Wednesday, April 17, 2013

የወንድሞች ከሳሽ ማኅበረ ቅዱሳን የቤተ ክርስቲያን አባቶችን ማሳደዱን ቀጥሏል

(በጽሑፉ የተጠቀሰውን ደብዳቤ ከጽሑፉ መጨረሻ ያገኙታል)
የኢትዮጵያ ኦርቶዶክስ ተዋሕዶ ቤተክርስቲያን ምእመናን ቁጥር በ7 ሚሊዮን መቀነሱን ቀደም ብላ በ2002 ዓ.ም ቤተ ክርስቲያኗ በይፋ አምናለች፡፡ “ኤጲስ ቆጶስ ጠባቂ ነውና ይጠብቅ ተብሏል። እንደ ተባለው መንጋው ተጠብቋል ወይስ አልተጠበቀም? መንጋው አልተጠበቀም የሚለው መልስ እንደሚጎላ ግልጽ ነው። ይህንንም የሚያሳየው ያለፈው ዓመት የሕዝብ ቈጠራ ነው። መንጋው በትክክል ከተጠበቀ 7,000,000 (ሰባት ሚሊዮን) ያህል ሕዝበ ክርስቲያን ለምን ቀነሰ? ይህን ያህል መንጋ በመናፍቃን ተሰርቋል ወይም ወደ ሌላ ሃይማኖት ተወስዷል ማለት ነው።” (የብፁዕ ወቅዱስ አቡነ ጳውሎስ 17ኛ ዓመት የፓትርያርክነት በዓለ ሲመት 2002 ገጽ 34)።
ቤተክርስቲያን እንዲህ ስትል በአንድ ወገን መንጋው አለመጠበቁንና በዚህ ምክንያት መሰረቁን አምናለች፡፡ በሌላ በኩል ግን ሌሎች ሰረቁኝ ወሰዱብኝ ከማለት ባለፈ ምክንያቱን በሚገባ ያጤነችው አይመስልም፡፡ ሌሎች በውጪ አግኝተው ከወሰዷቸው በላይ እንደማኅበረ ቅዱሳን ያለ የወንድሞች ከሳሽና አክራሪ ቡድን እኔን አልመሰላችሁምና መናፍቃን ሆናችኋል በሚል በህገ ወጥ መንገድ ያሳደዳቸው ጥቂቶች አይደሉም፡፡ ምናልባት ለቁጥሩ መቀነስ የማቅ እጅም እንዳለበት መታመን አለበት፡፡ ይሁን እንጂ ለወንድሞች ከሳሽ ለማቅ ይህ እንደሃይማኖተኝነት የሚቆጠር ትልቅ ገድል ነው፡፡ ማኅበሩ በዚህ ድርጊቱ ከማፈር ይልቅ “ቤተክርስቲያንን ከመናፍቃን እየጠብቅኩ ነው፡፡ እኔ ባልኖር ይህች ቤተክርስቲያን ትጠፋ ነበር” እያለ በመለፈፉ ብዙዎች ማቅን እንደቤተክርስቲያን ጠበቃ ያዩታል፡፡ ቢያስተውሉት ግን ይህ ቤተክርስቲያንን ሰው አልባ እያደረገበት ያለ የማቅ አጋንንታዊ ስራ ነው፡፡ የሚገርመው ደግሞ 7 ሚሊዮን ምእመናን የጎደሉት ማቅ እኔ እየጠበኳት ነው እያለ አሳዳጅነቱን እንደ ገድል በሚያወራበት ዘመን ላይ መሆኑ ነው፡፡
ታዲያ በማቅ ዘመን ቤተ ክርስቲያን አተረፈች? ወይስ ከሰረች? ሌላው ቢቀር እንኳን 7 ሚሊየን አማኞቿን ያጣችው ማቅ ለቤተክርስቲያን ዘብ ቆሜያለሁ እያለ በሚፎክርበት ዘመን መሆኑ ማቅ ቤተክርስቲያንን እያፈረሰ ለመሆኑ አንዱ ማስረጃ ተደርጎ ሊወሰድ ይችላል፡፡ ማቅ የቤተክርስቲያን ያልሆኑ ትምህርቶችን እያቀረበና ወንጌል እንዳይሰበክ እየተቃወመ ቤተክርስቲያንን የያዘበት ዘዴ ለጊዜው እንጂ ሰውን የሚያሳርፍና በቤተክርስቲያኑ የሚያጸና አይደለም፡፡ ስለዚህ ከአባላቱ ብዙዎቹ እንኳ እየከዱት ይገኛሉ፡፡ እርሱ ግን ቆም ብሎ ራሱን ከመመርመር ይልቅ በወግና በልማድ ተተብትቦ ማሳደዱን ቀጥሏል፡፡
ማቅ በዚህ ማሳሳቻው የቤተክርስቲያን አገልጋዮችን እየከሰሰና ተጠርተው ሳይጠየቁ በአንድ ወገን ክስ ብቻ ህገ ወጥ ውግዘት ሲያስተላልፍ እንደኖረና አሁንም ሌሎችን ለማስወገዝ እየተራወጠ እንደሚገኝ ይታወቃል፡፡ ስንት ሊቃውንት እንዳላላፉባትና ትምህርቷ መጽሀፍ ቅዱሳዊ እንዳልነበረ ዛሬ ግን ሰው የሌለባት የምትመስለው ቤተክርስቲያን እውነተኛ ልጇችንና ሊቃውንቷን የምታወግዘው በአብዛኛው የስህተት ትምህርት ተገኝቶባቸው አይደለም፡፡ ቀደም ያሉት ሊቃውንት እንደዋና ትምህርት በማይቆጥሩትና በልማዳዊ ትምህርትነት በፈረጁት ማቅ ግን እንደ ትልቅ ዶክትሪን በተቀበለውና በሚመራበት የአዋልድ መጻህፍት ትምህርት መሰረት መሆኑ ደግሞ ቤተክርስቲያኗ ከትናንት ይልቅ ዛሬ ይዞታዋ እየወረደ መምጣቱንና ከቅዱሳት መጻህፍትና ከአበው ምስክርነት እየራቀች መምጣቷን ያሳያል፡፡ ከምንም በላይ ደግሞ ማቅ የሚያቀርበው ክስ በእውቀት ተፈትሾ ሳይሆን በግፊት እንዲያልፍ መደረጉ ማቅ ያቀረበው ሁሉ ትክክለኛ ቤተክርስቲያን የተመሰረተችበት መጽሐፍ ቅዱሳዊ ትምህርት ደግሞ ስህተት እየተባለና በሲኖዶስ እየተወገዘ መምጣቱ ቤተክርስቲያን መራቆቷን ያሳያል፡፡

ባለፈው ግንቦት የተላለፈው ውግዘት ለዚህ ትልቅ ማሳያ ነው፡፡ እስካሁን በተከታታይ እያወጣን ያለነው በውግዘቱ ላይ የተመሰረተ ሀተታም ይህንኑ ያሳያል፡፡ ሲኖዶሱም እውነትን አውጋዥ ሐሰትን አንጋሽ መሆኑ ለቤተክርስቲያኗ ትልቅ አደጋ ነው፡፡ ውድቀቷንም ያፋጥነዋል፡፡ ስለዚህ ቤተክርስቲያን ቆም ብላ ነገሮችን መመርመር አለባት፡፡

የወንድሞች ከሳሽ ማቅ ለእርሱ ያልተመቹትን ሁሉ መናፍቅ የሚል ስም እየሰጠ በርካቶችን ከእናት ቤተ ክርስቲያናቸው እንዳፈናቀለና አሁንም ለማፈናቀል ጥረት እያደረገ ይገኛል፡፡ በ22/5/05 ለጠቅላይ ቤተክህነት ሥራ አስኪያጅ ለብፁዕ አቡነ ፊልጶስ ባቀረበው ክስ በጀርመን አገር በቪዝባደን የቅዱስ ጊዮርጊስ ቤተክርስቲያን አስተዳዳሪ የሆኑት ቄስ ገዳሙ ደምሳሽ እንዲወገዙለት የጠየቀበትና የአውግዙልኝ እንቅስቃሴ የጀመረበት ደብዳቤ ከእጃችን ገብቷል፡፡

ቄስ ገዳሙን ለመክሰስ ማቅ ያቀረባቸው ሶስት ማስረጃዎች መሆናቸው የክሱ ደብዳቤ ያሳያል፡፡ የመጀመሪያው በቄስ ገዳሙ ደምሳሽ የተጻፉ ሶስት የኑፋቄ መጻህፍት አጭር መግለጫ 9 ገጽ የሚል ነው፡፡ የቄስ ገዳሙን መጻህፍት ገና ከመነሻው የኑፋቄ መጻህፍት ማለት ተገቢ አይደለም፡፡ ኑፋቄ መሆን አለመሆናቸው በሊቃውንት ጉባኤ መች ተረጋገጠ? ማንኛውንም ጉዳይ ኑፋቄ ማለት የማቅ የተለመደ ክስ ነው፡፡ እስካሁን ከታየው ለማረጋገጥ እንደተቻለው የማቅ ክስ ቅዱሳት መጻህፍት በአዋልድ መጻህፍት መታረም አለባቸው የሚል ይዘት ያለው ነው፡፡ ታዲያ ከዚህ በላይ ምን ኑፋቄ አለ? ከማቅ በላይስ መናፍቃዊ ድርጅት የት አለ? ነገር ግን ቤቱ ሰው የሌለበት የተፈታ ቤት ስለሆነ መናፍቃን ይከበሩበታል፤ እውነተኞች ይወገዙበታል፡፡

የቄስ ገዳሙ መጻህፍት ኑፋቄ የተባሉት በምን ሚዛን ነው? ለማቅ አስተምህሮ ስላልተስማሙ ነው ወይስ እንደተባለው ኑፋቄ ስለተገኘባቸው? ይህን የሚያረጋግጠው ማነው? ማቅ ነው ወይስ የሊቃውንት ጉባኤ? የሊቃውንት ጉባኤው ከማቅ ተጽእኖ ነጻ ሆኖና በራሱ በመተማመን ይሰራል ወይ? ከግንቦቱ ሲኖዶስ ልምድ ስንነሳ ግን ማቅ ያቀረበው ክስ በቅዱሳት መጻህፍትና በቤተ ክርስቲያኗም መሰረታዊ አስተምህሮ ሳይመረመር በግልብ ስሜት በመነዳት ነው ውግዘቱ የተላለፈው፡፡ ዛሬም አዲስ ነገር አይኖርም፡፡ ሁሉም እንደተጻፈለት ይኖራል፡፡ ማቅ ቄስ ገዳሙ ትክክለኛና ሕይወት የሚገኝበትን ወንጌል ስላስተማሩ መናቅፍ ይላቸዋል፤ ያሳድዳቸዋል፡፡ ቄስ ገዳሙም ከኦርቶዶክሳዊ ትምህርት ሳይወጡ ለክርስቶስ ወንጌል ዘብ ስለቆሙ መናፍቅ ይባላሉ ይሰደዳሉ። “በእውነትም በክርስቶስ ኢየሱስ እግዚአብሔርን እየመሰሉ ሊኖሩ የሚወዱ ሁሉ ይሰደዳሉ።” (2ጢሞ. 3፡12)፡፡ ክሱ በዚህ መንገድ የመጣና በሌላ ወንጀል ባለመሆኑ ለቄስ ገዳሙ ትልቅ እድል ነው፡፡

ሁለተኛው የክስ ነጥብ “የሦስት መቶ ሰላሳ አምስት ምእመናን ፊርማ የያዘ ማመልከቻ” የሚል ነው፡፡ በቅድሚያ በአድማና በምእመናን ፊርማ አንድ ቄስ መናፍቅ ይባላል ወይ? አድማውን ያስተባበሩትና ፊርማውን ያሰባሰቡት የማቅ ሰዎች ቢሆኑስ? የሃይማኖት ጉዳይ በሃይማኖት ትምህርት እንጂ በምእመናን ፊርማ የሚታየውስ ከመቼ ጀምሮ ነው? በመጀመሪያ አድመኝነት የሥጋ ስራ አይደለም ወይ? ዳሩ ይህ በማቅ ሰፈር መች ይታወቃል!

ሶስተኛው የክስ ማስረጃ ደግሞ፣ “የምእመናንን ቁጣ የሚያሳይ የምስልና የድምጽ ዝግጅት 1 ሲዲ” ነው፡፡ ይህም ከሁለተኛው ጋር ተመሳሳይ ይዘት ያለው ከአድማ ጋር የተያያዘ እንጂ ሃይማኖታዊ ይዘት የለውም፡፡ ምናልባት በቪሲዲው ላይ የተባሉት ምእመናን የተቆጡት በሃይማኖት ጉዳይ ነው ቢባል እንኳን አሁንም መንፈሳዊነት የጎደለው ነው፡፡ ቁጣ የሥጋ ስራ ነው፡፡ የሃይማኖት ትምህርት እንጂ ቁጣ ለመናፍቅነት ማስረጃ ሆኖ ሊቀርብ አይችልም፡፡ ይህ ሁሉ የሚያሳየው ማቅ በቄስ ገዳሙ ላይ የሚያስወገዝ ማስረጃ ሊያገኝላቸው አለመቻሉንና በሌሎች ላይ ሲያደርግ እንደነበረው ፊርማ በማሰባሰብና ቁጣን በማነሳሳት ትክክለኛ የቤተክርስቲያን አባቶችን የማሳደድ ተግባሩን እንደገፋበት ነው፡፡

እንደ ቄስ ገዳሙ ያሉና ሰው ከቤተክርስቲያኑ እንዳይወጣና ሕይወት የሚገኝበትን ትምህርት በእናት ቤተክርስቲያኑ ሆኖ እንዲማርና በሃይማኖቱ እንዲጸና የሚያደርጉትን እውነተኞች በማሳደድ ምእመናንን ከቤተክርስቲያን እንዲሰደዱ ማድረግ ትናንትም ሆነ ዛሬ የማቅ ዋና ሥራ ሆኗል፡፡ ማቅ የቤተክርስቲያን ልጆችን በዚህ መንገድ ባሳደደ ቁጥር እነርሱ እንደሚባዙ ግን አላስተዋለም፤ አላወቀም፡፡ ስደት ያበዛል እንጂ እኮ አያጎድልም፡፡ ማቅና የግብር አባቱ የወንድሞች ከሳሽ ሰይጣን በታሪክ ውስጥ የማይማሩት እውነት ቢኖር ይህ ነው፡፡ ሰይጣን ክርስቶስን በማሳደድና እንዲሞት በማድረግ የክርስቶስን ተልእኮ ያጨናገፈ መስሎት አይሁድን በእርሱ ላይ አነሳስቶ ነበር፡፡ አይሁድም የተሰጣቸውን ተልእኮ ፈጸሙ፡፡ የክርስቶስ ሞት ግን በእግዚአብሔር የተወሰነና ለእኛ ቤዛ የሆነ ሞት ነው፡፡ በክርስቶስ ትንሣኤ የእርሱ ሽንፈት ታወጀ፡፡ በክርስቶስ ላይ ባደረሰውና በውጤቱ መማር ያልቻለው ሰይጣን ሐዋርያትንም ማሳደዱን ቀጠለ፡፡ ነገር ግን ከግዛቱ ብዙዎች ወደ ክርስቶስ መንግስት ፈለሱበት፡፡ የእግዚአብሔር ቃል ያድግና በየስፍራው ይበዛ የአማኞች ቁጥርም ይጨምር ነበር፡፡ ኧረ እንዲያውም ከካህናት ብዙዎቹ በወንጌል አመኑ ነው የሚለው የሐዋርያት ስራ፡፡ የወንጌል መንገድ ይኸው ነው፤ ዛሬም ከዚህ ውጪ የሚሆን ነገር የለም፡፡ የተጣለውን የወንጌል እሳት ማጥፋት አይቻልም፡፡ ክርስትና እንዲያውም በስደት ውስጥ ይስፋፋል፡፡ ስለዚህ ማቅ ሆይ እባክህን ዛሬ እንኳን ቆም በልና እያደረግክ ያለውን ነገር አስብ፤ የመውጊያውን ብረት ብትቃወም ለአንተ ይብስብሃል፡፡


 

21 comments:

  1. My brother and sister in Christ it is sad to know how the Ethiopian orthodox believer are chasing from their home church and believe. But one thing is true for sure when God wants to save his children separation it has must come. So let us pray it is for good when they chase us from church take us in the prison or court for wrong reason because we have to be separate from the wrong believe and teaching it is for good. There is no relationship between light and dark. We have to pray for them maybe one day their eye will open. But we must believe in Christ to have eternal life there is no other way.
    Please read 2 Timothy 3--
    V12People who are united to Christ Jesus want to live for God. But certainly, other people will cause trouble for them. V13 Some bad people will cause other people to believe things that are not true. These bad people, and all other bad people, will become worse and worse. And they themselves will also believe things that are not true. V14 But you must continue to believe the things that you have learned. You know that those things are true. Remember who taught you those things. V15 You have known the Bible from when you were a child. The Bible can cause you to understand how God can save us. He can save us when we really believe Christ Jesus. V16 Everything that the Bible says comes from God’s Spirit. And we can use the Bible to teach what is true. We can use it to tell people when they are doing wrong things. It shows them what is right. Also, with the Bible, we can teach people how to live good lives. V17 As a result, a person who lives for God can know how to live properly. He will have everything that he needs to do every kind of good work.

    ReplyDelete
  2. One comment that I have is the number of Orthodox Christians in Ethiopia has declined mainly because of church politics and the spreading of protestant beleifs by under/uneducated preachers.

    Also, why are you taking sides yourself until final judgement has been reached by religious authorities? The congregation or Mahebere Kidusan has the right to file charges against the Priest,if his teachings do not smell like the teachings of Our Fathers and Forefathers (Orthodox Tewahedo), and he could be exonerated if he has not done anything wrong.

    ReplyDelete
  3. Wey Gud, How long are we going to wait until this evil Mahibere Kidusan is destroyed from the face of earth. It is demolishing our church and trying to fulfill its political agendas.

    Fortunately, the government of Ethiopia is well aware of the the evil and true intentions of evil MK. MK will go down soon. Believe in God.

    ReplyDelete
  4. ረ ኡ ኡ! ግፍ በዛ! እጅግ፥ እጅግ፥ እጅግ በዛ!!!
    "የቅ/ሥላሴ መን/ኮሌጅ ደቀ መዛሙርት ቀሚሳቸውን አንጥፈው ሲለምኑ ዋሉ" ምን እየተሠራ ነው?

    በቅድስት ሥላሴ መንፈሳዊ ኮሌጅ ተምሬኣለኍ፤ አስተምሬማለኍ። ስማርም ሳስተምርም በነበርኹበት ጊዜ ብዙ ግፍ አይቻለኍ። ግፉ እየባሰ እንጂ እየቀነሰ ሲኼድ አይታይም።አኹን በተማሮቹ ላይ እየደረሰ ስላለው ነገር እያዘንኍ ከምሰማ በቀር እኔ ምንም መረጃ መጨመር አልችልም። ግን አንድ የቆየ ትዝብቴን ባካፍላችኍ እዚያ አካባቢ ያለውን ኹናቴ በጉልህ ያሳያችኍ ይኾናል።





    ኻች አምና ወደኮሌጁ ጎራ ብየ ነበር። ዐዲስ የተሠራውን ሕንፃ ለመጀመሪያ ጊዜ ያየኹት ያኔ ነው። ጥቂት ፎቶዎች አነሣኍ። ባየኹት ነገር እጅግ ስለተበሳጨኍ መቼም የናፍቆቴን ግቢው ውስጥ ገባ ብየ የማየውን አይቼ እመለሳለኍ እንጂ እዚያ ፎቅ ላይ ወጥቼ ማንንም አላናግርም ብየ ወሰንኍ። ታዲያ እግቢው ገብቼ ቤተ መጻሕፍቱን አየት አድርጌ ለንግድ በተከፈተው ካፊቴሪያ አካባቢ ሳንጃብብ፤ በእውነቱ እኔ የምወደው፤ በተማሪነቱ ጊዜ የነበረውንም ጉብዝና የማስታውስለት ፍሥሓ ጽዮን አገኘኝና ያክብሮት ሰላምታ ሰጠኝ። ወደፎቁ እንድከተለውም ጋበዘኝ። እኔ'ቴ፤ ማን ጋር ስለምን ልነጋገር?

    ይህ የኮሌጁ ቤተ መጻሕፍት ነው።እንደምታዩት ከንግዱ ካፊቴሪያ ጭስ ቤት ጋር ተጣብቆ ነው ያለው።

    እኔ በነበርኹበት ጊዜ በርግጠኝነት (አኹንም ምናልባት) የካፊቴሪያው ጭሱ እንጂ ትርፉ ለኮሌጁ አይገባም ነበር።

    ከመማሪያ ክፍሎቹ አንዱ ይህን ይመስላል

    ይህም ይህ ነው፤ ታዲያ ፍሥሓ ጽዮንን ተከትየ ወደላይ ብወጣ ኖሮ መጀመሪያ የሚጠበቅብኝ አባ ጢሞቴዎስን እጅ መንሣት ነው። እጅ መንሣቱን ተከትሎ የሚመጣውም ደግሞ ያው ጉራ ነው። ዐዲስ ሕንፃ ሠርተው ለንግድ ባንክ ወዘተ ማከራየታቸውን እንደ ጀብዱ ሊያወሩልኝ እንደሚፈልጉ ዐውቀዋለኍ።

    ለነገሩ'ኮ የሕንፃውን ግንባታ ከጥንስሱ፦ ዐሳቡን ከማፍለቁ ጀምሮ በግለሰብም በመንግሥትም ተይዞ የነበረውን ቦታ አስለቅቆ አስፈላጊውን ኹኔታ እስከማመቻቸት ድረስ የሠራው ዶ/ር አንቱን ያቆብ ሚካኤል ነው። ግንባታውንም እስከፍጻሜው ለማድረስ ወደዃላ የሚል አልነበረም፤ ለወንበር ሲሉ ገፍተው አባረሩት እንጂ። ዶ/ር አንቱን ዐቅዶት የነበረውም፤ በኮሌጁ አግጣጫ ለቤተ መጻሕፍት፥ ለመማሪያ ክፍል እና ላስተዳደር አገልግሎት የሚውል፤ ወደውጭ ባለው ገጽ ደግሞ ለኮሌጁ ገቢ የሚያስገኙ ክፍሎች የሚኖሩት ሕንፃ ነበር። አኹን የተሠራውም ሕንፃ ኹናቴ ይኸን የሚከለክል አይመስለኝም። ግንሳ..i taken from,.geez online

    ReplyDelete
  5. በርቱ በሏቸው ማህበረ ቅዱሳንን እንደዚህ እያደረጉ ቤ/ክርስቲያኒቷን ያፈራርሱልን እንጂ ታዲያ ምን ይደረግ?ንስሐ አያውቁ ቀኖና አያውቁ ምን ጉዶች ናቸው::ያውም ከፕሮቴስታንት ሲመለሱያሰኛል እንጂ እንዴት እየተከታተሉ ያሳድዷል?ይሄኔ እኮ አላስበላ ብለዋል መስለኝ ቀስ ገዳሙ!ያስወግዟቸውና ይለይላቸው ያገኟታል ከጎናቸው እነርሱ በሴራ ያስፈረሙ ምእመናን ፊርማ ቢያሰባስቡ አያስደቅምና በርቱ በሏቸው!!
    ኒቆዲሞስ

    ReplyDelete
  6. Mk didn't chase anyone, only those who are "tehadiso"!! It will keep on clearing them from the church compound. The figure that you mentioned (7m) is exaggerated number because there is no correct census in the country. But some member are believed to flee to protestant thanks to the effort like yours and other political motivation especially in western Ethiopia (Wolega, ilibabur etc).

    ReplyDelete
  7. ዘንድሮም እናባር ያሳዝናል፡፡ ሌሎች በር ከፍተው በሚቀበሉበት ዘመን በር ከፍተን እናስወጣ?

    ReplyDelete
  8. <> እግዚአብሔር ይቅር ይበላቹህ ማስተዋሉን ያድላቹህ

    ReplyDelete
  9. yehe Yemake manente new yazazenal

    ReplyDelete
  10. የክርስትናችን መሥራችና ተከታዮቹ ደጋግመው ሲያስተምሩ እርስበርሳችሁ ተፋቀሩ ብለዋል።
    ጠላቶቻችሁንም ውደዱ እርስበርሳቹህ አትናኮሩ እያሉ ያስተማሩትን የዘመናችን የመገናኛ ሊቃውንት
    በከፍተኛ ውዝግብ ሲንዱት ይስተዋላል። እንዲያውም ይባስ ብለው ሲያስወግዙና ሲያወግዙ ይገኛሉ።
    ጊዜያዊ ወፈገዝት ዘውድ በራሳቸው ላይ ከማስቀመጥ በስተቀር የሚያተርፉት ቅድስና የለም።
    በለፈለፉ ባፍ ይጠፉ እንደሚባለው በሚሉትና በሚያስብሉት ሁሉ ፍርድ ይጠብቃቸዋል ማቴ.፲፪/፴፯
    (12/37.

    ReplyDelete
  11. i am sure that at the end the real fellow of God will finaly win

    ReplyDelete
  12. We know your intention. EOTC is surrounded in four direction by protestant and Pente alliance ( if Protestants have alliance with Pentecostals (protestants of protestants is only in Ethiopia. In USA, main stream protestants call speaking in " tongues " of Pentecostals as manifestation of evil spirit possession as we believe), the fifth one tehadiso is working from inside to direct the sheep to outside. No wonder tehadiso is sad by MK.

    God Save our Faith

    ReplyDelete
  13. Abune Eostsatewos Yet Nachew ? californya Or New York City ? Yeminewdachew Abat

    ReplyDelete
  14. There is no Tehadiso. MK created and invented the word "Tehadiso" from nowhere to get recognition and to control the church. Too bad for MK because lots of innocent members of our church are becoming well aware of MK's evil tactics.

    If MK plays this kind of game in the wrong field (the church), God will play against MK. And we know who is going to win; God, the owner of the church.

    ReplyDelete
  15. MK is striving to fullfil the will of his father, Devil. It is not a surprise.It is iritating for devil to see when Goispel of Christ is preached in the church.

    ReplyDelete
    Replies
    1. 100 x MK is striving to fullfil the will of his father, Devil. It is not a surprise.It is iritating for devil to see when Goispel of Christ is preached in the church.

      Delete
  16. Mekasses min tirf alew?????????????????

    ReplyDelete
  17. ማቅ ማለት በቤተ ክርስቲያን ላይ የተነሳ ስውር ጠላት ማለት ነው እንንቃበት።

    ReplyDelete
  18. ማቅ ማለት የአይሁድ ርዝራዥ ማለት ነው ተጠንቀቁት መነቀል አለበት።

    ReplyDelete