Tuesday, May 31, 2016

ሰበር ዜና - በእንደራሴ ዙሪያ የተራዘመው ውይይት የመንግሥት አካላት በሚገኙበት እንዲካሄድ ተወሰነ



ለቤተ ክርስቲያን በማሰብ ሳይሆን ለግል ጥቅምና ለማቅ ጥቅም ሲባል የተቀረጸውና ሌሎች አጀንዳዎችን እስከ መሸፈን የደረሰው እንደራሴን የተመለከተው አጀንዳ እስከ ዛሬ ረፋዱ ድረስ መስማማት ላይ ሳይደረስ ስብሰባው የተቋረጠ ሲሆን፣ የፌደራል ጉዳዮች ሚኒስትር አቶ ካሳ ተክለ ብርሃን በተገኙበት ዛሬ ከሰዓት በኋላ እንደሚቀጥል ለማወቅ ተችሏል፡፡
ከአቡነ ጳውሎስ ዘመነ ፕትርክና የመጨረሻ ዓመታት ወዲህ የሲኖዶስ ስብሰባ ለቤተ ክርስቲያን የሚበጁ ውሳኔዎች የሚተላለፉበት ሳይሆን አባቶችን የሚከፋፍሉ ጊዜን ገንዘብንና ጉልበትን የሚጨርሱ አንድን ቡድን ወይም ጥቂት ለቦታው የማይገቡ የሥልጣን ጥመኞችን ፍላጎት የተከተሉ አጀንዳዎች የሚስተናገዱበት የጭቅጭቅ መድረክ ሆኗል፡፡ ይህን መጥፎ ባህል የሲኖዶሱ ባህል እያደረገ ያለው በዋናነት ከጀርባ ሆኖ ሴራውን የሚጠነስሰውና የራሱን ጥቅም ለማስከበር ከፍተኛ በጀት መድቦ የሚንቀሳቀሰው ማኅበረ ቅዱሳን መሆኑ ግልጽ ነው፡፡ 

በዚህ አጀንዳ ሰጨቃጨቁ የሰነበቱትና ከመግባባት ላይ ያልደረሱት ጳጳሳት ለራሳቸው ባይታወቃቸውም ራሳቸውን ትልቅ ሀፍረት ላይ እንደጣሉ ብዙዎች ይስማማሉ፡፡ ምክንያቱም ቤተክርስቲያን ከመቼውም ጊዜ ይልቅ በበርካታ ችግሮች ተዘፍቃ ምእመናኖቿ እረኛ እንደሌለው በጎች እየተቅበዘበዙና ከበረታቸው እየጎረፉ ወደሌሎች በረት እየገቡ ባለበት ወቅት፣ ይህን ችግር ሊቀርፍ የሚችል አጀንዳ ላይ መነጋገር ሲገባ አጀንዳ ብለው የያዙት የማቅን ጥቅም ለማስጠበቅና ለቦታው ላይመጥኑ የራሳቸውን የሥልጣን ጥማት ያረኩ መስሏቸው መሆኑ በግልጽ እየታየ ነው፡፡
 

4 comments:

  1. "Aba Selama":- how long does this blog continue lying? All what it has been talking is proved to be false. Please, you readers just check some posts of this blog and compare with the truth on the ground especially with respect to Mahibere Kidusan (MK). MK is the true society of the EOTC who is sticking itself to the Dogma, Order, Tradition, teachings and History of the Church unlike the 'tehadiso' movement.

    ReplyDelete
  2. Kikikikiki
    ከሐራ ጋር ውድድር የያዛችሁ አስመሰለባችሁ፡፡ተቀድማችኋል፡፡

    ReplyDelete
  3. ሞላጫ አትፈራገጥ እባክህ። ተሃድሶ መናፍቃን ከእንግዲህ ማታለል የለም።

    ReplyDelete
  4. ሁልጊዜም ጅሎች!!!

    ReplyDelete