Saturday, August 13, 2016

ሕይወት የሆነን የኢየሱስ ክርስቶስ ትንሣኤ ብቻ ነው!



 ምንጭ፦ dejebirhan.blogspot.com
ቅዱሳንን ማክበር እንደሚገባ ምንም ጥያቄ የለንም። መታሰቢያን በተመለከተም የድርጊቶቻችን አፈፃፀም የሁሉ ነገር ባለቤት የሆነውን እግዚአብሔርን ስምና ክብር እስካልጋረደና  እስካልተካ ድረስ የሚደገፍ ነው። ነገር ግን  «ጥቂት አሻሮ ይዞ፤ ዱቄት ወዳለው መጠጋት» የሚለውን ብሂል ለመተግበር መሞከር ግን አደገኛ ነገር ነው። በተለይም በሃይማኖታዊ አስተምህሮ ወቅት ወንጌል እንደዚህ ስለሚል፤ እኔም እንደዚህ ብል ችግር የለውም የሚለውን ራስን መሸሸጊያ ምክንያት በማቅረብ ለመከለል መሞከር ፀረ ወንጌል ነው። በእግዚአብሔር ሁሉን ቻይነት ሥር ኑፋቄና ክህደትን ማስተማር በአምላክ ፊት ያስጠይቃል። እግዚአብሔር ሁሉን ማድረግ ስለሚችል የኛን ተረት ሁሉ ይሰራልናል ማለት አይደለም። ብዙ ጥያቄዎች የሚነሱትና እነዚህ የመሳሰሉ የስህተት ችካሎች አልነቀል ያሉት በምክንያት ስር በመደበቃቸው ነው። ቅዱሳንን በማክበርና በመውደድ ሽፋን ወደአምልኮና ተገቢ ያልሆነ ሥፍራ ወደማስቀመጥ ያደገው መንፈሳዊ በሚመስል ማሳሳት ተሸፍኖ ነው።

ለክርስቲያኖች ድኅነት ዋናው ቁልፍ የክርስቶስ ሞትና ትንሣኤ ነው። ከዚህ ውጪ ያለው የማንም ሰው ሞትና ትንሣኤ ለመዳናችን ላይ የሚያመጣው ለውጥ የለም። አይጨምርልንም፣ አይቀንስልንም። ማዳን የእግዚአብሔር ነውና ኢሳይያስ 4311 "እኔ፥ እኔ እግዚአብሔር ነኝ፥ ከእኔ ሌላም የሚያድን የለም"
ይህ የተሠጠን የቃሉ እውነት እንደተጠበቀ ሆኖ የጌታ እናት የድንግል ማርያም ሞትና ትንሣኤ ለክርስቲያኖች ዘላለማዊ ድኅነት መስጠት ይችላል? ወይ ብለን ብንጠይቅ መልሱ አይችልም ነው። ታዲያ በድንግል ማርያም ሞትና ትንሣኤ ላይ ጥንታዊያን የሚባሉ አብያተ ክርስቲያናት የተለየ ሃይማኖታዊ ትኩረት የሚሰጠው ለምንድነው? ልዩ ልዩ ሃይማኖታዊ ትርጉምና ትረካ የሚገልፁበትስ ምክንያት ለምን ይሆን? እንኳን እኛ ጠያቂዎቹ ራሳቸው በትክክል ምክንያቱን የሚያውቁ አይመስለንም። የሆኖ ሆኖ ትርክታቸውን ለመዳሰስ እንሞክራለን።
ስለማርያም እረፍት፤ ትንሣኤና እርገት አብያተ ክርስቲያናት አንድ ዓይነት የእምነት አቋም የላቸውም። ካቶሊኮች በጥር ሞቶ በነሐሴ መቀበር የሚለውን ታሪክ አይቀበሉም። በየዓመቱ ነሐሴ 8 ያከብራሉ። በሌላ መልኩ ንዲያውም ስለማርያም ሞትና የእርገት ዕለት በግልጽ የሚታወቅ ማስረጃ እንደሌለ 5ኛው /ዘመን  የኖረው የሳላሚሱ ኤጴፋንዮስ   ተናግሯል።  ዕረፍቷና እርገቷ በኢየሩሳሌም እንደሆነ  የሚናገሩ ቢኖሩም  ይህንን አባባል የማይቀበሉ አብያተ ክርስቲያናትና የቴኦሎጂ ምሁራን ሞልተዋል። በኢየሩሳሌም አርፋለች የሚለውን አባባል የማይቀበሉበትን ማስረጃ ሲያቀርቡም ዮሐንስ በወንጌሉ ላይ እንደተናገረው «እናትህ እነኋት አለው። ከዚህም ሰዓት ጀምሮ ደቀ መዝሙሩ ወደ ቤቱ ወሰዳት»  ዮሐ1927 ባለው መሠረት ማርያም እስከ ሕይወቷ ፍጻሜ ድረስ ከዮሐንስ ጋር ስለኖረችና ወንጌላዊው ዮሐንስም ከጌታ ሞት በኋላ በኢየሩሳሌም  ጥቂት ዓመታትን ከቆየ በኋላ 37 / ገደማ ወደ ቤዛንታይን ከተማ ኤፌሶን ሄዶ ወገኖቹን ወንጌል እያስተማረ መቆየቱንና  ማርያም በሞት እስከተለየችው ድረስ  48-52 / እዚያው እንደነበር ብዙ ተጽፏል። ሌሎቹ ደግሞ ኤፌሶን መኖሯን ይቀበሉና ያረፈችው በኢየሩሳሌም ነው ይላሉ።
ከዮሐንስ ጋር በኤፌሶን ነበረች ባዮች በቅርብ ርቀት ባለችው ደሴተ ፍጥሞም  በግዞት መኖሩ መኖሩና ከዶሚኒሽን አገዛዝ ቀደም ብሎ የራእይ መጽሐፉን  55-65 ዓም ገደማ ስለፃፈ የማርያምም ቆይታ እስከዚያው ድረስ በኤፌሶን ነበር ይላሉ።
እንደዚህ ከሆነ  ማርያም በኤፌሶን ከዮሐንስ ጋር ኖራለች  ወይስ አልኖረችም ነው ጥያቄው።  በኢየሩሳሌም አርፋለች የሚሉ ሰዎች አንድም ጊዜ ከዮሐንስ ጋር በኤፌሶን ኖራለች ሲሉ አይደመጥም። ለምንዮሐንስ ማርያምን እንደእናት ሊይዛት አደራ ተሰጥቶታል የሚባል ከሆነ ከዮሐንስ ጋር ኤፌሶን ስለመቀመጧ የማይነገረው ለምንድነውዮሐንስ እስከ 96 ዓመቱ ድረስ ከኤፌሶንና ከደሴተ ፍጥሞ ውጪ ስለመኖሩ የተነገረ ነገር የለም። ማርያም ከዮሐንስ ጋር በኤፌሶን አልኖረችም ብሎ በመከራከርና ከኤፌሶን መጥታ ኢየሩሳሌም  ማረፏን በግልጽ በመናገር  መካከል ልዩነት አለ።  «እነኋት እናትህ» ባለው መሰረት አብረው ኤፌሶን ኖረው እዚያው ማረፏን የማይቀበሉና  የለም፣ ኢየሩሳሌም  አርፋለች የሚሉ ሰዎች የታሪክም፣ የጊዜም ልዩነት አላቸው።
ወይ ደግሞ ኤፌሶን ላይ እድሜውን ሙሉ የኖረው ዮሐንስ ከማርያም ጋር ተለያይተው ነበር ሊሉ ይገባል።
ሮበርት ክሬው የተባለ የነገረ መለኮትና የታሪክ ጸሐፊ ዮሐንስ ወንጌላዊ ዘመኑን ሁሉ በኖረበት ከኤፌሶን ከተማ 8 ኪሎ ሜትር ወጣ ብላ ባለች ኰረብታ ላይ በተሰራ ቤት ውስጥ እንደኖረና ማርያምም እዚያ ማረፏን ጽፏል።  ይህንን በኤፌሶን ያለውን የማርያምን መቃብር የዓለም ክርስቲያኖች እንዲሆም ሙስሊሞች ሳይቀሩ ይጎበኙታል፤ ይሳለሙታል።  በቱርክ ግዛት ያለው ይህ ስፍራ በቱርካውያን ሙስሊሞች ዘንድ «ሜሪዬ ማና» ተብሎ ይጠራል።
ቅድስት ድንግል ማርያም ከዚህ ዓለም የተለየችው መቼ ነው? በሚለውም ጥያቄ ላይ ጥንታዊያን አብያተ ክርስቲያናት የሚባሉት የምሥራቁና የምዕራቡ ጎራዎች የተለያየ አመለካከት አላቸው።
በተወለደች 58 ዓመቷ ዐርፋለች የሚሉ አሉ። 72 እና 63 እድሜዋም አርፋለች የሚሉ መረጃዎች አሉ። እንደ ግብጽ ኦርቶዶክስ ቤተክርስቲያን አስተምህሮ ግን የሚታመነው 64 ዓመት እድሜዋ ማረፏ ነው።  ኖረችበት ተብሎ ከሚገመተውና አርፋለች ከሚባለው ቦታ ያለው ልዩነት እንዳለሆኖ በጥር ወር ከዚህ ዓለም በሞት ተለይታ 40ኛው ቀን ማረጓን የሚናገሩ አሉ። በነሐሴ ወር አርፋ ከተቀበረች በኋላ ትንሣኤዋን ሳያዩ መቃብሯ ባዶ ሆኖ ስላገኙት ሐዋርያት ሱባዔ ይዘው በሦስተኛው ቀን ተገለጸችላቸው የሚሉም አሉ። እንደኢትዮጵያ ኦርቶዶክስ ቤተክርስቲያን አስተምህሮ ደግሞ በጥር ሞታ፤ በነሐሴ ተቀበረች የሚል ትምህርት አለ። በጥር ወር አርፋ፤ በነሐሴ ተቀብራለች የሚሉ ሰዎች ሥጋዋ በገነት ዛፍ ስር ለስምንት ወራት መቀመጡንና በሱባዔ ጸሎት በተደረገው ልመና የተነሳ ለመቀበር መቻሏን አስፋፍተው ይነግሩናል። ከጥር እስከ ነሐሴ ድረስ 8 ወራት ማርያም አልተቀበረችም።
በጥር ወር እንዳረፈች፤ ለመቀበር ያልተቻለውም ታውፋንያ የሚባል ሽፍታ፤ ጎራዴ ሲመዝባቸው ወደ ቀብር ሥጋዋን ተሸክመው ይሄዱ የነበሩት ሐዋርያት በመፍራት ጥለዋት በመሸሻቸውና ዮሐንስ ብቻውን ቀርቶ ወደ  መቃብር ሳትገባ ወደ ገነት ዛፍ ስር በመወሰዷ ይባላል።  ነገር ግን የገነት ዛፍ ማለት ምን ማለት እንደሆነና በገነት ዛፍ ስር የሰው ሬሳ እንዴት ሊቀመጥ እንደሚችል አንድም ጽሑፍ በአስረጂነት ሲቀርብ አላየንም።
ይህ በጥያቄነቱ ይቆየንና ታሪኩን እንቀጥል። ዮሐንስም ወደቤቱ ማምራቱንና ሸሽተው የነበሩትም ሐዋርያት ሥጋዋስ የታለ? ብለው ቢጠይቁት በገነት ዛፍ ስር መቀመጧን  ስለነገራቸው ዮሐንስ ገነት ዛፍ ሥር ሬሳዋ መቀመጡን አይቶ  እኛስ ለምን ይቀርብናል በማለት ነሐሴ 1 ቀን 49 / የጾም፣ የጸሎት ሱባዔ አውጀው 15ኛው ቀን ትኩስ ሬሳ ከገነት ዛፍ ስር እንደመጣላቸውና በጌቴሴማኒ እንደቀበሯት ይናገራሉ።  ዮሐንስ በገነት ዛፍ ሥር ስትቀመጥ አያት የሚለውን ተረት እውነት አድርገን ብንቀበለው እንኳን ዮሐንስ ሀገረ ስብከቱ የሆነውንና እስከ መጨረሻው ጊዜውም የኖረበትን ኤፌሶንን ትቶ ወደኢየሩሳሌም መጥቶ ነበር ወይ? እንድንል ያደርጋል።
ሌላው ጥያቄ የሚያስነሳው ነገር  በጥር ወር አርፋ  ለቀብር ሲሄዱ ሽፍታ በፈጠረው ሁከት ሐዋርያቱ ስለሸሹ ወደገነት ዛፍ ስር ስለመወሰዷ ዮሐንስ ለሐዋርያቱ ከነገራቸው በኋላ ለስምንት ወራት የመቆየታቸው ምክንያትና ዮሐንስ ያየውን ማየት አለብን ያሉበት የጊዜና የሃሳብ አለመገጣጠም ጉዳይ አስገራሚ ይሆንብናል።
ዮሐንስ እንደነገራቸው ማየት አልፈለጉም ነበር? ከስምንት ወራት ቆይታ በኋላስ ማየት የፈለጉት ምንድነው?
ይህ ሁሉ ሲሆን የማርያም ሥጋ በተባለው የገነት ዛፍ ሥር ተቀምጧል። ሐዋርያቱ ሱባዔ ባይገቡ ኖሮ ሥጋዋ ምን ሊሆን ነበር? አይታወቅም። ዘግይቶም ቢሆን የሐዋርያቱ ሱባዔ ችግሩን ለማቃለል ችሏል።
የሚያስገርመውና የሚያስደንቀው ትርክት በጥር ወር አርፋ ሳይቀበር የቀረውን የማርያምን ሥጋ በስምንተኛው ወር ከገነት ወጥቶ ከተሰጣቸውና ከቀበሯትም በኋላ ማርያም ከመቃብር ተነስታ ስታርግ ሐዋርያቱ ለማየት አለመታደላቸው ነው።  ሐዋርያቱ ቀብረዋት ወደ ቤታቸው  ከገቡ በኋላ ከሐዋርያቱ አንዱ የነበረውና በቀብሯ ላይ ያልተገኘው ቶማስ የተባለው ሐዋርያው በደመና ተጭኖ ከህንድ ወደ ኢየሩሳሌም ሲመለስ ማርያምን ሐዋርያት በቀበሯት በሦስተኛው ቀን ወደ ሰማይ ስታርግ የዳመናው ጎዳና ላይ ያገኛታል።  መላእክት አጅበዋት ሲሄዱ ያገኛት ቶማስ ቀድሞ የልጅሽን ትንሣኤ ሳላይ ቀረሁ፣  አሁን ደግሞ ያንቺን ትንሣኤ ሳላይ ልቀር ነው? ብሎ ራሱን ከዳመናው ሠረገላ ላይ ወደመሬት ሊወረውር ሲል ቶማስ አትዘን፣ ትንሣኤዬን ያላንተ ማንም አላየም ካለችው በኋላ ለማየቱ ማስተማመኛ እንዲሆነው የተገነዘችበትን ጨርቅ እራፊ ሰበን ለምልክት ሰጥታው እንዳረገች ሰፊ ታሪክ ይነገራል።
ሰዎቹ ነገሩን ሁሉ ለማጣፈጥ የሚጠቀሙበት ነገር አስገራሚ ነው። የሰው ልጅ ከትንሣኤው በኋላ የዚህን ዓለም ጨርቅና ልብስ እንደተሸከመ ወደ ሰማይ ይገባል? ብለን እንድንጠይቃቸው ይጋብዙናል። እንደዚህ የሚናገር ክርስቲያናዊ አስተምህሮስ አለ ወይ? የሚል ጥያቄን ያስነሳል። ወንጌል ከትንሣኤ በኋላ ክርስቶስን ይመስል ዘንድ  ይለወጣል ይላል እንጂ የመቃብሩን ልብስና ሰበን እየተሸከመ ያርጋል የሚል ትምህርትን አይነግረንም። « 2 ቆሮ 318 እኛም ሁላችን በመጋረጃ በማይከደን ፊት የጌታን ክብር እንደ መስተዋት እያብለጨለጭን መንፈስ ከሚሆን ጌታ እንደሚደረግ ያን መልክ እንመስል ዘንድ ከክብር ወደ ክብር እንለወጣለን»
ኢየሱስ ክርስቶስ እንኳን በመቃብሩ የተገነዘበትን ጨርቅ ትቶ መነሳቱን እንጂ  ያንኑ ለብሶ መነሳቱን አላነበብንም።
ዮሐ 206-8. «ስምዖን ጴጥሮስም ተከትሎት መጣ ወደ መቃብሩም ገባ፤ የተልባ እግሩን ልብስ ተቀምጦ አየ፥ ደግሞም በራሱ የነበረውን ጨርቅ ለብቻው በአንድ ስፍራ ተጠምጥሞ እንደ ነበረ እንጂ ከተልባ እግሩ ልብስ ጋር ተቀምጦ እንዳልነበረ አየ» የሁላችን አማኞች ትንሣኤ የክርስቶስን ትንሣኤ መምሰል ካለበት በቀብር ወቅት ከዚህ ዓለም ጉድጓድ የገባ ጨርቅ ወደ ሰማይ አብሮን የሚያርግበት ምንም መንገድ የለውም። ስለዚህ ከምድራዊ ማንነት ወደተለየ ሰማያዊ ማንነት እንሻገራለን እንጂ እንደሀገር ጎብኚ ጓዝ ይዘን የምንሄድበት ታሪክ ፀረ ወንጌልና ፈጠራ ላይ የተመረኮዘ ተረት ከመሆን አያልፍም።
ስለዚህ ተጠራጣሪ እንደሆነ ሁል ጊዜ የሚነገርበት ቶማስን በማርያም ትንሣኤ ላይ ግን የተለየ ተጠቃሚ እንደሆነ አድርጎ ለማቅረብ  ሲባል ማርያም ወደ ሰማይ ስታርግ የመቃብሯን ከፈን ተሸክማ የሄደች በማስመሰልና ለምልክት ይሆን ዘንድ ከፍላ  ሰጠችው የሚለው አባባል በአንዳችም ነገር  ከወንጌል እውነት የተጠጋ አይደለም።
ሌላው ነገር በመንፈስ ቅዱስ በመነጠቅ፤  በሌላ ስፍራ ወዲያውኑ መገኘት ስለመቻል ለሐዋርያው ፊልጶስ  ከተነገረው የወንጌል ቃል  በተለየ በዳመና ላይ ተቀምጦ ስለመሄድ ግልጽ የሆነ መጽሐፍ ቅዱሳዊ ቃል ባይኖርም የቶማስን ጉዞ ከህንድ ወደ ኢየሩሳሌም መመለስ እንደፊልጶስ መነጠቅ አድርገን ብንቆጥረው እንኳን የቶማስ ሰብአዊነትና የማርያም የትንሣኤ እርገት የተለያየና ፈጽሞ የማይገናኝን ነገር ለማቀራረብ መሞከር ነው።  የቶማስን የዳመና ላይ ውይይትን ከረቂቅ  ክርስቶሳዊ አዲስ ፍጥረት ጋር ለማገናኘት መሞከር የጥንቶቹን የግሪክ ወጎች/fable story/ እንድናስታውስ ያደርገናል። በግሪኮች የተረት ታሪክ "ጁፒተርና ሳተርን ተጋብተው ቬነስን ወለዱ" የሚል ታሪክ አለ። ይህ ታሪክ የገሀዱ ዓለም ተቃራኒ መሆኑን ማንም አይስትም። ቶማስና የማርያም ነፍስ የዳመናው ሜዳ ላይ ሰፊ ውይት አደረጉ. የተሸከሟት መላእክትም ጉድ፣ ድንቅ እያሉ ውይይቱን ይከታተሉ ነበር ዓይነት አባባል ከግሪኮች ጥንታዊ የተረት የተቀዳ ይመስላል። በሞትና በትንሣኤ እንዲሁም በእርገት መካከል እንደዚህ ዓይነት ነገሮችን እግዚአብሔር በሰውኛ ትረካ ይጫወታል ማለት እግዚአብሔር ስለሞትና ትንሣኤ በተናገረው መቀለድ ይሆናል።
ከሁሉ የሚገርመው ደግሞ ማርያምን በጥር ሞታለች ያሉ ሰዎች፤  በመጀመሪያው ሞት ዮሐንስ ብቻ እድለኛ ሆኖ በገነት ዛፍ ስር ለማየት መቻሉ አንዱ ክስተት ሲሆነረ በኋለኛውም ቀብር ቶማስ ብቻ ተጠቃሚ የሆነበትን የእርገት እድል፤  ሌሎቹ ሐዋርያት ለማግኘት ባለመቻላቸው ሐዋርያቱ ሁለተኛ እድል ያመለጣቸው መሆኑ ነው።
ተረቱን የሚያቀናብሩት ሰዎች ለዚህም መላ አስቀምጠዋል። ሐዋርያቱ ቶማስ በዳመና ላይ ያገኘው እድል ለምን ያምልጠን ብለው በቀጣይ ዓመት ነሐሴ1 ቀን 50 / ጀምረው ሱባዔ ለመያዝ መገደዳቸውንና 16ኛው ቀን ኢየሱስ ክርስቶስ ማርያምን ከገነት አምጥቶ አሳያቸው። ሁለተኛ  ትንሣኤና እርገትን ለማየት የመቻላቸው ነገር  አስደናቂ ትርክት ነው።
ቀብር ሳይኖር ትንሣኤዋንና  እርገቷን እንዴት ማየት እንደቻሉ ግልጽ አይደለም። በምሳሌ ይሁን በምትሃት እርግጠኝነቱን ያብራራ ማንም የለም።  ሁለት ጊዜ ትንሣኤና እርገትስ ማለት ምን ማለት ነው?
ዛሬም ድረስ ትንሣኤና እርገቷን የተመለከተውን ሱባዔ በማሰብ በየዓመቱ የሱባዔ ጺም ይደረጋል። የዘንድሮውም ነሐሴ 1/2008 / ተጀምሯል። የድሮውን ለማሰብ ነው ወይስ እንደገና ለማየት?
ሌላው  ደግሞ  ማርያምን መንበር፤ ጴጥሮስን ንፍቅ ቄስ፤ እስጢፋኖስን ገባሬ ዲያቆን አድርጎ በመቀደስ አቁርቧቸዋል የሚለው  ትረካ እርገቷን ተከትሎ የመጣው አባባል ነው። የማርያም ነፍስ እንዴት መንበር መሆን እንደሚችል? ምን የሚባለው ቅዳሴ እንደተቀደሰ? ለማወቅ አልተቻለም።   ሰራዔ ካህኑ ክርስቶስ የማንን ሥጋ እንደቆረበ? እንዲነግሩን ግን እንጠይቃቸዋለን። ለየትኛው ድኅነት/መዳን/ እሱ ይቆርባል?  ክርስቶስ ቀደሰ እንጂ አልቆረበም ማለት አንድ ነገር ነው።  ቆርቧል የሚባል ከሆነም ምክንያትና ውጤቱን የሚተነትን ትምህርት አያይዞ ማቅረብ የግድ ይላል። እሱማ የሕይወት ምግብ ሰጪ እንጂ ተቀባይ አይደለም የሚባል ከሆነም ሰራዔ ካህናት በዚህ ምድር መቅደስ ውስጥ ከመቀደስ ባሻገር መቁረብ አይጠበቅባቸውም በማለት አብነታዊ የክህነት አስተምህሮን አያይዞ ማቅረብ  የተገባ ይሆናል። ቀድሶ አለመቁረብን ከክርስቶስ አብነት መውሰድ ይቻላል እያሉ ነው። እንግዲህ ማርያምን እንዴት መንበር አደረጋት፤ ክርስቶስ ሰራዔ ካህን ሆኖ  ያልታወቀ ቅዳሴ ቀደሰ ማለትስ ምንድነው?
ስለማርያም  ትንሣኤና እርገት ማጠናከሪያ በማቅረብ ትዕይንቱን  ተአማኒ ለማድረግ ካልሆነ በስተቀር አንድም እውነትነት የለውም። እንደተለመደው አባባል ቅዳሴ እግዚእ ነው የተቀደሰው የሚል  ካለም ክርስቶስ ራሱን በሁለተኛ መደብ አስቀምጦ « ነአኩተከ አምላክ ቅዱስ፤ ፈጻሜ ነፍስነ፤ ወሀቤ ሕይወትነ ዘኢይማስን»  ሲል አይገኝም።  ራሱ ሕይወት ሰጪ ሆኖ ሳለ ሕይወት ይሰጠው ዘንድ አይለምንምና ነው። እንደዚህ ዓይነቱ አደገኛ ክህደት፤ ሰዎች ለማርያም ባላቸው ፍቅር ውስጥ ተደብቆ ለዘመናት ቆይቷል። በጉ መስዋእቱን ለሕይወታችን ሰጥቷል። ከዚያ ውጪ እሱ  በመንግሥቱ የፍርድ ሰዓት ዳግመኛ ሊመጣ ካልሆነ በስተቀር ከማእዱ አይካፈልም።«ሰዓቱም በደረሰ ጊዜ ከአሥራ ሁለቱ ሐዋርያት ጋር በማዕድ ተቀመጠ። እርሱም፦ ከመከራዬ በፊት ከእናንተ ጋር ይህን ፋሲካ ልበላ እጅግ እመኝ ነበር፤ እላችኋለሁና፥ በእግዚአብሔር መንግሥት እስኪፈጸም ድረስ፥ ወደ ፊት ከዚህ አልበላም አላቸው። ጽዋንም ተቀበለ አመስግኖም። ይህን እንካችሁ በመካከላችሁም ተካፈሉት» ሉቃ 2214-17
ወደዋናው ሃሳባችን ስንመለስ ለመሆኑ በማርያም ላይ ስንት ቀብር፤ ስንት ትንሣኤና ስንት እርገት ተደረገ? ብለን ብንጠይቅ እንደሚነገረው  ከሆነ
1/ዮሐንስ ያየውና አፈር ያልነካው እርገት በገነት ዛፍ ስር
2/ አፈር የነካው የሐዋርያቱ ቀብር በነሐሴ 14 ቀን /ከስምንት ወር በኋላ/
3/ ቶማስ ያየው የትንሳኤ እርገት፤ ከቀብር በኋላ በሦስተኛው ቀን ነሐሴ 16
4/ ከአንድ ዓመት በኋላ ሐዋርያት ያዩት የነሐሴ 16 ትንሣኤና እርገት ናቸው።
እንግዲህ በማርያም ሞትና እርገት መካከል አራት ትእይንት መከሰቱን ዛሬም ድረስ ከሚሰጡት የቃል አስተምህሮዎችና የተዘጋጁ ጽሁፎች ውስጥ በግልጽ እናገኛለን። ማርያምን መውደድ አንድ ነገር ነው። ማርያምን ግን እየቀበሩና እያነሱ ለማረጋገጥ መሞከር ደግሞ ሌላ አሳዛኝ ክስተት ይሆናል። እንዲያውም  ለዓለሙ ሁሉ መድኃኒት መሆን ከቻልኩ ሰባት ጊዜም ቢሆን እሞታለሁ ብላ ለልጇ ተናግራለች የሚልም  ተረት ተያይዞ ይነገራል።  የእሷ መሞት የዓለሙ ሁሉ መድኃኒት መሆን ከቻለ የክርስቶስ ከእሷ መወለድ አስፈላጊ አይደለም የሚል ሃሳብን የሚያንጸባርቀው ይህ አባባል ከአሳሳች ትረካዎች ውስጥ የሚደመር ከመሆን አያልፍም።
እኛ  ማርያምን ብንወዳትና ብጽእት ብንላት «እናትህንና አባትህን አክብር»  ያለውን  የአምላክ ቃል መጠበቅ ብቻ ሳይሆን ለእርሷ  የተነገረ ቃል ስላለም ጭምር ነው። ነገር ግን የዘላለማዊ አምላክ የክርስቶስ እናቱ ስለሆነች  በማዳላት ወይም አምላካዊ ባህርይውን በሰውኛ ጠባይ በመለወጥ ከፍርድ ሚዛኑ በማጉደል  የእሷን ሞትና ትንሣኤ የተለየ ያደርጋል ብሎ ማሰብ የዋሕነት ይሆናል። የእሷ ሞትም የመድኃኒትነትን ውክልና ለሰው ልጆች የያዘ እንደሆነ ማሰብ ክህደት ነው። ብቸኛው መድኃኒት አንዱ በግ ኢየሱስ ብቻ ነው። ማርያምም ይህንን ስለምታውቅ « ነፍሴ በአምላኬና በመድኃኒቴ ተስፋ ታደርጋለች» ብላ ነግራናለች።የትንሣኤ በኩር የሆነው ሁላችንም በሞቱ እንድንመስለው እንጂ የተለየ አድሎአዊ ጥቅምን/ faver/ ለተለዩ ሰዎች በመስጠት አይደለም።ወንጌል የሚናገረው ይህንን ነውና። ሮሜ 65 «ሞቱንም በሚመስል ሞት ከእርሱ ጋር ከተባበርን ትንሣኤውን በሚመስል ትንሣኤ ደግሞ ከእርሱ ጋር እንተባበራለን»
ስለዚህ ደጋግሞ መሞት፤ መነሳትና ደጋግሞ ማረግ አለ ከተባለ ነገር ከክርስቶስ ትንሣዔ ጋር ያልተባበረ ስለሆነ አንቀበለውም። እንዲያውን ይህ ኑፋቄና ወንጌልን መካድ ነው።  ሐዋርያው ጳውሎስም የተናገረው ስለክርስቶስ ወንጌል በሞቱም ክርስቶስን እንዲመስል ነበር። ፊልጵ 310-11  «እርሱንና የትንሣኤውን ኃይል እንዳውቅ፥ በመከራውም እንድካፈል፥ ወደ ሙታንም ትንሣኤ ልደርስ ቢሆንልኝ፥ በሞቱ እንድመስለው እመኛለሁ» ማርያምን እንወዳለን እያሉ በጥር ሞተች፤ ገነት ዛፍ ስር ስምንት ወር በሬሳ ቆየች፤ በስንት ሱባዔ ስጋዋ መጥቶ ነሐሴ ተቀበረች፤ እስከነ ምድራዊ ልብሷ አረገች፤ በዳመናው ጎዳና  ላይ ከቶማስ ጋር ጨርቅ ተለዋወጠች፤ እድል ላመለጣቸው ሐዋርያት ዳግመኛ በስንት ሱባዔ በሌላ ትንሳኤና እርገት ተረጋገጠች፤ መንበር ሆና ተነጠፈች ወዘተ  በማለት እየገደሉና እያነሱ በማርያም ላይ መጫወት ተገቢ ነው ብለን አናምንም። የክርስቶስን ሞትና ትንሣኤንም ማፋለስና መካድ ይሆናል።
የማርያም ሞትና ትንሣኤ እግዚአብሔር ለሰው ልጅ ካዘጋጀው የትንሣኤው በኩር አንድያ ልጁ የተለየ አያደርገውም።  ሞትም አንድ ነው ትንሣኤ ዘሙታንም አንድ ነው።  በትንሣኤ ዘሙታንና በእርገት መካከል ልዩነት አለ። ባልሆነ ጭንቁር ሃሳብ ተረቱን እያጋነንን ሕይወት የሆነንን የኢየሱስ ክርስቶስን ትንሣኤ መጋረድ ተገቢ አይደለም።

10 comments:

  1. ከፕሮቴስታንት ምንም አይጠበቅም፤ ሁሌም ችግራቸዉ የማርያም ጉዳይ ነዉ፡፡ በመጀምሪያ ልጁአ ከዛ እርሱአ ተነስታለች፤ ዳዊት በመዝሙሩ፤ አቤቱ ወደ እረፍትህ ተነስ አንተና የመቅደስህ ታቦት፤ እነደተባለ፡፡ መናፍቀን ምንጊዘየም ትግላቸዉ የእመቤታችንን ቅድስት ድንግል ማርየምን ነገር ማነቁአሸሽ ነዉ፡፡ በዮሀንስ ረእይ ‘…. ሰየጣን/ኡሬዉ ልጁአንና እርሱአን አሳደዳቸዉ …’ እነዳለ አናንተም የዲየብሎስ ልጆች እስካሁን የባታችሁን ስራ ተያይዛችሁታል፡፡ ‘… አዉሬዉ እርሱአን እና ልጁአን እንዳላገኘ ባወቀ ጊዜ ከዘሩአ የቀሩትን ሊየሳድድ በባህር አሸዋ ላይ ቆመ…’ እነደተባለ፡፡ የባሕር አሸዋ የተባላችሁ እናንተ ናችሁ፡፡ የባህር አሸዋ ምንም እነኩአን ባሕር ዉሰጥ ቢኖርም አይርስም፤ እናንተም ምንም እነኩአን የእግዚአብሔርን ቃል ብታነቡ ብትሰሙ መቸም ቢሆን እንደ አሸዋ የጠጠረ ልባችሁ እንደማየሰበርና መንፈሳዉያን እንደማትሆኑ የታወቀ ሲሆን ሰይጣንም በዚህ አሸዋ በተመሰለ ለባችሁ ላይ አድሮ እዉነተኛ ክርስቲያኖችን የድንግል ማርያምን ልጆች ሲያሳድድ ይኖራል፡፡ እናንተ እንዲህ ናችሁ፡፡

    ReplyDelete
  2. I PRAY TO ALL HUMANITY TO GET A CHANCE TO READ THE BIBLE.IT SHOWS THERE IS LACK OF KNOWLEDGE. JESUS CHRIST IS THE ONLY SAVIOUR. MAY ALL BE BLESSED IN JESUS NAME

    ReplyDelete
  3. ፆመ ፍልሰታ
    1. ዊኪፒዲያ እንዲህ https://en.wikipedia.org/
    wiki/Assumption_of_Mary እንደሚነግረን የፍልሰታ
    ጸዋምያን የኢ.ኦ.ቤ.ክ አማንያን ብቻ አይደለንም፡፡በዓለም
    ካለው ክርስቲያን ሁለት ሦስተኛው አካባቢ ፍልሰታን ጸዋሚ
    ነው፡፡ካቶሊክ፣የምስራቅ ኦርቶዶክሳውያን (ራሽያንና ግሪክን
    ጨምሮ ምስራቅ አውሮፓ በአብዛኛው)፣እኛ ያለንበትና
    ኤርትራን ጨምሮ 6 ሀገራትን የሚያቅፈው ኦሪየንታል
    ኦርቶዶክስ እና በተወሰነ መልኩ አንግሊካኖች ፍልሰታን
    ይጾሙዋታል፡፡ ካቶሊኮች እና የምስራቅ ኦርቶዶክሶች ኦገሥት
    15 ወይም በኛ ነሐሴ 9 በዓሉን ከመዘከራቸው በቀር ሁሉም
    ስለጾሙም ሆነ ስለ ነሐሴ 16 ቀን የእመቤታችን ሥጋ
    መፍለስ (Assumption of Saint Mary in to Heaven)
    ተመሳሳይ ታሪክና ትውፊት ይከተላሉ፡፡ምሳሌ ካስፈለገ፡-
    (1) የኛን በዚህ http://www.zeorthodox.org/
    QandA/Filseta.pdf
    (2)የግብፅ ኮፕቶችን ትረካ በዚህ http://
    www.suscopts.org/messages/lectures/
    marilecture3.pdf
    (3)የአርመን ኦርቶዶክስ ተዋሕዶን በዚህ http://
    www.timeanddate.com/holidays/romania/st-
    mary-day
    (4)የኤርትራ ፍቁራን ኦርቶዶክሳውያን የተዋሕዶ
    ወንድሞቻችንን በዚህ http://kanazegelila.blo
    gspot.com/2012/08/blog-post_8692.html
    ወይም ድማ አብዚ http://maeadot.blogspot
    .com/2011/08/blog-post_04.html ርዒ፡፡
    2. 16ኛዋ ቀን (የነሐሴ ኪዳነምሕረት) በብዙ ሀገራት
    ብሔራዊ ስትሆን በእኛም ሀገር እስከ ታሕሳስ 14 ቀን 1967
    ዓ.ም የበዐላት አዋጅ ድረስ ብሔራዊት ነበረች፡፡ዓለምአቀፋዊ
    ማስረጃ የፈለገ በዚህ http://aglobalworld.com/
    holidays-around-the-world/assumption-day/
    ይግባ፡፡በኦስትሪያ፣ስፔን፣ፖላንድ፣ፖርቱጋል፣ጣሊያ
    ን፣ግሪክ፣ስሎቮኒያ፣ቤልጄም፣በብዙ የላቲንና የሰሜን አሜሪካ
    ሀገራት ፍልሰታ በብሔራዊ ደረጃ በድምቀት ይከበራል--
    ይለናል ጎግል፡፡ ለምሳሌ በግሪክ ፍልሰታን (ኪ/ምሕረትን)
    ልክ በእኛ ሀገር ጉራጌዎች ለመስቀል፤ጎንደሬዎች ለጥምቀት
    ወደ ትውልድ ቀያቸው እንደሚተሙት ግሪካውያንም በዐሉን
    ከወዳጅ ዘመድ ጋር በቤ/ክ ለማክበር ከየዓለም መዓዝናቱ
    ወደ ግሪክ ይተማሉ፡፡የጎግል መዝገብ በዚህ http://
    orthodoxwiki.org/Dormition እንደነገረን እንዲህ
    እያሉም ለድንግል ይዘምራሉ
    In giving birth you preserved your virginity,
    In falling asleep you did not forsake the world,
    O Theotokos.
    You were translated to life, O Mother of Life,
    And by your prayers, you deliver our souls from
    death.
    ይሕም በግርድፉ ወደ ግዕዝ ብንተረጉመው፡- ‹‹በወሊዶትኪ፡
    ኢማሰነ፡ድንግልናኪ፣ኦ!ድንግል፡ጥዕምኪ፡ሞተ-ሥጋ-ዓለም
    ማሣኒት፣ኦ!ወላዲተ-ሕይወት፡ተራከባ፡በትንሣኤ፡ሥጋኪ
    ወነፍስኪ፣አዕድዊነ፡እሞተ-ሥጋ፡በስዕለትኪ፤›› ሊባል
    ይችላል፡፡
    በካቶሊኮች አካባቢ ‹እመቤታችን ሞተ-ሥጋን አላየችም/
    ቀጥታ ዐርጋለች/? ወይስ ዕርገቷ ከዕረፍቷ በኋላ ነው?›
    የሚል 2 አይነት አመለካከት ያለ ይመስላል፤በኦሪየንታል እና
    በምስራቅ ኦርቶዶክሳውያን ግን ሥጋዊ ሞት ሙታ መነሳቷን
    እናምናለን፡፡
    3. ለፍልሰቷ (ሥጋዋ ከነፍሷ ተዋሕዶ ከመቃብር ስለመነሳቱ)
    የምናቀርበው ማስረጃም…
    (1)ትውፊት፡፡፡ከዘመነ ሐዋርያት ጀምሮ እስከኛ ድረስ
    እየተከበረ መኖሩ፡፡
    (2)ትንቢት፡፡፡ መዝ 131 ቁ 8፣መዝ 44 ቁ 9፣ራዕይ 11 እና
    12፣
    (3)የአበው ምስክርነት፡፡ ‹‹እምጌቴሴማኔ ፈለሰት ኀበ
    ዘሉዐሌ መካን…›› እንዲል መልክዐ-ፍለሰታ፣‹‹አእረግዋ
    መላእክት በስብሐት…›› እንዲል ቅ/ያሬድ
    (4)ዘመነ ሰማዕታት በቆስጠንጢኖስ መነሳት ካበቃ በኋላ
    አጽመ-ቅዱሳን ሲሰበሰብ የእመቤታችን መቃብር ባዶ ሆኖ
    መገኘቱ፡፡ባዶው መቃብር አሁንም ይጎበኛል፡፡
    (5)ፍልሰተ-ሥጋዋ ከላይ በተጠቀሱት በቢሊዮን የሚቆጠሩ
    የክርስትና አማኞች በተመሳሳይ መልኩ ለሺህ አመታት
    መታመኑ፣
    4. ፍልሰታና መጽሐፍቅዱስ!!
    (1)ከላይ የቀረቡት ጥቅሶች፣
    (2)የሄኖክና የኤልያስ እርገት እንደመነሻ ሲታይ የእሷ እርገት
    ከመጽሐፍ ቅዱስ መርህ ጋር የሚጋጭ ስላልሆነ፣
    (3)ዕርገቷ በመጽሐፍ ቅዱስ ያልተካተተው የሚበዛው
    የመጽሐፍ ቅዱስ ክፍል ከተጻፈ በኋላ ስላረገች ነው ተብሎ
    የሚታመን ሲሆን መጽሐፉን ከእርገቷ በኋላ የጻፈው ዮሐንስ
    ግን በራዕዩ ምዕራፍ 11 እና 12 ተናግሮታል--በራዕይ
    መልክ፣
    (4)አናሎጂ!በብሉይ ኪዳን ውስጥ አንድም ቦታ ተጽፎ
    የማይገኘው የሙሴ ስጋ በቅ/ሚካኤል መወሰድ በሓዋርያው
    ይሁዳ መልእክት ቁ 9 ተጽፎ መገኘቱና በጊዜው የነበሩት
    ምዕመናን ይህ በብሉያችን ስለሌለ አንቀበልም የሚል
    ተቃውም አለማሳየታቸው ስለ እመቤታችን ፍልሰተ-ሥጋ
    የሚነገረውንም ትውፊት ስለሚደግፍ (by analogy)፣
    (5)እመቤታችን አዳም በበደሉ ካገኘውና ለልጆቹ ከተላለፈው
    እርግማን (ጥንተ-አብሶ) ነጻ ናት ብለን ለምናምን ለእኛ
    ኦርቶዶክሳውያን አዳም ስለ በደሉ የመጣበት ሙስና-መቃብር
    በደሉ ባልተላለፈባት እመቤታችን ላይ ይደርሳል ብለን
    ስለማናምን ዐርጋለች እንላለን፡፡by Aman Netsere
    Assumption of Mary - Wikipedia

    ReplyDelete
  4. Please mention Orthodox theologians, who are opposing this history of Theotokos. Not like you had inaccurately mentioned Robert Crew the historian, who is a graduate of Princeton University, but with a clear references and citations.

    This is not the view of our holy, apostolic, united, as well as universal Church of Ethiopian Orthodox Tewahedo. This is the view of your fellow brothers, who are in evangelicals circle.

    If you are able to do so, please compare and contrast the view of Orthodox theologians and your protestant theologians, about this history of Theotokos. Not only contemporary theologians, also you can mention from early Church theologians.

    For now your argument is too week, and so is your conclusion. Always when you attempt to write about some idea, first, you need to gather your evidences, later, don't forget to cite your sources. If not, it will be simply killing a time for nothing.

    ReplyDelete
    Replies
    1. ማመን የማይሹ ምንግዜም ለማያውቁት እምነት የተዛባ የማይዛመድ እውነትን ያልተመረኮዘ የአዋቂነት ቀለም የተቀባ ምንም ግን የእውቀት ሆነ እውነታ የሌለው ጽሁፍን ማስቀመጥ ልምድ አድርጎ መውሰድ ከተጀመረ ሰንበትበት ብሏል ከዚህም የጽሁፍ ዘዴ አንዱ ጽሁፉን በባእድ ሀገራት ፊደል መከተብ ነው።በውጭ ቌንቌ ስለጻፍኩት ተአማኝነት አገኛለሁ በሚል እሳቤ የተከተበ ማስረጃ የለሽ ጽሁፍ።ቆም ብለህ እራስህን ተመልከት። ወደራስህም ና እራስህን ሁን ያን ጊዜ እውነቱ ይገባሀል።

      Delete
  5. Please let your mind to ask and understand from our holy Church fathers.

    What's killing you protestants is your literal interpretation of what Orthodoxy received and preserved from holy Church Fathers. Unlike you, we live a life that Christ gave us through holy Apostles. No revision at all.

    So this has no difference from this nature, please ask and understand instead of shading history with your week and distorted conclusion.

    ReplyDelete
  6. እናንተ አጽራረ ማርያም መናፍቃን እስከ መቼ ድረስ በክፉ ሃሳብ ታነክሳላችሁ የሰይጣን ግብረ አበር ናችሁ ከዘርዋ የቀሩትን የሚያሳድድ ሰይጣን ነውና

    ReplyDelete
  7. እንናተ መናፍቃን አጽራረ ማርምያ እስከ በክፉ ሃሳብ ታነክሳላችሁ

    ReplyDelete
  8. ድንግል ሆይ ለምኝልን።

    ReplyDelete
  9. በመጀመሪያ ለአባታችን አዳም አምላክ ያለው፡"19፤ ወደ ወጣህበት መሬት እስክትመለስ ድረስ በፊትህ ወዝ እንጀራን ትበላለህ፤ አፈር ነህና፥ ወደ አፈርም ትመለሳለህና።" (ዘፍ። ም3)፨
    ሁለተኛ "50 ነገር ግን፥ ወንድሞች ሆይ፥ ይህን እላለሁ። ሥጋና ደም የእግዚአብሔርን መንግሥት ሊወርሱ አይችሉም፥ የሚበሰብሰውም የማይበሰብሰውን አይወርስም።" 1ኛ ቆሮ። ም15)፨ ስለዚህ መሬታዊ ሰውነታችን ወደ ገነት መግባት አይችልም፨
    ሶስተኛ፨"20 አሁን ግን ክርስቶስ ላንቀላፉት በኩራት ሆኖ ከሙታን ተነሥቶአል።
    21 ሞት በሰው በኩል ስለ መጣ ትንሣኤ ሙታን በሰው በኩል ሆኖአልና።
    22 ሁሉ በአዳም እንደሚሞቱ እንዲሁ ሁሉ በክርስቶስ ደግሞ ሕያዋን ይሆናሉና።
    23 ነገር ግን እያንዳንዱ በራሱ ተራ ይሆናል፤ ክርስቶስ እንደ በኩራት ነው፥ በኋላም በመምጣቱ ለክርስቶስ የሆኑት ናቸው፤" (1ኛ ቆሮ። ም15)፨
    ከዚህ ትምህርት የምንረዳው ከክርስቶስ በቀር ትንሳኤን ያየ የለም፨ በመጨረሻም ቅዱስ ጳውሎስ አንደሚያስተምረን፨ "51-52 እነሆ፥ አንድ ምሥጢር እነግራችኋለሁ፤ ሁላችን አናንቀላፋም ነገር ግን የኋለኛው መለከት ሲነፋ ሁላችን በድንገት በቅጽበት ዓይን እንለወጣለን፤ መለከት ይነፋልና ሙታንም የማይበሰብሱ ሆነው ይነሣሉ እኛም እንለወጣለን።" (1ኛ ቆሮ። ም15) ብሎ ያስተምረናል፨

    ReplyDelete