Wednesday, December 5, 2012

በሁለቱ ሲኖዶሶች ዛሬ በአሜሪካ ዳላስ ከተማ የተጀመረው የእርቅ ሂደት- አበረታች ምልክቶች እየታዩ ነው

የዳላስ ህዝብ ለድርድሩ ለመጡ ብፁዓን ሊቃነ ጳጳሳት ከፍተኛ አቀባበል አደረገ። በዳላስ የሚገኙ የ 6ቱም ኦርቶዶክሳውያን አብያተ ክርስቲያናት ካህናት እና ምዕመናን በአቀባበሉ ላይ የተሳተፉ ሲሆን ከሁለቱ ሲኖዶሶች የመጡ አባቶች በጋራ ሆነው ጸሎት አድርገዋል። የጸሎቱና የቡራኬው ስነ ስርዓት የተመራው በስደተኛው ሲኖዶስ ዋና ጸሐፊና አንጋፋው ሊቅ ብጹዕ አቡነ መልከጼዴቅ ነበር።
የእርቅ ውይይቱ ከዳላስ ሚካኤል ፈቀቅ ብሎ በሚገኝ ሆቴል የሚካሄድ ሲሆን የዳላስ ምዕመናንም ገንዘብ ከማዋጣት ጀምሮ ከፍተኛ ድጋፍ እየሰጡ ይገኛሉ። የዕርቁን ሂደት በመላው ዓለም የሚገኙ ኦርቶዶክሳውያን ምዕመናን በታላቅ ጉጉት እየተከታተሉት ይገኛሉ።
የኢትዮጵያ መንግስትም የእርቁን ሂደት እንደሚደግፍና ብጹዕ ወቅዱስ አቡነ መርቆሬዎስም ወደ ሃገራቸው ገብተው መንበራቸውን እንዲረከቡ ፍላጎት እንዳለው ከአንዳንድ የመንግስት ምንጮች እየተገለጹ ነው። ዝርዝሩን እየተከታተልን  ከተጨባጭ መረጃዎች ጋር እናቀርባለን።
ለድርድሩ የመጡ አባቶች አንድ በሚያደርጋቸው ነገሮች ላይ ትኩረት በመስጠት ታሪክ እንዲሰሩና አንድ ሆና ለዘመናት የቆየችውን ቤተ ክርስቲያን አንድነቷን እንዲመልሱላት የመላው ኢትዮጵያዊ ምኞት ነው። እግዚአብሔር በአባቶችና በመሪዎች ልቦና ውስጥ የአንድነትና የፍቅር ዘር በመዝራት መልካም ውጤት ያሰማን እንላለን።  

5 comments:

  1. YES IT IS A GREAT ACHIEVEMENT. PEACE IS VERY VITAL.

    ReplyDelete
  2. IT IS A GREAT ACHIEVEMENT. THE IDEA OF JUST LOOKING FOR PEACE IS PLEASING TO GOD. IPRAY THAT GOD WOULD BRING UNEXPECTED THING BUT AMAZING FROM THIS MEETING.

    ReplyDelete
  3. Thank you for updating, but please don't give unnecessary complements such as "... አንጋፋው ሊቅ ".

    ReplyDelete
  4. የኢትዮጵያ መንግስት ለቤተ ከርስቲያናችን አንድነት የሰጠው ድጋፍ በጣም ደስ የምያሰኝ ነው። ይህ መንግስት ምን ያህል ለእያንዳንዱ ህዝብ እንደቆመ የሚያስረዳ ነው። የህዝቦቹን የሐይማኖት ነጻነት አንድነት የተቀበለ ለእውነት የቆመ መሆን እነሆ ዛሬ በግልጥ በኢትዮጵያ ኦርቶዶክስ ተዋህዶ አባቶች መካከል የተፈጠረውን ልዩነት ተወግዶ በአንድነት እድኖሩ አስታራቅ ሽማግለዎች ጥረት ደግፎ መግለጫ መስጠቱ ሁላችንም አስደስተዋል።ማቅ ጉድ ፈላበት ምን ይዋጠው። ክፉ መንፈስ አንድነትና ሰላም የማይወደው ማቅ ድል ልደረግ ነው። አሁንም ማቅ ሌላ ተንኮል ፈጥሮ እርቁን ለማክሸፍ እንቅልፍ አይወስደውም።የኢትዮጵያን መንግስ የሰጠው ድጋፍ አስደስቶናል። እግዚአብሔር ሐገራችንና ሀይማኖታችን ይጠብቅል።

    ReplyDelete
  5. AY WOYANEWOCH GUDACHIHU FELA! ANDE ABARACHUH SICHENKACHu LIMENA!

    ReplyDelete