " የሚያምኑትንም እነዚህ ምልክቶች ይከተሉአቸዋል በስሜ አጋንንትን ያወጣሉ ...‚ ማር 16፥17። "ጳውሎስ ግን ተቸገረና ዘወር ብሎ መንፈሱን ከእርስዋ እንድትወጣ በኢየሱስ ክርስቶስ ስም አዝሃለሁ አለው በዚያም ሰዓት ወጣ‚ የሐዋ 16፥18።
  አብ መንፈስ ቅዱስን የሚሰጠን በኢየሱስ ክርስቶስ ስም ነው። "አብ በስሜ የሚልከው ግን መንፈስ ቅዱስ የሆነው አጽናኝ እርሱ ሁሉን ያስተምራችኋል እኔም የነገርኋችሁን ሁሉ ያሳስባችኋል‚ የሐ 14፥26።
  በመካከላችን ለመገኘት ቃል የገባውም በስሙ ከተሰባሰብን ነው "ሁለት ወይም ሦስት በስሜ በሚሰባሰቡበት በዚያ በመካከላቸው እገኛለሁ‚ ማቴ 18፥20።
  በስሙ ብናበላ ብናጠጣ ዋጋችን በሰማይ ይቆየናል "የክርስቶስ ስለሆናችሁ በስሜ ቀዝቃዛ ጽዋ የሚያጠጣችሁ ሁሉ፤ ዋጋው እንዳይጠፋበት እውነት እላችኋለሁ‚ ማር 9፥41።
  ጸሎት የሚያርገውም በኢየሱስ ክርስቶስ ስም ነው። "እውነት እውነት እላችኋለሁ አብ በስሜ የምትለምኑትን ሁሉ ይሰጣችኋል‚ ዮሐ 16፥23። አባቶች "በእንተ ፍቁር ወልድከ እግዚእነ ኢየሱስ‚ "በተወደደው ባንድ ልጅህ በጌታችን ቢየሱስ ክርስቶስ‚ በማለት ጸሎታቸውን ያሳርጋሉ።
 ይህን ሁሉ የእግዚአብሔር ቃል ስናነብ፤ መልአኩ ገብርኤል በተላከው መሠረት "ስሙንም ኢየሱስ ትይዋለሽ‚ ብሎ የተናገረው ያለምክንያት እንዳልሆነ እንገነዘባለን። ነገር ሁሉ በዚህ ስም ስለሚከናወን ነው። ሐዋርያት አባቶቻችን "በቃል ቢሆን ወይም በሥራ የምታደርጉትን ሁሉ በጌታ በኢየሱስ ክርስቶስ ስም አድርጉት‚ በማለት አስተምረዋል ቈላ 3፥16።
 ዛሬ ግን ጠላት የቤተ ክርስቲያናችንን ተቅዋም በመቆጣጠሩ በኢየሱስ ስም መናገር ከባድ እየሆነ ነው። በኢየሱስ ስም መስበክ፤ በኢየሱስ ስም መጸለይ፤ በኢየሱስ ስም መዘሙር መናፍቅ አስኝቶ ያስወግዛል። የክርስቶስ ተቃዋሚ መንፈስ ስትራቴጂውን ቀይሮ ቤተ ክርስቲያን ውስጥ በቅዱሳን ስም ተደራጅቶ ተቀምጧል። በቅዱሳን ስም የኢየሱስን ስም ይቃወማል። እንንቃ!
 ገድለ ተክለ ሃይማኖት፤ የተክለ ሃይማኖትን ስም የጠራ ይድናል ይላል፤ ገድለ ገ/መንፈስ ቅዱስ፤ የገብረ መንፈስ ቅዱስን ስም የጠራ ይድናል ይላል። ገድለ ክርስቶስ ሰምራ፤ የክርስቶስ ሰምራን ስም የጠራ ይድናል ይላል። ገድለ ጊዮርጊስ፤ የጊዮርጊስን ስም የጠራ ይድናል ይላል። ገድለ ላሊበላ፤ የላሊበላን ስም የጠራ ይድናል ይላል። ድርሳነ ሚካኤል፤ የሚካኤልን ስም የጠራ ይድናል ይላል። ድርሳነ ገብርኤል፤ የገብርኤልን  ስም የጠራ ይድናል ይላል። ድርሳነ ኡራኤል፤ የኡራኤልን ስም የጠራ ይድናል ይላል። ታምረ ማርያም፤ የማርያምን  ስም የጠራ ይድናል ይላል። እያንዳዱ ገድል በመጨረሻው ላይ የባለ ገድሉን ወይም ባለድርሳኑን ስም የጠራ ይድናል በማለት ይናገራል።
   መንፈስ ቅዱስ ያደረበት የጌታ ሐዋርያ የሃይማኖታችን መሠረት ቅዱስ ጴጥሮስ ደግሞ "እንድንበት ዘንድ የሚገባ ለሰዎች የተሰጠ ስም ከሰማይ በታች ሌላ የለም‚ይላል። ጎበዝ ማንን እንስማ? ገድላትና ድርሳናት የጠላት ጽሑፎች አይደሉምን? ዛሬ ሕዝባችን በገድላትና በድርሳናት ትምሕርት የታሠረ አይደለምን? ወንጌል እንዳይሰበክና ሕዛባችን ወደ እውነቱ እንዳይመጣ ከፍተኛ ትግል እየተደረገ ያለው ይህ የጠላት ሥራ እንዳይፈርስ ነው። እውነቱን ለመናገር ይህ ገላባ እሳት ነዶበታልና መቃጠሉ አይቀርም እሥራት ይፈታል የአጋንንት ሥራ ይፈርሳል የክርስቶስ አዳኝነት ይገለጣል የሥላሴ ክብር ምድሪቱን ይከድናል። እንግዲህ ብቻውን ጌታ የሆነው የታረደው የእግዚአብሔር በግ ድል እስኪነሣ ድረስ ጦርነታችንን እንቀጥል።
ክብር ለታረደው በግ ድል ለኢትዮጵያ ሕዝብ ይሁን አሜን!!!
ተስፋ ነኝ
  

26 comments:

  1. መዳንም በሌላ በማንም የለም። «መዳንም በሌላ በማንም የለም እንድንበት ዘንድ የተሰጠን ከሰማይ በታች ሌላ የለም» የሐዋ 12፥4 ይህ እውነተኛ የእግዚአብሔር ቃል ነው። ከእርሱ በቀር አዳኝ አምላክ የለም። ነገር ግን አምላችን ጌታ ኢየሱስ ክርስቶስ በእርሱ የአመነትን ቅደሳን የጸጋ የማዳን ስልጣን ለቅዱሳን ሰጥቶአቸዋል። መጽ መሳፍ 3፡9 የእስራኤልም ልጆች ወደ እግዚአብሔር ጮኹ እግዚአብሔርም የሚያድናቸውን አዳኝ የካሌብን የታናሽ ወንድሙን የቄኔዝን ልጅ ጎቶንያልን አስነሣላቸው።መጽ መሳፍ 3፥15 የእስራኤልም ልጆች ወደ እግዚአብሔር ጮኹ እግዚአብሔርም ብንያማዊውን የጌራን ልጅ ናዖድን ግራኙን ሰው አዳኝ አስነሣላቸው የእስራኤልም ልጆች በእርሱ እጅ ወደ ሞዓብ ንጉሥ ወደ ዔግሎም ግብር ላኩ።የያዕቆብ ወንድም የይሁዳ መል ቁጥር 22 እንድህ ይላል "አንዳንዶች ተካራካርዎችንም ዉቀሱ አንዳንዶችንም ከእሳት ነጥቃችሁ አደኑ" በዚህ የእግዚአብሔር ቃል ላይ የማዳን ስልጣን የተሰጠው ለቅዱሳን ነው። የእነ ሐዋርያው ጴጥሮስ ጥላ ብዙ በሽተኖችን አድኖዋል። በሐዋርያው ጳዉሎስ ልብስ በዙዎች ድነዋል። እራሱ ጌታችን እንድህ በማለት የተናገረው ቃል አለ በእኔ የሚያምን እነ የማደርገውን ያደርጋል ከእነም የበለጠ ያደርጋል በማለት ታላቅ ሥልጣንን ሰጥቶአቸዋል። ቅዱሳን የጸጋ የማዳን ስልጣን በመጽሐፍ ቅዱስ አላቸው። ቅድሰት ቤተ ክርስቲያነችን የጌታ አዳኝነት ታምናለች። ለቅዱሳንም የጸጋ ማዳን ስልጣን ትቀበላለች።እንደ ጌታችን ቅዱስ ቃል ትመራበታለችም። እውነቱ በሰላም

    ReplyDelete
    Replies
    1. ቃለ ሕይወት ያሰማልኝ

      Delete
    2. እኔ እኮ የሚገርመኝ አንድ ሰው መጻፍ ስለቻለ ብቻ ለምንድነው <> አይነት አስተያየት በመስጠት የእነሸዋዬን ሀሳብ ባገኘው አጋጣሚ ሁሉ በገገማ ፍልስፍናው የሚያጫፍረው?
      አረ ለመሆኑ የጠቀስከው የመጽሐፈ መሳፍንት 3፡9ኝን መሰረተ ሐሳብ በማስተዋል አንብበሀው ታውቃለህ? ምን አለ ከመናገር መማር ይቅደም ያሉትን የአባቶች አባባል ቆም ብለህ ብታስተውለው፡? የእግዚአብሔር ቃል የሆነው የወቅቱ የእስራኤልን ታሪክ የያዘውና አንተ ለገዛ ቅዠትህ ይጠቅመኛል ብለህ የጠቀስከው ታሪክ የሚናገረው ሌላ! አንተ የምትቃዠው ሌላ! <> ታዲያ ያንተን ተረት እንመን ወይስ የእግዚአብሔርን ቃል መሰረታዊ ሀሳብ እጅግ በጣም ትገርማለህ ጊዜሕን አመቻችተህ በድንቁርና ትእቢት ከመወጠር ከአንተ የተሻሉ አባቶችንና ወንድሞችን እንዲሁም እህቶችን ጠይቀህ ለመረዳት ብትሞክር ያም ባይሆን እንኩዋን የጠቀስከውን መጽሐፍ ሙሉ ምእራፉን በማስተዋል ብታነበው ከስህተትህ በከፍተኛ ጸጸት እንደምትመለስ አምናለሁ። በጥቂቱ ግን ለማስተዋል እንዲረዳህ መንገድ ልስጥህ ታሪኩ እንዲህ ነው፦ ሲጀመር ዘመኑ ዘመነ ፍዳ ታሪኩም የእስራኤል ዘስጋ ታሪክ ነው እስራኤላውያን በከነዓናውያን በኬጢያውያንም በአሞራውያንም በፌርዛውያንም በኤዊያውያንም በኢያቡሳውያንም መካከል ተቀመጡ። ታዲያ በዚህ ጊዜ በፈጠሩት የጋብቻ ስህተት ላላስፈላጊ አምልኮተ ጣኦት በመዳረጋቸው ምክንያት እ/ር በመስጴጦምያ ንጉሥ በኵሰርሰቴም እጅ አሳልፎ ሰጣቸው በዚያም ለ8 አመት በደረሰባቸው መከራ ተቀጥተው ወደ አምላካቸው በመጮሃቸው ከዚያ ለቅጣት ከተሰጡበት ንጉስ እጅ የሚያድናቸው ጎቶንያል ተሰጣቸው እንጂ አንተ ሳይገባሕ እንደዘባረቅከው ነፍሳቸውን የሚታደግና ወደ ዘለአለም ሕይወት የሚያደርሳቸው ጎቶንያል አይደለም የተሰጣቸው። ወንድሜ ተስፋ እየነገረህ ያለው ስለዘለአለማዊ ድህነትህ እንጂ (ከሞተስጋ በኍላ ስለ አለውና) ለዚያ ስለሚያበቃህ እንጂ አንተ እንደምትለው በሰራዊት ሀይል ስለሚፈጸመው ምድራዊ መዳን ብቻ አይደለም። ልብ ይስጥህ ልብ ይስጠን።
      ይናገር በቃሉ ነኝ ከሳውዝ አ.

      Delete
  2. የተሰቀለው ክርስቶስ ኢየሱስ ጌታ ነው !November 25, 2012 at 9:09 PM

    ተስፋ Geta Yebarke. I am telling my friends "how those evil books are contradicted to bible." You and your fiends need to work hard, we need you guys,please save the orthodox Church other ways. If you don't do some thing, the church will lose most most of the follower, don't even think the young generation. Bible!Bible! Bible!

    ReplyDelete
  3. pleas this is our right

    ReplyDelete
  4. እውነትም ተስፋ ! ! ! ! በዙፋኑ ላይ ሆኖ በለበሰው የእኛ ነቱ ያለማቋረጥ የእለት ተእለት በደላችንን በአስታራቂነት ሀይሉ የሚያስወግደው ጌታ የመንፈስ ቅዱስን ሐብት በዘመንህ ሁሉ ያብዛልህ። ስለ አለሙ መዳን የታረደው የነጩ በግ (የኢየሱስ)ማዳን እንኩዋንስ በእነዚህ መጨረሻቸው ጥፋት፤ሆዳቸው አምላካቸው፤ክብራቸው በነውራቸው ሀሳባቸውም ምድራዊ በሆኑና አማልክቶቻቸው በበዙ ወሮበሎች ቀርቶ አለሙን በምድራዊ ስልጣናቸው ባንቀጠቀጡትም ቄሳሮች ሊገታና ሊቆም አልቻለም። ክብር ለብቸኛው መድሀኒት በጸጋ ላይ ጸጋን ላበዛልን ከመለኮቱ ሳይለይ በፈቃዱ እኛን ሆኖ ከሁለት ሞት ወደዘለአለም ሕይወት ላሸጋገረን ይሁን። ይህን ላልተረዱትና መድሀኒት ፍለጋ አማልክቶቻቸውን ላበዙትም የተስፋን(የማስተዋል) ልብ ይስጣቸው እላለሁ።
    ከ ይናገር በቃሉ
    ደርባን ሳውዝ አፍሪካ

    ReplyDelete
    Replies


    1. የማቴዎስ ወንጌል
      10፥40 እናንተን የሚቀበል እኔን ይቀበላል፥ እኔንም የሚቀበል የላከኝን ይቀበላል።

      ወገን እናስተውል! ይህንን ቃል የተናገረው ጌታችን መድኋኒታች ኢየሱስ ክርስቶስ ነው፥
      መዳን በሌላ በማንም የለም፡ እውነት ነው ቃሉ የታመነ ነው። ግን ምን ማለት ነው? ቤ/ንም በዚህ ቃል ታምናለች፡፡ ጸሃፊው ጌታን እና ቅዱሳንን እያወዳዳረ ነው በጣም ይገርማል ትልቅ ስህተት ነው። ቅዱሳን ይህ ቃል የተሰጣቸው እርሱን ተጠግተው ነው።ቃሉን ሰምተው የተሰጣቸው ልዩ ስጦታ ነው። እንደውም እርሱን ለመቀበል የመጀመሪያው መስፈርት አድርጎታል፡፡ ምን ይዋጥህ?? ምቀኛ!! አርፈህ ቃሉን አስተውል።የክርቶስን ማዳን ማንም አይተካዉም፣ የሚተካውማ ብኖር ወደዚህ ምድር ምን አስመጣው??? በኦሪቱ ብዙ መስዋት ተሰውቷል፡ ብዙ ነብያትም ነበሩ፡ አልቻሉም ምክኛቱም አዳማዊ ህትያት በደማቸው ስለ ነበር፡ አካላዊ ቃል፣ በሱ ፈቃድ ባባቱ ፈቃድ እንዲሁም በባሕሪ ህየወቱ በመንፈስ ቅዱስ ፈቃድ ወደዚህ ምድር መጣ። እኛን ሊያድን። አዳነን ነጻም አወጣን ። ስለዚህ ይህ ድህነት በማንም አልነበረም ወደፊትም አይኖርም፡፡ ባጭሩ የጥቅሱ ፍቺ ይህ ነው፡፡ ቅዱሳን ግን የጸጋ የማዳን ስጦታ እዳላቸው ምንም አያነጋግርም አንተው ምስክር ነህ፡፡ ቤ/ችን የምታደርገው ጠንቅቃ ታውቃለች፡ እናፈርሳታለን ብላችሁ አትልፉ፡ በደሙ ነው እና የመሰረታት፡፡ መንግስተ ሰማያት ቀርባለች እና ንስሓ ግቡ!!!!

      Delete
  5. ጎበዝ በጣም ግሩም መልዕክት ነው፡፡ ቤተክርስቲያናችንን የክርስቶስ ተቃዋሚ ለማድረግ የሚጥሩትን የክርስቶስ ሠምራ አና የዘርዓ ያዕቆብ የልጅ ልጆች የሆኑትን የሸዋዎችን ጨዋዎች መቋቋሚያው ጊዜ አሁን ነው፡፡ የቤተክርስቲያናችን ራስ ምንጊዜም ጌታችን መድኃኒታችን ኢየሱስ ክርስቶስ ነው፡፡

    ReplyDelete
  6. amennnnnnnnnnnnnnnnn jesus bless u m brother

    ReplyDelete
  7. All what you said is true. except You mentiond in your last sentence 'THE GLORY OF TRINITY COVER THE EARTH" Is there any place that say Trinity in the Bible? Where did you get it?

    ReplyDelete
    Replies
    1. የተሰቀለው ክርስቶስ ኢየሱስ ጌታ ነው !November 26, 2012 at 10:16 AM

      Have you ever read the bible? If you had, you would know bout the holy Trinity.

      Delete
    2. pls Can you show me one verse in the Bible That says God is Trinity? Ab Wolde M/Kidus is One God not Three ( Trinity).

      Delete
  8. ABE, WOLDE,MENFES KIDUSE .THIS IS TRINITY AND YOU CAN FIND IT ALLOVER IN THE BIBLE IF YOU WANT.

    ReplyDelete
  9. I am not writing to argue but to know the truth. The word Trinity is not in the Bible. God strictly said that He is the only one and there is no one beside Him. God is a Spirit and manifested in flesh but that doesn't mean He is Trinity. The father the Son and the Holy Spirit is one God not Trinity.

    ReplyDelete
    Replies
    1. የተሰቀለው ክርስቶስ ኢየሱስ ጌታ ነው !November 26, 2012 at 6:27 PM

      you are not christian, if you don't know the holy Trinity, you are either Mormon or only Jesus. please find any christian and ask this question or contact this website owner.

      Delete
    2. አብ + ወልድ + መንፈስ ቅዱስ = እግዚአብሔር = ሥላሴ

      ሥላሴ ወይም Trinity የሚለው ፣ ቃል በቃል በመጽሐፍ ቅዱስ ባይገኝም በትርጉም ግን የእግዚአብሔርን አንድነትና ሦስትነት ለማመልከት የምንጠቀምበት ቃል ነው ፡፡
      የይሖዋ ምስክሮች ይህንን አገላለጽ ስለማይቀበሉ መጽሐፍ ቅዱስ ውስጥ ቃሉ አለመገኘቱን አንድ መከራከሪያቸው ያደርጉታል ፡፡ በብዙ የክርስትና ተከታይ ግን ከላይ በሂሳብ መልክ የቀረበውን ይቀበላሉ ፡፡

      Delete
  10. My brother, for you it is very mysterious to know about the mystery of the Holy Trinity. If you really want to know about it you have to ask to the giver of wisdom and knowledge which is the Holy Spirit. And also you have to study the holy bible from the true scholars of the bible. There is no mistaken, saying that, God is one in three and three in one. He is three in name, three in person and three in deed, but when we say they are three in names. . We are not saying there are three gods but One True God. God the Father, God the Son and God the Holy Spirit One true God. We are all baptized in the name of the Father, of the Son and of the Holy Spirit one God. please read Matthew chapter 28:19-20 with understanding and please pray before starting reading it. may the Holy Spirit opens the ear of you heart.

    ReplyDelete
  11. BROTHERS, IF DO YOU WANT KNOW REGARDING THE BIBLE,
    1. PRAY TO HOLY GOD
    2. ASK LORD GOD TO KNOW ABOUT HIS WORD TO UNDER STAND.
    3. HOLY SPIRIT WILL SHOW YOU EVERY THING.
    HERE IS THE HOLY TRINITY ON THE BIBLE WRITTEN.
    Mathew 28;17 Therefore go and make disciples of all nations, baptizing them in the name of the Father and the Son and the Holy Spirit.
    እግዚአብሔር አዳኝ አምላክ ነው። ማዳኑን ሥራ ለቅዱሳን ሰጣቸው። ያዕቆብ ወንድም ይሁዳ ቁጥር 22 አንዳንዶችንም ከእሳት ነጥቃችሁ አድኑ። የምለው የጌታ እግዚአብሔር መንፈስ ቅዱስ ቃል ሐዋርያው የተናገረውን መካድ የክርስቲያን ጠባይ አይደለም። ጌታ ኢየሱስ ክርስቶስ በሞቱ ፍጥረታቱ ሁሉ በደሙ ከሐጢአታችን አንጽቶናል። ይህን ስራ ማንም ልያደርገው አይችልም። ነገር ግን ሰዎች ከሐጢአት መንገድ መመለስ አንዱ የማዳን ሥራ ነው። ሐጢአት መስራት በራሱ ሞት ነውና። ከዚህ ከሐጢአት ሞት ሰዎችን በመመለስ በህይወት እንድኖሩ ማድረግ ለቅዱሳን ሰዎች የተሰጠ ስልጣን ነዉ። ስለ ሰው ሐጢአት መጸለይ የማዳን ስራ ነው። ሰዎች ወደ ቅድስና ሕይወት እንድመለሱ ማድረግን የማዳን ስራ ነው። ነገር ግን የአዳምን በደል በሞቱ ያጠፋው ጌታችን አባታችን ኢየሱስ ከርስቶስ ብቻ በመስቀል ዲያቢሎስን ድል በመድረግ አዳነን። ለአንደና ለመጨረሻ በእርሱ ተፈጸመ። ዛሬ ግን እርሱ በየቀኑ አይሞትልንም እኛ ሞቱን ስለበዳለችን እንደሆነ እንመሰክራለን። በጌታ የምያምኑ ቅዱሳን ሰዎች ለሌሎችን ሐጢአት ይጸልያሉ ከሐጢአት ሞት በጸሎት ያድናሉ።ሐዋርያዉ ጰዉሎስም እንኳን እንድህ በማለት ተናግሮዋል 'ወንድሞቼ ሆይ ስለ እኛ ጸልዩ" ማለት ተናግሮ ነበር ወደ 1ኛ ተሰሎ ም 5 ፡ 25
    የያዕቆብ መል 5፤20 ኃጢአተኛን ከተሳሳተበት መንገድ የሚመልሰው ነፍሱን ከሞት እንዲያድን፥ የኃጢአትንም ብዛት እንዲሸፍን ይወቅ። እዉነቱ በሳለም ከካሊፎርኒያ

    ReplyDelete
  12. Stay blessed Tsfa! I love it.

    ReplyDelete
  13. to the writer Tesfa: you are simply a hopeless person. you have been writing many articles criticising our holy church. and to destroy it. but you can't. This great church is based on the blood of GOD, son of the virgin Mary. look how your sister protestant 'churches' are decaying and dying in the west where I am living because their teaching is false and satanic. you are repeating the same false teaching false prophecy. do you know what the end result of all your writing is? it is hell for eternity. becuase your Jesus is not the son of Theotokos but the false mesiah. do u understand ??? you are simply stupid protestant.

    ReplyDelete
    Replies
    1. You are hopeless rather. What do you mean? Had been he has taught about Teklehaimanot Gedil you would be the first to aknowledge this guy, but because he puts the pure gospel" mencahat jemerk". It is the evil spirit inside you bro. Prary, God will set you free.

      Delete
    2. የተሰቀለው ክርስቶስ ኢየሱስ ጌታ ነው !November 27, 2012 at 10:02 AM

      You just telling that "the protestant church where you live is dying and decaying." What about the Orthodox churches where the place that you are living? do they growing? absolutely not. Look friend, the majority of the young generation in Ethiopia and here in US are living the Orthodox church Just because the they are looking for the son of God. you may be amazing in the near future, when Thadiso control the Orthodox church (wodedekem telahme) wheather you like it or not.

      Delete
  14. God bless you Tesfa bro. Good point.

    ReplyDelete
  15. OUR CHURCH WILL FLORISH ISPITE OF HARDSHIPS BECUASE GOD AND ALL SAINTS ARE WITH US.

    ReplyDelete
  16. በመስቀል ላይ የተሰቀለው የወላዲት አምላክ የድንግል ማርያም ልጅ ጌታ ብቻ አይደለም፡፡ ሁሉንም ጌቶች የፈጠረ አምላክ ነው፡፡ የጌቶች ሁሉ ጌታ ነው፡፡

    ReplyDelete