Thursday, December 26, 2013

የዳንኤል ክብረትን ጥፋት ማን ያርመው?

ከመምህር አዲስ
መንደርደሪያ
በኢትዮጵያ ውስጥ መንግሥት ሚዲያውን ያፍናል እየተባለ ከተቃዋሚዎችና ከግል ጋዜጠኞች በኩል ሮሮ ይሰማበታል፡፡ በጣም የሚገርመው ግን ነጻ የሚባሉት ሚዲያዎች ብዙዎቹ ራሳቸው ከወገንተኛነት ያልጸዳ አሠራርን የሚከተሉና ነጻ አስተሳሰብን የሚያፍኑ ሆነው መገኘታቸው ነው፡፡ በተለይ ከኦርቶዶክስ ተዋሕዶ ቤተ ክርስቲያን አካባቢ የሚወጡ ዘገባዎች ነጻ በተባሉ ሚዲያዎች ዘንድ የሚዘገቡት ከማኅበረ ቅዱሳን ፍላጎትና ጥቅም አንጻር ነው፡፡ ማኅበረ ቅዱሳንን ተችቶ ወይም ከማኅበረ ቅዱሳን በተጻራሪ ቆሞ ነጻ ሐሳብን ማራመድ እጅግ ከባድ ሆኖ ቆይቷል፡፡ አሁንም ያ ሁኔታ አልተለወጠም፡፡ ታዲያ ራሳቸው ነጻ አስተሳሰብን እያፈኑና የአንድ ወገን ዘገባን ብቻ ሚዛናዊ ባልሆነ መልኩ ማቅረብ ኢትዮጵያ ውስጥ ነጻ ሚዲያ የሚባለውን አካል ጥያቄ ውስጥ አይከተውም ትላላችሁ፡፡ ይህን ለማለት ያበቃኝ ከሳምንታት በፊት “አዲስ ጉዳይ” በተሰኘ መጽሔት ላይ ዳንኤል ክብረት በሁለት ክፍል ለጻፈው ጽሑፍ ምላሽ አዘጋጅቼ ለመጽሔት ክፍሉ ብልክ የውሃ ሽታ ሆኖ መቅረቱ ነው፡፡

Saturday, December 21, 2013

የማቅን ሤራ ቀድመው የተገነዘቡ የአዲስ አበባ የአድባራትና ገዳማት አስተዳዳሪዎች ቤተ ክርስቲያንን ስለመታደግ ፓትርያርኩን አነጋገሩ

·        አለቆቹ “እስካሁን ብፁዓን አባቶች ብሎ ማክበር አገሪቷ ያቆየችው ታሪክ ነው፤ ከዚህ በኋላ ግን ይበላሻል፡፡” ሲሉ አስጠንቅቀዋል
·        ማቅ የሰራው የመዋቅር ለውጥ ሕግ ላይ የተጀመረው ውይይት እንዲቆም ቋሚ ሲኖዶስን ጠይቀዋል
·        በመንግስት ጉዳያቸው እንዲታይላቸውና ሰላማዊ ሰልፍ እንዲያደርጉ መንግስትን እየጠየቁ መሆኑ ተመልክቷል  
·        ማቅ የሰንበት ትምህርት ቤት ወጣቶችን በቤተ ክርስቲያኒቱ አገልጋዮች ላይ በተቃውሞ እንዲነሱባቸው እየቀሰቀሰ መሆኑ ታውቋል
·        የቤተ ክርስቲያን አገልጋዮች ለሕይወታቸው ዋስትና እንዲሰጣቸው ለፓትርያርኩ ጥያቄ አቀረቡ
·        አለቆቹና አገልጋዮቹ ቤተ ክርስቲያን መዋቅራዊ ለውጥ እንደሚያስፈልጋትና እነርሱም ለውጡ የሚያስከፍለውን መስዋዕትነት ለመክፈል ፈቃደኛ መሆናቸውን አስታውቀዋል
·        የቤተ ክርስቲያኒቱ መዋቅራዊ ለውጥ መሰራት ያለበት ስውር አላማ ባለውና የቤተ ክህነቱንና የቤተ መንግስቱን ስልጣን በኃይል ለመቆጣጠር በመታገል ላይ ያለው ማቅ የሚባለው አሸባሪ ቡድን መሆን አይገባውም
·        ቤተ ክርስቲያን የምትቀበላቸው የራሷ ልጆች የሆኑ ምሁራን ስላሉ በእነርሱ አጠቃላይ መዋቅራዊ ማሻሻያው ሊሠራ ይገባል
·        ማቅ ለቤተ ክርስቲያን ለውጥ የሚጨነቅ ከሆነ ለውጡን ከራሱ እንዲጀምርና የሰራውን ሕንጻና ንብረቱን እንዲያስመዘግብ፣ ገቢውን በቤተ ክርስቲያኒቱ ሞዴላሞዴሎች እንዲያደርግ ኦዲትም እንዲደረግ ማሳሰቢያ ሰጥተዋል

Friday, December 20, 2013

አባ እስጢፋ እና ማቅ “በሽርክና” የአዲስ አበባ ሀገረ ስብከትን ለመቆጣጠር ያረቀቁት ደንብ ከፍተኛ ተቃውሞ እየገጠመው ነው፡፡

በሙስና ወንጀል በከፍተኛ ደረጃ ተዘፍቀው የሚገኙት ባለትዳሩና ባለዕቁባቱ “ጳጳስ” አባ እስጢፋ ከጥቅም ወዳጃቸው ከማቅ ጋር በፈጠሩት የእከክልኝ ልከክልህ ሽርካና ተቋማዊ ለውጥ አመጣለሁ በሚል በማኅበረ ቅዱሳን ሰዎች የተረቀቀውንና በአዲስ አበባ ሀገረ ስብከት በሚገኙ አድባራትና ገዳማት ተግባራዊ ይሆናል ብለው የቋመጡለትን “ጥናታዊ” ያሉትን የለውጥ መዋቅር ለውይይት ባቀረቡ ቁጥር ከፍተኛ ተቃውሞ እያስተናገደ ነው፡፡

ከዚህ ቀደም ሙስናና ብልሹ አሠራርን ለማጥፋት ተብሎ የአዲስ አበባ ሀገረ ስብከት ከአራት አህጉረ ስብከት ወደ አንድ ሀገረ ስብከት መጠቃለሉና በአንድ ሊቀጳጳስ እንዲመራ መደረጉ ይታወቃል፡፡ ሆኖም ይህ ሀገረስብከት ከምንጊዜውም በበለጠ በሙስና ጨቅይቶአል፡፡ ከሊቀጳጳሱ ከአቡነ እስጢፋ ጀምሮ እስከ ልዩ ልዩ የመምሪያ ኃላፊዎች የሙስናን ደረጃ በእጅጉ አሻቅበውታል፡፡ ለምሳሌ ያህል ብናነሳ እንኳን አቡነ እስጢፋ የጅማ ቅዱስ ገብርኤል ቤተክርስቲያንን አሠራለሁ በሚል ሰበብ ከእያንዳንዱ ደብር ከብር አንድ መቶ ሺህ እስከ ሁለት መቶ ሺህ ያለምንም ሕጋዊ ደረሰኝ በእጃቸው እየተቀበሉ ነው፡፡ ገንዘብ ያልሰጡአቸው አድባራት ቢኖሩ እንኳን “ሻይ ሳያጠጡኝ” እያሉ በግልጽ በማስጠንቀቅ ይቀበሉአቸዋል፡፡ እኚህ ሙሰኛ ጳጳስ ስለሙስና የመናገር ድፍረት በማጣታቸው ሙሰኞችን በድፍረት የመናገር ብቃት ካለማግኘታቸውም በላይ ቤተክርስቲያንን ወደ ሌላ ታሪካዊ ቀውስ እየመሯት ነው ያሉት፡፡ ይህ ሁሉ ሲሆን የለውጥ መዋቅሩን ሠርቻለሁ የሚለው ማቅ በአባ እስጢፋም ሆነ በሌሎች ሙሰኞች ላይ ቃል ትንፍሽ አላለም፡፡ በተለይ ከዚህ ቀደም እንደዘገብነው ብዙዎች ያለቀሱበት የአቶ ዮናስን ዓይን ያወጣና በተጨባጭ በሲዲ ጭምር የተደገፈ ሙስናዊ ማስረጃ ቀርቦላቸው ሳለ አባ እስጢፋም ሆኑ ሸሪካቸው ማቅ እስካሁን ምንም አለማለታቸውና ዮናስ ከቦታው ሳይነሳ ዝርፊያውን አጠናክሮ መቀጠሉ፣ ጉዳዩን የቤተክርስቲያንን አስተዳደር የማስተካከል ሳይሆን የሙስናውን መንገድ ይበልጥ ውስብስብ ለማድረግ ታልሞ የተዘጋጀ አስመስሎታል፡፡ 

Wednesday, December 18, 2013

የአዲስ አበባ ሀገረ ስብከት ደረጃውን ባልጠበየቀ የአስተዳዳሪዎች ዝውውርና ሐሳብ እየታመሰ ነው

F አዲሱን የማኅበረ ቅዱሳን  መዋቅር ይቃወማሉ የሚባሉ አንጋፋዎቹ የአዲስ አበባ አስተዳዳሪዎችን ጡረታ ለማውጣት እንቅስቃሴው ቀጥሏል፡፡
Fአዲሱ የሀገረ ስብከቱ ዋና ሥራ አስኪያጅ በሐሳቡ አልተስማሙም ፡፡
F የአቡነ እስጢፋኖስ አስተዳደር አይገዛንም የሚሉ የምእመናን ቡድኖች እንቅስቃሴ ተጀምሯል፡፡
F የደብር አስተዳዳሪዎች እስጢፋኖስ ዲያቆን ነው ድሮም ዲያቆን ቤተክርስቲያንንን ይራዳል እንጂ አይመራም በማለት ቅኔ እያስቀኙባቸው ነው፡፡
F እነ ዳዊት ያሬድ በጅማ አብያተ ክርስቲያናት ስም ገንዘብ በማሰባሰቡ ሥራ ተጠምደዋል
የአቡነ ጳውሎስን ሞት ተከትሎ በአዲስ አበባ ሀገረ ስብከት የሚካሄደው ሹም ሽር እንደቀጠለ ሲሆነ ዋናው  የቤተክርስቲያኗ የአስተዳደር ማእከል አዲስ አበባ ሀገረ ስብከትም ባልተረጋጋ ሁኔታ ሲኖዶስ በተሰበሰበ ቁጥር እንደ ዝክር ዳቦ አንዴ ከ አራት አንድ ከሰባት እየተሸነሸነ በመካከል ባለው አለመረጋጋት የአስተዳደር ክፍተትን በመጠቀም የቤተክርስቲያኒቱ ሐብት እየባከነ ይገኛል፡፡ የሀገረ ስብከቱ ተረኛ ዘካሪ አቡነ እስጢፋኖስ ከሁለት ቤት ደግሰው አንዴ ጅማ አንዴ አዲስ አበባ እያሉ ሲያሻቸውም አዲስ አበባ ላይ ለደጆችሽ አይዘጉ. ለጅማ እጓለ ማውታ፣ ለአበልቲ አብያተክርስቲያናት  በሚል ከአንዳንድ የአዲስ አበባ ሀገረ ስብከት አንዳንድ የደብር አስተዳዳሪዎችና ሀብታሞች ገንዘብ ማሰባሰባቸውን ቀጥለዋል፡፡

በሕጋዊው ቅዱስ ሲኖዶስ ስም ሽፋን ሕገ ወጥ አካሄድ

ምንጭ፦ www.ethiofreedom.com
ጸሐፊ፦ ታዬ ብርሀኑ (taye_berhanu@ymail.com)

በ 38ኛው የስደተኛው ሲኖዶስ ስብሰባ ላይ የተካሄዱ ውይይቶችንና ከስብሰባውም በሁዋላ የተከናወኑ አንዳንድ ክስተቶችን የሚተች  ሐተታ።

ሙሉውን ሐተታ ለማንበብ እዚህ ላይ ይጫኑ

Monday, December 16, 2013

በስደተኛው ሲኖዶስ ሥር የሚገኙ ሰባክያነ ወንጌልን የማጥቃት እንቅሥቃሴው ተጠናክሮ እንደቀጠለ ነው

   ጥቃቱ ያነጣጠረው ብጹዕ ወቅዱስ አቡነ መርቆርዮስን ጨምሮ ሌሎችን አገልጋዮችንም ይጨምራል። ከዛሬ ሁለት ዓመት በፊት 13 ሰዎች ለውግዘት ታጭተው ነበር። እነርሱም ብጹዕ አቡነ ዮሴፍ፣ ብጹዕ አቡነ ያዕቆብ፣ ብጹዕ አቡነ ሳሙኤል፣ አባ ወልደ ትንሣኤ አያልነህ፣ አባ ገብረ ስላሴ ጥበቡ፣ ቀሲስ መላኩ ባወቀ፣ አባ ላእከ ማርያም፣ አባ ገ/ ማርያም፣ አባ ገ/ሚካኤል፣ ቀሲስ ጌታቸው፣ ቀሲስ እንዳልሃቸው ሲሆኑ አሥራ ሦስተኛው ማን እንደሆነ አልታወቀም፤ ይህ ስም ዝርዝር ዲሲ አካባቢ በሚገኙ የአቡነ መልከ ጼዴቅ ደጋፊ ነን የሚሉ ፣ ነገር ግን ከነዶክተር ካሱ ይላላ ጋር ግንኙነት ያላቸው ሰዎች ያቀረቡት እንደነበረ ምንጮቻችን ገልጸዋል። አንድ የደረሰን መረጃ  የዚህ ሐሳብ ዋና ተዋናይ ዶ. ነጋ መሆኑን ይጠቁማል። ይህ ጥቆማ የደረሰን የዛሬ ሁለት ዓመት ሲሆን ተጨማሪ መረጃዎችን እስክናሰባስብ አቆይተነዋል። አሁን ግን በስደተኛው ሲኖዶስ ውስጥ ይህንን ጥቆማ የሚደግፉ በርካታ ምልክቶች እየታዩ ስለሆነ ለጥንቃቄና አሁን በስደተኛው ሲኖዶስ ውስጥ የሚስተዋለውን ትርምስ ለመገንዘብ አስተዋጽኦ ይኖረዋል በሚል አቅርበነዋል።
    አንዳንድ ምንጮች ደግሞ ኢሕዴግ ወይም ማህበረ ቅዱሳን ወይም በራሱ ተነሳሽነት የሲኖዶሶች የእርቅ ኮሚቴ የሆነው የነ ሊቀ ካህናት ኀ. ሥላሴ እጅ አለበት ሲሉ  አንዳንድ ምንጮች ደግሞ ስደተኛውን ሲኖዶስ ወክለው የእርቅ ኮሚቴ አባል የነበሩትና በማሀረ ቅዱሳንነት የሚጠረጠሩት የዲ.አንዷለምና የአባ ጽጌ ደገፋው እጅም ሊኖርበት እንደሚችል ጠቁመዋል። እንደሚታወቀው በእርቅ ኮሚቴነት ሲንቀሳቀሱ የነበሩት፦ የአገር ቤቱን ሲኖዶስ የወከሉት ሊቀ ካህናት ኀ. ሥላሴና ቀሲስ አንዷለም ዘኦሪገን (ሁለቱም የማህበረ ቅዱሳን አባላት ናቸው) ሲሆኑ በስደተኛው ሲኖዶስ የተወከሉት አባ ጽጌ ደገፋው፣ ዲ.አንዷለም ዳግማዊ እና መምህር ልኡለ ቃል አካሉ ነበሩ። ገለልተኛ አብያተ ክርስቲያናት ደግሞ  በ ዶ/ አማረ ተወክለው ተሳትፈዋል።

Thursday, December 12, 2013

ምድሪቱን በምስጋና ጐርፍ ያጥለቀለቁት የዘማሪት ዘርፌ ዝማሬዎች

ያለም ቤዛ ኢየሱስ ነው
የፈወሰኝ ጌታ ነው
መዳን በሌላ የለም
እኔ አምናለሁ ዘላለም

በኦሪቱ ሥርዓት ፍጥረት ስላልዳነ
ለሚሻለው ኪዳን ኢየሱስ ዋስ ሆነ
ከባርነት ቀንበር ተቤዠኝ በደሙ
ያዳነኝ እርሱ ነው ይስማልኝ ዓለሙ

አንዴ ለዘላለም ደሙ ፈሶልኛል
አሁን ያለ ኀጢአት ወዴ ይታይልኛል
ነፍሴን እንዲያነጻ ታርዷል ፋሲካዬ
መርሕ ሆኖ ወደ ክብር አስገባኝ ቤዛዬ

የዘላለም ርስትን የተናዘዘልኝኝ
መቃብርን ቀብሮ በሰማይ ያለልኝ
ሞቶ በመስቀሉ ሰላም ያደረገው
እርሱ የአዲስ ኪዳን መካከለኛ ነው

እንድንበት ዘንድ ተሰጥቶናል ስሙ
አማራጭ የሌለው መዳኛ ነው ደሙ
ሞትን መሞት እንጂ መግደል የተቻለው
ከኢየሱስ በቀር ሌላ ጌታ ማነው?

የመቅደስ አዛዦች እጅ ቢጫንብኝ
ከክርስቶስ ፍቅር መቼም አይበልጥብኝ
በልቤ ያመንሁትን ልመስክረው በአፌ
አልችልም ዝምታ በሞቱ ተርፌ
ይህ ከሰሞኑ ከተለቀቀው የዘማሪት ዘርፌ ከበደ ድንቅ ዝማሬዎች አንዱ ነው፡፡ ዝማሬዎቹን በጥቂቱ ከመቃኘታችን በፊት ግን ወደኋላ መለስ ብለን የዝማሬያችንን መነሻ፣ ያለፈባቸውን ውጣ ውረዶችና ዛሬ የደረሰበትን ደረጃ እጅግ ባጭሩ ለመቃኘት እንሞክር፡፡

Wednesday, December 4, 2013

በቅርቡ ከሰማይ ወረደ የተባለውን መስቀል የበላው ጅብ ምነው አልጮህ አለ?



በቅርቡ ከሰማይ ወረደ የተባለውን መስቀል ጉዳይ ተከትሎ ከፍተኛ ውዝግብ ተነሥቶ የነበረ መሆኑን መዘገባችን ይታወሳል፡፡ መስቀሉን አስመልክቶም ለሕዝብ በይፋ ይታያል ከሚለው የወሬው ፈጣሪዎች እቅድ አንስቶ ጉዳዩ መጣራትና ሐሰት ሆኖ ከተገኘም እንዲህ ያደረጉት አካላት ተጠያቂ ይሆናሉ እስከሚለው የአባ እስጢፋኖስ ቃለመጠይቅ ድረስ ብዙ ተብሎ ነበር፡፡ እስካሁን ግን ቀኑን ከማራዘምና ጉዳዩን ከማረሳሳት በቀር መስቀሉ ለእይታ አልቀረበም፤ የዚህ ግርግር ፈጣሪዎች ጉዳይም በሲኖዶስ ታይቶ ተገቢው ምላሽ አልተሰጠም፡፡ ቋሚ ሲኖዶስም ሆነ ቅዱስ ሲኖዶስ ምን ውሳኔ ላይ እንደደረሱ የታወቀ ነገር የለም፡፡ ለዚህ ነው ከሰማይ ወረደ የተባለውን መስቀል የበላው ጅብ ምነው አልጮህ አለ? ስንል መጠየቅ የፈለግነው፡፡

ለመሆኑ የዚህ ሐሰተኛ ተአምር ደራሲ የሆነው ሰው ማነው? ዓላማውስ ምንድነው? ከዚህ ቀደምስ የሠራቸው ሐሰተኛ ተመሳሳይ “ተአምሮች” ምን ይመስላሉ? ቤተክርስቲያን እንዲህ ያሉትን ሐሰተኞች አቅፋ የምትጓዘው እስከመቼ ነው? የሚሉትን ጥያቄዎች ማንሳት እንወዳለን፡፡

Wednesday, November 27, 2013

ዜና ቤተ ክርስቲያን ጋዜጣ


ዳንኤል ክብረትን ካበ ማኅበረ ቅዱሳንን ተረበ
አንጋፋው ዜና ቤተ ክርስቲያን ጋዜጣ በጥቅምትና ኅዳር/2006 ዓ.ም. እትሙ በርእሰ አንቀጹ “፴፪ኛውን አጠቃላይ የሰበካ ጉባኤ እንደ ታዘብነው” በሚል ርእስ ባስነበበው ጽሑፍ ዳንኤል ክብረትን አለቅጥ የካበውና “ዕውቅ ጸሐፊና የበጎ ፈቃድ  ሐዋርያ” የሚል ማዕረግ ሰጥቶ እላይ የሰቀለው ሲሆን ማኅበረ ቅዱሳንን ደግሞ በዚህ አያያዝህ ዕድሜህ ዐጭር ነው ሲል ተርቦታል፡፡ በመካብም በመናድም የማይታማው ዜና ቤተ ክርስቲያን ዳንኤልን የካበው በአውስትራሊያ የሜልቦርን ቅዱስ ሚካኤል ቤተክርስቲያን ምእመናንን አስተባብሮ 18,500 ብር ለ32ኛው የሰበካ አጠቃላይ የፐርሰንት ክፍያ ፈጽሟል በማለት ነው፡፡

እንዲህ ማለት ይገባ ነበር ወይ? እውን ዳንኤል የፈጸመው የፐርሰንት ክፍያ ነው ወይስ ስጦታ? እንደሚታወቀው የፐርሰንት ክፍያ ከአብያተ ክርስቲያናት ገቢ ላይ ለቤተክህነት የሚደረግ የ20% ፈሰስ ነው፡፡ ታዲያ በምን ሒሳብ ነው ዳንኤል ምእመናንን አስተባብሮ አስገባ ያለውን ገቢ “ፐርሰንት” ነው ሲል የጠራው? ነው ወይስ ማቅን ለመናድ የዳንኤልን ስጦታ እንደ መቅድም መጠቀሙ ይሆን?  ምናልባትም በአካል ከማቅ ቢወጣም በመንፈስ ግን  መቼውንም ቢሆን ከማቅ የማይለየው ዳንኤል እንደ ግለሰብ ለዚያውም ቤተክርስቲያን በመደበኛ ሠራተኛነት ሳትመድበው ፐርሰንት ከከፈለ፣ ማቅ ፐርሰንት የማይከፍለው እስከ መቼ ነው? ብሎ ለማሳጣትና ማቅን ለመናድ የልብ ልብ እንዲሰጠው ብሎ የድፍረት መርፌ ለመወጋት ሲል ዳንኤልን “ፐርሰንት አስገባ” ሲል አሞግሶታል፡፡ እርግጥ ይህን ያልህ የሚያጽፍ ባይሆንም ዳንኤል እንዲህ ማድረጉ ለማቅ ትልቅ ትምህርት ይሰጣል ተብሎ ተገምቷል፡፡

Sunday, November 24, 2013

ጾማችን ይታደስ


የዚህ ጽሑፍ ርእስ ምናልባት ሊያስቆጣ ይችል ይሆናል፤ ቢሆንም አይቈጡ! “አንብብዋ ለመልእክት እምጥንታ እስከ ተፍጻሜታ” ትርጓሜ “መልእክቲቱን ከመጀመሪያው እስከ መጨረሻው ያንብቧት” የሚለውን የአበው ትክክለኛ አስተያየትም እዚህ ላይ በሥራ ላይ ያውሉ፡፡ ጥያቄው የነቢያት ጾም ለእኛ ምናችን ነው? የሚል ነው፡፡

በቤተክርስቲያናችን ከሚጾሙ ሰባት አጽዋማት አንዱ የነቢያት ጾም ነው፡፡ ጾሙ ከኅዳር 16 እስከ ታኅሣሥ 28 ድረስ ባሉት ቀናት ይጾማል፡፡ ይሁን እንጂ በሚጀመርበት ቀን ላይ ውዝግብ አለ፡፡ በ15 ነው መጀመር ያለበት የሚሉ አሉ፤ የለም በ16 ነው የሚሉም አሉ፡፡ ጾሙ ነቢያት በተለያየ ጊዜ የጾሟቸው አጽዋማት በአንድ ላይ ሆነው የሚዘከሩበት ጾም ሲሆን፣ ነቢያት በየዘመናቸው የክርስቶስን ሰው መሆን በመናፈቅ የጾሙት ጾም እንደሆነ ይነገራል፡፡ በዚህ ርእስ የጾመ ነቢይ በመጽሐፍ ቅዱስ ይኖር ይሆን? የሚለው ጥያቄ ግን መነሣት ያለበት ይመስለኛል፡፡ ይሁንና የነቢያቱ ጥያቄ በክርስቶስ መምጣት ተመልሷል፡፡ ታዲያ እኛ መልስ የተገኘበትን ጾም ደግመን መጾማችን ለምን ይሆን? በተመለሰው የነቢያት ጥያቄ ላይ ሌላ ጥያቄ ለማንሣት ነው ወይስ ሌላ ምክንያት ይኖረን ይሆን?

Monday, November 18, 2013

መናፍቁ ማነው?


አንዳንድ ጊዜ ስም አለቦታው ይወድቃል፡፡ አለቦታቸው ወድቀው ከሚገኙ ስሞች መካከል “መናፍቅ” የሚለው ስያሜ አንዱ ነው፡፡ በሚያምኑት ኢመጽሐፍ ቅዱሳዊ ትምህርት ምክንያት መናፍቃን የሆኑ ሰዎች መጽሐፍ ቅዱሳዊ ትምህርት ያላቸውን ሰዎች መናፍቃን ማለታቸው እየተለመደ መጥቷል፡፡ እንዲህ የሚያደርጉትን መጽሐፍ ቅዱስ “ክፉውን መልካም መልካሙን ክፉ ለሚሉ፡ ጨለማውን ብርሃን ብርሃኑንም ጨለማ ለሚያደርጉ፡ ጣፋጩን መራራ መራራውንም ጣፋጭ ለሚያደርጉ ወዮላቸው!” ይላል (ትንቢተ ኢሳይያስ 5፡20)፡፡ ይህን ብዙ ጊዜ አለቦታው ወድቆ የሚገኘውን ስም ወደቦታው መመለስ ተገቢ ይሆናል፡፡ ይሁን እንጂ እንዲህ ማድረግ ቀላል አይደለም፡፡

“መናፍቅ” የሚለው ቃል “… የሚጠራጠር፣ የሚያጠራጥር፣ ጠርጣሪ፣ አጠራጣሪ፣ ሃይማኖቱ ሕጹጽ የሆነ፣ ምሉእና ፍጹም ትክክል ይደለ፣ መንፈቁን አምኖ መንፈቁን የሚክድ” የሚል ፍቺ እንዳለው የኪዳነ ወልድ መዝገበ ቃላት ይናገራል (ገጽ 646)፡፡ ፍቺው እንደሚያስገነዝበን እግዚአብሔር በገለጠው መጽሐፍ ቅዱሳዊ እውነት ላይ የሚጠራጠርንና የሚያጠራጥርን ሰው ነው መናፍቅ ብለን መጥራት የምንችለው፡፡ ይሁን እንጂ ዛሬ በአብዛኛው እግዚአብሔር የገለጠውን እውነት ሳይሸራርፍ የተቀበለውና ለዚያ ጥብቅና የቆመው፣ እንዲሁም በእግዚአብሔር እውነት ላይ ሰዎች የጨመሩትን የስሕተት ትምህርት ስሕተት ነው የሚለው ሰው ነው መናፍቅ እየተባለ ያለው፡፡ ይህም የሚያሳየው “መናፍቅ” የሚለው ቃል በመጽሐፍ ቅዱሳዊው እውነት ሳይሆን ሰው በመሰለው መንገድ ‘እኔ ልክ ነኝ ሌላው ግን ተሳስቷል’ ሲል እያነሣ ለሌላው የሚቀጽለው የስድብ ስም ነው፡፡ ስለዚህ በአሁኑ ጊዜ ይህ ቃል የአንድን ሰው መናፍቅነት በተገቢው መንገድ በማረጋገጥ የሚቀጸል ሳይሆን በጠሉት ሁሉ ላይ ቀድመው የሚለጥፉት ክፉ ስም ሆኗልና ወደ ተገቢው ስፍራ መመለስ ይገባዋል፡፡

Monday, November 11, 2013

በብጹእ ወቅዱስ አቡነ መርቆርዮስ የሚመራው ቅዱስ ሲኖዶስ 37ኛ መደበኛ ጉባኤውን አጠናቀቀ

  • ብጹእ አቡነ ዮሴፍን ከምክትል ጸሐፊነት አንሥቷል

በመጀመሪያው የስብሰባ ቀን በዳላስ ያልተሳካው ቀሲስ መልዓኩ ባወቀን ከጸሐፊነት የማውረድ ጅማሬ በዚህ ጉባኤ ተፈጽሟል። አስቀድሞ በእጩነት ተይዞ የነበረውን ዲያቆን አንዱዓለም ግማዊን በቀሲስ መልአኩ ቦታ ተክቷል። በእለቱ እንዲናገር እድል የተሰጠው ዲ/ አንዷለም "አጽራረ ቤተ ክርስቲያን በዚህ ሲኖዶስ ሥር ይገኛሉ እነርሱን ለመከላከል ጠንክሬ እሠራለሁ» በተለይም አዳዲስ የሚከፈቱ አብያተ ክርስቲያናት በጸረ ማርያሞች የተሞሉ ናቸው ብሏል።

 በሁለተኛው ቀን የታየው ቅዱስ ፓትርያርኩ ለኦክላንድ መካነ ሰላም ኢየሱስ፣ እንዲሁም በ ዋሽንግተን ዲሲ ለብጹእ አቡነ ሳሙኤል የጻፏውቸው ደብዳቤዎችና አዲስ የተገዛው የቅዱስነታቸው ቤት ጉዳይ ነው። ቅዱስ ፓትርያርኩ ለኦክላንድ ኢየሱስ እውቅና የሰጡበት ደብዳቤ፣ እንዲሁም ለብጹእ አቡነ ሳሙኤል ለፍርድ ቤት የጻፉት ምሥክርነት ጉባኤው እንዲሽራቸው ተጠይቆ በዶ/ አባ ገ/ ሥላሴ ጥረት ሳይሳካ ቀርቷል። ዶ/ አባ ገብረ ሥላሴ ፓትርያርኩ በሌሉበት የፓትርያርኩን ውሳኔ መሻር ሕገ ወጥነት ነው ብለው ተከራክረዋል። ብጹእ አቡነ መልከ ጼዴቅ ለኦክላንድ ኢየሱስ በፓትርያርኩ የተሰጠውን እውቅና ሲቃወሙ መቆየታቸው ይታወሳል።ከቤተ ክርስቲያኑ ተውክሎ የመጣው ግለ ሰብ ለምን አቡነ መለከ ጼዴቅን ትታችሁ ወደ ፓትርያርኩ ሄዳችሁ ተብሎ ለተጠየቀው ጥያቄ አቡነ መልከ ጼዴቅ አውግዘው ስላባረሩን ሌላ አባት ፍለጋ ሄድን እንጂ እራሰቸውን ባለማክበር አይደለም ብሏል። ለምን ይቅርታ አትጠይቁም ? ለሚለው ጥያቄ ይቅርታ መጠየቅ አይከብደንም ነገር ግን የተበደልን እኛ ነን ቀርበን እንነጋገርና በደል ከተገኘብን እናደርገዋለን የበደሉን እርሳቸው ሆነው ከተገኙ ደግሞ ይቅርታ ይጠይቁናል በማለት መልሷል። ሽማግሌዎች ነገሩን ከፍጻሜ እንዲያደርሱ ውሳኔ ተላልፏል። በተመሳሳይ መልኩ ብጹእ አቡነ ሳሙኤል እራሳቸው ካቋቋሙት ከዲሲ ቅዱስ ገብርኤል በዶ/ ነጋ መባረራቸውን በመቃወም ክስ መሥርተዋል። ዶ/ ነጋ አቡነ ሳሙኤል የገብርኤል ቤ/ክር ኀላፊ አለመሆናቸውን የሚገለጥ ደብዳቤ ከአቡነ መልከ ጼዴቅ ለፍርድ ቤት በማጻፉ ቅዱስ ፓትርያርኩ ደግሞ የአቡነ መልከ ጼዴቅን ደብዳቤ የሚሽር ሌላ ደብዳቤ ለፍርድ ቤት ጽፈው ነበር። ይህ ደብዳቤ ነው ጉባኤው እንዲሽረው ታስቦ የነበረው። ይህም በዶክተር አባ ገ/ ሥላሴ ታጋይነት ሳይሆን ቀርቷል። በአባ ጽጌ ደገፋው የቀረበው ሪፖርት ፓትርያርኩ እኛ ሳናውቅ ከአትላንታ ወደ ዲሲ ለምን ተወሰዱ ? የማያገባቸው ሰዎች ቤቱን ሊያዝዙበት አይችሉም የሚል ሐሳብ ያለው ነበር። ፓትርያርኩ እየታመሙ ስለሆነ ባስቸኳይ እረፍት እንዲያገኙና ህክምናቸውን እንዲከታተሉ ለማድረግ ሲባል በቤተ ሰባቸው አማካኝነት በክብር ወደ ቤታቸው ገብተዋል። ይህም የሚያስመሰግን እንጂ የሚያስቆጣ መሆን የለበትም የሚል ምላሽ ተሰጥቶበታል።

Friday, November 8, 2013

በስደት የሚገኘው ቅዱስ ሲኖዶስ በኮሎምቦስ ኦሀዮ በሚገኘው መድኃኔዓለም ቤተ ክርስቲያን መደበኛ ጉባኤውን እያካሄደ ነው

በብፁዕ ወቅደስ አቡነ መርቆርዮስ የሚመራው ስደተኛው ቅዱስ ሲኖድስ 37ኛውን መደበኛ ጉባኤ ምክንያት በማድረግ ጥቅምት 27/ 2006 ዓ.ም በኮሎምቦስ ኦሀዮ በሚገኘው መዴኃኔዓለም ቤተ ክርስቲያን እየተካሄደ ነው።  ቅዱስ ፓትሪያርኩ በህመም ምክንያት በስብሰባው ላይ ያልተገኙ ሲሆን የሲኖዶሱን ምክትል ዋና ጸሐፊ ብጹዕ አቡነ ዮሴፍን ጨምሮ በርካታ ካህናትም አልተገኙም።  ምንጮቻችን እንደጠቆሙን በስብሰባው ላይ ካልተገኙት የሲኖዶሱ ሰባክያንና ካህናት መካከል  ሰባኬ ውንጌል አባ ወልደ ትንሳኤ፥ አባ ሃብተ ማርያም፥ ቀሲስ መልአኩ ባወቀ፥ ቀሲስ ጌታቸው፥ ቀሲስ እንዳልካቸው፣ መምህር ተከስተ ጫኔ እና ቀሲስ አንዱዓለም ይገኙበታል።

በስብሰባው ላይ ከተከናወኑና ከደረሱን ዜናዎች መካከል፦
  • የጠቅላይ ቤተ ክህነት ጸሐፊ  ቀሲስ መላኩ በዲያቆን አንዱአለም ግማዊ እንዲተካ ተደርጓል።  ምክንያቱ ምን እንደሆነ የደረሰን መረጃ የለም
  • ዲያቆን አንዱአለም መምህር ተከስተ ጫኔን  ለስዕል አይሰገድም ይላል በማለት እንዲወገዝለት ክስ አቅርቧል። የደረሰን መረጃ እንደጠቆመው ዲያቆን አንዱዓለም  ክሱን በልቅሶ በማጀብ ከማቅረብ በተረፈ መረጃ ተጠይቆ ግን ለማቅረብ አልቻለም።  ሆኖም ግን ብጹዕ አቡነ ዮሐንስ፤ ብጹዕ አቡነ መልከጼዴቅ፤ እና ሌሎችም አባቶች  መምህር ተከስተ ላይ የአስተምህሮ እንከን አይተውበት እንደማያውቁ መስክረዋል።  የአንዱዓለም ክስ በዳላስ በቅርቡ ከተከፈተው የፈለገ ህይወት ኢየሱስ ቤተ ክርስቲያን ጋር የተያያዘ ሊሆን እንደሚችል ይገመታል። የኢየሱስን ቤተ ክርስቲያን በቅዱስ ሲኖዶሱ ስር ለማካተት ውይይት የነበረ ሲሆን ዲያቆን አንዱዓለም ግን ቤተ ክርስቲያኑ በሲኖዶሱ ስር የሚካተት ከሆነ የዳላስ ሚካኤልን ከስደተኛው ሲኖዶስ ስር ሊያስወጣው እንደሚችል ፎክሯል።  

ሌሎች ተጨማሪ መረጃዎችን እንደደረሱን እናቀርባለን።


Thursday, November 7, 2013

ማኅበረ ቅዱሳንንና አባ እስጢፋኖስን ምን አፋቀራቸው


ማኅበረ ቅዱሳን በቤተክርስቲያን ስም የሚነግድ ስብስብ እንጂ ለቤተክርስቲያን የሚያስብ አለመሆኑን ከዚህ ቀደም በማስረጃ ላይ ተመሥርተው በቀረቡ የተለያዩ ጽሑፎች ተመልክቷል፡፡ ዛሬም ቢሆን ማኅበሩ ጥቅሙ እስካልተነካበት ወይም እስከ ተጠበቀለት ድረስ ዐመፅን ጽድቅ፣ ጽድቅን ዐመፅ፣ እውነትን ሐሰት ሐሰትን እውነት፣ ሌባውን ታማኝ ታማኙን ሌባ ከማለት አይመለስም፤ ይህን በተግባር እያስመሰከረም ነው፡፡ ለዚህ አንዱ ማሳያ አባ እስጢፋ በተለይ የአዲስ አበባ ሀገረ ስብከት ሊቀጳጰስ ሆነው ከተሾሙ በኋላ እያደረሱ ያለውን አስተዳደራዊ በደልና እያስፋፉ ያለውን ሙስና ከመኮነን ይልቅ በማበረታታቱ ሥራ መጠመዱ ነው። ምክንያቱ ደግሞ ማኅበሩ ከመቼውም ጊዜ ይልቅ ከእርሳቸው ጋር በፍቅር የወደቀበት የፍቅር ጊዜው በመሆኑ ነው፡፡

እርግጥ ቤተክህነት ውስጥ በጥቅም የሚለካ እንጂ እውነተኛም ዘላቂም የሚባል ፍቅር እንደሌለ ከማንም ስውር አይደለም፡፡ አባ እስጢፋኖስና ማቅ በፍቅር እፍ ያሉትም ማቅ አገር ያወቀውንና ፀሐይ የሞቀውን የአባ እስጢፋኖስን ገበና ሊሸፍን፣ እርሳቸውም በበኩላቸው ማቅ ዘወትር የሚያልመውን ቤተክርስቲያንን የመቆጣጠር ህልሙን በማሳካቱ ሂደት ሊረዱትና በቤተክርስቲያን ውስጥ ጥቅሙ እንዲከበርለት ሊያደርጉለት “በዓይን ቋንቋ” ዓይነት ስለተግባቡ ነው፡፡ ከዚህ የተነሳ በቤተክህነት ታሪክ ባልተለመደ መልኩ የማቅ ሰዎች ካህናቱን አሰልጣኞች ሆነው የተሰየሙበት ሁኔታ ታይቷል፡፡ ከዚህ ባለፈም ማቅ ቤተክርስቲያንን እንዳሻው ለማድረግ እንዲያመቸው “የለውጥ አመራር መዋቅር፣ አደረጃጀትና ዝርዝር አሠራር ጥናት” ወዘተርፈ በሚሉ ከንግግር ባላለፉ መደለያዎች እርሱ ቤተክርስቲያኒቱን በተዘዋዋሪ ሳይሆን በቀጥታ በቁጥጥሩ ስር የሚያውልበትን በር ወለል አድርገው ከፍተውለታል፡፡ ከዚህ የተነሣ ማቅ ለአዲስ አበባ አድባራትና ገዳማት ካህናት በለውጥ ስም መተዳደሪያ ደንብ እስከማርቀቅና በየአድባራቱ እንዲሠራጭ እስከማድረግ ያደረገ ሲሆን፣ ይህም የብዙዎችን ቁጣ በከፍተኛ ደረጃ መቀስቀሱ ታውቋል፡፡

Sunday, November 3, 2013

በቅዱስ ሲኖዶስ ስብሰባ ማኅበረ ቅዱሳን እንዲፈርስ የቀረበው ሐሣብ ማቅን አሸብሮ “እንሠዋለታለን” ባሉ ጳጳሳት ትግል ለጊዜው መቀልበሱ ታወቀ
የዘንድሮው የጥቅምት ሲኖዶስ ስብሰባ ጥር 21/2006 ተጠናቀቀ፡፡ የስብሰባው አንዱ መነጋገሪያ የነበረው ከ32ኛው የሰበካ አጠቃላይ መንፈሳዊ ጉባኤ ጀምሮ እያነጋገረ የነበረው የማኅበረ ቅዱሳን ጉዳይ ሲሆን፣ በስብሰባው ሁለተኛ ቀን ውሎ ፓትርያርክ ማትያስ “እስካሁን ከየአቅጣጫው የሚሰማውና የተሰበሰበው መረጃ እንደሚያመለክተው ከሆነ ማኅበረ ቅዱሳን ለቤተ ክርስቲያን ከሚጠቅመው ይልቅ የሚጎዳው ነገር እየበዛ መጥቷልና መፍረስ አለበት፡፡ ስለዚህ ይህ ጉባኤ በማኅበረ ቅዱሳን ላይ አንድ ውሳኔ ማሳለፍ ይኖርበታል” የሚል ሐሳብ አቅርበው የነበረ መሆኑ ተሰምቷል፡፡
ይህን ያልተጠበቀ የፓትርያርኩን ሐሳብ የሠሙ የማቅ ደጋፊ የሆኑ አንዳንድ ጳጳሳት የፓትርያርኩን ሐሳብ በመቃወም ማኅበረ ቅዱሳን ሊፈርስ አይገባውም ሲሉ መከራከራቸውም ተደምጧል፡፡ ከእነዚህም መካከል አባ ቀውስጦስ “ማቅ በፍጹም አይፈርስም እንሠዋለን” ማለታቸውን ምንጮቻችን ገልጸዋል፡፡ ለነገሩ አባ ቀውስጦስ በማቅ ግፊት የቤተክርስቲያን ልጆች ሳይጠየቁ እንዲወገዙ በተደረገበት የግንቦት 15ቱ ሲኖዶስ ስብሰባ ላይ “ካልተወገዙ ለሃይማኖቴ እሠዋለሁ” ማለታቸው የሚታወስ ሲሆን፣ አሁንም “ስለማቅ እሠዋለሁ” ማለታቸው መሥዋዕትነትን ዝቅ አድርገው የሚመለከቱ “አባት” መሆናቸውን ያስመሰከረ ክስተት ሆኗል፡፡

Thursday, October 31, 2013

አባ እስጢፋኖስ በአዲስ አበባ ሀገረ ስብከት ላይ እየፈጸሙ ያለው ሙስናና እየነፈጉ ያለው ፍትሕ ብዙዎችን እያማረረ ነው

አባ ገብረ ሚካኤል ለጵጵስና ሲታጩ የዑራኤል አስተዳዳሪ የነበሩት አባ ላእከ የተባሉ አባት ለአቡነ ጳውሎስ “ምነው አባታችን የምናውቃቸውን አባ ገብረ ሚካኤልን ልንድራቸው ሲገባ እንዴት ያጰጵሳሉ? እነዚህ በሚመሯት ቤተክርስቲያን ውስጥ በኀላፊነት መሥራት አልፈልግም” ብለው “ኢታርእየኒ ሙስናሃ ለኢየሩሳሌም” ወይም “የኢየሩሳሌምን ጥፋቷን አታሳየን” እንዳለው ነቢይ የኦርቶዶክስን ጥፋት ላለማየት በመወሰን ወደ መርጡለማርያም ገዳም እንደገቡ ይነገራል፡፡ መልአከ ገነት አባ ኀይለ ማርያም የተባሉ አራዳ ጊዮርጊስ አለቃ የነበሩ አባትም በጊዜው በጊዮርጊስ ቤተክርስቲያን የነበረውን ገንዘብ ለመዝረፍ ታስቦ እርሳቸው ለጵጵስና ሲታጩ (ከእነአባ ገብረሚካኤል ጋር)፣ “ወቅብዐ ኃጥኣንሰ ኢይትቀባዕ ርእስየ” እና “ወኢይደመር ውስተ ማኅበሮሙ ለእኩያን” የሚሉትን የቅዱሳት መጻሕፍት ቃል በመጥቀስ የሚያስተዳድሩትን ደብር ለቀው ገዳም ሊገቡ ሲሉ በፓትርያርኩ ተለምነው የአዲስ አበባ ሀገረ ስብከት ሥራ አስኪያጅ ሆነው ነበር፡፡ ነገር ግን የአባ ገብረሚካኤል የድራፍት ቡድን አላላውስ አላንቀሳቅስ ስላላቸው የሚወዷትን አገራቸውንና ቤተክርስቲያናቸውን ጥለው በመሰደድ በብስጭትና በንዴት በስደት አገር ሳሉ ዐርፈዋል፡፡ እነዚህ አባቶች ያኔ የተናገሩት ቢሰማና አባ ገብረሚካኤል ወደ ጵጵስና ሳይሆን ወደ ትዳር እንዲገቡ ቢደረግ ኖሮ ዛሬ በእርሳቸው እየደረሰ ያለው ጥፋት በቤተክርስቲያን ላይ ባልደረሰ ነበር የሚሉ ጥቂቶች አይደሉም፡፡

Sunday, October 27, 2013

ኦርቶዶክስ ተዋሕዶ ሆይ ከእንቅልፍ የምትነቂበት ሰዓት አሁን ነው

ሰሞኑን በተካሄደው 32ኛው የመንበረ ፓትርያርክ አጠቃላይ ሰበካ መንፈሳዊ ጉባኤ ዓመታዊ ስብሰባ ላይ “የሃይማኖት መቻቻል” በሚል ርእስ በተካሄደው አንድ ውይይት ላይ፣ አንዳንድ ጳጳሳት ከፌዴራል ጉዳዮች ሚኒስቴር በስብሰባው ላይ ግንዛቤ ለማስጨበጥ ከመጡ ባለሥልጣናት ጋራ ባደረጉት ውይይት፣ በሃይማኖት ጉዳይ በተለያዩ ክልሎች በኦርቶዶክስ ቤተክርስቲያን አማኞች ላይ እየደረሰ ያለውን ተጽእኖ በመግለጽ የመንግስትን ባለሥልጣናትን መውቀሳቸው ትክክለኛ የአባትነት ሚናቸውን እንዲጫወቱ ያደረገ መሆኑ እየተነገረ ነው፡፡ የሃይማኖት አባቶች እንደ ሃይማኖት አባትነታቸው ጥፋት ሲፈጸም በተገቢው መንገድ ፊት ለፊት መናገራቸውና የመንግሥት ባለሥልጣናትን መውቀሳቸውና መገሠጻቸው ተገቢነቱ አያጠያይቅም፡፡ የመንግሥት ባለሥልጣናትም ወቀሳውን ተቀብለው እንደ ሕዝብ አገልጋይነታቸው በአንዳንድ ክልሎች ውስጥ በቤተክርስቲያኒቱ አማኞች ላይ እየደረሰ ያለውን በደል ሊያስተካክሉ ይገባል፡፡ እንዲህ ካልሆነ የሃይማኖት መቻቻል የሚለው ነገር ፍሬ ቢስ ይሆናል፡፡ ውጤቱም የከፋ ነው የሚሆነው፡፡

Monday, October 21, 2013

የ32ኛው የሰበካ አጠቃላይ መንፈሳዊ ጉባኤ ስብሰባ ተጠናቀቀ የአቋም መግለጫው ማኅበረ ቅዱሳን ሒሳቡን በቤተክህነት ሞዴላሞዴል እንዲሠራ ያዛል


ባለፈው ሳምንት ሲካሄድ የሰነበተው የአጠቃላይ ሰበካ መንፈሳዊ ጉባኤ ስብሰባ የአቋም መግለጫዎችን በማውጣት ቅዳሜ ጥቅምት 09/2006 ዓ.ም. ከሰዓት በፊት ተጠናቀቀ፡፡ በአቋም መግለጫው ላይ ከተነሡት ነጥቦች አንዱ የሆነው ማኅበረ ቅዱሳንን የተመለከተ ሲሆን፣ የአቋም መግለጫውም የሚከተለው ነው፡፡
“ማኅበረ ቅዱሳን በሀገር ውስጥና በውጭ ሀገር ባሉት ማእከላትና የግንኙነት ጣቢያዎች በየሀገረ ስብከቱ እያበረከተ ያለው ሁለንተናዊ ልማት ጉባኤው ከየሪፖርቱ በማወቁ አገልግሎቱን ተቀብሎታል። ከዚህ አንጻር እየሰራበት ያለውን የገቢና የወጪ ሂሳብ በቤቱ የቁጥጥር ሥርዓት እያስመረመረ የቤቱን ሞዴላሞዴሎች እየተገለገለ ማዕከልንም በመጠበቅ የቤተክርስቲያንን መብትና ሃብት ሃይማኖትና ሥርዓት እንዲጠብቅ መልካም ምሳሌ እየሆነ አገልግሎቱን በጥበብ እንዲቀጥል ጉባኤው ያስገነዝባል። ከዚህም ጋር ማኅበሩ አቅጣጫ ያልጠበቀ አሰራር እንዳይታይበት በቅዱስ ሲኖዶስ የማስተካከያ መመሪያ እንዲሰጠው ጉባኤው ያሳስባል።”
ከዚህ የአቋም መግለጫ መረዳት እንደሚቻለው በስብሰባው ላይ ማኅበሩ ሂሳቡን ባለማስመርምሩ ትችት ተሰንዝሮበት የነበረ መሆኑ የሚታወስ ሲሆን፣ የማኅበሩ ተወካይ የነበረው አባልም “ቤተ ክህነቱ የተመሰከረለት የሂሳብ አያያዝ የሌለው በመሆኑ ነው ለቤተክህነቱ የማናስመረምረው” ሲል ለጠቅላይ ቤተክህነቱ ያለውን ንቀት አሳይቶ ስለነበር እየሰራበት ያለውን የገቢና የወጪ ሂሳብ በቤቱ የቁጥጥር ሥርዓት እያስመረመረ የቤቱን ሞዴላሞዴሎች እየተገለገለ” ሥራውን እንዲያከናውን መመሪያ ተሰጥቶታል፡፡ ይሁን እንጂ ማኅበሩ ይህን በቀላሉ ይተገብረዋል ተብሎ አይታሰብም፡፡ ከዚህ ቀደምም ከአባ ሠረቀ ብርሃን ጋር ያጋጨው ይኸው “ሒሳብህን አስመርምር” የሚለው ጥያቄ ነበር፡፡ ማኅበሩ ግን ጥያቄውን በአዎንታዊ መንገድ ከመቀበል ይልቅ ወደመቃወምና አባ ሠረቀን ወደመክሰስ ነው የሄደው፡፡ ይሁን እንጂ ወትሮም ቢሆን ሕገወጥ ሆኖ መቀጠል ስለማይቻል፣ ያንጊዜ ለተነሳበት የሂሳብህን አስመርምር ጥያቄ ሌላ መልክ በመስጠት ሊያልፈው ቢሞክርም ጥያቄው አሁንም መነሣቱ፣ በዚህ ስብሰባ ላይ በከፍተኛ ድጋፍ ውሳኔው መተላለፉና በአቋም መግለጫ መጠቀሱ ለማኅበሩ ትልቅ ሽንፈት ነው የሚሆንበት፡፡ ማኅበሩ የገንዘብ አቅሙን ከዚህ በበለጠ ለማጠናከርና ጡንቻውን ለማፈርጠም ከሚያደርገው እንቅስቃሴና ቤተክርስቲያን ውስጥ “ተሐድሶ መናፍቃን” በሚላቸው የቤተክርስቲያን ልጆች ላይ ለሚፈጽማቸው ጥቃቶች ማካሄጃና ለሌሎቹም ሕገወጥ ድርጊቶቹ ከሚያወጣቸው ወጪዎች አንጻር በቤተክህነት ሞዴላሞዴሎች እንዲጠቀም መደረጉ በቤተ ክርስቲያን ስም እየሰበሰበ ያለውን ገንዘብ ለራሱ ድብቅ ዓላማ ሳይሆን መልሶ ለቤተክርስቲያን ጥቅም እንዲያውል ያደርገዋል ተብሎ ይጠበቃል። 

Wednesday, October 16, 2013

ማኅበረ ቅዱሳን በአጠቃላይ የሰበካ መንፈሳዊ ጉባኤ ስብሰባ ላይ በደረሰበት ተቃውሞ ተወካዮቹ ስብሰባ ረግጠው ወጡ


32ኛው የመንበረ ፓትርያርክ አጠቃላይ ሰበካ መንፈሳዊ ጉባኤ ዓመታዊ ስብሰባ ፓትርያርኩን ጨምሮ ብፁዓን ሊቃነ ጳጳሳት፣ የጠቅላይ ቤተክህነት ከፍተኛ ባለሥልጣናት፣ ከየሀገረ ስብከቱ የተወከሉ የአህጉረ ስብከቶች ሥራ አስኪያጆች፣ ከፍተኛ አመራሮችና ሌሎችም በተገኙበት ጥቅምት 3/2006 ዓ.ም ተጀምሯል፡፡ በስብሰባው ላይ ከየአህጉረ ስብከቶች በመጡ ሥራ አስኪያጆች የሥራ ሪፖርት እየቀረበ የሚገኝ ሲሆን ውይይትም እየተደረገ ነው፡፡

በስብሰባው የመጀመሪያ ቀን በጠቅላይ ቤተ ክህነት የካህናት አስተዳደር መምሪያ ኃላፊ የሆኑት ሊቀ ካህናት ኃይለ ስላሴ ዘማርያም ማኅበረ ቅዱሳን ለቤተ ክርስቲያን ምን ያህል አስጊ ኃይል እንደ ሆነና ከተለያዩ የንግድ ተቋማቱ የሚሰበስበውንና በቤተክርስቲያን ስም ከአገር ውስጥና ከውጭ የሚሰበስበውን ገንዘብም ኦዲት እንደማይደረግ የገለጹ ሲሆን፣ በዚህም ማቅ ኪራይ ሰብሳቢ ድርጅት መሆኑን ጠቁመዋል፡፡

Wednesday, October 9, 2013

ዳንኤል ክብረት “ማቅ አክራሪ አይደለም” አለ፤ ብፁዕ ወቅዱስ አቡነ ጳውሎስን ወቀሰ

የማቅ አክራሪነት በሁሉም አንድ እየታወቀ በመጣበትና ማቅም ትልቅ ጭንቀት ውስጥ በገባበት በዚህ ወቅት፣ ማኅበረ ቅዱሳን ካፈራቸው “ሊቃውንት” አንዱ የሆነውና ራሱን “የቤተ ክርስቲያን ታሪክ ተመራማሪ” ብሎ የሚጠራው ዳንኤል ክብረት “ማቅ አክራሪ አይደለም” ሲል ተከላከለ፡፡ ዳንኤል ይህን ያለው ማቅ በገንዘቡ ከሚጠቀምባቸውና እንደጋዜጠኛ ሳይሆን እንደማህበረ ቅዱሳን ሆነው በሚጽፉ (አንዳንዴም ተጽፎ ነው የሚሰጣቸው) “የግል” መጽሔቶች መካከል አንዱ ከሆነው ከዕንቁ መጽሔት ጋር ባደረገው ቃለ ምልልስ ነው፡፡ ዳንኤል ከአክራሪነት ጋር በተያያዘ ማቅ በአክራሪነት መፈረጁን በመቃወም ማኅበረ ቅዱሳን ግን እስከ አሁን ድረስ አክራሪ ሆኖ ያመጣው ነውጥ፣ ያስነሳው ነገር፣ የደበደበው፣ የገደለው ሰው፣ ያቃጠለው ቤተ እምነት የለም፡፡”  በማለት እርሱ አክራሪነትን በተመለከተ ከደሙ ንጹሕ ነው ብሏል፡፡

Friday, October 4, 2013

አክራሪው ማኅበረ ቅዱሳን ‘አክራሪ አይደለሁም፤ አክራሪ ነው የሚል ማስረጃ ያቅርብብኝ’ አለ

አክራሪው ማኅበረ ቅዱሳን ‘አክራሪ አይደለሁም፤ አክራሪ ነው የሚል ማስረጃ ያቅርብብኝ’ አለ

ከተመሰረተ ጊዜ ጀምሮ ቤተክርስቲያን ውስጥ በፈጸማቸውና እየፈጸማቸው ባሉት ተግባራት በአክራሪነት የተፈረጀውና ቀድሞም ቢሆን በዚሁ ግብሩ የሚታወቀው ማኅበረ ቅዱሳን በሐመር መጽሔት የነሐሴ 2005 እትም ርእሰ አንቀጽ ላይ “ክርስትና ‘አክራሪነት’ን የሚያበቅል ነገረ ሃይማኖታዊ መሠረት የለውም” በሚል ርእስ ባቀረበው ሐተታ አክራሪ አለመሆኑንና አክራሪ ነው የሚል ካለ ማስረጃ ሊያቀርብበት እንደሚገባ ገለጸ፡፡

ርእሰ አንቀጹ ክርስትና ከአክራሪነት ፈጽሞ የተለየ መንገድ መሆኑን በወርቃማ ቃላት ለመግለጽ የሞከረ ቢሆንም በገለጻው መሠረት እንኳን ማኅበረ ቅዱሳንን መፈተሽና እስካሁን የተጓዘበትን መንገድ መመርመር ከተቻለ ማኅበሩ እልም ያለ አክራሪ መሆኑን የሚያረጋግጥ ነው፡፡ በዚህም ማኅበረ ቅዱሳን የጻፈውን ያልኖረና የማይኖር፣ ንግግሩና ስራው ለየቅል የሆኑበት ስብስብ መሆኑን ራሱ በራሱ መስክሯል፡፡

Monday, September 30, 2013

ከሰማይ ወረደ በተባለው መስቀል ላይ የአዲስ አበባ ሀገረ ስብከት ሊቀጳጳስ አባ እስጢፋኖስ ቃለመጠይቅ ሰጡ


ለሚያየው ምድራዊ የሆነውና በላዩ ላይ የሚገኘው የስነ ስቅለት ምስል ኦርቶዶክሳዊ ትውፊት የተከተለ አይደለም እየተባለ በመተቸት ላይ ያለው የገላንጉራ ቅዱስ ገብርኤል ቤተክርስቲያን አገልጋይ የሆኑት የመጋቤ ሐዲስ ፍስሀ መስቀልን በተመለከተ የአዲስ አበባ ሀገረ ስብከት ሊቀጳጳስ መስከረም 18/2006 ዓ.ም. ከታተመው አዲስ አድማስ ጋዜጣ ጋር ቃለምልልስ አደረጉ፡፡ ሊቀጳጳሱ እንዳሉት ከሰማይ ወረደ የተባለውን መስቀል ከወደቀበት መሬት ያነሡትና ወደቤተክርስቲያን እንዲገባ ያደረጉት እርሳቸው መሆናቸውን ገልጸው፣ “በወቅቱ ከመሬቱ ላይ እንዲነሳ እነርሱ (መስቀሉ ወረደ ያሉት ክፍሎች) ብዙም ፈቃደኞች አልነበሩም፡፡ እዚያው ላይ እያለ ቤተክርስቲያን እንዲሠራለት ነው የፈለጉት፡፡ ነገር ግን ቤተክርስቲያን የሚሰራለት ከሆነም መስቀሉ መሬት ላይ ሆኖ አይደለም የሚቆፈረውና የግድ ወደ መቅደሱ መግባት አለበት አልናቸው፡፡” ብለዋል፡፡ ሲጀመርም “መስቀል ከሰማይ ወረደ” የተባለውን ድርሰት በድጋሚ የደረሱት (የመጀመሪያዎቹ ደራሲዎች ደብረሊባኖሶች ናቸው) እንዲህ ያለ ትርፍ ለማግኘት እንጂ ለሌላ አይደለም፡፡ ከዚህ ቀደም እዚያው ጎረቤታቸው ታቦቷ ሕንጻ ካልተሠራልኝ አልገባ አለች ተብሎ ሕንጻ እንደተሠራላት እኛም በዚህ መንገድ ሕንጻ ማስገንባት እንችላለን በሚል ስሌት ይህን እንዳደረጉ መገመት አይከብድም፡፡

Thursday, September 26, 2013

ከሰማይ ወረደ በተባለው መስቀል ላይ ሳይንሳዊ ምርመራ ማድረግ ክልክል ነው ተባለ ነገሩ “በሃይማኖት ጉዳይ ሳይንስ ጣልቃ አይገባም” የሚል ቃና ያለው ይመስላል


ከሰሞኑ ከሰማይ ወረደ ስለተባለው መስቀል ከዘገቡት የፕሬስ ውጤቶች መካከል አንዱ የሆነው አዲስ አድማስ ጋዜጣ በመስከረም 11/2006 ዓ.ም. እትሙ ላይ “ከሰማይ ወረደ ለተባለው መስቀል የሳይንስ ምርመራ አይፈቀድም ተባለ” የሚል ርእስ ይዞ በድጋሚ ወጣ፡፡ ጋዜጣው እንደ ዘገበው መስቀሉ ከሰማይ ወርዷል ለሚለው የብዙዎች ጥርጣሬ ማረጋገጫ መስጠት እንዲቻል “ወረደ” በተባለው መስቀል ሳይ ሳይንሳዊ ምርመራ ይደረግ ዘንድ ስለመጠየቁ ሐሳብ ቀርቦ እንደሆን የተጠይቁት፣ መልስ የሠጡትና የዚህ “ተአምር ብቸኛ የዓይን ምስክር የሆኑት” መጋቤ ሐዲስ ፍስሃ እስካሁን “ከሰማይ የወረደውን መስቀል” አድናቂዎች እንጂ ምርምር እናካሂድ የሚል ጥያቄ ያቀረቡ ምሁራን አለመኖራቸውን ጠቅሰው ጥያቄውን የሚያቀርቡ ቢኖሩ ግን “የማይሞከር ነው” ሲሉ ተከላክለዋል፡፡

ይህ “ተአምር” ለሳይንሳዊ ምርምር ክፍት እንዳይሆን መከልከሉ ሰዎች በጉዳዩ ላይ ከፊት ይልቅ እንዲጠራጠሩ ሰፊ በር የሚከፍት መሆኑ እሙን ነው፡፡ ይሁን እንጂ “ያደረገችውን ታስታውቅ ከወደደረቷ ትታጠቅ” እንዲሉ መጋቤ ሐዲስ ፍስሀ ያደረጉትንና የሆነውን ስለሚያውቁ “የማይሞከር ነው” በሚል “በሃይማኖት ጉዳይ ሳይንስ ጣልቃ አይገባም” አይነት መከራከሪያ አቅርበው ለምርምር በሩ ዝግ መሆኑን ፈርጠም ብለው ተናግረዋል፡፡ እንደ እውነቱ ከሆነ “ወረደ” የተባለውን መስቀል ሳይንስ ቢያረጋግጠው ከሰማይ የወረደ እስከሆነ ድረስ ምንም የሚያስፈራ ነገር አይኖርም ነበር፡፡ ነገር ግን አስቀድመን በእርግጠኛነት እንደተናገርነው መስቀሉ ከምድር የተገኘ ስለሆነ “ከቶም አይሞከርም” ብለው “የነገርኳችሁን ማመን እንጂ መመርመር አትችሉም” የሚል መልእክት አስተላልፈዋል፡፡ ይህ ግን ትክክል አይደለም፡፡

Monday, September 16, 2013

እፎኑ መስቀል ዘደብረ ሊባኖስ ጽርሑ
ወረድኩ እምነ ሰማይ ይቤለነ ናሁ
እንዘ ነአምሮ ለሊነ ከመ ሊቀ ጸረብት አቡሁ
ትርጓሜ፦
ቤቱ ደብረ ሊባኖስ የሆነው መስቀል
አባቱ (ጠራቢው) የአናጺዎች አለቃ መሆኑን ስናውቅ
እንዴት ከሰማይ ወረድሁ ይለናል?

“ ‘ከሰማይ ወረደ’ ተብሎ በጳጳሳት የተጐበኘው መስቀል ለህዝብ ይታያል” ይህ የአዲስ አድማስ ጋዜጣ ርእሰ ዜና ነው፡፡ አዲስ አድማስ ጋዜጣ በመስከረም 4/2006 ዓ.ም. እትሙ በፊት ገጹ ካስነበባቸው ዜናዎች መካከል ዋና አድርጎ ያቀረበው “ ‘ከሰማይ ወረደ’ ተብሎ በጳጳሳት የተጎበኘው መስቀል ለህዝብ ይታያል” በሚል ርእሰ ዜና የቀረበው ዜና አንዱ ነው፡፡   

መስቀሉ “ከሰማይ ወረደ” የተባለው ከ5 ዓመታት በፊት አቃቂ ውስጥ በተተከለው የገብርኤል ቤተክርስቲያን ውስጥ ሲሆን ነገሩ ሆነ የተባለውም ነሐሴ 23/2005 ዓ.ም. ለ24 አጥቢያ ሌሊት ላይ ነው፡፡ ወረደ ለተባለው መስቀል የዓይን እማኝ ነኝ ያሉት ደግሞ መጋቤ ሐዲስ ፍስሐ የተባሉ ሰው መሆናቸውን ጋዜጣው ዘግቧል፡፡ መጋቤ ሐዲሱ መስቀሉ በኢትዮጵያ ባንዲራ ቀለማት ተጠቅልሎ ከሰማይ በዝግታ እየተገለባበጠ ሲወርድና መሬት ላይ ሲያርፍ በአይኔ በብረቱ አይቻለሁ ማለታቸውን የዘገበው ጋዜጣ፣ ጊዜው ከሌሊቱ በ9 ሰዓት ገደማ መሆኑን መናገራቸውን ጠቅሷል፡፡ የመስቀሉን መውረድ ለማየት የቻሉትም ሌሊት በቤተክርስቲያን ውስጥ ከነበረው ማሕሌት ላይ ነፋስ ለመቀበል በወጡ ጊዜ መሆኑን የገለጹ ሲሆን፣ በወቅቱ ቤተልሔሙ የተቃጠለ መስሏቸው ሲጮኹ ሰምተው ከመጡ አገልጋዮች መካከል አንዱ ወጣት አገልጋይ አያለሁ ብሎ ሲቀርብ “አንዳች ነገር አስፈንጥሮ መሬት ላይ እንደጣለውና ምላሱ ተጎልጉሎ እንደወጣ፣ ለአራት ቀናትም ራሱን ስቶ ከቆየ በኋላ መስቀሉ ከወደቀበት መሬት ላይ ተነሥቶ ወደቤተክርስቲያን በአጀብ እንዲገባ ከተደረገ በኋላ መንቃቱንና አሁን በሙሉ ጤንነት ላይ እንደሚገኝ ገልጸዋል፡፡ ወጣቱም ተጠይቆ መስቀሉን ሊያነሳው ሲል “አንዳች ህጻን ልጅ የመሰለ ነገር” ጎትቶ መሬት ላይ እንደጣለውና ከዚያ በኋላ ራሱን እንደ ሳተ ተናግሯል ብለዋል መጋቤ ሀዲስ ፍስሀ፡፡

Friday, September 13, 2013

ማንም በክርስቶስ ቢሆን አዲስ ፍጥረት ነው፤
አሮጌው ነገር አልፎአል፤ እነሆ፥ ሁሉም አዲስ ሆኖአል።
(2ቆሮ. 5፥17)
እንኳን ለ2006 ዓ.ም በሰላም እና በጤና አደረሳችሁ!
2005 ዓ.ም. ሲብት አዲስ እንዳልተባለ እነሆ አሁን አርጅቶ አሮጌ ተባለ። 2006 ዓ.ም. ደግሞ በተራው አዲስ ተብሎ ተሰይሟል፡፡ ዓመታትን አዲስ እና አሮጌ ስንል የሰየምናቸው እኛው ነን፡፡ 2005 ዓ.ም. ከማለፉ እና 2006 ከመግባቱ በቀር ቀኑ ሁሉ ግን ያው ነው፡፡ የዘመን መለወጫን ወቅት በመንተራስ ስላለፈው አሮጌ ዓመትና ስለጀመርነው አዲስ ዓመት በተለያየ ርእስ ብዙ ማለታችን የተለመደ ነው፡፡ ነገር ግን እኛ አዲስ ካልሆንንና በአዲስ አስተሳሰብ ለአዲስ ተግባር ካልተነሳሳን አዲስ ያልነው ዓመት ከስሙ በቀር በተግባር አዲስ ሊሆን አይችልም፡፡

ከምንም በላይ ደግሞ እንደእግዚአብሔር ፈቃድ አዲስ ፍጥረት ካልሆንንና አዲስ ያልነውን ዓመት በአሮጌው ማንነት የምንቀበልና የምንኖርበት ከሆነ “አሮጌውን የወይን ጠጅ በአዲስ አቁማዳ” ለማኖር መሞከር ነው የሚሆነው፡፡ እንዲህ ቢደረግ ደግሞ እንደተጻፈው አቁማዳው ይቀደዳል፤ የወይን ጠጁም ይፈስሳል፡፡ ስለዚህ አዲሱን የወይን ጠጅ በአዲስ አቁማዳ ማኖር ይገባል፡፡

Monday, September 9, 2013

የዘመን ምስክር

(ከጮራ ድረ ገጽ የተወሰደ)
በዚህ ዐምድ ለቤተ ክርስቲያን መሻሻልና መለወጥ የተጋደሉ፥ ለአገርና ለወገን የሚጠቅም መልካም ሥራን የሠሩ አበውን ሕይወትና የተጋድሎ ታሪክ አሁን ላለውና ለቀጣዩ ትውልድ አርኣያ እንዲሆን እናስተዋውቃለን፡፡


አለቃ ታየ ገብረ ማርያም (1853 - 1916 ዓ.ም.)
አይሁድ መሲሑን ይጠባበቁ የነበሩ ሕዝብ ናቸው፤ መሲሑ ሲመጣ ግን አልተቀበሉትም፡፡ የመሲሑን ደቀ መዛሙርትም አሳድደዋል፡፡ እነርሱን መስሎ የሚኖረውን ሰው እውነተኛ አይሁዳዊ ሲሉ፥ ዐዲስና እንግዳ ትምህርትን ሳያመጣ በመጽሐፋቸው የተገለጠውንና እነርሱ ያላስተዋሉትን እውነት የሚያምነውንና የሚኖረውን የመሲሑን ተከታይ ደግሞ መናፍቅ እያሉ ሲኰንኑ ኖረዋል፡፡

Tuesday, September 3, 2013

የጉድ ሙዳዩ አባ አብርሃምና በኢየሱስ ስም ላይ የከፈተው ዘመቻ

(አናኒመስ ከሐረር)
አሁን የምነግራችሁ የምሥራች ሳይሆን መርዶ ነው፡፡ በተለይ ለእኛ ለኢትዮጵያ ኦርቶዶክስ ተዋህዶ ቤተክርስቲያን አማኞች አንገት የሚያስደፋ ትልቅ ውርደት ነው፡፡ ሐረርን ለማህበረ ቅዱሳን ለማስከበር ተልዕኮ ተሰጥቶት ወደ ሐረር የመጣው የጉድ ሙዳዩ አባ አብርሐም ተልዕኮውን ለመፈፀም ደፋ ቀና ማለት ከጀመረ ሰነባብቷል፡፡ ለስራዬ እንቅፋት ናቸው ያላቸውንና የቤተክርስቲያን እንጂ የማህበር አገልጋይ አንሆንም ያሉትን የቤተክርስቲያን ልጆች እያደነ ከቤተስርቲያን ማፈናቀሉን ቀጥሎበታል፡፡

የደ/ሣ/ቅ/ሚካኤል ቤ/ክ አስተዳዳሪ የተነሡት ቃለአዋዲ ባለማክበራቸው መስሎኝ ነበር፡፡ ነገር ግን በ22-10-2005 ዓ.ም. የየአድባራቱን ሰበካ ጉባኤ፣ ሰንበት ት/ቤት፣ ስብከተ ወንጌልና ልማት ኮሚቴ አባላትን ሰብስቦ ውይይት መሰል የማስፈራሪያ መልእክት ያስተላለፈው የጉድ ሙዳዩ ከአንድ ስብሳቢ “የሚካኤል አስተዳዳሪ ለምን ተነሳ?” የሚል ጥያቄ ቀርቦለት ሲመልስ እንዲህ አለ፡፡ “ሰውየው ኢየሱስ ኢየሱስ ማለት ያበዛል፡፡ ከአንዴም ሁለቴ ጠርቼ ነገርኩት፡፡ ኢየሱስ የሚሉት አምላክነቱን እና አዳኝነቱን ያልተረዱት ናቸው፡፡ ኢየሱስ የሚለው ስም ማንነቱን አይገልፅም፤ ክብሩን ያንሰዋል፡፡ ስለዚህ ኢየሱስ ኢየሱስ አትበል አልኩት፡፡ እሱ ግን ሰዓታቱ፣ ኪዳኑ፣ ቅዳሴው ሁሉ እኮ ኢየሱስ ኢየሱስ ነው የሚለው እያለ ሊከራከረኝ ሞከረ…” በማለት መልስ ሲሰጥ ንቀት በተሞላበት እና ኢየሱስ የሚለውን ስም በማጥላላት ነበር፡፡” አለ፡፡

Friday, August 30, 2013

ቤተክህነት የብፁዕ ወቅዱስ አቡነ ጳውሎስን አንደኛ ዓመት የመታሰቢያ ሥነሥርዓትን ማደብዘዙ ብዙዎችን አሳዝኗል

ቤተክህነት የዛሬ ዓመት ከዚህ ዓለም በሞት የተለዩትን የብፁዕ ወቅዱስ አቡነ ጳውሎስ አንደኛ ዓመት መታሰቢያን እንደ ደሃ ፍታት አደብዝዞት መዋሉ ብዙዎችን አሳዝኗል፡፡ የቅዱስነታቸው የሙት ዓመት መታሰቢያ ባለፈው ነሐሴ 10/2005 ዓ.ም ሲከበር በቤተከህነት በኩል ምንም አይነት ዝግጅት እንዳልተደረገበትና ምንም አይነት ትኩረት እንዳልተሰጠው በዕለቱ የታየው ዝግጅት በቂ ምስክር ነው፡፡ ለዚህም በዋናነት ተጠያቂው ጠቅላይ ቤተክህነቱ ነው፡፡ ክብር ለሚገባው ክብርን መስጠት ሲገባ የቤተክርስቲያኗ መሪ የነበሩትን የቅዱስነታቸውን መታሰቢያ ማደብዘዝ ለምን አስፈለገ? የሚለው በብዙ እያነጋገረ ይገኛል፡፡ መታሰቢያቸው የመገናኛ ብዙኃንን ሽፋን በተገቢው መንገድ አላገኘም፡፡ ይህም ለዝግጅቱ ከተሰጠው አናሳ ትኩረት ጋር በቀጥታ የሚገናኝ ነው፡፡ ይሁን እንጂ ሪፖርተር ጋዜጣ ግን ሽፋን ሰጥቶታል፡፡ የቅዱስነታቸው የመታሰቢያ ሥነሥርአት ሰፊ የሚዲያ ሽፋን የተነፈገው ምናልባት የቀድሞው ጠቅላይ ሚኒስትር መለስ ዜናዊ ሙታመት መታሰቢያ ከፍተኛ ትኩረት ስለተሰጠው ሊሆን ይችላል ብሎ መገመት ይቻላል፡፡ ይህ እንደተጠበቀ ሆኖ ግን “ባለቤቱ ያቃለለውን ባለዕዳ አይቀበለውም” እንደሚባለው ቤተክህነቱ ቸል ያለውን ሌላው እንዴት ሊያተኩርበት ይችላል የሚለው ብዙዎች የተስማሙበት ነጥብ ሆኗል፡፡

Tuesday, August 20, 2013

ማቁ ታደሰ ወርቁ በቀድሞ ማኅበሩ በማኅበረ ቅዱሳን ላይ ትችት ሰነዘረ ከጥምቀት ተመላሾች ማቅ ለአመጽ ያዘጋጃቸው ሰራዊቱ መሆኑን ታደሰ ፍንጭ ሰጥቷል


ማቅን እየከዱ ከሚገኙት ታማኞቹ መካከል አንዱ የሆነው ታደሰ ወርቁ ከማቅ ጋዜጠኛነቱ ከተሰናበተ በኋላ በማቅ ላይ ትችት ሰንዝሯል፡፡ ታደሰ ወደዚህ ሁሉ ትችት የገባው በዋናነት የማኅበሩ አካል ሆኖ ሲታገልለት የኖረው በሃይማኖት ካባ የተሸፈነው ፖለቲካዊ አላማው በመክሸፉ ነው ብሎ መደምደም ይቻላል፡፡ እርሱም በተደጋጋሚ አጽንኦት ሰጥቶ የተናገረው ይህንኑ ነው፡፡ ታደሰ ትችቱን የሰነዘረው “ፋክት” በተሰኘው መጽሔት ቅፅ 2 ቁ.6 የሐምሌ እትም 2005 ዓ.ም ላይ “በቄሳራውያን መዳፍ ስር ያለ አስኬማ” በሚል ርእስ በጻፈው ፖለቲካዊ ጽሑፍ ነው፡፡ በቀጣዩ ቁጥር 7 የነሐሴ 2005 ዓ.ም እትም ላይም “የተቋማዊ ለውጥ ጅምሮች” በሚል ርእስ አንዳንድ የአክራሪውን የማቅን እስትራቴጂዎች ለማስቃኘት ሞክሯል፡፡

ታደሰ “የወንድሞች ከሳሽ” የሆነው ማቅ አይምረኝም ይከሰኛል ብሎ ነው መሰል ማቅን በተቸበት ጽሑፉ ላይ ማቅን በሙሉ ስሙ “ማኅበረ ቅዱሳን” ብሎ ሳይሆን “ማኅበር” እያለ ነው የጠራው፡፡ እንዲህ ቢልም ታደሰ የሚለውን ሥራ የሠራ ሌላ ማኅበር በአገራችን ስለሌለ ዞሮ ዞሮ የተቸው ማቅን መሆኑ አላጠራጠረም፡፡ ታደሰ የማቅን ስም ሸርፎ ለመጥራት ያደረበት ፍርሀት ግመልን ሰርቆ አጎንብሶ የመሄድ ያህል “ብልሃቱ”ን ነው የሚያሳየው፡፡ ለማንኛውም ታደሰ ከዚህ ቀደም ማቅን ክፉኛ የተቸውና ሰድቦ ለሰዳቢ የሰጠውን የዳንኤል ክብረትን ያህል ባይሆንም ከዳንኤል ክብረት በኋላ ማቅን በጽሑፍ የተቸ ሌላው የማቅ ጋዜጠኛ ነው ብሎ መናገር ሳይቻል አይቀርም፡፡ ትችቶቹ በአብዛኛው ያተኮሩት ከፓትርያርክ ምርጫ ጋር በተያያዘ ሲሆን ከሞላ ጎደል የሚከተሉት ናቸው፡፡

Friday, August 16, 2013

ማኅበረ ቅዱሳን በውስጥ ችግር መታመሱ የአደባባይ ምስጢር እየሆነ ነው ታማኝ የተባሉ አገልጋዮቹን እያባረረና እነርሱም እየከዱት ይገኛሉ

ማኅበረ ቅዱሳን በውስጥ ችግሮቹ እየታመሰ መሆኑን ከማኅበሩ አካባቢ ያገኘናቸው መረጃዎች ይጠቁማሉ፡፡ ላለፉት ዓመታት አቡነ ጳውሎስን መቃወምን ትልቅ አጀንዳው አድርጎ ሲሰራ የነበረው ማቅ ከእርሳቸው ዕረፍት በኋላ ድምጹ ብዙም እየተሰማ አለመሆኑ በብዙዎች ዘንድ ጥያቄን ፈጥሮ ቆይቷል፡፡ ለተቃውሞው አብረው የነበሩት የማቅ ዋና ዋና ሰዎችም ከአቡነ ጳውሎስ ሞት በኋላ በራሳቸው የቤት ስራ መጠመዳቸው አልቀረም፡፡ ልዩነታቸውም እየጎላ በመምጣቱ በተለያየ ክፍል የሚሰሩ የማኅበሩ ቁልፍ ሰራተኞች እየተባረሩና አንዳንዶችም ለመልቀቅ እየተዘጋጁ መሆናቸውን ስንታዘብ ቆይተናል፡፡
በዋናነት ልዩነቶች እየተፈጠሩ የመጡት በዋልድባው ጉዳይ ሲሆን፣ በዋልድባ ገዳም አካባቢ መንግስት እየሠራ ያለውን የወልቃይት ጠገዴ የስኳር ልማት ፕሮጀክትን ለማደናቀፍና ለፖለቲካ ፍጆታ በማዋል ገቢ ለማሰባሰብ አንዳንድ የማቅ ሰዎች ሲያራግቡትና ጉዳዩን የተለየ አቅጣጫ እንዲይዝ ሲያደርጉት እንደነበረ የቅርብ ጊዜ ትውስታ ነው፡፡ ማቅ በእርሱ በኩል ፕሮጀክቱን የተመለከተ ጥናት አድርጎ ሪፖርት እንዲያቀርብ እድሉ ተሰጥቶት በነበረ ጊዜ ሶስት አባላት ያሉት የጋዜጠኞች ቡድን ወደስፍራው ልኮ የነበረ ሲሆን የማቅ የጎንደር ንኡስ ማእከል በጊዜው ከቡድኑ አባላት አንዱ ሆኖ የመጣውን ባያብል ሙላቱን ለምን እርሱን ይዛችሁት መጣችሁ? ማለታቸው ታውቋል፡፡ ሆኖም በማጣራቱ ሂደት ባያብልም ተሳትፎ ቡድኑ ተገቢውን ማጣራት ካደረገና ወደ አዲስ አበባ ከተመለሰ በኋላ ሪፖርቱን አዘጋጅቶ በማኅበሩ የሌሊት ስብሰባ ላይ አመራሮቹ ባሉበት ገለጻ አድርገው የነበረ ሲሆን፣ ገለጻውን ተከትሎ ለሁለት ተከፍለዋል፡፡

Monday, August 12, 2013

ማኅበረ ቅዱሳን ቤተክርስቲያንን ልምራ የሚል ጥያቄ ማቅረቡ ተሰማ

ጉድ ሳይሰማ መስከረም አይጠባም! አሉ አበው፡፡ ማህበረ ቅዱሳን በራሱ ደጋፊ ፓትርያርክ ሊቆጣጠር ፈልጎ ያልተሳካለትን የጠቅላይ ቤተክህነትን መዋቅር ለ3 (ሶስት) አመት ለመምራት ጥያቄ ማቅረቡን የቤተክህነት የውስጥ ምንጮች አጋለጡ፡፡

አዳምና ሔዋንን በገነት ያሳታቸው ባለ አንድ እራሱ እባብ ነበር፡፡ ክፉ ሃሳቡ በሔዋን ተቀባይነት አግኝቶለት የሰውን ልጅ ከገነት አስወጥቶ ለሞት ዳርጎት ለ5500 አመታት በባርነት ሲገዛው የኖረ ቢሆንም በአምላካችን በመድሀኒታችን በኢየሱስ ክርስቶስ ራሱን ተቀጥቅጦ ከሰው ልብ እንዲወገድ ቢደረግም  በቤተ አይሁድ (ጸሐፍት ፈሪሳውያን) ልብ ቦታ በማግኘቱ ዮሐንስ በራእይ እንዳየው ይህ እባብ ሰባት እራስና አስር ቀንዶች አውጥቶ ታላቅ ዘንዶ ሆኖ ፋፍቶና አድጎ ከባህር ሲወጣ ዳግም ታየ፡፡ እንዲያውም በመጨረሻ ይህ ዘንዶ ሙሉ ለሙሉ ስልጣኑን ለአውሬው (ለሰው ልጅ) በመስጠት በመጨረሻ ዘመን ከመንገድ ዘወር ብሎ በአውሬው (በሰው ልጅ) ሙሉ ሆኖ  እንደሚሰራ ባለራእዩ ነግሮናል፡፡

Thursday, August 8, 2013

ከሰማይ ከወረደው በቀር ወደ ሰማይ የወጣ የለም

ጾመ ፍልሰታ ማርያም “ተነሥታ ማረጓ” የሚተረክበትና በስህተት ትምህርት ላይ የተመሠረተ ጾም ነው፡፡ የትምህርቱ ደራሲዎች በመጽሐፍ ቅዱስ ላይ በተጻፈው መሠረት ሳይሆን ከተጻፈው በማለፍ የጌታችንን እናት እመቤታችን ድንግል ማርያምን ለማክበርና እርሷን ከአምላክ ጋር ለማስተካከል ሲሉ የደረሱት ድርሰት እንደሆነ መጽሐፍ ቅዱስንና ቀደምት የቤተክርስቲያን አባቶችን ትምህርት በመመርመር ማረጋገጥ ይቻላል፡፡ 
መጽሐፍ ቅዱስ እንደሚያስተምረን ከሙታን ተለይቶ የተነሣና በክብር ያረገ ኢየሱስ ክርስቶስ ብቻ ነው፡፡ እርሱ ለሙታን ሁሉ በኩር ተብሏል፡፡ ሌሎቹ ሙታን ሁሉ ግን በመጨረሻው ቀን ጌታችን በተነሣበት መንፈሳዊ አካል እንደሚነሡና በጌታ ሆነው ያንቀላፉ ቅዱሳን ዓለም ከተፈጠረ ጀምሮ ወደተዘጋጀላቸው የዘላለም ሕይወት እንደሚገቡ ተጽፏል፡፡ ከዚህ ውጪ ግን ጌታ እናቱን ከሰው ሁሉ ለይቶ እንድትነሣና እንድታርግ ወደመንግስተ ሰማያትም ከሁሉ ቀድማ እንድትገባ አድርጓል የሚለው ትምህርት ከቃሉ ውጪ ነው፡፡ ቀደምት አባቶችም ይህን ትምህርት እንደማያውቁትና በእነርሱ ዘመን እንዳልነበረ እንረዳለን፡፡ በሃይማኖተ አበው ላይ የሚከተለው ተጽፏል፡፡ እርሱ በመዋቲ ስጋ ይነሣ ዘንድ በፍቃዱ ሞተ። ከተነሳም በኋላ ዳግመኛ አይሞትም ከትንሣኤው በኋላ ግን ጌታ ይህን አልተናገረም። ከሰውም ወገን ማንንም ተነሣ ከመቃብር ውጣ አላለም። ዳግመኛ እስከሚመጣበት ቀን ደረስ ለሰዎች ሁሉ አንድ ሆነው በሚነሡበት ጊዜ ሙታን ይነሣሉ አላቸው። ከሙታንም ተለይቶ ከተነሳ በኋላ ከሞቱት ሁሉ ማንንም በሥጋ እንዳላስነሣ አስተውል።” (ሃይማኖተ አበው ምዕራፍ 59 ቁጥር 49-50)።

Wednesday, August 7, 2013

የወ/ሮ ዘውዴ የዋዜማ ድግስ መርሀግብር ሲገመገም


ባለፈው ማቋ ዘውዴ አንዳንድ የማቅ ምርኮኛ የሆኑ የቅድስት ሥላሴ ተማሪዎችን ግብዣ ጠርታ እንደነበር ዘግበን ነበር፡፡ እንደተባለውም ማቋ ዘውዴ እሁድ ሀምሌ 21/2005 ኣ.ም ሰሜን ገበያ አካባቢ በሚገኘው መኖሪያ ቤቷ ያዘጋጀችው ግብዣ ጥሪው ከቀኑ 6 ሰዓት የነበረ ሲሆን ለዘውዴ ደቀመዛሙርቱን የመማረክ ተልእኮ የሰጣት የማቅ አባላት በሰዓቱ ተገኝተዋል ተብሏል፡፡ ከምርኮኞቹ ደቀመዛሙርት አንዳንዶቹም በተለይም አራት መነኮሳትና ጥቂቶቹ ደቀመዛሙርትም ቀደም ብሎ የተሰጣቸውን ቲሸርት ለብሰው ነበር ወደ ስፍራው የደረሱት፡፡ ሌሎቹ ግን በጣም ዘግይተው ነበር የመጡት፡፡ በእነርሱ መዘግየት ምክንያት በ6 ሰዓት የመጡት የማቅ አባላት ማቋ ዘውዴ ካዘጋጀችው ቡፌ በልተው መሄዳቸው ታውቋል፡፡

በእለቱ ሰባኪ ሆነው የተሰየሙት ከተማሪዎች አንዱ አባ ክንፈ “እርሱ የሚላችሁን አድርጉ” በሚል ርእስ በስብከት ስም ከምንም ጋር ያልተገናኘና ማቆች ዘወትር መስበክና መስማት የሚፈልጉትን ዲስኩር ነበር ያሰሙት፡፡ በዲስኩራቸው “ኢየሱስ ኢየሱስ አትበሉ እርሱ የሚገኘው እናቱ ባለችበት እንጂ እርሷ በሌለችበት አይገኝም” ሲሉ ጆሯቸው የጠገበውንና እንደሞኝ ዘፈን በማቅ መንደር ዘወትር የሚቀነቀነውን ፀረ ኢየሱስ ዲስኩር አሰምተዋል፡፡ በወንጌል እንደተገለጸው ማርያም ኢየሱስ ባለበት የተገኘችው በቃና ዘገሊላው ሰርግ ላይ ብቻ ነው፡፡ ታዲያ ያን አንድ ጊዜ ብቻ የተከናወነውን ድርጊት ለኢየሱስ መገኘት ሁሌ እንደ መስፈርት አድርጎ ማስቀመጥ ከየት የመጣ ፈሊጥ ይሆን? መድኃኒታችን ኢየሱስ ክርስቶስ “ሁለት ወይም ሶስት በስሜ ባላችሁበት በዚያ በመካከላችሁ እገኛለሁ” አለ እንጂ እናቴ ባለችበት ብቻ ነው የምገኘው አላለም፡፡ ደግሞስ እናቱ በመካከላችን እንዴት ልትገኝ ትችላለች? እርሷ በቦታ የተወሰነች ፍጡር ደግሞም በአጸደ ነፍስ የምትገኝ እንጂ እንጂ እንደ አምላክ በስፍራ ሁሉ የምትገኝ ፈጣሪ አይደለችም እኮ፡፡ ይህ ሁሉ እንግዲህ እንደአባ ክንፈ ካሉ “ጨዋ” መነኮሳት አንደበት የሚሰማ የድፍረት ንግግር ነው፡፡

Saturday, August 3, 2013

በአሰበ ተፈሪ የሆነውና እየሆነ ያለው ምንድን ነው?

ሐራ ዘተዋህዶ አይናችሁን ጨፍኑና ላሞኛችሁ አይነት ሐሰተኛ ወሬ ማስነበቡን ተከትሎ ከስፍራው የደረሰን ጽሁፍ እንደሚሳየው ሀራ እውነታውን ገልብጦ የዘገበ መሆኑን ነው፡፡ መቼም ከሀራ ከዚህ የተሻለ ነገር አይጠበቅም፡፡ ሲጀመር አላማው እውነት ማቅረብ ሳይሆን እውንትን በማዛባትና ሀሰትን እውነት አስመስሎ በማቅረብ ማቅ አለአግባብ ለመበልጸግና በቤተክርስቲያን ተቆርቋሪነት ስም ቤተክርስቲያንን የመዝረፍ ተግባሩን እንዲቀጥልበት ሽፋን መስጠት ነው፡፡ ለዚህ ደግሞ የሌሎችን ስም አክፍቶ ማቅረብን እንደ አንድ ስልት እየተጠቀመበት ነው፡፡

ባለፈው ጽሑፍ ላይ ለማሳየት እንደሞከርነው የማቅ ሰዎች ከእነርሱ ጋር በሀሳብና በአካሄድ የተለየውን ሰው ሁሉ ከእኔ ጋር የሐሳብ ልዩነት ነው ያለው ነው ከማለት ይልቅ “ተሐድሶ መናፍቅ ነው” ማለት ይቀናቸዋል፡፡ በምዕራብ ሐረርጌ አሰበ ተፈሪ ላይ ከማኅበረ ናታኒም ጋር የተፈጠረውን አለመግባባትም ከማቅ ጋር የተፈጠረ አለመግባባት ሳይሆን ተሐድሶ መናፍቅነት ነው ማለታቸው ይኸው ክፉ ጠባያቸው የቤተ ክርስቲያን ልጆችን ምን ያህል እየጎዳ እንዳለ ያመለክታል፡፡ ሰሞኑን ሐራ ዘተዋህዶ ብሎግ አሰበ ተፈሪን በተመለከተ የሰቀለው ጽሑፍ እንኳን ሌሎችን ሊያሳምን ይቅርና የራሱን አንባቢዎችንም ግራ ያጋባ መሆኑን ብሎጉ ላይ ከተሰጡት አስተያየቶች መረዳት ይቻላል፡፡ በአሰበ ተፈሪ በትክክል የሆነውና እየሆነ ያለው ምንድነው ለሚል ጠያቂ ከመሪጌታ የሻውወርቅ የደረሰን ጽሁፍ ምላሽ ይሰጣልና እንዲያነቡት እንጋብዛለን፡፡

Friday, August 2, 2013

ብፁዕ አቡነ ዮሴፍን ከጸሐፊነት ለማውረድ የተደረገው እንቅሥቃሴ አሁንም አልተሳካም

ብፁዕ አቡነ ዮሴፍን ከጸሐፊነት ለማውረድ የተደረገው እንቅሥቃሴ አሁንም አልተሳካም።

ፓትርያርክ ብፁዕ ወቅዱስ አቡነ መርቆርዮስ የብፁዕ አቡነ ዮሴፍን ከጸሐፊነት የይነሱልን ጥያቄ አልተቀበሉትም። በብፁዕ አቡነ መልከ ጼዴቅ የተጠራ ነው የተባለ አስቸኳይ ስብሰባ በአትላንታ ቅድስት ማርያም የተደረገ መሆኑን መዘገባችን ይታወሳል። ይህ ስብሰባ ብዙ ትዝብቶችን አትርፎ ተጠናቋል በማለት በቅርብ ስብሰባውን ሲከታተሉ የነበሩ አባቶች ሲተቹ ተደምጠዋል። ስብሰባው በቀልን አላማ አድርጎ የተጠራ እንጂ መንፈሳዊ ሥራ ለመሥራት የተጠራ አለመሁኑን ታዛቢዎቹ ተናግረዋል። የቤተ ክርስቲያን አባቶች የሚጠሉትን ሲያጠቁ፣ የሚወዱቱን ሲመሩቁ ይታያሉ እንጂ የእግዚአብሔርን መንግስት ጉዳይ ከተውት ሰነበባብቷል የሚሉ ብዙዎች ናቸው። ስብሰባው ጳጳሳትን ብቻ የሚመለከት ነው ተብሎ የተነገራቸው ካህናት አንዳድ ሥውር እንቅሥቃሴዎችን በንቃት ለመከታተል አስችሎናል ይላሉ። በተለይም የስብሰባው አቀናባሪ የነበሩት አባ ጽጌ ድንግልና ዲያቆን አንዷለም በብዞዎች ወንድሞቻቸው ዘንድ ታላቅ የጥያቄ ምልክት ተቀምጦባቸዋል። አባ ጽጌ ድንግል በስብሰባው ላይ የተገኙ መሆኑን ያረጋገጥን ሲሆን የዲያቆን አንዱዓለም የስብሰባ ተሳትፎ ግን አልታወቀም። ታዛቢዎች እንደሚናገሩት የአቡነ መልከ ጼዴቅን አካሄድ የማይደግፉ ካህናትን ለመቀነስና በስብሰባው ላይ እንዳይገኙ በማድረግ ይፈለጋሉ በተባሉ አገልጋዮችና አባቶች ላይ ጥቃት ለመፈጸም ታስቦ ሳይሳካ ቀርቷል። የአቡነ መልከጼዴቅን አካሄድ የሚደግፉ ካህናት ግን በስብሰባው ተገኝተዋል። ለምሳሌ መላከ ገነት ገዛኸኝ ከኒዮርክ፣ አባ ጽጌ ድንግል ስጦታው ከሎስ አንጀለስ ሊቀ ካህናት ምሳሌና አቶ አሥራት የተባለው የኦክላንድ መድኃኔ ዓለም የቦርድ አባል ተገኝተው ነበር። ብፁዕ አቡነ ዮሴፍ ከጸሐፊነት ይውረዱ የሚል አጀንዳ ተይዞ ያነጋገረ ሲሆን፣ እራሳቸው ብፁዕ አቡነ ዮሴፍም ይህን ኃላፊነት አልፈልገውም ተረከቡኝ ብለው እንደነበር ምንጮቻችን ተናግረዋል። ቅዱስ ፓትርያርኩ ግን የአቡነ ዮሴፍንም ሆነ የአቡነ መልከ ጼዴቅን ጥያቄ ውድቅ በማድረግ አቡነ ዮሴፍ በጸሐፊነታቸው እንዲቀጥሉ አስፈላጊ ከሆነም ጉባኤው በተሟላበት በጥቅምቱ ሲኖዶስ እንዲታይ አድርገዋል። ከዚህ ጋር በተያያዘ ማንኛውም ሊቀ ጳጳስ ከራሱ ሀገረ ስብከት ውጭ ሲንቀሳንቀስ የክፍለ ሀገሩን ጳጳስ እንዲያስፈቅድ፤ ከዚህ ውጭ ማንም ወደ ማንም ሀገረ ስብከት እንዳይንቀሳቀስ የሚል ውሳኔ ተወስኗል። ይህ ውሳኔ አቡነ ዮሴፍን ወደ ካሊፎርኒያ እንዳይሄዱ ለማገድ ነው ሲሉ ታዛቢዎች ይናገራሉ። ይወገዛሉ ተብለው ከተጠበቁት ውስጥ በሃይማኖት ጉዳይ የተከሰሰ አልነበረም ተብሏል። ነገር ግን የዶ/ አባ ገ/ ሥላሴ ጥበቡና የአባ ቃለ ጽድቅ ጉዳይ ተነሥቶ የነበረ ሲሆን የአባ ቃለ ጽድቅ ጉዳይ ወደ ጥቅምቱ ሲኖዶስ ሲተላለፍ ዶ. አባ ገ/ ሥላሴ ጥበቡ ወደ ሲያትል ሄደው እንዳያስተምሩ ታግደዋል ተብሏል። በዳላስ ቴክሳስ በቅርቡ አዲስ የተከፈተው የፈለገ ሕይወት ኢየሱስ ክርስቶስ በቅዱስ ሲኖዶስ ስር በማካተት ዙሪያ አጀንዳ ተነሥቶ የነበረ ሲሆን ጉዳዩ ተጠንቶ ለጥቅምቱ ሲኖዶስ እንዲቀርብ ተወስኗል። የዲሲ ቅዱስ ገብርኤል ጉዳይም በዚያው በጥቅምት እንዲታይ ነው የተወሰነው። በመጨረሻም አዲስ ቋሚ ሲኖዶስ በማቋቋም ስብሰበው እንደተፈራው ሳይሆን ተጠናቋል። የቋሚ ሲኖዶስ አባላት ብፁዕ አቡነ መልከጼዴቅ፣ ብፁዕ አቡነ ሚካኤል፣ ብፁዕ አቡነ ዮሐንስ፣ ብፁዕ አቡነ ሳዊሮስ ናቸው።

Thursday, August 1, 2013

የወንድሞች ከሳሽ ማኅበረ ቅዱሳን በኦርቶዶክስ ቤተክርስቲያን ውስጥ “ከእኔ በቀር ማንንም አልይ” እያለ ነው

የወንድሞች ከሳሽ ማኅበረ ቅዱሳን በኦርቶዶክስ ቤተክርስቲያን ውስጥ “ከእኔ በቀር ማንንም አልይ” እያለ ነው
ከእርሱ በቀር ለቤተክርስቲያን ተቆርቋሪ እንደሌለና ብቸኛው የቤተክርስቲያን አለኝታ እርሱ እንደሆነ በየአጋጣሚው ሁሉ አፉን ሞልቶ የሚደሰኩረው ማህበረ ቅዱሳን በየስፍራው ሁከትና ብጥብጥ ማስነሣቱንና የቤተክርስቲያን ልጆችንም ለምን የእኔ ተከታይ አትሆኑም በሚል ያልተቀበሉትንና የተቃወሙትን ሁሉ ክፉ ስም እየሰጠ ከቤተክርስቲያን ማሳደዱን ቀጥሏል፡፡ በተለይም በቤተክርስቲያን ውስጥ ከእኔ በቀር ማንም መደራጀትና መንፈሳዊ ተግባርን ማከናወን የለበትም የሚል አቋም በመያዝ መንፈሳዊ እውርነት ያጠቃው ማኅበረ ቅዱሳን እየወሰደ ባለው ሰይጣናዊ እርምጃ ማንነቱን እያጋለጠ ነው፡፡ ከእርሱ ጋር በአላማ ያልተስማሙትን ሁሉ “ተሀድሶ መናፍቅ” የሚልና በየዋሁ ምእመን ዘንድ “ማስፈራሪያ” ባደረገው የስድብ ስም እየተጠቀመ የቤተ ክርስቲያንን ሰላማዊ አየር እየበከለ ይገኛል፡፡

በተለይም ሀራ የተባለው ብሎግ ማኅበሩ በአካፋ እያስገባ በማንኪያ እንደሚያወጣው ሳይሆን ከማህበሩ በተሻለ ሁኔታ በቅንነትና በታማኝነት ለቤተክርስቲያን የሚጠቅም ስራ በተጨባጭ በመስራት እየተንቀሳቀሱ ያሉትን “ለምን በእንጀራዬ ትገባላችሁ” በሚል መንፈስ እየተነሳሳና በመንገዱ ላይ የቆሙበት የመሰለውን ሁሉ ሃይማኖታዊ ሕጸጽ የተገኘባቸው በማስመሰል በሐሰት ወሬ ማሰራጫ ብሎጎቹ እየለቀቀ ምእመናንን ማወናበዱን ቀጥሏል፡፡ ለዚህ አንዱ ማሳያ ሰሞኑን July 31, 2013በሕዋስ እና በማኅበር የተደራጁ የፕሮቴስታንታዊ ተሐድሶ ኑፋቄ አራማጆች የምሥራቅ ኢትዮጵያ አህጉረ ስብከትን እያናወጡ ነው” የሚል ጯኺ ርእስ የሰጠው ሐሰተኛ ወሬ ይጠቀሳል፡፡ የወሬውን ይዘት ያነነበ ሰው የሚገነዘበው ሀራ እንዳለው ያለ ችግር ተፈጥሮ ሳይሆን ከማቅ ጋር አለመግበባት ተፈጥሮ ነው፡፡

Tuesday, July 30, 2013

የስደተኛው ሲኖዶስ ጸሐፊ ብፁዕ አቡነ መልከ ጼዴቅ ዛሬ አስቸኳይ ስብሰባ መጥራታቸው ተሰማ


ብፁዕ አቡነ ዮሴፍን  ከምክትል ከጸሓፊነት ለማውረድና በተለያየ ምክንያት ጥርስ ውስጥ የገቡ የታወቁ አባቶችንና ወንድሞችን ሊያስወግዙ እንዳሰቡ ምንጮቻችን ገምተዋል።

ይህ ስብሰባ ጁላይ 4 በኦክላንድ ሊደረግ የነበረ ሲሆን ሌሎች ጳጳሳት እና ቅዱስ ፓትርያርኩ ስለተቃወሙ ወደ አትላንታ ቅዱስ ፓትርያርኩ በሚገኙበት በዛሬው ዕለት እንዲሆን ተደርጓል። የስብሰባው አጀንዳ በትክክል ያልታወቀ ሲሆን አንዳንድ ምንጮቻችን ግን የሚከተሉት ሐሳቦች እንደሚገኙበት ይገምታሉ።

-       ብጹዕ አቡነ ዮሴፍን ከምክትል ጸሐፊነት ማውረድ። ባለፉት የሲኖዶሱ መደበኛ ስብሰባዎች አቡነ ዮሴፍን ለማውረድ ሙከራ አድርገው ያልተሳካ ቢሆንም አሁንም እንደሚሞክሩ ይጠበቃል።

-       ለስደተኛው ሲኖዶስ እድገት ከፍተኛ አስተዋጽኦ ያደረጉ ታላላቅ የወንጌል መምህራን የሆኑትን እነ ዶ/ር አባ ገብረ ሥላሴ ጥበቡን፣ አባ ወልደ ትንሣኤ አያልነህን፣ አባ ቃለ ጽድቅን፣ ቀሲስ መላኩ ባወቀን፥ መምህር ተከስተ ጫኔን  የመወያያ ርዕስ እንደሚያደርጉ ይታሰባል።

ብጹዕ አቡነ መልከ ጼዴቅ ሳያውቁትም ቢሆን በዶክተር ነጋና በዲያቆን አንዱአለም አማካኝነት የማበረ ቅዱሳን ረጅም እጅ ላይ ወድቀዋል ሲሉ የተደመጡም ካህናት ነበሩ።  ሰባክያነ ወንጌልን የማጥቃቱ እንቅስቃሴም ከዚህ የመነጨ ይመስላል። በርግጥ ብዙዎች ከላይ የተጠቀሱት ሰባክያነ ወንጌል በኦክላንድ ኢየሱስ ቤተ ክርስቲያን (አቡነ መልከጼዴቅ ከሚኖሩበት ከመድኃኔ አለም ተገንጥሎ የወጣው የ አባ ቃለ ጽድቅ ቤተ ክርስቲያን) ተገኝተው አገልግሎት በመስጠታቸው የአቡነ መልከጼዴቅ ጥርስ ውስጥ እንደገቡ ይታወቃል። በዚህም ምክንያት አገልጋዮችን የመበቀል ሁኔታ ሊኖርበት እንደሚችል ይገመታል። ሆኖም ግን ፓትርያርኩና ሌሎች ጳጳሳት ግን ይህንን ሁኔታ እንደማይቀበሉት ብዙዎች በድፍረት ይናገራሉ።

ዝርዝሩን በሰፊው እንደደረሰን እናቀርባለን

Saturday, July 27, 2013

ከቅድስት ሥላሴ መንፈሳዊ ኮሌጅ ተማሪዎች የተቃውሞ እንቅስቃሴ ለማትረፍ ማቅ እየሰራ ያለው ስራ ተጋለጠ

ወ/ሮ ዘውዴ የምሳ ግብዣ አዘጋጅታለች፤ ለምረቃውም ሰንጋ ልትጥል ነው
የቅድስት ስላሴ መንፈሳዊ ኮሌጅ ተማሪዎች በኮሌጁ ዲንና በአስተዳደሩ ባለስልጣናት ለዓመታት ሲፈጸምባቸው የነበረውን አስተዳደራዊ በደል በመቃወም የማስተካከያ እርምጃ እንዲወሰድ ሲጠይቁ የነበረ መሆኑ የሚታወስ ሲሆን በቅርቡ ተጠናክሮ የቀጠለውን ጥያቄያቸውን ተከትሎ ቋሚ ሲኖዶስ በቅርብ ካሉ አንዳንድ ጳጳሳት ጋር ስብሰባ አድርጎ አባ ጢሞቴዎስን በጥቅምቱ ሲኖዶስ ውሳኔ እስኪያገኙ ድረስ ኮሌጁን ከመምራት ተግባራቸው በማገድ ንቡረ እድ ኤልያስን በመወከል መጠናቀቁ ይታወሳል፡፡ የተማሪዎቹ ጥያቄ ትክክለኛና ተገቢ በመሆኑ ላይ ሁሉም ይስማማል፡፡ ጥያቄዎቻቸው ምላሽ ሳያገኙ በመቆየታቸው ደቀመዛሙርቱ ላይ ልዩ ልዩ በደሎች ሲፈጸሙ ቆይተዋል፡፡
ይህን የደቀመዛሙርቱን ችግርና ጥያቄያቸውን በመታከክ ቀድሞ ከአባ ጢሞቴዎስ ጋር ወግኖ “ኮሌጁ የተሀድሶ መፈልፈያ ነው” እያለ ስሙን ሲያጠፋ የነበረው ማኅበረ ቅዱሳን ከቅርብ ጊዜ ወዲህ ግን ለተማሪዎቹ ተቆርቋሪ መስሎ በመቅረብ ኮሌጁን የመቆጣጠር ሕልሙን እውን ለማድረግ ተልእኮ ሰጥቶ ባሰረጋቸው ግለሰቦች በኩል ጥቅሙን ለማስጠበቅ የሚያስችለውን ስራ ሲሰራ መቆየቱን ምንጮች ገለጹ፡፡ በዚህ በኩል ለዚሁ አላማ ወደ ኮሌጁ አስርጎ ያስገባትና ከዚህ ቀደም በግልጽ የማቅን ተልእኮ በመፈጸም በምትታወቀውና ዘውዴ በተባለች አባሉ በኩል ኮሌጁን ለመቆጣጠር የሚያስችለውን የመንገድ ጠረጋ ተልእኮውን ሲሰራ መቆየቱን የሚናገሩት ምንጮች በተለይም ከቅርብ ጊዜ ወዲህ ተጠናክሮ የቀጠለውን የተማሪዎቹ ተቃውሞ ተከትሎ ከኮሌጁ የምግብ አቅርቦት መቋረጡን መነሻ በማድረግ ለተማሪዎቹ ምግብ በማቅረብ ከጎናችሁ ነን የሚል መልእክት ሲያስተላልፍ መቆየቱ ታውቋል፡፡ ከዚህ ቀደም በነበረው የተማሪዎች ተቃውሞ ላይም በተመሳሳይ ለምግብ የሚሆን ገንዘብ በመስጠት ዘውዴ የተማሪዎቹን ልብ ለመስረቅ ጥረት ስታደርግ መቆየቷ የሚታወቅ ነው፡፡   

Tuesday, July 23, 2013

የኢትዮጵያ ቤተ ክርስቲያን ለምን ተሐድሶ ያስፈልጋታል? ክፍል ሁለት

ምንጭ፦ www.tehadeso.com
 
ላደግንባት፣ ቃሉን ላወቅንባት እና አሁንም እያገለገልንባት ላለችው ለዚህች ቤተ ክርስቲያን ለዘመናት ሁሉ ዐዲስ የሆነውን የእግዚአብሔርን ቃል በመደገፍ እንደ ቃሉ የሆነ እና የሰላም አለቃ የሚሰለጥንበት ተሐድሶ እንደሚያስፈልጋት፣ በሙሉ ልባችን እናምናለን፡፡ ቤተ ክርስቲያን ተዘፍቃበት ካለው ሁሉን አቀፍ ችግር ለመውጣት የሚያግዛት በመንፈስ ቅዱስ መሪነት የሚከናወን ተሐድሶ አስፈላጊ ነው፡፡
“…እንደ ምሕረቱ መጠን ለዐዲስ ልደት በሚሆነው መታጠብና በመንፈስ ቅዱስ በመታደስ አዳነን..”  የሚለው ዐረፍተ ነገር፣ ተሐድሶ በእግዚአብሔር መንግሥት አስፈላጊው እና ፍሬያማው እውነት እንደሆነ ያሳያል፡፡ የእግዚአብሔር ምሕረት ከፍተኛነት በመንግሥቱ ውስጥ ለሚኖረን ቦታ የሚያበቃን፣ በመንፈስ ቅዱስ በኩል የሆነው መታደስ ነው፡፡ ይህ እውነት ለግለሰብም ለቤተ ክርስቲያንም በእኩልነት ይሠራል፡፡ አንድ ሰው ከጠፋው ማንነቱ ተመልሶ ለእግዚአብሔር መንግሥት ዜጋ እንዲሆን ከመንፈስ ቅዱስ የሆነው ተሐድሶ እንደሚያስፈልገው ሁሉ ቤተክርስቲያንም የቀበረችውን እውነት ቆፍራ እንድታወጣ እና ለእግዚአብሔር ሐሳብ እሺ በጄ ብላ እንድትታዘዝ ከመንፈስ ቅዱስ የሆነው ተሐድሶ ያስፈልጋታል፡፡

Monday, July 22, 2013

የተሐድሶ እንቅሥቃሴና አስፈላጊነቱ

ተሓድሶ ማለት የፈረሰውን መጠገን ያዘመመውን ማቅናት የቆሸሸውን ማጽዳት ማለት ነው። አንድ ቤት እድሜው ሲረዝም ሊያዘም ወይም ውበቱ ሊጠፋ ይችላል። እንዲህ ዓይነቱን ቤት፤ ያለውን ይዘትና ቅርጽ ሳይለይቅ እንደገና ማደስ፤ መጠገን፤ ማሳመር ማደስ ይባላል። እያንዳዱ ፍጥረት ተሃድሶ የሚያስፍልገው ሆኖ ነው የተፈጠረው። ግኡዝ አካል [ማቴሪያልም] ይታደሳል፤ ለምሳሌ ብረት ሲዝግ ወደ እሳት አስገብተው ሲጠራርቡት ብረትነቱን ሳይለቅ አዲስ ይሆናል። ኅብረተ ሰብእ፣ ማህበር፣ መንግስት የመሳሰሉት የሰው ልጅ የጋራ ግንኙነቶችም እንደ ጊዘው ሁኔታ ይታደሳሉ። የማይታደስ ነገር ጨርሶ ከመጥፋት አይድንም። የማይታደሰው አንዱ እግዚአብሔር ብቻ ነው።
  ቤተ ክርስቲያንም ተሐድሶ ያስፈልጋታል፤ ተሐድሶ እጅግ በጣም ከሚያስፈጋቸው ተቋማት መካከል የእግዚአብሔር ቤት የሆነችው ቤተ ክርስቲያን ናት። በዓለም ውስጥ ከዓለም ተለይታ የምትኖር የጌታ ቤት በመሆኗ በየጊዜው እራሷን ማየት፤ በጌታ ቃል ሕይወቷን መመርመር ይኖርባታል። ይህች ቤት በዚህ ሰይጣን በሚገዛው ክፉ ዓለም ውስጥ የምትኖር ስለሆነ የዓለም ርኩሰት ሊገኝባት ይችላል፤ የዓለም ፍልስፍና ወይም ርእዮተ ዓለም ገብቶባት ሊሆን ይችላል፤ የስይጣን አሠራር እና እውነት የሚመስል የአጋንንት ትምህርት ሾልኮ ገብቶ ሊሆን ይችላል፤ ጥንቆላ እና መተት ሰማያዊ ታምራት መስለው ተቀላቅለው ሊገኙ ይቻላሉ፤ ሥጋዊነት፣ ዓለማዊነት፣ ገንዘብን መወደድ፣ ሥልጣንና ሹመት ፍለጋ፣ ስግብግብነት፣ ሞልተውባት ሊሆን ይችላል፤ ጥላቻ፣ ስድብና እርግማን፤ የርስ በርስ መነካከስ፣ ዘርኝነት፣ ስንፍና፣ ሊኖር ይችላል፤ እራይ አልባ ሆና ስኬት ርቋት ሊሆን ይችላል፤ እንደዚህ ዓይነት ችግሮች በቤተ ክርስቲያን ውስጥ ሲገኙ ነገር ተገለባብጧል ማለት ነው። ቤተ ክርስቲያን ወደ ዓለም ገብታ ዓለምን መቀደስ ሲገባት፡ ዓለም ወደ ቤተ ክርስቲያን ገብታ ርኩሰቷን ፈጽማለች ማለት ነው። ቤተ ክርስቲያንን ከዓለም መለየት ከማይቻልበት ደረጃ ላይ ደርሰን እያየነው ተሐድሶ አያስፈልገንም ማለት የሚያስገርም ነው።