Sunday, April 17, 2016

ውስጤ መኖር ያለበት ቃና ቲቪ ሳይሆን መንፈስ ቅዱስ ነው!!



 ምንጭ፡-ደጀ ብርሃን
ከቅርብ ጊዜ ወዲህ ከወዳጅ ጓደኞቼ ጋር በተገናኘን ቁጥር የመወያያ አጀንዳችን የሆነው ጉዳይ የዛሬውን ፅሁፍ እንድፅፍ አስገደደኝ፡፡ ዋና መቀመጫውን በዱባይ አድርጎ በቅርብ ጊዜ በሀገራቸን ስርጭቱን የጀመረው ቃና ቴሌቪዥን በአማረኛ እየተረጎመ (dubbing) በሚያቀርባቸው የቱርክ፣ የጣሊያን፣ የህንድ፣ የጃፓን እና የመሳሰሉት ሀገሮች ተከታታይ ፊልሞቹ የበርካታ ሰወችን ቀልብ እንደገዛ ሁላችንም እናውቃለን፡፡ በእጅጉ የሚገርመው ደግሞ በዙሪያየ ያሉና የማውቃቸው በርካታ ክርስቲያኖች ጭምር ለእነዚህ የባህር ማዶ ፊልሞች እጅ ሰጥተው በጉጉትና በከፍተኛ ናፍቆት ሲጠብቁ ማየት ነው፡፡



የቃና ቲቪ ፊልሞች የሚታዩበት ሰዓት ደግሞ ወላጆች ከስራ፣ ልጆች ከትምህርት ቤት፣ ወጣቶችም ከሚውሉበት ስፍራ በቤት በሚሰበሰቡበት፣ የእግዚአብሔርን ቃል በሚያጠኑበት፣ በጋራ በሚፀልዩበት ሰዓት ነው፡፡ እውነትም በስጋ አይን ለተመለከታቸው ፊልሞቹ በከፍተኛ ሁኔታ የሰውን ቀልብ የመግዛት አቅም እንዲኖራቸው ሆነው ተሰርተዋል፡፡ አንደኛው ፊልም ሲያልቅ በቅፅበት ሌላው ይቀጥላል፡፡ በዚህ ሁኔታ ከምሽት 1200 ሰዓት የተቀመጠ ሰው እስከ ምሽት 400 ሰዓት ሌላ ስራ ሳይሰራ ያለምንም እንቅስቃሴ ይቀመጥ ዘንድ ግድ ይለዋል ማለት ነው፡፡ እንግዲህ ልብ እንበል የተቀማነው ወትሮ ለፀሎትና ለእግዚአብሔር ቃል ጥናት በእጅጉ ይመቸን የነበረውን ሰዓት ነው፡፡ ከዛም ደክሞን እንተኛለን፡፡

እዚህ ጋር ግን እንደመንፈሳዊ ሰው ልንነቃ የሚገባን ይመስለኛል፡፡ ሰባት በየቀኑ ለየአንድ አንድ አዓት የሚታዩ መሳጭ የባህር ማዶ ፊልሞች እቤታችን ድረስ መጥተው በራሳችን ቋንቋ እየተመለከትናቸው ነው፡፡ በተቃራኒው ደግሞ ቀድሞ ለጌታ የምንሰጠውን ሰዓት እየተውን፣ በፀሎት የምናሳልፈውን ጊዜ እየሸረሸርን ከክርስትና በእጅጉ የራቁ ሐገሮች ሰርተው በሚልኩልን ነገር ስንጠመድ የእነሱን ባዕድ፣ አምልኮ -ክርስትናዊ ነገሮች በሙሉ ወደ ውስጣችን እየሰገሰግን ነው፡፡

ልጆቻችንም ከክርስትና በእጅጉ ያፈነገጠ ነገር በየቀኑ እየተመለከቱ እንዲያድጉ እየተፈረደባቸው ነው፡፡ መጽሐፍ ቅዱሳችን በቆላስይስ 28 ላይ ‹‹ እንደ ክርስቶስ ትምህርት ሳይሆን፥ እንደ ሰው ወግና እንደ ዓለማዊ እንደ መጀመሪያ ትምህርት ባለ በፍልስፍና በከንቱም መታለል ማንም እንዳይማርካችሁ ተጠበቁ›› ብሎ በዓለማዊ ነገር እንዳንጠመድ ያስጠነቅቀናል፡፡ ኢየሱስም በማርቆስ ወንጌል 424 ‹‹ምን እንድትሰሙ ተጠበቁ›› ብሎ ከምንሰማውና ከምናየው እንድንጠበቅ ያዘናል፡፡ ዓለማችን ከየትኛውም ጊዜ በበለጠ ኢየሱስ በማቴዎስ ወንጌል ስለመጨረሻው ዘመን የተናገራቸውን የዘመን መጨረሻ ምልክቶች አንድ በአንድ አስተናግዳ ወደ ማገባደደዱ ትገኛለች፡፡ ብዙ ነገሮች ሆነዋል ብዙ ነገሮች ተፈፅመዋል፡፡
ባጠቃላይ ሰይጣን ዲያብሎስ ጥቂት ጊዜ እንደቀረው አውቆ ከመቸውም ጊዜ በላይ በኃይለኛ ቁጣ እየተጋ ያለበት ዘመን ነው፡፡ ዲያብሎስ በዚህ ዘመን በተለይም ወጣቱን ክፍል ከቤተክርስቲያን ለማራቅ ወደ እግዚአብሔር ቃል ትኩረት እንዳያደርግ ከሚጠቀምባቸው ዋና ነገሮች መሀል የፊልምና የሙዚቃው ኢንደስትሪ እጅግ ወሳኙን ድርሻ ይዟል፡፡በዘመናችን የሚሰሩ ፊልሞች በአብዛኞቹ ሰወችን ለዓለማዊ ምኞትና ለርኩሰት አብዝተው የሚጋብዙ ናቸው፡፡ ስለዚህም እኛ ክርስቲያኖች እንንቃ። ሰይጣን በረቀቀ መንገድ በእኛ ላይ እንዲሰለጥን እድል አንስጠው፤ የቱርክና የህንድ ፊልሞችን እያሳየ ከእግዚአብሔር መንግስት የሚለየን ጣቢያ ውስጣችን "ቃና ውስጤ ነው" እያልን ውስጣችን ሊሆንብን አይገባም፡፡

 ምክንያቱም እኛ የመንፈስ ቅዱስ ማደሪያ የእግዚአብሔር ቤተመቅደስ ነን፡፡ ውስጣችን እሱ ብቻ ነው መኖር ያለበት። ብናምንም ባናምንም ዘመኑ የመጨረሻ ነው፡፡ ያኛው መንግስት እኛን በመዝናኛ ነገር ጠምዶ ከጌታ መንግስት ሊለየን እየተጋ ነው። እኛ ታዲያ ነቅተን ብዙ ምርኮ ልንበዘበዝ ሲገባን በወጥመዱ ከገባንለት እጅግ ከባድ ይሆናል፡፡ ስለዚህም እንንቃ በኢንተርቴመንት ስም ውድ ጊዜያችንን እንዳናስበላ፤ ይልቀንስ የእግዚአብሔርን ዓለምን በልጁ የመጠቅለል አላማ ለማሳካት አብሮ ሰራተኞች እንሁን!

ስለ ወንጌል ግድ ይበለን፡፡
እኛ "መንፈስ ቅዱስ ውስጣችን ነው!"

6 comments:

  1. ምንም ነቅ የሌለው እውነት ነው ተባረኩ

    ReplyDelete
  2. This might be prepared by Mahibere Kidusan......Kikikiki.....hahaha....Meterter New

    ReplyDelete
  3. Do you mean the TV station is theirs! If that is what you are trying to say you may be right. They don't care whether anybody learns about God and his plan of salvation. All they care about is how they can make the next dollar, whether it be selling movies, confiscating churches, creating division. This can never be the teaching of Mahibere Kidusan. Mahibere Kidusan will run when they hear the name of Jesus and the Holy Spirit! They are allergic to the Name of Jesus!!

    ReplyDelete
  4. በእጃችን የያዝነው ድምፅ ሣያሠማ እየፈነዳ ያለውንና ከዘላለም ሕይወት (ከመንፈስ ቅዱስ) እያራቀን ያለው 'smart' ሰልካችንን እንዴት እንመለከተዋለን?

    ReplyDelete
  5. ማኅበረ ቅዱሳን የጀመረው ሊሆን ስለሚችል ከአማሳኙ የማነ ጋር በመሆን ( ለካ ተወግዷል ) መንግስትና አቡነ ማትያስ አንድ እርምጃ መውሰድ እንዳለባቸው ካልሆነም እንዲታገድ የሚል አረፍተ ነገር ምነው እረሳችሁ፡፡

    ReplyDelete
  6. በመንፈስ ቅዱስ ያላገጠ አልምረውም ይላል ኽያው እግዚአብሔር ተው ተው እንደፈለጋችሁ ዋሹ ተሳደቡ ግን ከኘሮቴስታንቱ ባመጣችሁት አስተምሮ ውስጣችን መንፈስ ቅዱስ ነው አትበሉ መንፈስ ቅዱስ ውስጡ ያለበት እኮ አይዋሽም አይሳደብም እውነትን ሽፍኖ ለሐሰት አይቆምም፣ ለእምነቱ እንጂ ለሚሰጠው ሳንቲም ሲል ሰው ሐይማኖት ውስጥ ገብቶ አይመዘብርም የእውነትን መንገድ አያጠፋም እመቤታችን እኮ ንጽህት ስለነበረች ነው የጌታችን ማደሪያ የሆነችው ከስላሴ አንዱ የሆነው ወልድ ያረፈባት መንፈስ ቅዱስም ከስላሴ አንዱ ነውና ማረፊያው ለመሆን እንደእመቤታችን ንጹህ መሆን መላአኩ ገብርኤል ከሴቶች ሁሉ የተለየሽ ነሽ የተባለላት በማህጸን ዮሐንስ እንደዘለላት እንደርሷ ልንሆን ይገባል እንጂ ዝም ብሎ በብሎግ ላይ ስትጽፉ እንደምናየው ውሸት እየተወራ ውስጤ መንፈስ ቅዱስ ነው ለእናንተ መንፈስ ቅዱስ ምን ይሆን? አረ በፈጣሪ አሁንስ ዘገነናችሁኝ የምሬን ነው ብላችሁ ብላችሁ ከአንድ ተራ ቴሌቭዥን ጣቢያ ጋር በናንተ ቤት ማወቃችሁ ነው፡፡

    ReplyDelete