Thursday, February 14, 2013

የአቦይ ስብሐት ነጋ ‹‹ይሰቀሉ፣ ሞት ይገባቸዋል!›› የሚል የበቀል መንፈስ ከወዴየት ነው!?

በፍቅር ለይኩን
አቦይ ስብሐት ባለፈው ሳምንት ‹‹ከላይፍ›› ወርኻዊ መጽሔት ጋር ያደረጉትን ሰላም ሰላም የማይሸት፣ ፍቅርን የተራቆተ፣ የይቅር ባይነት መንፈስ ፈፅሞ የተለየው፣ በቀልንና ጥላቻን የሚሰብክና ‹‹ዕርቅ ለመፈጸም በማለት ሰዎችን ሲልኩ የነበሩ ቄሶች ስቅላት፣ ሞት ይገባቸዋል!›› የሚል የሞት ፍርድ አዋጅን የሚያስተጋባ የሚመስል ቃለ-መጠይቃቸውን እያዘንኩም፣ እያፈረኩም ለማንበብ ተገድጄያለሁ፡፡
ማፈሬና ማዘኔም እኔ እጅግ በጥቂቱም ቢሆን የማውቃቸው አቦይ ስብሐት እንደ ፖለቲከኛና ከፍተኛ የመንግሥት ሰው ሳይሆን እንደማንኛችንም ኢትዮጵያውያን በጎረቤት፣ በወዳጅ ዘመድ፣ በጓደኛ መካከል… በደስታውም በሐዘኑም የሚገኙ፣ ማህበራዊ ግዴታቸውን የሚወጡ፣ መልካም የሆነ ማህበራዊ ግንኙነት እንዳላቸው በጥቂቱ ስለማውቅ ነው፡፡
እናም የእኚህ አንጋፋ ፖለቲከኛና የኢህአዴግ ታጋይ ሰው ሊያውም በሃይማኖት አባቶች መካከል እንዲህ ያለ የበቀል፣ የይሰቀሉ የሞት ፍርድ ያስተላልፋሉ ብዬ በፍፁም አልጠብቅም፡፡ እንደ አገራችን ባሕልና ወግ ቢሆንማ እንደ አቦይ ስብሐት ካሉት የዕድሜ ባለጠጋ ሰዎች የሚጠበቀው የእርቅ፣ የሰላም፣ የፍቅር… መልእክት ነበር፡፡ ግና አዛውንቱ አቶ ስብሐት ዛሬም እንኳን በሃይማኖት ሰዎችም ላይ እንኳን ሳይቀር የሞትንና የበቀልን ፍርድ ሲያስተላልፉ ትንሽ እንኳን ቅር አላላቸውም፡፡
እኚህ አንጋፋ የሕዋሓት ታጋይና መሪ የነበሩ ፖለቲከኛ ከቅርብ ዓመታት ጀምሮ በአደባባይ በሚያደርጓቸው ንግግሮቻቸውና በሚሰጧቸው ቃለ መጠይቆች በአዎንታዊም ሆነ በአሉታዊ መንገድ ስማቸው እየተነሳ ነው፡፡
በተለይም ደግሞ በኢትዮጵያ ኦርቶዶክስ ተዋህዶ ቤተ ክርስቲያን ተቋምና አባቶች ዙሪያ እየተናገሩትና እየሰጡት ያለው ትንታኔ፣ አስተያየትና ቃለ መጠይቆች፣ አንዳንዴም ዘለፋ ድንበሩን ያለፈ፣ የቤተ ክርስቲያኒቱን ህልውና ጥያቄ ውስጥ የሚያስገባ፣ የመሪዎቿን ክብርና ልእልና እየተዳፈረ ያለ እንደሆነ ብዙዎች እየተናገሩ ነው፡፡
እንደ አንዳንድ ታዛቢዎች ደግሞ የአዛውንቱ ‹‹የቄሳርን ከእግዚአብሔር›› ጋር የቀላቀለ አካሄድ ፈፅሞ ሌላ መሰሪ የሆነ ፖለቲካዊ አጀንዳ ያለውና እንደውም ሕወሓት/ኢህአዴግ በቤተ ክርስቲያኒቱ ላይ ያለው አቋም ሌላኛው ግልባጭ ነው በማለት ይገልፁታል፡፡
ዛሬ የኢትዮጵያ ቤተ ክርስቲያን ለገባችበት ቀውስ፡- ጎሰኝነቱ፣ ጎጠኝነቱ፣ መለያየቱ፣ ሙስናው፣ የሞራል ውድቀቱና ዝቅጠቱ… ወዘተ ራሷ ቤተ ክርስቲያኒቱና የሚመሯት አባቶች/መሪዎቿ ከጊዜ ወደ ጊዜ ከመንፈሳዊነት ሕይወት መሰደድና መራቆት ባሻገር፤ ይኸው በተለያዩ ጊዜያት መንግሥታት በቤተ ክርስቲያኒቱ ላይ ሲያራምዱት የነበረውና እያራመዱት ያለው ፖለቲካዊ አቋም ተጽእኖ ውጤት እንደሆነ ነው የቤተ ክርስቲያኒቱን ታሪክ ያጠኑ ምሁራን በጥናቶቻቸው የሚገልፁት፡፡
ባለፉት ረጅም ዘመናትም ሆነ አሁን በእኛ ዘመን በቤተ ክህነቱና በቤተ መንግሥቱ መካከል ያለውን ግንኙነት በሚመለከት ብዙ አከራካሪ ጉዳዮች አሉ፡፡ በአገራችን ታሪክ ለመጀመሪያ ጊዜ ‹‹መንግሥትና ሃይማኖት ተለያይተዋል›› ተብሎ በተባለበት በደርግ ዘመነ መንግሥት እንኳን በቤተ ክርስቲያኒቱና ቤተ ክርስቲያኒቱን በሚመሩት አባቶች ላይ ደርጉ ያሳረፈውን ብርቱ ክንድና የቤተ ክርስቲየኒቱን ፓትርያሪክ እስከ ማጋዝና በግፍ መግደል ድረስ የተጓዘበትን እርምጃ ማስታወስ በቂ ነው፡፡
ለሕዝቦች ነፃነት፣ እኩልነትና መብት፣ እንዲሁም ለማንነታቸው፣ ለሃይማኖታቸው፣ ለባህላቸው፣ ለቋንቋቸው፣ ለታሪካቸው፣ ለቅርሳቸው… መከበር በሚሊዮኖች በሚሆኑ ጭቁን ሕዝቦች መስዋዕትነት እውን አድርጌያለሁ የሚለው ኢህአዴግም ‹‹ከሃይማኖት ነፃነት እስከ መንግሥትና ሃይማኖት የተለያዩ ናቸው፡፡›› የሚለውን አዋጅ በግልፅ በሆነ መንገድ በሕገ መንግስቱ ውስጥ ያተካተተ ቢሆንም፤ መንግሥትና ቤተ ክህነቱ ግን አሁንም ድረስ በቀጥታም ሆነ በተዘዋዋሪ መንገድ የማይተላለፉባቸውንና የማይጨካከኑባቸውን በርካታ አጋጣሚዎችን ደጋግመን አይተናል፣ ታዝበናልም፡፡
መንግሥትና የሃይማኖት ተቋማቶች ተለያይተዋል ቢባልም አንዱ አንዱን የሚስብበትና ወይም የሚሳሳቡበትን አጋጣሚዎች በተለያዩ ጊዜያት አስተውለናል፣ አሁንም እያስተዋልን ነው፡፡ በአንድ ወቅትም አቶ ስብሐት ይህንኑ ቤተ መንግሥቱና ቤተ ክህነቱ መካከል ስላለው መሳሳብና በተለይ ደግሞ በኢትዮጵያ ኦርቶዶክስ ተዋህዶ ቤተ ክርስቲያን አባቶችን የመንፈስ ነፃነትና አርነት በተመለከተ የሰጡት አስተያየት ከላይ ያነሳውን አሳብ የሚያጠናክርልን ይሆናል ብዬ አስባለሁ፡፡ አቶ ስብሐት እንዲህ ነበር ያሉት፡-
‹‹… ጳጳሳቱ አይረቡም፣ ከመንግሥት ጥገኝነት ለመውጣት የማይችሉ ወይም የማይፈልጉ፣ ሁላቸውም በመንግሥት ሳምባ ለመተንፈስ የሚሹ የመንፈሳዊነት ለዛና መዓዛ የሌላቸው ናቸው…›› በማለት መረርና ጠንከር ያለ አስተያየታቸውን ሰጥተው ነበር፡፡ በወቅቱም ይህ እሳቤያቸውና ዘለፋ የሚመስለው አስተያየታቸው ከሃይማኖቱ አባቶችም ሆነ ከምእምናኑ ዘንድ ድጋፍንም ትችትም አስከትሎባቸው እንደ ነበር እናስታውሳለን፡፡
አቶ ስብሐት ለድጋፉም ሆነ ለትችቱ ብዙ ልብም ሆነም ጆሮ የሰጡ አይመስሉም፡፡ እናም እኚህ ሰው የሰላ ትችታቸውንና እርግማናቸውን በቤተ ክርስቲያኒቱና ቤተ ክርስቲያኒቱን በሚመሯት አባቶች ላይ አሁንም እያወረዱት ነው፡፡ ባለፈው ሳምንት ከላይፍ መጽሔት ጋር ባደረጉት ቃለ መጠይቅም ከመቼውም ጊዜ በላይ በሆነ ድፍረትን ከቂም በቀል የቀላቀለ በሚመስል ሁኔታ በአደባባይ እንዲህ ብለውናል፡-
‹‹በአሜሪካን ካሉ አባቶች ጋር የእርቅን መልእክት የላኩ ቄሶች መሰቀል ይገባቸዋል፣ ሞት ይገባቸዋል!›› ሲሉ አስቀድሞ ገና ከጠዋቱ በእሳቸው ሕሊና ውስጥ ምሕረት የለሽ የስቅላት/የሞት ፍርድ የተላለፈባቸውን፣ በቤተ ክርስቲያኒቱ አባቶች መካከል እርቅንና ሰላምን እናወርዳለን በማለት የሚደክሙ ካህናትን የስቅላት የሞት ፍርዳቸው የጸና ይሆን ዘንድ፣ በቃ ይሰቀሉ! የሚል የሞት ፍርድ አዋጃቸውን ‹‹ያልሰማህ ስማ፣ የሰማህ ላልሰማ አሰማ!›› በሚል አኳኃን በድፍረት ያለምንም ማወላወል ለአደባባይ አብቅተውታል፡፡
ይህ ‹‹ይሰቀሉ፣ ሞት ይገባቸዋል!›› የሚል የአቦይ ስብሐት ምሕረት የለሽ ቂምንና በቀልን የተሞላ ፍርድ ምንጩ ከወዴየት ይሆን…!? አቶ ስብሐት በእርቅ መልእክተኞቹ ላይ ያስተላለፉትን የሞት ፍርድ አንድ ታሪክን አስታወሰኝ፡፡ በታላቁ ቅዱስ መጽሐፍ ውስጥ ወንጌላዊው፣ ሐኪሙና ታሪክ ጸሐፊው ሉቃስ አንድ ከአቦይ ስብሐት ‹‹በቃ ይሙቱ፣ የእሳት ራት ይሁኑ!›› ፍርድ ጋር በሚቀራረብ መልኩ አንድ ታሪክን ያስነብበናል፡፡
በአንድ ወቅት ኢየሱስ ክርስቶስ ደቀ መዛሙርቱን ሁለት ሁለት አድርጎ በኢየሩሳሌም ዙሪያና በሰማርያ ለስብከት ላካቸው፡፡ ለዚህ ቅዱስ ተልዕኮ የተላኩት ደቀ መዛሙርት በሄዱበት ስፍራ ሁሉ ስለ እግዚአብሔር መንግሥት በመስበክ፣ ታላላቅ ድንቅና ተዓምራትን አድርገው ተልዕኮአቸውን በድል ፈፅመው በብዙ ሐሴትና ደስታ ወደላካቸው ወደ ጌታቸውና መምህራቸው ተመለሱ፡፡
ይሁን እንጂ ሐዋርያቱ በመዋዕለ ስብከታቸው ወቅት በሰማርያ ሰዎች ላይ ክፉኛ ቂም ቋጥረውባቸው ነበር፡፡ ምክንያታቸው ደግሞ የሰማርያ ሰዎች ጌታችን ኢየሱስ ክርስቶስ ሊሰብክላቸው ያለውን ‹‹የእውነት ቃልና የእግዚአብሔር መንግሥት ቀርባለች ንስሐ ግቡ!›› ለሚለው ጥሪ ጆሮም ልብም ለመስጠት ፈቃደኛ አልነበሩምና ነው፡፡ እናም፡-
‹‹ጌታ ሆይ እሳት ከሰማይ ወርዳ ይብላቸው ትል ዘንድ ትፈቅድልናለህን!?›› ብለው የሰማርያን ሰዎች ልክ እንደ ነቢዩ ኤልያስ ዘመን እሳት ከሰማይ ወርዳ ዶግ አመድ ያደርጋቸው ዘንድ ኢየሱስን ፈቃዱን ጠይቀውት ነበር፡፡
ጌታም መልሶ፡- ‹‹ምን ዓይነት መንፈስ እንደሆነላችሁ አታውቁም፤ የሰው ልጅ የጠፋውን ሊያድን እንጂ ሊያጠፋ አልመጣም፡፡›› ሲል በተግሣፅ ቃል መለሰላቸው፡፡
አቶ ስብሐት ደጋግመው እንደነገሩን እኛም እንደሰማናቸው፣ እንዳመንናቸው አላልኩም የኦርቶዶክስ ተዋህዶ እምነት ተከታይ መሆናቸውን በጥቂቱም ቢሆን እናውቃለን፡፡ ይሁን እንጂ አቦይ እምነቱን ከፖለቲካው፣ ፖለቲካውን ከእምነቱ ጋር እያቀላቀሉ የትኛውን ለእግዚአብሔር የትኛውን ለቄሳር እንደወሰኑ ባለየ መልኩ አቋማቸውን ማራመዱን ቀጥለውበታል፡፡ እናም አቶ ስብሐት ብዙዎችን ግራ እስኪያጋባ ድረስ በተለያየ ጊዜ በኢትዮጵያ ቤተ ክርስቲያን ዙሪያ እያራመዱት ያለው አቋማቸው ከአስገራሚነት አልፎ ልክ እንደዛሬው ደግሞ አስደንጋጭና ሰቅጣጭ እየሆነ ነው፡፡
በቤተ ክርስቲያን አባቶች መካከል እርቀ ሰላም ይውረድ፣ ፍቅርና አንድነት በመካከላችን ይስፈን በማለት እንደ ኖህ ርግብ የሰላም ምልክት የሆነውን ዘንባባ ዝንጣፊ ይዘው ለእርቅና ለሰላም የሚደክሙትን ሰዎች ‹‹ሞት ይገባቸዋል፣ ይሰቀሉ በቃ!›› የሚል በቀልን የተሞላ ፍርድን ከአዛውንቱ ከአቦይ ስብሐት አንጠብቅም፡፡
ጥርስን በጥርስ፣ ዓይንን በዓይን እንጂ ምን ሲደረግ ፍቅር፣ እርቀ ሰላምና አንድነት ተብሎ ነገር በውጭ ካሉት አባቶች ጋር ሊታሰብ ይችላል ብሎ መናገር ከአንድ ኦርቶዶክሳዊ አዛውንት የሚጠበቅ አይመስለኝም፡፡ ይህ በቀልንና ፍርድን የተሞላ የአቶ ስብሐት አነጋገር በምንም መንገድ በፍፁም የኦርቶዶክሳዊነትም ሆነ የሰብአዊነት መነሻና መሠረት ሊኖረው አይችልም፡፡
አቶ ስብሐት ነጋ ስለ ስለ ኢትዮጵያ ኦርቶዶክስ ተዋህዶ እምነትና አስተምህሮ ምን ያህል የጠለቀ እውቀት እንዳላቸው ባላውቅም ቢያንስ በተወለዱበት፣ ባደጉበትና በኖሩበት አካባቢ ሌላው ቀርቶ ደም በተቃቡ ባላንጣዎች መካከል እንኳን ሳይቀር እርቅና ሰላም ይሰፍን ዘንድ የሚያደርጉ መካሪ ሽማግሌዎችን ሳያዩ እንደማይቀሩ እርግጠኛ ነኝ፡፡ ለዚህም ደግሞ ቤተ የእምነት ተቋማትና የሃይማኖት አባቶች ምን ያህል ከፍተኛ የሆነ ሚና እንዳላቸው አቦይ ስብሐት ይስቱታል ብዬ አላስብም፡፡
ታዲያ እንዲህ ዓይነቱን ሃይማኖታዊ፣ ማህበራዊ ክብርና ፋይዳ እንዲሁም ትልቅ አገራዊና ባህላዊ እሴት ያለውን የእርቀ ሰላምን መንገድ በእሾህ አጥሮ፣ ለሰላም የሚተጉትንና እርቅን የሚሰብኩ ሰዎችን ሊያውም የሃይማኖት አባቶችን እንዲህ ባለ ድፍረት ‹‹ይሰቀሉ፣ ሞት ለእነርሱና ለግበረ-አበሮቻቸው ይሁን፣ ሰላም፣ ሰላም፣ እርቅ፣ እርቅ እያሉ የሚጮኹም መንገዳቸውም ዳጥና ጨለማ ይሁን፣ እነርሱ በእኛ ዘንድ ስም አጠራራቸው ይጥፋ ወንጀለኞች ናቸውና!›› ብሎ መናገርና መፍረድ በጎ ሕሊና ካለው፣ ሰብአዊነት ከሚሰማውና ሃይማኖት አለኝ ከሚል ሰው በጭራሽ የሚጠበቅ አይደለም፡፡
ስለሆነም አቶ ስብሐት እባክዎት ምንም እንኳን በዕድሜዎት እኔን ሊወልዱኝ የሚችሉ አባቴ ቢሆኑም እንዲህ ዓይነቱን ከኦርቶዶክሳዊ እምነትና አስተምህሮም ሆነ ከሰብአዊነት መንገድ የወጣውን ፍርድዎን እየሰማሁ ዝም ለማለት ሕሊናዬ አልፈቀደልኝም እናም ይህችን አጠር ያለች ጦማር ላደርሰዎ ወደድሁ፡፡
ወደድንም ጠላንም፣ ተቀበልነውም አልተቀበልነው የእርቀ ሰላሙ ጉዳይ የቤተ ክርስቲያኒቱ ህልውና ጉዳይ ነው፡፡ ሰላምንና እርቅን ገፍታ የመለያየትን መንገድ የምትመርጥ ቤተ ክርስቲያን ስም ብቻ ካልሆነ በቀር ሕይወት/ሕልውና ሊኖራት አይችልም፡፡ ቤተ ክርስቲያናችን የቆመችበት መሠረቱ የመስቀሉ ፍቅር ነው፡፡ በዚህ የመስቀል ፍቅር ላይ ደግሞ ለሰው ልጆች ሁሉ ሰላም፣ እርቅ፣ አርነት፣ ነፃነት፣ እውነት… ታውጇል፡፡
ስለዚህም በዚህ ፍቅር ውስጥ ያሉና የሚኖሩ፣ ይህን ታላቅ እውነት የሚያውቁ አባቶቻችንና ወንድሞቻችን በቃላቸውም ሆነ በተግባራቸው ለቤተ ክርስቲያን አንድነትና ሰላም መሟገታቸውን መቼም ቢሆን አያቆሙም፡፡ ይህን የአባቶቻችንን ለቤተ ክርስቲያን ፍፁም አንድነትና ሰላም በልባቸው የሚነደውን ቅናታቸውን የኤልዛቤል ዛቻ አያስቆመውም፣ የክፉው ልጆች ስብከት አያሸንፈውም፣ በቅዱስ መቅደሱ የተንሰራፋ  የምናምንቴዎች የዔሊ ልጆች ዓመፃና ርኩሰትም ይህን የቅናት እሳት፣ ይህን በጎነትና ቅንነት በጭራሽ ሊያጠፋው አይቻለውም!!
እናም ይህ ስለ ቤተ ክርስቲያናችን ፍፁም ሰላም፣ ፍቅርና አንድነት እዛም እዚህ ከፍ ብለው የሚሰሙ የአባቶችና የወንድሞች የእርቅና የሰላም ጥሪ ዋጋቸው ለአንዳንዶች እንደሚመስላቸው ሞት ወይም ስቅላት ሊሆን አይችልም!! 
እናም አቶ ስብሐት እነዚህ ሰላምን፣ አንድነትንና እርቅን የሚሰብኩ ሰዎች የሚገባቸው ወይም ዋጋቸው እርስዎ እንደሚሉት ወይም እንደተመኙላቸው ‹‹ስቅላት ወይም ሞት!›› አይደለም፡፡ በቤተ ክርስቲያናችን አባቶች መካከል እርቀ ሰላምና አንድነት ይሆን ዘንድ የሚተጉትን ሁሉ ታላቁ መጽሐፍ የሞት ልጆች አይላቸውም፡፡ ነገር ግን፡-
‹‹የሚያስተራርቁ ብፁዓን ናቸው የእግዚአብሔር ልጆች ይባላሉና፡፡›› ሲል ትልቅ ክብርንና ስፍራን ይሰጣቸዋል፡፡ እነዚህ ትላንትም ሆነ ዛሬ ሰላምን፣ እርቅንና አንድነትን የሚሰብኩ ሰዎች መጽሐፍ፡- ‹‹እግሮቻቸው በተራሮች ላይ እንዴት ያማሩ ናቸው፡፡›› ሲልም ከፍ ከፍ ያደርጋቸዋል፡፡ እናም አቦይ እባክዎት ቆም ብለው ያስቡ፡፡
በመጨረሻም መቼም እርስዎን ያህል አንጋፋ ፖለቲከኛ በዓለም አቀፉ የፖለቲካ መድረክ ትልቅ ስም፣ ዝና ክብር ያላቸውን እንደ ማንዴላ፣ ጋንዲ፣ ሉተር…ወዘተ ያሉ በሕዝቦቻቸውና በአገራትም ጭምር ሳይቀር ሰላምንና እርቅን የሰበኩ እነዚህ ሰዎች የነፃነት ተጋድሎ ታሪክ አያውቁም ብዬ ለማሰብ አልደፍርም፡፡
እናም አቦይ እስቲ አንድ ጥያቄን ልጠይቅዎት፡- ለመሆኑ ለ27 ዓመታት በስደት፣ በግዞትና ሕሊና ሊሸከመው ከሚችል በላይ በሆነ መከራ ውስጥ ያለፉት ማንዴላ፣ እርሳቸውንና ሕዝባቸውን ለአስከፊ ጭቆና፣ መከራ፣ ስደትና ሞት የዳረገውን ዘረኛውን የአፓርታይድን ሥርዓት አቀንቃኞችን በሙሉ ልብ ለአገራቸውና ለሕዝባቸው ሰላም ሲሉ ይቅርታ ማድረጋቸውና ሌሎችም ይቅር እንዲባባሉ መስበካቸው ስህተተኛ ነበሩ ማለት ነው!?
ለመሆኑ አቦይ ይህን ምሕረትና ይቅርታ በቂም በቀል ላይ፣ ደግነት በክፋት ላይ፣ ሕይወት በሞት ላይ፣ ቅንነት በተንኮል ላይ፣ ቅንነትና በጎነት በዓመፃ ላይ…  ድል ነስቶ የወጣበትን የማንዴላን የመንፈስ ልእልና እና ታላቅ ጀግንነት ዓለም በምን መንፈስ ነበር የተቀበለው!?
ክፋትን በደግነት፣ ጥላቻን በፍቅር፣ ቂምን በይቅርታ ለማሸነፍ ቆርጠው የተነሱትን ማንዴላን ደቡብ አፍሪካውያኑ ወገኖቻቸውም ሆኑ የተቀረው የዓለም ሕዝብ ‹‹ሞት ይፈረድባቸው! መሰቀል ይገባቸዋል! ብሎአቸው ነበር እንዴ አቶ ስብሐት!?
አቦይ የህንድ ነፃነት አባት የሆኑትና በሕዝባቸው ዘንድ ‹‹ታላቁ ነፍስ›› ተብለው የሚሞካሹት አርበኛውና ታጋዩ ጋንዲስ በጥይት ለመታቸው ሰው በመጨረሻ ትንፋሻቸው ሆነው እባካችሁ አትግደሉት እኔ ይቅር ብዬዋለሁ፡፡ ሲሉ ተሳስተው ነበር ማለት ነው!?
የቀድሞው የካቶሊክ ቤተ ክርስቲያን ሊቀ ጳጳስ ፖፕ ጆን ፖል የግድያ ሙከራ ያደረገባቸውን ሰው በእስር ቤት ድረስ ተገኝተው ሲጠይቁትና ይቅርታቸውን ሲለግሱትስ ለእርስዎም ሆነ ለእኛ እንዲሁም ለተቀረው ዓለም ምን ዓይነት መልእክት ነው እያስተላለፉ የነበረው!?
ስለሆነም ለአገራችንም ሆነ ለኢትዮጵያ ቤተ ክርስቲያን በዚህ ዘመን የሚስፈልገው ቂም በቀልን እየቆሰቆሰ የእልቂትን እሳት የሚያነድ፣ መለያየትን የሚሰብክ፣ እረቀ-ሰላምን የሚገፋ፣ በአባቶችና በወንድማማቾች መካከል ጠብንና መለያየትን የሚዘራ ሳይሆን፣ አንድነትንና እርቅን የሚሰብክ የሰላም ሐዋርያ ነው በእጅጉና በብዙ የሚያስፈልገን፡፡
አቶ ስብሐት አይሞኙ በእንዲህ ዓይነቶቹ የሰላም ሐዋርያት፣ እርቅን ሰባኪዎች፣ የእውነትና የፍትሕ ጠበቃዎች ላይ ሞት ኃይልም ስልጣንም የለውም! ለምን ቢባል መጽሐፍ ‹‹እርቅን የሚሰብኩ፣ የሚያስታርቁ እነርሱ ብፁዓን ናቸው፣ የእግዚአብሔር ልጆች ይባላሉ!›› ይለናልና፡፡
ሰላም! ሻሎም!

19 comments:

  1. የተሰቀለው ክርስቶስ ኢየሱስ ጌታ ነው !February 14, 2013 at 7:18 AM

    Geta yebarkeh! Just pray for this person.

    ReplyDelete
    Replies
    1. አንድ የረቀቁ ምሁር ከእግዚአብሔር ያልሆኑና ለጊዜው የተመቻቸውን ፍጡሮች “ለእግዚአብሔር ያልተመቹ ትቢተኞች፣ ልበ ደንዳኖች፣ ሁሉ የተመቻቸው የመሰላቸው፣ ጆሮ ተሰጥዋቸው የማይሰሙ፣ ማየት ሲችሉ የማያዩ” እና በጠቅላላው “የእግዚአብሔር ያልሆኑ ‘Elements’” ብለው እነ አባትይ ስብሃትን በዚህ ውስጥ አስቀምጠዋቸዋል። ትክክል ነው። ስለዚህ እነዚህን ደግሞ በቅዱስ ሚካኤል፣ በቅዱስ ገብርኤል እና በቅዱስ ሩፋኤል ጠንካራ ሰንሰለት ከእነ ግብረ-አበሩ እጅና እግሩን ጥፍር አድርጎ አስሮ እገደል ካልከተቱት እርቅ ኖሮ ቤተክርስቲያን ሰላም ያገኛል ማለት ‘ተረት ተረት! የላምበረት! አንድ ግራኝ መሃመድ የሚባል ነበረ…’ እያሉ ሲያወሩ ሊከረም ነው ማለት ነው። እኔም ብሆን እንዲህ ብዬ ነበር፤ ‘ፍቅርን የማይወድ የፍቅር ቂመኛ፣ ጳጳስን ከጳጳስ፣ ቤተክርስቲያንን ከቤተክርስቲያን፣ ቄስን ከቄስ፣ ምዕምናን ከምዕምናን፣ ወጣቱን ከወጣት፣ቤተሰብን ከዘመድ፣ ሚስትን ከባል፣ ልጆችን ከወላጅ እና ሕዝብን ከሀገር እያጋጨ የሚሳለቅ የበግ ለምድ ለባሽ የተዋጣለት እርኩስ የደህንነት ድርጅት ነው። ብጹዐን ጳጳሳት በፍጹም እንዲታረቁ እንደማይፈልግ ከአባሎቹ ፉከራ ታውቋል። የእባቡ …………… ጂራቱ ተቆርጧል፤ ጭንቅላቱ ነው አራት ኪሎ እና ስድስት ኪሎ የመሸገው። ለእርሱም የሚመለከተው ክፍል ጸሎቱን በሱባዔ ጀምሮለታል እናም በቅርቡ በራሱ አንደበት ማንነቱን ይፋ ሲያደርግ ተብትቦ የያዛቸውን በጎች ይለቃቸዋል። በጎቹም ሞቶ እንደተነሳ ያህል ለዓምላካቸው ይቅርታን በንሰሀ ይጠይቃሉ፤ እባቡንም ጭንቅላቱን ይቀጠቅጣሉ፤ ያን ጊዜ አባቶች በፍቅር ተሸንፈው ይታረቃሉ፤ በጎቹም (የአደራ ልጆቻቸውም) በለመለመው መስክ ምግቡና መጠጡን እንደልባቸው ያገኛሉ፡፡’ ይህ እንግዲህ ዓመት ሳይሞላ ተፈጽሟል። ለእነዚህ እመንደር ለቀሩትም ደግሞ ከኦርቶዶክስ ቤተክርስቲያን እይታ ውጭ አይደሉም እና በቅርቡ ተገላግላቸው ልጆችዋንም ነፃ ታወጣለች።

      Delete
  2. አቦይ ስብሃት እንዲህ ለመናገር የደፈሩት በውጪ የሚገኘው /ስደተኛው/ ተብዬ ሲኖዶስ በተቃዋሚ ፓርቲዎች/ቡድኖች/ ተፅዕኖ ስር ያለ በመሆኑ ከእነርሱ ጋር እርቅ ወይም ድርድር አያስፈልግም ለማለት ፈልገው ይመስለኛል፡፡
    በተጨማሪ አስታራቂ ተብዬው ቡድን በውጪ ለሚገኙት ጳጳሳት ሲያደላ እንደነበር ሁላችንም ከመግለጫው ተረድተናል፤ እናም አቦይ ስብሃት እንዳሉት ሞት ሳይሆን በመጠኑ ሊነቀፉ ይገባል፡፡

    ReplyDelete
  3. Blah blah blah.....you are writing this not from the heart

    ReplyDelete
  4. Now you are in the right way. You try to protect your church from evil sayings. But i afaird that you may use it to get the acceptance of the diyaspora synod!

    ReplyDelete
  5. Now you are in the right way. You try to protect your church from evil sayings. But i afaird that you may use it to get the acceptance of the diyaspora synod!

    ReplyDelete
  6. if the diyaspora sindos or ehadig sindos exeptance ayasfelgem amlak bicha axept yadergen enji..dont be foolish..ur comment abouve is not ke kinenet yemeneche ,, pls kin enhun.ti is better to be with jesus than any sinodos for me that is what save me.

    ReplyDelete
  7. Even though forgiveness is the hardest thing to do but if we do not forgive we will never forgiven from God so which one is batter forgiveness from God or not to forgive to the sinner. Think harder we will never know what will happend to ourself tmorrow.Humanbing in general we all sinner, but because of God's mercy we live.Eventhough I do not know who that men is God will give him what he desrve before he die so let us not be the Judge if we are claming we are Christian.Leave this to the world people, they are the one above the low.

    ReplyDelete
  8. this racist man knows that his length of life is numbered, and for the severe sin he has been committing so far, he will not get forgiveness from God. so his only option is to increase the degree of his fault, sin and devil practices.

    ReplyDelete
  9. የተባሉት ሰውዬ ጤነኛ አይመስሉም አነጋግራቸው አንጃ ግራንጃ ወይም ተስፋ የቆረጡ አለኝታቸውን
    ያሟጠጡ ሳይሆኑ አልቀሩምና ይቅር ይበላቸው!!!

    ReplyDelete
  10. ከዚህ በላይ የተሰጡትን አስተያየቶች በግል ስመለከት ፣ መከፋፈላችንን ያጸኑ ይመስላሉ ፡፡ ለምሳሌ በAnonymous February 14, 2013 at 1:20 PM መለያ የተጻፈው ፣ ገለልተኛ ነኝ የሚሉትን ይመስላል ፡፡ የኔንም ከየት ወገን እንደምትሉት ባላውቅም ወንጌልን ብንማርበት በማለት ጫጭሬአለሁ ፡፡

    ከሃይማኖት አንጻር ልናየው የሚገባንን ለመቃኘት በማለት ተጻፈ
    ሰው ያልዘራውን አያጭድም የሚሉት እውነት ነው ፡፡ “መልካም ዛፍ ሁሉ መልካም ፍሬ ያደርጋል ፤ ክፉም ዛፍ ክፉ ፍሬ ያደርጋል ፡፡” ማቴ 7፡17

    ጸሐፊው የሻሎም ሰው አንድ የቤተ ክርስቲያናችንን ትምህርት አምናለሁኝ ብለው የመሰከሩ ታላቅ የሥልጣን ሰውን በንግግራቸው ተሳስተዋል ለማለት ይሞክራል ፡፡ እኔ ደግሞ አቦይ እንዲያውም ፍላጐታቸውን አሳንሰውት ቢሆን እንጅ ከዚህ የከፋም ቢመኙ አግባብነት አላቸው እላለሁ ፡፡ ምክንያቶቼን ያዙልኝ ፡-

    አቦይ ተመኙት የተባለው የቅጣት ዓይነት ፣ ዓይን ለዓይን ፣ ጥርስ ለጥርስ (ማቴ 5፡38) በሚባልበት ዘመን ይፈጸም እንደነበረው የፍርድ ዓይነት ነው ፡፡ አዎ በዛ በብሉይ ዘመን ሰዎችን በጐራዴ በመቅላት ፣ ወደ እቶን በመጣል ፣ በድንጋይ እየወገሩ ፣ አለያም በእንጨት ላይ አንጠልጥሎ እያሰቃዩ መግደል የተለመደ ነበር (ጌታችንም በዚሁ የጭካኔ ቅጣት ስለ እኛ የተጎዳ መሆኑን ያስቡታል) ፡፡ ያ ያለፈ ዘመን የወደደህን ውደድ የሚጠላህንም ጥላ የሚል መመሪያ ስለነበረው ፣ እግዚአብሔርን ያገለገሉ እየመሰላቸው በደለኛን ሲገድሉ ፣ ሲገርፉ ፣ ሲወግሩ ፣ ሲቆርጡና ሲያቃጥሉ ፣ ሰውን መስዋዕት አድርገው ሲያቀርቡ ያለሃዘኔታ ነበር ፡፡

    ወደ አዲስ ኪዳን ዘመን (በገሃዱ ዓለም አሁንም ጥቂት የማይባሉ ኦሪታውያን በየአካባቢያችን መኖራቸውን ባንክድም) ስንመጣ ግን ያ ቀደም የነበረው የስቀል እንስቀል ደንባቸው ፣ በጌታ ትምህርትና ክቡር መስዋዕትነት ተደምስሶ ፣ በደልን ለሚፈጽማት ማስተማር ፣ ምህረትና ይቅርታ ማድረግም እንደሚገባን ያስተምራል ፤ ቀዳሚ መመሪያውም ክፉ ለሚያደርግብህ ደግ መልስለት የሚል ነው፡፡

    - “እኔ ግን እላችኋለሁ፥ ክፉውን አትቃወሙ፤ ዳሩ ግን ቀኝ ጉንጭህን በጥፊ ለሚመታህ ሁሉ ሁለተኛውን ደግሞ አዙርለት፤” ማቴ 5፡39

    - “ለማንም ስለ ክፉ ፈንታ ክፉን አትመልሱ፤ በሰው ሁሉ ፊት መልካም የሆነውን አስቡ።” ሮሜ 12፡17

    - “ክፉን በክፉ ፈንታ ወይም ስድብን በስድብ ፈንታ አትመልሱ በዚህ ፈንታ ባርኩ እንጂ፥ በረከትን ልትወርሱ ለዚህ ተጠርታችኋልና።” 1 ጴጥ 3፡9

    አሁን ወደ ተነሳንበት ጉዳያችን ተመልሰን አባባላቸውን በወንጌል ቃል ስንመዝነው ፣ በሥልጣናቸው ዘመናት ሁሉ እኝህን ሰው ፣ "ና ልጄ ተቀመጥ" ብሎ እስከ ዛሬ ወንጌልን ያስተማራቸው ፣ ሲያጎድሉ የመከራቸው ፣ የአዲስ ኪዳን ሥርዓትን የገለጸላቸው አንድም አባት ያለ አይመስልም ፡፡ እምነታቸውን ምናልባትም በተለምዶ አነጋገር መዝነውት ፣ ክርስቲያን ነኝ ይበሉን እንጅ ፣ ኃይልና ጭካኔ የተሞላ ፍላጐታቸው ግን ፣ ገና ከዘመነ ፍዳ የተሸጋገሩ አያስመስላቸውም ፡፡ ወንጌልን ያላከበሩና ያላስተማሩ አባቶች ደግሞ ትርፋቸው ይኸንና ሌላም ቢሆን አይገርምም ፡፡ ስህተቱንም በአግባቡ ደፈር ብለው ያላስተማሩዋቸው አባቶች በማድረጌ በአቦይ ላይ አልፈረድኩም ፡፡

    ሲጀመር አንስቶ ዕርቅና ሰላምን መፈለግ ፣ አመጽ ፣ በደልና ተንኰል ተደርጎ መቆጠር አይገባውም ፡፡ እንዲያው ቀናነቱ ባይኖረን ፣ የሸምግልና ሥራውንም ጥፋት አድርገን ብንመለከት እንኳን ፣ የታላቅነት ቃላችን ምክር አዘል መሆን ይገባው ነበር ፡፡ በሚደረገው ከተከፋንም ደግሞ ረጋ ብለን ለሚቀርቡን አባቶች ምክንያታችንን ማስረዳት ፣ ከተቻለም በትዕግሥት ሁኖ መጨረሻውን መመልከት በሳልነትን ያመላክት ነበር ፡፡ የወጣች ጀንበር እስከምትጠልቅ እኛም እንቦርቃለን ፤ እነርሱም ይፈነድቃሉ ፤ ያለማስተማር ውጤቱ ግን ስለት አፎቱን እንደሆነ ዛሬም እያየን ነው ፡፡

    ReplyDelete
  11. mandela nechochin yiqirta siteyiq yegnaw zeregna gin amaran lematifat qorto tenestual

    ReplyDelete
    Replies
    1. Antem Zerega honke eko? kum negeru kefaten metlat Yimeslegal

      Delete
  12. Ato Sibhat is a very surprising person! Once upon a time,it has been told that Ato Bereket warned him not to give public interview at the time of the late prime minster's death,but he never learn from his mistake like a mad dog.My comment on him is now don't,don't..............don't ask him; he is now a hopeless devil. (yetota shimaglie)

    ReplyDelete
  13. ይህ ድረ ገጽ ብዙውን ጊዜ የሚያስተናገደው በተለይ በማኅበረ ቅዱሳን ላይ የምታወርዱት ናዳ ከአቦይ ስብሓት በምን እንደሚለይ ለኔ ግልጽ አይደለም። አቦይ ምንም ቢናገሩ ፖለቲኛ ቢባሉ እንኳ እናንተስ የቤተ ክርስቲያን ልጆችን በአሉባልታ ስትሰቅሉ እናንተንስ ክርስቲያን ያሰኛል ወይ? አቦይ ስብሐትና አቶ መለስ የጫካው ባሕርይ ስለአለቀቃቸው ስሜታችውን የሚያረኩት በዚህ መሰሉ አነጋገር ነው ይህንኑ አቶ መለስ ተጠይቀው ሲሚልሱ ሀሳቤን በሚገባ የሚገልጽልኝ ይህ ዓይነቱ የአነጋገር ዘይቤ ነው ብለዋል። እርግጥ ከላይ አንዱ ጸሐፊ እንደገልጹት እርቁ የቤተ ክርስቲያን ሳይሆን የፖለቲካ እርቅ ነውና አቦይ ስብሐት ሙሉ ለሙሉ ተሳስተዎል ለማለት አያስደፍርም። እናንተ ግን እርግማናችሁን አቁማችሁ ለቤተ ክርስቲያን ስርዓት ተቆርቋሪ ብትሆኑ በነፍስም በሥጋም ትጠቀማላችሁና እዚህ ላይ በርቱ። እግዚአብሔር መልካሙን ያስመልክታችሁ። ባታወጡትም እስከአነበባችሁት ድረስ መልካም ነው።

    ReplyDelete
  14. አንድ የረቀቁ ምሁር ከእግዚአብሔር ያልሆኑና ለጊዜው የተመቻቸውን ፍጡሮች “ለእግዚአብሔር ያልተመቹ ትቢተኞች፣ ልበ ደንዳኖች፣ ሁሉ የተመቻቸው የመሰላቸው፣ ጆሮ ተሰጥዋቸው የማይሰሙ፣ ማየት ሲችሉ የማያዩ” እና በጠቅላላው “የእግዚአብሔር ያልሆኑ ‘Elements’” ብለው እነ አባትይ ስብሃትን በዚህ ውስጥ አስቀምጠዋቸዋል። ትክክል ነው። ስለዚህ እነዚህን ደግሞ በቅዱስ ሚካኤል፣ በቅዱስ ገብርኤል እና በቅዱስ ሩፋኤል ጠንካራ ሰንሰለት ከእነ ግብረ-አበሩ እጅና እግሩን ጥፍር አድርጎ አስሮ እገደል ካልከተቱት እርቅ ኖሮ ቤተክርስቲያን ሰላም ያገኛል ማለት ‘ተረት ተረት! የላምበረት! አንድ ግራኝ መሃመድ የሚባል ነበረ…’ እያሉ ሲያወሩ ሊከረም ነው ማለት ነው። እኔም ብሆን እንዲህ ብዬ ነበር፤ ‘ፍቅርን የማይወድ የፍቅር ቂመኛ፣ ጳጳስን ከጳጳስ፣ ቤተክርስቲያንን ከቤተክርስቲያን፣ ቄስን ከቄስ፣ ምዕምናን ከምዕምናን፣ ወጣቱን ከወጣት፣ቤተሰብን ከዘመድ፣ ሚስትን ከባል፣ ልጆችን ከወላጅ እና ሕዝብን ከሀገር እያጋጨ የሚሳለቅ የበግ ለምድ ለባሽ የተዋጣለት እርኩስ የደህንነት ድርጅት ነው። ብጹዐን ጳጳሳት በፍጹም እንዲታረቁ እንደማይፈልግ ከአባሎቹ ፉከራ ታውቋል። የእባቡ …………… ጂራቱ ተቆርጧል፤ ጭንቅላቱ ነው አራት ኪሎ እና ስድስት ኪሎ የመሸገው። ለእርሱም የሚመለከተው ክፍል ጸሎቱን በሱባዔ ጀምሮለታል እናም በቅርቡ በራሱ አንደበት ማንነቱን ይፋ ሲያደርግ ተብትቦ የያዛቸውን በጎች ይለቃቸዋል። በጎቹም ሞቶ እንደተነሳ ያህል ለዓምላካቸው ይቅርታን በንሰሀ ይጠይቃሉ፤ እባቡንም ጭንቅላቱን ይቀጠቅጣሉ፤ ያን ጊዜ አባቶች በፍቅር ተሸንፈው ይታረቃሉ፤ በጎቹም (የአደራ ልጆቻቸውም) በለመለመው መስክ ምግቡና መጠጡን እንደልባቸው ያገኛሉ፡፡’ ይህ እንግዲህ ዓመት ሳይሞላ ተፈጽሟል። ለእነዚህ እመንደር ለቀሩትም ደግሞ ከኦርቶዶክስ ቤተክርስቲያን እይታ ውጭ አይደሉም እና በቅርቡ ተገላግላቸው ልጆችዋንም ነፃ ታወጣለች።

    ReplyDelete
  15. he don't mean it, he just not happy what going on at ortodox curch specially in America

    ReplyDelete