Sunday, August 28, 2016

ነጻነት



ነጻነት የሰው ፍላጎት ብቻ ሳይሆን የሰው ተፈጥሮውም ነው። ነጻነት ስለፈለግን አይደለም ስለ ነጻነት የምንጮኸው ነጻ ሆነን ስለተፈጠርን ነው። ያለተፈጥሯችን እንድንሆን የሚፈልጉ ሁሉ ተፈጥሮን ለማበላሸት የሚደክሙ ናቸው። እግዚአብሔር በነጻነት ውስጥ ያስቀመጠው ታላቅ ምሥጢር አለ ይህ የእግዚአብሔር ጥበብ እጅግ በጣም አስደናቂ ነው። ማነኛውም የሰው ልጅ እውቀትና ችሎታ በሥራ ላይ ውለው ለሰው ጥቅም የሚሰጡት በዚህ በነጻነት ምሥጢር ነው።
ነጻነት በእግዚአብሔር መንፈስ የተሰጠ የሰው ማንነት ነው። ሰው ነጻ ፍጡር መሆኑን የሚያንጸባርቀው ገና ሲወለድ ጀምሮ ነው። ሕጻናት አቅም ካላነሳቸው በቀር ዝም ብለው መቀመጥ አይችሉም መሮጥ መጫወት ይፈልጋሉ እናት እና አባት እነርሱን ለመቆጣጠር ሲሞክሩ ተቃውሞአቸውን በለቅሶ ይገልጣሉ። ይህ ሁኔታ የነጻነት ፍላጎት በትምህርት ወይም በአካባቢ ሁኔታ የሚገኝ ሳይሆን በተፈጥሮ በውስጣችን ያለ የእግዚአብሔር ምሥጢር መሆኑን የሚያመለክት ነው። ነጻነትን በአግባቡ ማስተዳደር እንጂ መገደብ አደጋ አለው። ለመርከስም ሆነ ለመቀደስ ነጻነት አለን። ምርጫው የራሳችን ነው። እግዚአብሔር በጉልበት አይቀድሰንም። በኃይልና በግዴታ ቅድስና የለም። እግዚአብሔርን በመምረጥና ለቃሉ በመታዘዝ እንጂ። ይህን ሐሳብ በእግዚአብሔር ቃል ውስጥ እናገኘዋለን።

 "በፊታችሁ ሕይወትንና ሞትን በረከትና መርገምን እንዳስቀመጥሁ እኔ ዛሬ ሰማይና ምድርን በአንተ ላይ አስመሰክራለሁ እንግዲህ አንተና ዘርህ በሕይወት ትኖሩ ዘንድ ሕይወትን ምረጥ” ዘዳ. ም 30 ቁ 19።
 "ምረጥ” የሚለው ቃል የሰውን ሙሉ ነጻነትና መብት የሚያመለክት ቃል ነው። መሞት ወይም በሕይወት መኖር የራሳችን ምርጫ ነው። እግዚአብሔር የመረጥነውን መንገድ አይቶ ፍርዱን ይሰጣል እንጂ በግዴታ አይገዛንም። በሌላ ስፍራ "ዓመፀኛው ወደ ፊት ያምፅ ርኵሱም ወደ ፊት ይርከስ፣ ጻድቁም ወደ ፊት ጽድቅን ያድርግ ቅዱሱም ወደ ፊት ይቀደስ አለ” ይላል ራእ ም 22 ቁ 11። ለመርከስም ሆነ ለመቀደስ የሰው ምርጫ ነው እግዚአብሔር ግን እውነተኛውና የሚያዋጣውን መንገድ መናገርና ማስጠንቀቅ ነው ሥራው። ከዚያም እንደየምርጫችን ዋጋችንን ያስረክበናል።
ስለዚህ ሰው ነጻ ፍጡር ነው፤ የፈጠረ ያሳደገ የሚያኖር እግዚአሔር እንኳ ለሰው የሰጠውን ነጻነት ነው ሰዎች ለመከልከል እየሞከሩ ያሉት። ይህ የማይሆን ነገር ነው። ነጻነት ግን ከተጠያቂነት እንደማያድነን ማወቅ ግዴታችን ነው፤ ወንጀልን እንዳንፈጽም ሕግ ወጥቶልናል፣ ወንጀል ብንሠራ በሕግ ልንጠየቅ እንችላለን፤ ምክንያቱም ነጻ ስለሆንን እና ነጻነታችንን ያላግባብ ስለተጠቀምነው ነው። ለመዳንም ሆነ ለመሞት መነሻው ነጻነታችን ነው። ሕግ ነጻ ለሆነው ፍጡር ለሰው እንጂ ለእንስሳ ወይም ለመላእክት አልተሰጠም።
በዓለም ላይ ታላላቅ የርስ በርስ ጦርነቶች ተደርገዋል፤ በየጊዜው የብዙ ሕዝብ ደም ብዙ ጊዜ ፈሶአል እየፈሰሰም ነው የሕዝብ አመጽ በየሀገሩ ይካሔዳል አብዛኛው ምክንያት ግን ነጻነት ነው። ነጻነትን በጣም የሚፈሩ ሰዎች ብዙ አፈና ሲያደርጉ እየነኩ ውይም እያበላሹ ያሉት የግዚአብሔርን ምስጢር ወይም የሰውን ዋና ነገር መሆኑን አይገነዘቡም። አምባ ገነኖች መጨረሻቸው ሳያምር የቀረው የነጻነትን ምሥጢር ሳያውቁ በመቅረታቸው ነው።
ነጻነት ውድ ስለሆነ ትልቅ ዋጋ ያስከፍላል፣ ነጻነት እስካሁን ድረስ ያለደም ተግኝቶ አያውቅም መንፈሳዊው ነጻነት እንኳ የተገኘው በደም ነው። ለምሳሌ፣ እስራኤላውያን ከፈርዖን ሁለንተናዊ አገዛዝ ነጻ የወጡት ነውር የሌለበት በግ ታርዶ ደሙ በር ላይ ከተረጨ [ከተቀባ] በኋላ ነበር። እንዲሁም ማንኛውም ኃጢአተኛ ከበደሉ ነጻ ሊሆን የሚችለው ስለበደሉ ያቀረበው መሥዋት ከተሠዋ በኋላ ነው። ነጻነት እንዲሁ በዋዛ የምናወራው ነገር አይደለም ፤ በነጻነት ምክንያት በዓለም ላይ ብዙ ደም ፈሷል። ነጻነት ይህን ያህል ዋጋ የሚያስከፍል ለምን ይሆን ብለን ብንመረምር በሰው ውስጥ ያለ የእግዚአብሔር ጥበብ ስለሆነና አፍኖ ማስቀረት ስለማይቻል ነው። ነጻነትን ከደም ጋር ሳያይዝ ዛሬም በደም ነጻነት ይመጣል እያልሁ ሳይሆን የነጻነትን ዋጋ ትልቅነት ለማሳየት መሆኑን አንባቢ ይረዳልኝ።
እውነተኛው የሕይወት ነጻነት የሚገኘው ግን በጌታችን በኢየሱስ ክርስቶስ ብቻ ነው። "እውነት ነጻ ያወጣችኋል” የሚለው የጌታችን የኢየሱስ ክርስቶስ ቃል ብዙ ጥልቅ ትርጉም አለው። ይህ ነጻነት የዲሞክራሲ መሠረት ነው የመልካም አስተዳደር መንገድ ነው። የፍትሕ ዙፋን የእውነተኛ ፍርድ ወንበር ነው። ሰው የነጻነት ጥያቄው  በትክክል ተመልሶለት እረፍት የሚያገኘው ጌታችን ኢየሱስ ክርስቶስ ዘንድ ሲደርስ ነው። "ለታሰሩ መፈታትን፣ ለታወሩ ማየትን እሰብክ ዘንድ የተጠቁትን ነጻ አወጣ ዘንድ የተወደደችውን የጌታን ዓመት እሰብክ ዘንድ ልኮኛል” ይላል ሉቃ ም 4 ቁ 19። በሰው ውስጥ ያለው የእግዚአብሔር ጥበብ የሚገለጠው፤ ትርጉም ወይም ፍቺ የሚያገኘው ኢየሱስ ክርስቶስን በማወቅ ነው። በኢየሱስ ክርስቶስ ያልተገኘ ነጻነት በፖለቲካም ሆነ በኢኮኖሚ ይምጣ ሌላ ባርነት አለው። በክርስቶስ ነጻ ያልወጣ ሰው ሌሎችን ባሪያ ማድረጉ የማይቀር ነገር ነው። ባርነት ሙሉ ለሙሉ የሚወገደው በኢየሱስ ክርስቶስ ብቻ ነው ። ይህ የእግዚአብሔር ምሥጢር ነው።
ነጻ አውጭ  ነን ሲሉ የነበሩት  ሁሉ ዛሬ እጃችንን በአፋችን ላይ አስጭነው ባሪያ አድርገው እየገዙን ነው። በተለይም የአፍሪካ ነጻ አውጭዎች የሚገርሙ ናቸው። ዲያብሎስ ዓለምን እየገዛ ያለው በአምባ ገነን ባሪያዎቹ በኩል ነው። በነግራችን ላይ በክርስቶስ ነጻ ያልወጡ ገዥዎች ዕረፍት ያመጡልናል ብሎ ማሰብ ሞኝነት ነው። ነጻነት የእግዚአብሔር ጥበብ ነው። ያለክርስቶስ ደግሞ ይህን ድንቅ ምሥጢር ማወቅና መጎናጸፍ አይቻልም። ዛሬም በክርስቶስ ነጻ የወጡ ነጻ አውጭዎችና ነጻ የወጡ ገዥዎች ያስፈልጉናል። ከኃጢአት ማለት ከተንኮል ከግፍ ከክፋት ፍርድን ከማጣመም ከቂምና ከበቀል ከሐሰትና ከክህደት ከስስትና ከሌብነት ከዘርኝነት እና ከትዕቢት ነጻ የወጡ ነጻ አውጭዎች ያስፈልጉናል።
                     ከደብረ ሰላም መጽሔት ላይ የተገኝና ተሻሽሎ የቀረበ

10 comments:

  1. we know those countries have freedom but they did evil work like homo sex may be you are calling this freedom that is absolutely wrong you are calling this time in our country. the true freedom comes with jesses that through true believe and work with out this all thing is dead.
    God bless Ethiopia.

    ReplyDelete
  2. አሜን!!! ቃለሕይወት ያሰማልን።
    የሠላም የፍቅር አምላክ እንደዚህ ያሉትን ትምህርቶች ከመልካም አንደበተኞች መምህራን እንዲያዘንብልን የዕለት ዕለት ጸሎታችን ይሁን--የዓለም የጥላቻ፤ የጭቅጭቅ፤ የሰው ልጅ በሰው ልጅ ላይ ጭካኔ ድርጊት፤ ለአእምሮ በሚዘገንን ሁኔታ የሚሆነውን በየቤታችን TV መስኮት እየመጣ ናላችንን እያናወዘው ነውና እባካችሁ በየአለንበት የአርምሞ ጸሎት እናድርግ። ለዚህም አምላክ ይርዳን። አሜን!!!

    ReplyDelete
  3. This is Great. Blessings to you

    ReplyDelete
  4. በዚህ ወቅት የሚያጽናና መልኽክት ነው። ተባረክ!

    ReplyDelete
  5. አሁን የደርግ ስብስብ የሆነው ማቅ (ማ/ቅዱሳን)ተኩሶ በአገሪቱ ላይ በተለያየ አቅጣጫ ተኩሶ ጥይት ጨርሷል። ከዚህ በኋላ በቁጥጥረደ ስር ማዋል ብቻ ነው የሚቀረው።

    ReplyDelete
  6. ማ/ቅዱሳን ውድ የኢትዬጲያ ልጆች ናቸው። ትንሽ የክርስቶስ ወንጌል ላይ የአመለካከት ችግርም ቢኖረን ወንድሞቻችን ናቸው። ለመሆኑ ደርግ ከወያኔ በብዙ እጥፍ እንደሚበልጥ ተውቃለህ?

    ReplyDelete
  7. "ትዕቢተኛ ዓይንና ደፋር ልብ የኃጥአንም እርሻ ኃጥያት ነው!" መ.ምሳሌ 21÷4
    ይህን ቪዲዮ ለተመለከታችሁ የመላው የኦርቶዶክስ ተዋህዶ እምነት ተከታይ የሆናችሁ ልብ ልትሉት የሚገባችሁ ጉዳይ ዛሬ ላይ በድፍረት ሀጥያት የቤተክርስቲያናችን ታላቁ የፅድቅ ማሳረጊያ የቅድስናችን እንዲሁም የአምላክ ቸርነቱ የሚገለፅበት ታላቁ የፀሎት ስርዓተ ቅዳሴ ሀይማኖቷን ለማንቋሸሽ በሚጥሩ ግለሰቦሽ ሲታወክ እና ሲበጠበጥ ማየት እጅግ የመጨረሻውን የመድህን ዓለም ኢየሱስ ክርስቶስ ፍፃሜ ዓለማት ብሎ ከተናገራቸው ምልክቶች ከፊሎችን መፈፀማቸውን እየተመለከትን ነው። ቅዳሴ ስርዓት በቅዳሴ ፀሎት ምን አይነት ክንዋኔዎች እንዳሉት ማንም ኦርቶዶክስ ክርቲያን የሚያጣው ጉዳይ አይደለም። በየትኛውም የቅድስና መንገድ የፅድቅ ትሩፋት ጎዳና እንደዚህ ያለህ ድፍረት ታይቶ አይታወቅም።በትዕቢት የቅዳሴን ስርዓት መበጥበጥ በፌዘኝነት ከስርዓት ውጭ መሆን የሀጥያት እርሻ ላይ ከሚገኙ ምግባሮች ውስጥ ይካተታሉ። ለዚህ ነው የድፍረት እና የትዕቢት ዓይን ተግሳፅን ትሸሻለች ብሎ ጠቢቡ ሶሎሞን የተናገረው። ቅዱስ ስጋው ክቡር ደሙ በሚፈተትበት ታላቅ የፀሎት ስርዓት ላይ እንዲህ ማድረግ ምን ይሉታል? ይህ ከሰነፎችና ፌዘኞች የሚጠበቅ ምግባር ውጤቱ ምን እንደሆነ አሁንም ጠቢቡ ሶሎሞን ሲናገር"ለፌዘኛ እግዚአብሔር የማይጠገን ስብራት ይሰጠዋል" በማለት በመንፈስ ቅዱስ ተመርቶ ፅፎታል።በአንድ ወቅት በእስክንድሪያ ተፈፅሞ የታየ የድፍረት እና የእብሪት ሀጥያት በዚህ ዘመንም ከቶ መምጣቱ አይገርምም። የፖለቲካን ሀሳብ ለፖለቲከኞች መተው እንዲገባ...መድህን ዓለም ኢየሱስ ክርስቶስ ሲናገር"የእግዚአብሔርን ለእግዚአብሔር የቄሳርን ለቄሳር!" በማለት ድርሻዎችን በመንፈሳዊ ምልከታዎች ተፅህኖ እንዳያሳድሩ ለያይቶ ነግሮናል።ሆኖም እኔ እስከማውቀው ዘመናዊነት ከሚጎትተው በደል አንዱ ልብን በትዕቢት መሙላት ነውና ሁላችንም "አቤቱ አፈር መሆናችንን አስብልን" በማለት በትህትና እና በፍፁም አምልኮ በጌታ እግር ስር እንውደቅ።ስለዚህ በደል እናሳስብ።ኢትዮጵያን በምህረቱ እንዲጎበኝልን የሀይማኖታችንን ፅናት እንዲያጠብቅልን በፅድቅ መንገድ እንዲመራን እንፀልይ። ፈፅሞ የአባቶችን ካህናት ምክር ግሳፄ የማይሰማ በሰማይም ድርሻ እንደሌለው ይህን እወቁ። በሰለጠነ ሀገር መኖር ለመንግስተ ሰማይ ቅርብ መሆን አይደለምና ህዝቡ መንቃት አለበት። ይህን ስርዓተ ቅዳሴ የመሰረተልን እራሱ ባለቤቱ ኢየሱስ ክርስቶስ ነውና የዚህን ስርዓት መበጥበጥ ትርፉ ክርስቶስን አሳልፎ ከሰጠው ከቅዱስ ማዕዱ ቢካፈል እንኳ መጨረሻው ንሰሀ የሌለው የይሁዳ ሞት ነውና እንዳይደርስብን አቤቱ ማረን እንበል።

    ReplyDelete
  8. "ትዕቢተኛ ዓይንና ደፋር ልብ የኃጥአንም እርሻ ኃጥያት ነው!" መ.ምሳሌ 21÷4
    ይህን ቪዲዮ ለተመለከታችሁ የመላው የኦርቶዶክስ ተዋህዶ እምነት ተከታይ የሆናችሁ ልብ ልትሉት የሚገባችሁ ጉዳይ ዛሬ ላይ በድፍረት ሀጥያት የቤተክርስቲያናችን ታላቁ የፅድቅ ማሳረጊያ የቅድስናችን እንዲሁም የአምላክ ቸርነቱ የሚገለፅበት ታላቁ የፀሎት ስርዓተ ቅዳሴ ሀይማኖቷን ለማንቋሸሽ በሚጥሩ ግለሰቦሽ ሲታወክ እና ሲበጠበጥ ማየት እጅግ የመጨረሻውን የመድህን ዓለም ኢየሱስ ክርስቶስ ፍፃሜ ዓለማት ብሎ ከተናገራቸው ምልክቶች ከፊሎችን መፈፀማቸውን እየተመለከትን ነው። ቅዳሴ ስርዓት በቅዳሴ ፀሎት ምን አይነት ክንዋኔዎች እንዳሉት ማንም ኦርቶዶክስ ክርቲያን የሚያጣው ጉዳይ አይደለም። በየትኛውም የቅድስና መንገድ የፅድቅ ትሩፋት ጎዳና እንደዚህ ያለህ ድፍረት ታይቶ አይታወቅም።በትዕቢት የቅዳሴን ስርዓት መበጥበጥ በፌዘኝነት ከስርዓት ውጭ መሆን የሀጥያት እርሻ ላይ ከሚገኙ ምግባሮች ውስጥ ይካተታሉ። ለዚህ ነው የድፍረት እና የትዕቢት ዓይን ተግሳፅን ትሸሻለች ብሎ ጠቢቡ ሶሎሞን የተናገረው። ቅዱስ ስጋው ክቡር ደሙ በሚፈተትበት ታላቅ የፀሎት ስርዓት ላይ እንዲህ ማድረግ ምን ይሉታል? ይህ ከሰነፎችና ፌዘኞች የሚጠበቅ ምግባር ውጤቱ ምን እንደሆነ አሁንም ጠቢቡ ሶሎሞን ሲናገር"ለፌዘኛ እግዚአብሔር የማይጠገን ስብራት ይሰጠዋል" በማለት በመንፈስ ቅዱስ ተመርቶ ፅፎታል።በአንድ ወቅት በእስክንድሪያ ተፈፅሞ የታየ የድፍረት እና የእብሪት ሀጥያት በዚህ ዘመንም ከቶ መምጣቱ አይገርምም። የፖለቲካን ሀሳብ ለፖለቲከኞች መተው እንዲገባ...መድህን ዓለም ኢየሱስ ክርስቶስ ሲናገር"የእግዚአብሔርን ለእግዚአብሔር የቄሳርን ለቄሳር!" በማለት ድርሻዎችን በመንፈሳዊ ምልከታዎች ተፅህኖ እንዳያሳድሩ ለያይቶ ነግሮናል።ሆኖም እኔ እስከማውቀው ዘመናዊነት ከሚጎትተው በደል አንዱ ልብን በትዕቢት መሙላት ነውና ሁላችንም "አቤቱ አፈር መሆናችንን አስብልን" በማለት በትህትና እና በፍፁም አምልኮ በጌታ እግር ስር እንውደቅ።ስለዚህ በደል እናሳስብ።ኢትዮጵያን በምህረቱ እንዲጎበኝልን የሀይማኖታችንን ፅናት እንዲያጠብቅልን በፅድቅ መንገድ እንዲመራን እንፀልይ። ፈፅሞ የአባቶችን ካህናት ምክር ግሳፄ የማይሰማ በሰማይም ድርሻ እንደሌለው ይህን እወቁ። በሰለጠነ ሀገር መኖር ለመንግስተ ሰማይ ቅርብ መሆን አይደለምና ህዝቡ መንቃት አለበት። ይህን ስርዓተ ቅዳሴ የመሰረተልን እራሱ ባለቤቱ ኢየሱስ ክርስቶስ ነውና የዚህን ስርዓት መበጥበጥ ትርፉ ክርስቶስን አሳልፎ ከሰጠው ከቅዱስ ማዕዱ ቢካፈል እንኳ መጨረሻው ንሰሀ የሌለው የይሁዳ ሞት ነውና እንዳይደርስብን አቤቱ ማረን እንበል።

    ReplyDelete
  9. God Bless you. The Board Members who decided on Abune Yacob are people who feel responsibility. They do their job. This is FACT not kind of FICTION or FABRICATED thing that had been written by Abune Yacob supporters/Tehadso Menafekan behind the screen/.
    You supporters of Abune Yacob who have been working in the Board with these people know very well what they have done and are doing know for Atlanta Sealite Mehret Kedest Mariam Ethiopian Orthodox Tewahdo Church and for the Generaton.
    You guys don't want to Witness because you will offend Abune Yacob and supporters although you feel GUILTY.
    WE Read in the Holy Bible which says "SAY YES IF TRUE AND NO IF FALSE". THIS IS WHAT JESUS THOUGHT FOR HIS FOLLOWERS. Why don't you people try to search the TRUTH and stand on the right track and Save yourselves? Religion is different than personality. Let God forgive us all and show us the Truth. AMEN!!!!!!!!

    ReplyDelete