Monday, March 25, 2013

ያለስራ መደብ ተንሳፎ የሚገኘው ሰሎሞን ቶልቻ በእስራኤሏ አምባሳደር ፊት ወደ መንበረ ፓትርያርክ እንዳይገባ ተከለከለ

“ጅብ በማያውቁት አገር …” እንደሚባለው ከዚህ ቀደም ራሱን የቤተ ክህነት ከፍተኛ ባለስልጣን አድርጎ በመቁጠር በልቡ የያዘውን አስጎብኚ የመሆን ህልም በራሱ ጥረት ሳይሆን ቤተክህነት ውስጥ የሌለውን ስልጣን አለአግባብ በመጠቀም ለማሳካት በኢትዮጵያ የእስራኤል አምባሳደር በክብርት ወ/ሮ በላይነሽን ለማደናገር ሲሞክር የነበረው ሰለሞን ቶልቻ በዛሬው እለት በአምባሰደሯ እንዳይገባ መደረጉን ምንጮች ገለጹ፡፡ እንደ ምንጮቻችን ከሆነ ክብርት አምባሳደሯ ብፁዕ ወቅዱስ አቡነ ማትያስን ለማነጋገር በቅዱስነታቸው ጽ/ቤት መገኘታቸውን ተከትሎ በለመደ አፉ እየቀባጠረና የቤተክህነት ዋና ሰው መስሎ ተከትሏቸው ሊገባ ሲል በአምባሳደሯ ፊት እንዳይገባ መከልከሉንና አንገቱን ደፍቶ አፍሮ ወደኋላ መመለሱን ምንጮቻችን ተናግረዋል፡፡ ምንጮቻችን አክለው እንደገለጹት ካፈርኩ አይመልሰኝ ያለው ሰለሞን የደረሰበትን ሀፍረትና መሸማቀቅ ለማካካስ በሚል ለውጭ ግንኙነት መምሪያው ሊቀጳጳስ ለአቡነ ገሪማ አቤት ቢልም እርሳቸው እንዳልሰሙት ታውቋል፡፡

በአንድ በኩል የራሱን ጥቅም ለማስከበርና ከቀድሞ ጀምሮ ሲያስበው የነበረውን አስጎብኚ የመሆን ህልሙን በቤተክርስቲያን ላይ ተረማምዶ ለማሳካት ሲሰራ በሌላ በኩል ደግሞ በደቡብ ክልል ውስጥ ከማቅና ከአቡነ ገብርኤል ጋር አለመግባባት ተፈጥሮ ከጥቂት ዓመታት ወዲህ በጠቅላይ ቤተክህነት በአቤቱታ ላይ የሚገኙትን የቤተክርስቲያን ልጆች ጉዳይ ለማደናቀፍ ተከትሎ እየገባ፣ “የእነርሱ ጉዳይ የሃይማኖት ችግር ያለበት ነው” በማለት ብፁዕ ወቅዱስ አቡነ ማታያስን ለማደናገር መሞከሩ ሲታወቅ ቅዱስነታቸው ግን የአቤቱታ አቅራቢዎቹን ጉዳይ በጽሞና ተመልከተው አዎንታዊ ምላሽ እንደሰጧቸው ታውቋል፡፡ በእነርሱ ላይ የለመደውን የማደናገር ስራ ለመስራትና በአምባሳደሯ ዘንድ የቤተክህነት ዋና ሰው መስሎ በመቅረብ በኢየሩሳሌም ገዳማት የአስጎብኚነት ህልሙን ለማሳካት አጋጣሚውን ለመጠቀም ቢፈልግም በክብርት ወ/ሮ በላይነሽ ፊት አትገባም መባሉ ህልሙን ቅዠት ሳያደርግበት እንደማይቀር ተገምቷል፡፡

2 comments:

  1. solomon talkcha i know him deeply.

    ReplyDelete
  2. its amazing i was very confused when i saw him with the new patriarch at the time of his election on bete kehenet but ewnetena negat eyader yeteral hone

    ReplyDelete